ပုဒ်မ ၆၆(ဃ)အပါအဝင် ဆက်သွယ်ရေးဥပဒေပြင်ဆင်ရေး မုံရွာတွင် ငြိမ်းချမ်းစွာတောင်းဆို

ပုဒ်မ ၆၆(ဃ)အပါအ၀င် ဆက်သွယ်ရေးဥပဒေပြင်ဆင်ရေး မုံရွာတွင် ဆန္ဒထုတ်ဖော်နေစဉ် (ဓာတ်ပုံ − မျိုးမင်းဦး)

 ပုဒ်မ ၆၆(ဃ)အပါအဝင် ဆက်သွယ်ရေးဥပဒေ ပြင်ဆင်ရေးမုံရွာမြို့ရှိ အရပ်ဘက်လူမှုအဖွဲ့အစည်းများနှင့် သတင်းမီဒီယာများစုပေါင်းကာ ဆက်သွယ်ရေးဥပဒေပြင်ဆင်ရေး ပူးပေါင်းလှုပ်ရှားမှုအဖွဲ့ (မုံရွာ)က ဦးဆောင်၍ ဇွန်လ ၁၈ ရက်တွင် လူအင်အား ၁၀၀ ခန့်ဖြင့် ငြိမ်းချမ်းစွာ တောင်းဆိုခဲ့ကြသည်။

ယခု အစီအစဉ်အတွက် သက်ဆိုင်ရာ ခွင့်ပြုချက်ဖြင့် တောင်းဆိုခဲ့ခြင်းဖြစ်ကြောင်း ဦးဆောင်သူ ဦးစိုးဝင်းဆွေက  ပြောသည်။

ဖွဲ့စည်းပုံအခြေခံဥပဒေ ပုဒ်မ ၃၅၄ (က)တွင် ပါရှိသော နိုင်ငံသားများ လွတ်လပ်စွာထုတ် ဖော်ပြောဆိုခွင့်ကို ခြိမ်းခြောက်နေခြင်းဖြစ်ပြီး လူ့အခွင့်အရေးကြေညာစာတမ်းအပိုဒ် ၁၆  တွင်ပါရှိသော နိုင်ငံသားများ၏ လွတ်လပ်စွာထင်မြင်ယူဆပိုင်ခွင့်၊ ထုတ်ဖော်ပြောဆိုပိုင်ခွင့်ကို ကန့်သတ်ထားသည့်သဘော သက်ရောက်နေခြင်းကြောင့် ပုဒ်မ ၆၆(ဃ)အပါ အဝင် ဆက်သွယ်ရေးဥပဒေပြင် ဆင်ရေး တောင်းဆိုရခြင်းဖြစ်ကြောင်း ၎င်းက ဆိုသည်။

‘‘သတင်းသမားတွေမှ မဟုတ်ဘူး ဆက်သွယ်ရေးဥပဒေ ပုဒ်မ ၆၆(ဃ)က သာမန်လူတစ် ယောက်အနေနဲ့ ကိုယ့်ဆန္ဒကိုယ် ထုတ်ဖော်တယ်ဆိုခဲ့ရင်တောင်မှ တစ်ဖက်က ပြောဆိုခံရတဲ့သူက မကျေနပ်ဘူးဆိုရင် (ဒါမှမဟုတ်) ပြောဆိုခံရသူတိုက်ရိုက်မဟုတ် ဘဲ အခြားတစ်ယောက်က ကြား ထဲကနေ မကျေနပ်သူက တရား စွဲဆိုတဲ့ကိစ္စတွေရှိတယ်။ တရားစွဲ ဆိုခံရရင်လည်း အာမခံရတာ တော်တော်နည်းပါတယ်။ အာမခံ ပေးခြင်း၊ မပေးခြင်းက ဘယ်ပေါ် မှာ မူတည်သလဲဆိုတာ အားလုံး အသိပါ။ တချို့ကိစ္စတွေမှာ အာမခံရပြီး တချို့ကိစ္စတွေမှာ အာမခံမရဘူးဆိုတာ ဒီဟာကို ဝေဖန်သုံးသပ်တာတွေလည်း ရှိနေပါ တယ်။  ဒါက သတင်းမီဒီယာတွေသာမက အွန်လိုင်းအပါအဝင် ဆက်သွယ်ရေးပစ္စည်းသုံးစွဲသူ အားလုံးကို တိုက်ရိုက်ခြိမ်းခြောက် နေသလိုဖြစ်နေတယ်’’ဟု မုံရွာ ဂေဇက်သတင်းဂျာနယ် အယ်ဒီ တာချုပ် တည်ကြည်အေးက ပြောသည်။

ပုဒ်မ ၆၆(ဃ)အပါအဝင် ဆက်သွယ်ရေးဥပဒေပြင်ဆင်ရေး ငြိမ်းချမ်းစွာ တောင်းဆိုကြသူများသည် မုံရွာမြို့ ပြည်သူ့အားကစားကွင်းရှေ့ ဗိုလ်ချုပ်လမ်းတွင် စုရပ်အဖြစ် ဆောင်ရွက်ပြီး ရုံးကြီးလမ်း (တမာတန်းလမ်း ဆုံ)-ဘူတာလမ်း-ဗိုလ်ချုပ်အောင်ဆန်းကြေးရုပ်- ဗိုလ်ချုပ်လမ်း- ပြည်သူ့အားကစားကွင်းရှေ့အထိ ငြိမ်းချမ်းစွာ စီတန်းလှည့်လည်၍ တောင်းဆိုခဲ့ခြင်းဖြစ်သည်။ 

ဆက်သွယ်ရေးဥပဒေပြင် ဆင်ရေး ချက်ချင်းဆောင်ရွက် ပေး၊ ပြည်သူကို ဖိနှိပ်နေတဲ့ ဥပဒေ အလိုမရှိ၊ ပုဒ်မ ၆၆(ဃ) ဖျက် သိမ်းရေး ချက်ချင်းဆောင်ရွက် ပေး၊ လွတ်လပ်စွာရေးသားထုတ် ဖော်ပြောဆိုခွင့်ရရှိရေး၊ မီဒီယာ ဖိနှိပ်မှု အလိုမရှိ စသည့်ကြွေး ကြော်သံများဖြင့် တောင်းဆိုခဲ့ သည်။