ပုဂံမြို့သူဇာတ်လမ်းတွဲကြောင့် ပုဂံသားဖြစ်ခဲ့ရတဲ့ ဒေါင်း

Thu, 2018-07-12 17:02 -- Nwe Mon Phyo

ဇူလိုင် - ၁၂ ၊၂၀၁၈

အပိုင်း ၂၀ ပါဝင်တဲ့ ပုဂံမြို့သူဇာတ်လမ်းတွဲကြောင့် လေးလလောက် ပုဂံသားဖြစ်ခဲ့ရတယ်လို့လည်း ဇာတ်လမ်းတွဲမှာပါဝင်တဲ့ ဒေါင်းက ဖွင့်ဟလာပါတယ်။

ပုဂံမြို့သူဇာတ်လမ်းတွဲဟာ ပုဂံတစ်မြို့လုံးရဲ့အလှအပတွေနဲ့ အချစ်ဝတ္တုဇာတ်လမ်းတစ်ပုဒ်အပြင် စိတ်ဝင်စားစရာမြှုပ်ကွက်တွေပါဝင်တာကြောင့် ဇာတ်လမ်းတွဲမထုတ်လွှင့်ခင်ကတည်းက ပရိသတ်တွေရဲ့ စိတ်ဝင်စားမှုကို ရရှိနေတာလည်းဖြစ်ပါတယ်။

ဒေါင်းအနေနဲ့ ပုဂံမြို့သူဇာတ်လမ်းတွဲဟာ သူ့ရဲ့ပထမဆုံးဇာတ်လမ်းတွဲဖြစ်တာကြောင့် ပရိသတ်တွေစောင့်မျှော်ရကျိုးနပ်အောင် သရုပ်ဆောင်ထားတယ်လုိ့ ဆိုပါတယ်။

ဒါရိုက်တာ အကယ်ဒမီကျော်သူနဲ့ လက်တွဲရိုက်ကူးရတဲ့အပေါ်မှာလည်း အနုပညာနဲ့ပတ်သက်ပြီး အများကြီးသင်ကြားခွင့်ရသလို ဇာတ်လမ်းတွဲတစ်ခုလုံးကို အာရုံစူးစိုက်ပြီး သရုပ်ဆောင်ထားတယ်လို့ ဒေါင်းကပြောပါတယ်။

ပုဂံမြို့သူ ဇာတ်လမ်းတွဲကို MRTV – 4 ရုပ်သံလိုင်းကနေ ထုတ်လွှင့်မှာဖြစ်ပြီး သရုပ်ဆောင် ဒေါင်း၊ ထူးအောင်၊ မေမြင့်မိုရ်နဲ့ တခြားအနုပညာရှင်များစွာက ပါဝင်သရုပ်ဆောင်ထားပါတယ်။

ရုပ်သံသတင်းထောက် - အေးမြတ်

Thursday, July 12, 2018