မြန်မာနိုင်ငံတွင် တမလန်းသစ် တရားမ၀င် ခိုးထုတ်မှု ယနေ့အထိ ရှိနေသည်ဟု EIA အဖွဲ့ဆို

 မြန်မာနိုင်ငံအပါအ၀င် အရှေ့တောင်အာရှဒေသအတွင်း နိုင်ငံများတွင် မျိုးသုဉ်းပျောက် ကွယ်လုနီးပါး အန္တရာယ်နှင့်ရင် ဆိုင်နေရသော တမလန်းသစ် တရားမ၀င်ခိုးထုတ်မှုများ ယနေ့အချိန်ထိ ရှိနေကြောင်း သဘာဝပတ်ဝန်းကျင်စုံစမ်းစစ်ဆေးရေး အဖွဲ့ (EIA)က မတ်လ ၂၉ ရက် တွင် သတင်းထုတ်ပြန်သည်။

တမလန်းသစ်မျိုးစိတ်များ ကုန်ကူးသန်းရောင်းဝယ်မှုကို Convention on International Trade in Endangered Species (CITES) အဖွဲ့ ညွှန်ကြားချက်ဖြင့် ပြီးခဲ့သည့် ဇန်န၀ါရီ ၂ ရက်တွင် မြန်မာ၊ လာအိုနှင့် မဲခေါင်ဒေသတွင်း နိုင်ငံများကတားမြစ်ခဲ့သည်။

တမလန်းသစ်မျိုးစိတ်များ ရောင်းဝယ်ဖောက်ကားမှု တား မြစ်လိုက်သော်လည်း ယခင်က တည်းကရှိနေသော တရားမ၀င် သစ်ခိုးထုတ်မှုများ လျော့ကျသွား ခြင်း မရှိဘဲ ယနေ့အချိန်ထိ ခြိမ်း ခြောက်နေသည်ကို တွေ့ရကြောင်းEIA အဖွဲ့က ထုတ်ပြန်ထားသည်။

‘‘ဟုတ်ပါတယ်။ ယနေ့အ ချိန်ထိလည်း အဲဒီသစ်တွေ အဖမ်းခံနေရတုန်းပဲ’’ဟု သဘာဝပတ် ၀န်းကျင်ထိန်းသိမ်းရေး ဦးစီးဌာန ညွှန်ကြားရေးမှူး ဦးတင့်ဆွေက ပြောသည်။

တရားမ၀င် တမလန်းသစ်ခိုးထုတ်မှု ၂၀၁၇ အတွင်း ပမာဏမည်မျှရှိခဲ့သည်ကို   EIA   အဖွဲ့ကထုတ်ပြန်ထားခြင်း မရှိပေ။

 မြန်မာနိုင်ငံသည် တရုတ် ၀ယ်လိုအားများနေသော တမ လန်းနှင့် ပိတောက်သစ်ခိုးထုတ် မှုကို မတားဆီးနိုင်ပါက သုံးနှစ် အတွင်း စီးပွားဖြစ်မထုတ်လုပ်နိုင် သည့် အခြေအနေသို့ ဆိုက်ရောက်နိုင်သည်ဟု EIA အဖွဲ့က ၂၀၀၅ မှ ၂၀၁၅ အထိ ၎င်းတို့ပြုလုပ်ခဲ့ သော သုတေသနအချက်အလက် များကို အခြေခံ၍ ထုတ်ပြန်ခဲ့ သည်။

 မြန်မာနိုင်ငံအစိုးရက တမ လန်းသစ်များ ပြည်ပတင်ပို့မှုကို ပိတ်ပင်ခဲ့သော်လည်း တရုတ်နိုင်ငံသည် ယင်းသစ်နှင့် အရည်အသွေးတူသည့် ပိတောက်သစ်များကို အစားထိုးဝယ်ယူနေကြောင်း EIA က ထုတ်ပြန်ထားသည်။

တရားမ၀င် သစ်ခိုးထုတ်မှု များဖြစ်ပေါ်နေသည့် ယင်းနိုင်ငံ များအတွင်း CITES အဖွဲ့၏ တား မြစ်ချက်များ အသက်ဝင်လာရေး နှင့် အကောင်အထည်ဖော်ရေး  ထိုင်းနိုင်ငံ ဘန်ကောက်မြို့တွင် မတ်လ ၂၉ ရက်မှ ၃၁ ရက်အထိ ဆွေးနွေးအဖြေရှာမည်ဟု EIA က ထုတ်ပြန်သည်။

Top News