အစိုးရအနေနှင့် ရခိုင်မှာ လုပ်နိုင်တာ နည်းနည်းလေးပဲရှိဟု အမျိုးသားလုံခြုံရေးအကြံပေးပုဂ္ဂိုလ်ပြော

ဓာတ်ပုံ-ငြိမ်ငြိမ်းပြည့်

အစိုးရအနေဖြင့် ရခိုင်ပြည်နယ်အရေးကိုင်တွယ်ရာတွင် အကန့်အသတ်များရှိနေပြီး လုပ်ဆောင်နိုင်သည့်အရာ အနည်းငယ်သာရှိကြောင်း အမျိုးသားလုံခြုံရေးအကြံပေးပုဂ္ဂိုလ်က ယနေ့ (ဧပြီ ၁၁)ရက် NRPC ၌ ပြောကြားခဲ့သည်။ အမျိုးသားလုံခြုံရေးအကြံပေးပုဂ္ဂိုလ်ဦးသောင်းထွန်းသည် ရခိုင်ပြည်နယ်ရှိ လတ်တလောဖြစ်ပေါ်တိုးတက်မှုအခြေအနေများအား နိုင်ငံတကာသံတမန်များကို ရှင်းလင်းပြောကြားသည့်တွေ့ဆုံပွဲတွင် ထိုကဲ့သို့ ပြောကြားခဲ့ခြင်းဖြစ်သည်။

“ကျွန်တော်တို့ပြည်သူတွေကို စောင့်ရှောက်ဖို့ ကျွန်တော်တို့ကြိုးပမ်းအားထုတ်မှုကို နှစ်ဆတိုးလုပ်ဆောင်ပါမယ်။ ဒါပေမယ့်လည်း ရခိုင်မှာတော့ ကျွန်တော်တို့လုပ်နိုင်တာ နည်းနည်းလေးပဲ ရှိပါတယ်။” ဟု အမျိုးသားလုံခြုံရေးအကြံပေးပုဂ္ဂိုလ် ဦးသောင်းထွန်းကပြောသည်။ ၎င်းက “ရခိုင်ပြည်နယ်အရေးအတွက် ကျွန်တော်လုပ်နိုင်တာကို လုပ်နေမယ့်လည်း ကျွန်တော်တို့မှာ အကန့်အသတ်တွေရှိတယ်။” ဟု ဆိုသည်။ မကြာသေးမီက သတင်းထောက်အနည်းငယ်ကို မောင်တောဒေသသို့ ဝင်ရောက်သတင်းယူခွင့်ပေးခဲ့ခြင်းကို အမျိုးသားလုံခြုံရေးအကြံပေးပုဂ္ဂိုလ်က ထောက်ပြပြီး သတင်းမီဒီယာများအနေဖြင့် လွတ်လွတ်လပ်လပ်သတင်းယူခွင့်ရှိသည်ဟု ဆိုသည်။ နိုင်ငံတကာကြက်ခြေနီအဖွဲ့ကြီး (ICRC)က ရခိုင်ရှိ အကျဉ်းထောင်များကို ဝင်ရောက်လေ့လာခွင့်တောင်းခံထားမှုကို မြန်မာအစိုးရက သဘောတူခွင့်ပြုလိုက်ပြီဖြစ်ကြောင်း ဦးသောင်းထွန်းက အတည်ပြုသည်။

နိုင်ငံသားစိစစ်မှုလုပ်ငန်းစဉ်ကို ရှင်းလင်းပြခဲ့ပြီး အစိုးရအနေဖြင့် ထိုစိစစ်မှုတွင် ရခိုင်ရှိအသိုက်အဝန်းများ၏ ပူးပေါင်းဆောင်ရွက်မှုကို လိုအပ်နေကြောင်း ၎င်းကဆိုသည်။ ကနဦးတွင် လူများသည် နိုင်ငံသားစိစစ်မှုလုပ်ငန်းစဉ်၌ ပါဝင်လိုစိတ်ရှိကြသော်လည်း ယခုနောက်ပိုင်းတွင်မူ စိတ်အားထက်သန်မှုနည်းလာကြောင်း ၊ ယင်းသို့ဖြစ်ရခြင်းမှာ အဖွဲ့အချို့၏ကြားဝင်မှုကြောင့် ဖြစ်ကြောင်း ၎င်းကဝေဖန်သည်။ ရခိုင်တွင် နိုင်ငံသားစိစစ်မှုလုပ်ငန်းစဉ်ရှေ့ဆက်နိုင်ရေးအတွက် အစိုးရအနေဖြင့် အလွန်ခက်ခက်ခဲခဲကြိုးပမ်းနေရသည်ဟု ၎င်းကဆိုသည်။

လက်ရှိအချိန်တွင် အကျဉ်းဦးစီးဌာနနှင့် ICRC တို့သည် ခရီးစဉ်နှင့်ပတ်သတ်၍ အသေးစိတ်ညှိနှိုင်းနေကြသည်ဟု ဆိုသည်။ မြန်မာအနေဖြင့် နိုင်ငံတကာအသိုက်အဝန်း၏ပူးပေါင်းမှုနှင့်အကူအညီကို လိုအပ်နေပြီး အတားအဆီး ဆူးညှောင့်ခလုတ်များကို မလိုအပ်ဟု ၎င်းကဆိုသည်။ ရခိုင်ပြည်နယ်တွင်လုံခြုံရေးတပ်ဖွဲ့ဝင်များက လူ့အခွင့်အရေးချိုးဖောက်ကြောင်း နိုင်ငံတကာစွပ်စွဲချက်များမှာ အင်မတန်ပြင်းထန်သလို မြန်မာအစိုးရအနေဖြင့်လည်း အလေးအနက်ထားကြောင်း ၎င်းကဆိုသည်။ ကုလသမဂ္ဂလူ့အခွင့်အရေးကောင်စီ၏ မြန်မာဆိုင်ရာဆုံးဖြတ်ချက်မှာ အပြုသဘောဆောင်မှုနည်းခြင်း ၊ ရခိုင်အခြေအနေကိုတည်ငြိမ်အောင်နှင့် ဇစ်မြစ်ဖော်ထုတ်နိုင်အောင်ဆောင်ရွက်နေသော အစိုးရ၏ကြိုးပမ်းဆောင်ရွက်မှုအပေါ် ထည့်သွင်းစဉ်းစားမှု မရှိခြင်း စသည်တို့ကြောင့် မြန်မာအစိုးရက လက်မခံခြင်းဖြစ်ကြောင်း ၎င်းကပြောသည်။

“ဥပဒေချိုးဖောက်လုပ်ဆောင်ကြောင်း ခိုင်လုံတဲ့သက်သေရှိတဲ့အခါ ကျွန်တော်တို့ ဥပဒေနဲ့အညီ ထိထိရောက်ရောက်အရေးယူပါမယ်။”ဟု ဦးသောင်းထွန်းကပြောသည်။ မကြာသေးမီက ဘီဘီစီသတင်းဌာနနှင့်အင်တာဗျူးတွင် ဒေါ်အောင်ဆန်းစုကြည်ပြောခဲ့သော မွတ်စလင်များကို လူမျိုးတုန်းသတ်ဖြတ်မှုမရှိဟူသော စကားကိုလည်း အမျိုးသားလုံခြုံရေးအကြံပေးပုဂ္ဂိုလ်က ထပ်လောင်းပြောသည်။ ဘင်္ဂလားဒေ့ရ်ှဘက်ခြမ်းသို့ ထွက်ပြေးတိမ်းရှောင်နေခဲ့ရသော ရိုဟင်ဂျာများ ပြန်လာပါက ၎င်းတို့ကို ကြိုဆိုမည် ၊ လုံခြုံမှုရှိမည်ဟုလည်း ဦးသောင်းထွန်းကပြောသည်။ တပ်မတော်အနေဖြင့် စစ်တပ်လိုက်နာရမည့်ကျင့်ဝတ်ဘောင်ရှိပြီး မုဒိမ်းကျင့်ခြင်း ၊ တိုက်ခိုက်လုယက်ခြင်း ၊ နှိပ်စက်ညှင်းပန်းခြင်းတို့ကို ကျူးလွန်ခွင့်မရှိကြောင်း ၎င်းကဆိုသည်။

တချိန်တည်းမှာပင် အစိုးရအနေဖြင့် ရခိုင်ပြည်နယ်အခြေအနေနှင့်ပတ်သတ်၍ မေ့လျော့မထားဘဲ သက်ဝင်လှုပ်ရှားလျက်ရှိကြောင်း ၊ အရင်းအမြစ်ဆိုင်ရာအကန့်အသတ်များကြောင့် ပြဿနာများရှိကြောင်း ၊ အစိုးရအနေဖြင့် ရေရှည်ခံမည့်ဖြေရှင်းနည်းများကို ရှာဖွေရန် ကတိပေးပြီးဆောင်ရွက်နေကြောင်း ၎င်းကဆိုသည်။ အပြစ်မဲ့အရပ်သားများကို အကြမ်းဖက်သမားများက သတ်ဖြတ်ခြင်းဟူသော ခေါင်းစဉ်ဖြင့် ဗီဒီယိုဖိုင်များကိုလည်း ဦးသောင်းထွန်းက ဖွင့်ပြခဲ့ပြီး ယင်းဖိုင်များ၌ အကြမ်းဖက်သမားများက ရခိုင်ပြည်နယ်တွင် တိုက်ခိုက်မှုများလုပ်ဆောင်မည်ဟုပြောကြားနေမှုများ ပါဝင်သည်။ 
 ဒေါ်အောင်ဆန်းစုကြည်ဦးဆောင်သော ရခိုင်ပြည်နယ်ဆိုင်ရာဗဟိုကော်မတီသည် ပြီးခဲ့သည့်ဘဏ္ဍာနှစ်အတွင်း ရခိုင်ပြည်နယ်ဖွံ့ဖြိုးရေးအတွက် ရန်ပုံငွေ အမေရိကန်ဒေါ်လာ သန်း ၁၄၀ကို မတည်ခဲ့ပြီး ကျန်းမာရေးစောင့်ရှောက်မှု ၊ ပညာရေး ၊ သက်မွေးဝမ်ကြောင်း သင်တန်းကျောင်းများ ၊ အခြေခံအဆောက်အအုံဖွံ့ဖြိုးရေး ၊ လျှပ်စစ်ဓာတ်အား စသည်တို့အတွက် ဦးစားပေးလုပ်ခဲ့သည်ဟု ဆိုသည်။