၂၁ ရာစုပင်လုံညီလာခံဒုတိယအစည်းအဝေး မေလ ၁၉ ရက်ကစ၍ ငါးရက်ကြာ ကျင်းပမည်

၂၀၁၆ သြဂုတ်လကုန်က ကျင်းပခဲ့သည့် ၂၁ ရာစုပင်လုံညီလာခံကို တွေ့ရစဉ် (ဓာတ်ပုံ − စိုင်းဇော်)

ပြည်ထောင်စုငြိမ်းချမ်း ရေးညီလာခံ-၂၁ ရာစုပင်လုံဒုတိ ယအစည်းအဝေးကို မေလ ၁၉ ရက်က စတင်၍ ငါးရက်ကြာကျင်း ပမည်ဖြစ်ကြောင်း အစိုးရနှင့် တိုင်း ရင်းသားလက်နက်ကိုင်အဖွဲ့ ကိုယ်စားလှယ်များက ပြောသည်။ ‘‘အခု နှစ်ဖက်အဆိုတင်ထား တာပေါ့ဗျာ။ မေလ ၁၉ ရက်ပေါ့။ ဒီတစ်ခါတော့ ၂၁ ရာစုပင်လုံ ပြည်ထောင်စုငြိမ်းချမ်းရေးညီလာ ခံကို လုပ်မယ်ဆိုရင် ကျေကျေ လည်လည် ဆွေးနွေးနိုင်အောင် ငါးရက်တော့ လျာထားပါတယ်’’ ဟု ပအိုဝ်းတိုင်းရင်းသားလက် နက်ကိုင်အဖွဲ့ (PNLO) ဦးဆောင် နာယက ဗိုလ်မှူးကြီး ခွန်ဥက္ကာက ပြောသည်။ 

၂၁ ရာစုပင်လုံညီလာခံကို မေလ ၁၉ ရက်တွင် စတင်ကျင်း ပရန် တရားဝင်အတည်ပြုမှုကို နှစ်ဖက်ထိပ်သီးခေါင်းဆောင်များ ပါဝင်မည့် NCA အကောင်အထည်ဖော်မှုဆိုင်ရာ အစည်းအဝေး JICMတွင် တရားဝင်အတည်ပြုမည်ဖြစ် သည်။ JICM အစည်းအဝေးကို ဧပြီ ၂၄ ရက်တွင် နေပြည်တော်၌ ကျင်းပမည်ဖြစ်သည်။ 

‘‘မနက်ဖြန်အစည်းအဝေး မှာ သတ်မှတ်မှာ။ အဲဒီ ၁၉ ရက် ကို သတ်မှတ်မှာ။ ငါးရက်ကျင်းပ မှာပါ’’ဟု သမ္မတရုံးပြောရေးဆို ခွင့်ရှိသူ ဦးဇော်ဌေးက ဧပြီ ၂၃ ရက်တွင် ပြောသည်။ 

အစိုးရနှင့် တိုင်းရင်းသား လက်နက်ကိုင်ရှစ်ဖွဲ့တို့သည် သမ္မတဟောင်း ဦးသိန်းစိန်အစိုးရ လက်ထက် ၂၀၁၅ အောက်တိုဘာက တစ်နိုင်ငံလုံး အပစ်ရပ်စာချုပ် (NCA) လက်မှတ်ထိုးပြီးနောက် ပထမဆုံးအကြိမ် ပြည်ထောင်စု ငြိမ်းချမ်းရေးညီလာခံကို ၂၀၁၆ ဇန်နဝါရီတွင် ကျင်းပခဲ့သည်။ အစိုးရသစ်လက်ထက်တွင် ပြည် ထောင်စုငြိမ်းချမ်းရေးညီလာခံ- ၂၁ ရာစုပင်လုံဟုသတ်မှတ်ကာ ၂၀၁၆ သြဂုတ်လကုန်၌ ညီလာခံပထမအစည်းအဝေးကျင်းပခဲ့ ပြီး ခြောက်လတစ်ကြိမ်ကျင်းပရန် သတ်မှတ်ခဲ့သည်။ သို့ရာတွင် အ ကြောင်းအမျိုးမျိုးကြောင့် သတ် မှတ်ထားသည့် ၂၀၁၇ ဖေဖော်ဝါရီတွင် ဒုတိယအစည်းအဝေးကျင်းပ နိုင်ခြင်းမရှိခဲ့ဘဲ ယခုမှသာ ကျင်းပ မည့်ရက်ကို အစိုးရနှင့် NCA လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့များအ ကြား သဘောတူညီခဲ့ခြင်းဖြစ် ကြောင်း သိရသည်။ 

NCA အရ ကျင်းပခဲ့သည့် ညီလာခံနှစ်ကြိမ်စလုံးတွင် မည် သည့်သဘောတူညီချက်မျှ ချမှတ် နိုင်ခြင်းမရှိ၍ လာမည့်ငြိမ်းချမ်း ရေးညီလာခံ၌ နိုင်ငံရေးနှင့် ပတ် သက်သည့် မူဝါဒပိုင်းဆိုင်ရာ သဘောတူညီမှုချမှတ်နိုင်ရေး အစိုးရနှင့် NCA လက်မှတ်ရေးထိုးထား သည့် တိုင်းရင်းသားအဖွဲ့များက ကြိုးစားနေသည်။ ယင်းသို့ ဆုံးဖြတ်ချက်များချမှတ်နိုင်ရေး အမျိုးသားအဆင့် နိုင်ငံရေးဆွေးနွေးပွဲ များကို ၂၀၁၇ ဇန်နဝါရီက စတင် ကျင်းပခဲ့ရာ လက်ရှိတွင် ကရင်၊ ချင်း၊ ပအိုဝ်းလူမျိုးအလိုက် အမျိုးသားအဆင့် နိုင်ငံရေးဆွေးနွေး ပွဲများ၊ တနင်္သာရီနှင့် ပဲခူးတိုင်း ဒေသအလိုက် အမျိုးသားအဆင့် နိုင်ငံရေးဆွေးနွေးပွဲများ ကျင်းပပြီး ဖြစ်သည်။ 

ရှမ်းပြည်နယ်ဒေသအလိုက် အမျိုးသားအဆင့် နိုင်ငံရေးဆွေး နွေးပွဲကိုလည်း ဧပြီ ၂၃ ရက်က စတင်ကျင်းပနေသည်။