မြန်မာနိုင်ငံမြေပုံကိုလူသုံးထောင်ကျော်နဲ့ပုံဖော်တာဂင်းနစ် စံချိန်သစ်တင်

Wed, 2018-02-14 11:12 -- zaythu

မြန်မာနိုင်ငံ မြေပုံကို လူအင်အားသုံးထောင်ကျော်နဲ့ ပုံဖော်လိုက်တာဟာ ဂင်းနစ်စံချိန်သစ်အဖြစ် မှတ်တမ်းဝင်သွားပြီလို့  ဂင်းနစ်အဖွဲ့ကြီးက ထုတ်ပြန်လိုက်ပါတယ်။
 
လူအင်အားအများဆုံးနဲ့ နိုင်ငံတစ်ခုရဲ့ မြေပုံ ဒါမှမဟုတ် တိုက်တစ်ခုရဲ့ မြေပုံကို စုပေါင်းပုံဖော်ရာမှာ အရွယ်အစားအကြီးဆုံး ကမ္ဘာ့စံချိန်သစ် မှတ်တမ်းဝင်သွားတာပါ။
 
အဲဒီလို မြန်မာနိုင်ငံမြေပုံကို လူအင်အားသုံးထောင်ကျော်နဲ့ ပုံဖော်တာကိုတော့ ဖေဖော်ဝါရီလ  ၁၂ ရက်က မကွေးမြို့ မှာပြုလုပ်ခဲ့တာဖြစ်ပြီး တယ်လီနောမြန်မာကဦးဆောင်ခဲ့တာဖြစ်ပါတယ်။
 
ပြီးခဲ့တဲ့ ၂၀၁၆ ခုနှစ်က ဗြိတိန်နိုင်ငံမှာ လူဦးရေ ရှစ်ရာကျော်က အာဖရိက တိုက်ပုံစံပုံဖော်ခဲ့ကာ  ကမ္ဘာ့ဂင်းနစ် စံချိန်တင်ထားခဲ့တာဖြစ်ပြီး အဲဒီစံချိန်ကို ချိုးနိုင်ဖို့ မြန်မာနိုင်ငံ မြေပုံကို လူဦးရေ သုံးထောင်ကျော်နဲ့ပုံဖော်ခဲ့တာလို့သိရပါတယ်။

Tuesday, February 13, 2018