တက္ကသိုလ်ဝင်တန်းစာမေးပွဲ အောင်စာရင်း ဇွန် လ ၁၇ ရက် ထွက်မည်

၂၀၁၇ခုနှစ် မတ်လတွင် ဖြေဆိုခဲ့သော တက္ကသိုလ်ဝင်စာမေးပွဲ အောင်စာရင်းကို ဇွန်လ ၁၇ ရက်၊ နံနက် ၆ နာရီတွင် ထုတ်ပြန်ကြေညာမည်ဖြစ်ကြောင်း သိရသည်။

“ဇွန် ၁၇ ရက် အောင်စာရင်းထွက်ပါမယ်။ စာစစ်ဌာနတွေအပြင် နှစ်စဉ်တစ်နိုင်ငံလုံးစာရင်း ကပ်နေကျ ကျောင်းတွေမှာလည်း ကြည့်လို့ရသလို နံနက် ၆နာရီကစပြီး စာစစ်ဦးစီး ဝက်ဘ်ဆိုက်မှာလည်း တင်ထားပေးပါမယ်”ဟု မြန်မာနိုင်ငံစာစစ်ဦးစီးဌာန ညွှန်ကြားရေးမှူးချုပ် ဦးမျိုးညွန့်က ပြောသည်။

တက္ကသိုလ်ဝင်တန်းစာမေးပွဲ အောင်စာရင်းများကို သက်ဆိုင်ရာ မြို့နယ်အသီးသီးရှိ စာစစ်ဌာနကျောင်းများတွင် ထုတ်ပြန်ပေးမည်ဖြစ်သည်။