ပထမဆုံး အီလက်ထရွန်နစ် ထီစနစ်သစ် လုပ်ကိုင်နိုင်မည့် ကုမ္ပဏီကို တင်ဒါခေါ်ယူမည်

မြန်မာနိုင်ငံ၌ ပထမဆုံးစတင်မည့် အီလက်ထရွန်နစ် ထီ(E-Lottery)စနစ်သစ် ဖွင့်လှစ်လုပ်ကိုင်မည့် ကုမ္ပဏီကို ယခုနှစ်အတွင်း တင်ဒါခေါ်ယူရွေးချယ်မည်ဟု ပြည်တွင်းအခွန်များ ဦးစီးဌာန ညွှန်ကြားရေးမှူးချုပ် ဦးမင်းထွဋ်က ပြောသည်။

စီမံကိန်းနှင့် ဘဏ္ဍာရေးဝန်ကြီးဌာနသည် အီလက်ထရွန်နစ် ထီကို တင်ဒါအောင်မြင်သော ကုမ္ပဏီနှင့် ယခုနှစ်ကုန်ပိုင်း၌ စတင်လုပ်ဆောင်ရန် မျှော်မှန်းထားပြီး ရှေ့ပြေးလုပ်ငန်းများကို လပိုင်းအတွင်းစတင်မည်ဟု ၎င်းက ပြောသည်။

အီလက်ထရွန်နစ်ထီစနစ် လုပ်ကိုင်ရန် ပြည်ပမှ ကျွမ်းကျင်ပညာရှင်ကို ခြောက်လအတွင်း ငှားရမ်းမည်ဟု ဦးမင်းထွဋ်က ပြောသည်။

‘‘Expert ငှားရမ်းဖို့အတွက် လာရောက်ဆက်သွယ်ကမ်းလှမ်းထားတာတွေ ရှိပါတယ်။ E- Lottery နဲ့ ပတ်သက်လို့ တင်ဒါ ခေါ်ယူတာ၊ ရွေးချယ်တာတွေကို Expert ရဲ့ အကြံပြုချက်အတိုင်း သွားရမှာဆိုတော့ သူ့ကိုငှားရမ်း ပြီးမှ ကျန်တာတွေ ဆက်လုပ်ရမှာ ဖြစ်ပါတယ်။ နှစ်ကုန်ပိုင်းလောက်မှာ တင်ဒါအောင်တဲ့ ကုမ္ပဏီလည်း ရွေးပြီးမှာဖြစ်ပြီး လုပ်ငန်းစတင်ဖို့အတွက်လည်း တစ်ဆက်တည်း ဆက်လုပ်သွားမှာပါ’’ ဟု ၎င်းက ပြောသည်။

အီလက်ထရွန်နစ်ထီစနစ် ကို နိုင်ငံတကာမှ နည်းပညာကုမ္ပဏီများက ၀င်ရောက်လုပ်ကိုင်ခွင့်ရရန် စိတ်ဝင်စားမှုများ ရရှိထားသည်ဟု ဆိုသည်။

လက်ရှိ ထီလက်မှတ်စနစ် တွင် ထီထိုးသူများသည် သတ်မှတ်ထီလက်မှတ်ခနှုန်းထက်ပို၍ ၀ယ်ယူကံစမ်းရပြီး ထီကံစမ်းလိုသည့်ဂဏန်းကို စိတ်ကြိုက်ရွေးချယ်ခွင့်မရှိခြင်းစသည့် အားနည်းချက်များကြောင့် အီလက်ထရွန် နစ်ထီစနစ် ကျင့်သုံးနိုင်ရန် ၂၀၁၅ ကတည်းက ပြင်ဆင်နေသည်။

အီလက်ထရွန်နစ်ထီသည် ထီကံစမ်းလိုသူက ကြိုက်နှစ်သက်ရာ ဂဏန်းကို ကျသင့်နှုန်းထားအတိုင်း စိတ်ကြိုက်ရွေးချယ်ကံ စမ်းခွင့်ရရှိမည်ဖြစ်ပြီး ထီဖွင့်လှစ်မှု အကြိမ်အရေအတွက်ကို တစ်လလျှင် တစ်ကြိမ်ထက်ပို၍ ဖွင့်လှစ်နိုင်သည့် အားသာချက် များရှိသည်။

အဆိုပါ ထီဖွင့်လှစ်မှုပုံစံသည်ကျင့်သုံးသည့် ကုမ္ပဏီတစ်ခု နှင့် တစ်ခုကွာခြားမည်ဖြစ်၍ တင်ဒါရွေးချယ်ပြီးမှသာ ကုမ္ပဏီ၏ တင်ပြချက်အပေါ် မူတည်ကာ မည်သည့်ပုံစံဖြင့် ဖွင့်လှစ်ဆောင်ရွက်မည်ကို သိရမည်ဖြစ်ကြောင်း အောင်ဘာလေသိန်းဆုဌာန အကြီးတန်းအရာရှိတစ်ဦးက ပြော သည်။

နိုင်ငံတကာတွင် အီလက်ထရွန်နစ်ထီကို ကျင့်သုံးနေသည်မှာ ကြာမြင့်နေပြီဖြစ်သော်လည်း မြန်မာနိုင်ငံ၌ တစ်လလျှင်တစ်ကြိမ် ဖွင့်လှစ်သည့် ထီစာရွက်စနစ် (Paper Lottery) ကိုသာ ကျင့်သုံးနေသည်။

အီလက်ထရွန်နစ်ထီ ဖွင့်လှစ်ပါက လက်ရှိ ဖွင့်လှစ်နေသည့် ထီလက်မှတ်စနစ်ကို ဖျက်သိမ်းမည်မဟုတ်ကြောင်း အောင်ဘာလေ သိန်းဆုဌာနက ပြောကြားသည်။

Top News