ရာစုနှစ်တစ်ခုကျော်ကြာ ရပ်တည်ခဲ့ရတဲ့ ပြင်သစ် ဆက်ဆိုဖုန်း ကုမ္ပဏီပိုင်ဆိုင်မှုအပြောင်းအလဲဖြစ်

Sat, 2018-01-20 12:08 -- zaythu

ကမ္ဘာမှာ အကောင်းဆုံးလို့ သတ်မှတ်ခဲ့ရတဲ့ ဆက်ဆိုဖုန်းတွေ ထုတ်လုပ်နေတဲ့ မိသားစုပိုင် ပြင်သစ်ကုမ္ပဏီဟာ ရာစုနှစ် တစ်ခုကျော်ကြာ ရပ်တည်လာခဲ့ပြီးတဲ့နောက်မှာတော့ လုပ်ငန်းကို ရင်းနှီးမြုပ်နှံမှု ကုမ္ပဏီ တစ်ခုဆီ လွှဲပြောင်းဖို့ပြင်ဆင် ထားပါတယ်။

Henri Selmer Paris ကုမ္ပဏီဟာ ကမ္ဘာ့အကောင်းဆုံး ဆက်ဆိုဖုန်းထုတ်လုပ်တဲ့ ကုမ္ပဏီတွေထဲက တစ်ခုဖြစ်ပြီးတော့ အဲဒီကုမ္ပဏီရဲ့ ခေတ်ဟာ အဆုံးသတ်ချိန်ကို ရောက်လာပြီဖြစ်ပါတယ်။

အဲဒီကုမ္ပဏီက ထုတ်လုပ်တဲ့ ဆက်ဆိုဖုန်းတွေကိုနာမည်ကြီး ဂျက်ဂီတပညာရှင် တွေက အသုံးပြုခဲ့ပြီး အာကာသ ထဲမှာတောင် အသုံးပြု ခဲ့ဖူးပါတယ်။

ကုမ္ပဏီကို တည်ထောင်သူရဲ့မြေးဖြစ်သူ လက်ရှိ အမှုဆောင်အရာရှိချုပ်က အထူသဖြင့် တရုတ်အပါအဝင် နိုင်ငံရပ်ခြားမှာ ပြိုင်ဆိုင်မှုတွေပြင်းထန်းလာတာကြောင့် ကုမ္ပဏီရဲ့အနာဂတ်ကို သေချာစေချင်တယ်လို့ ပြောပါတယ်။

အဲဒီကုမ္ပဏီဟာ ၁၈၈၅ ခုနှစ်မှာ တည်ထောင်ခဲ့တာဖြစ်ပြီး အစဉ်အဆက် နည်းပညာကို ပြည့်စုံအောင်လုပ်နိုင်ခဲ့ပေမယ့် ပိုင်ရှင်သစ်ဖြစ်လာမယ့် ရင်းနီးမြုပ်နှံမှု ကုမ္ပဏီလက်ထက်မှာတော့ အပြောင်းအလဲတွေ အများကြီးဖြစ်လာနိုင်တယ်လို့ဆိုပါတယ်။

Saturday, January 20, 2018