ရှားပါးမျိုးစိတ် မြိုင်ကြီးပင်နှစ်ပင်ကို ဝန်ပိုက်ကြိုးဝိုင်းတွင် ထပ်မံတွေ့ရှိ

ကမ္ဘာပေါ်တွင် အပင် နှစ်ရာကျော်သာရှိသည့် မျိုးသုဉ်း အန္တရာယ်နှင့် ရင်ဆိုင်နေရသော ရှားပါးဒီရေတောမျိုးစိတ်ဝင် မြိုင် ကြီးပင်နှစ်ပင်ကို ဝန်ပိုက်ကြိုးဝိုင်း ၌ ထပ်မံတွေ့ရှိခဲ့သည်။

‘‘အခုထပ်တွေ့တဲ့ အပင်နှစ် ပင်က တခြားအပင်တွေထက်စာ ရင် ကြီးပါတယ်။ တစ်ပင်က လုံး ပတ် ခုနစ်ပေရှိတယ်။ နောက် တစ်ပင်က ငါးပေရှိတယ်’’ဟု ရမ်းဗြဲမြို့နယ် သစ်တောဦးစီးမှူး ဦးဝင်းစည်သူမောင်က ပြောကြား သည်။


၂၀၁၇ ဖေဖော်ဝါရီတွင် ဝန် ပိုက်ကြိုးဝိုင်းအတွင်း ကမ္ဘာ့ရှား ပါးမျိုးစိတ်ဝင် မြိုင်ကြီးပင်သုံးပင် ကို တွေ့ရှိပြီး မတ်လတွင် အပင် နှစ်ပင် ထပ်မံတွေ့ရှိခဲ့သည်။

အဆိုပါ မြိုင်ကြီးပင်များကို ရခိုင်ပြည်နယ် ဝန်ပိုက်ကြိုးဝိုင်း အတွင်း တွေ့ရှိခဲ့ခြင်းဖြစ်ပြီး ၂၀၀၆ တွင် တစ်ပင်တွေ့ရှိခဲ့သည်။ အပြည်ပြည်ဆိုင်ရာ သဘာဝပတ်ဝန်းကျင်ထိန်းသိမ်းရေး အဖွဲ့ (IUCN) အဖွဲ့က မြိုင်ကြီးပင် ကို ရှားပါးမျိုးစိတ်အဖြစ် သတ် မှတ်ပြီးနောက် ၂၀၀၆ ကစ၍ နှစ်စဉ် မှတ်တမ်းတင်ခဲ့ရာ ၁၁ နှစ်အတွင်း အပင်ပေါင်း ၁၆ ပင် မှတ်တမ်းတင်နိုင်ခဲ့သည်။

နောက်ဆုံးတွေ့ရှိထားသည့် အပင်နှစ်ပင်အနက် တစ်ပင်သည် လုံးပတ်ခုနစ်ပေခန့်ရှိ၍ အခြား အပင်များထက် သက်တမ်းရင့် ကာ အကြီးဆုံးအပင်အဖြစ် သတ် မှတ်ထားကြောင်း ဦးဝင်းစည်သူ မောင်ကပြောသည်။

မြိုင်ကြီးပင်သည် ကမ္ဘာပေါ် တွင် အပင်နှစ်ရာကျော်သာ ကျန်ရှိတော့၍ IUCN အဖွဲ့က မျိုးသုဉ်းအန္တရာယ်နှင့် ကြုံတွေ့နေရသော (Critically Endangered) အပင်မျိုးစိတ်အဖြစ် ၂၀၁၀ ပြည့်နှစ်က သတ်မှတ်ခဲ့သည်။

ဒီရေတောမျိုးစိတ်ဝင် မြိုင် ကြီးပင်၏ သိပ္ပံမျိုးစိတ်အမည် သည် Bruguiera Hainesii ဖြစ် သည်။

Top News