ကြားဖြတ်ရွေးကောက်ပွဲကို လူထုစိတ်ဝင်စားမှုနည်းတယ်လို့ အစီရင်ခံစာတွေက ဖော်ပြ

Mon, 2017-07-17 17:59 -- zaythu
၂၀၁၇ကြားဖြတ်ရွေးကောက်ပွဲဟာ ၂၀၁၅ အထွေထွေရွေးကောက်ပွဲနဲ့နှိုင်းယှဉ်ရင် ပြည်သူလူထုရဲ့ စိတ်ဝင်စားမှုကနည်းတာကို တွေ့ရတယ်လို့ စောင့်ကြည့်လေ့လာရေးအဖွဲ့တွေက ထုတ်ပြန်လိုက်ပါတယ်။ ဒီကနေ့ ဇူလိုင်၁၇ရက်နေ့မှာ ၂၀၁၇ကြားဖြတ်ရွေးကောက်ပွဲစောင့်ကြည့်ခဲ့တဲ့ အဖွဲ့၃ခုက အပြီးသတ်အစီရင်ခံစာကို ထုတ်ပြန်လိုက်တာ ဖြစ်ပါတယ်။
 
အဲဒီ့အစီရင်ခံစာမှာ ပြည်ထောင်စုရွေးကောက်ပွဲကော်မရှင်ရဲ့ ဆောင်ရွက်မှုတွေက ကဏ္ဍအများစုမှာ အဆင်ပြေပေမယ့် လိုအပ်မှုတွေတော့ရှိနေသေးတယ်လို့ ဖော်ပြထားတာပါ။ အပြီးသတ် အစီရင်ခံစာကို ငြိမ်းချမ်းမျှတလူမှုအဖွဲ့အစည်း၊ ဒါန-ရှေ့ဆောင်မြန်မာ၊ အောက်ချင်းလူမှု အဖွဲ့အစည်းတို့က ပူးပေါင်းစောင့်ကြည့်ပြီး ထုတ်ပြန်တာဖြစ်ပါတယ်။
 
အဲဒီ့အစီရင်ခံစာမှာ သုံးသပ်ချက်တွေ၊ ပြည်ထောင်စု ရွေးကောက်ပွဲကော်မရှင်ကို အကြံပြုချက်တွေ၊ နိုင်ငံရေးပါတီနဲ့ အရပ်ဖက် အဖွဲ့အစည်းတွေကို အကြံပြုချက်တွေ ပါဝင်တယ်လို့ သိရပါတယ်။
 
 
ရုပ်သံသတင်းထောက် - အိမ့်မြတ်နိုးဇော်
Monday, July 17, 2017