ယာဉ်မောင်း သင်တန်းကျောင်းများကို ထိန်းချုပ်ရန် ကွပ်ကဲရေးအဖွဲ့ ဖွဲ့စည်း

 ရန်ကုန်တိုင်းဒေသကြီး အတွင်း ဖွင့်လှစ်ထားသော ယာဉ် မောင်းအတတ်သင်သင်တန်း ကျောင်းများကို ထိန်းချုပ်နိုင်ရန် ယာဉ်မောင်းသင်တန်း ကျောင်းကွပ်ကဲရေးအဖွဲ့ ဖွဲ့စည်းခဲ့ ကြောင်း ကုန်းလမ်းပို့ဆောင်ရေးညွှန်ကြားမှုဦးစီးဌာနကထုတ်ပြန်သည်။

သင်တန်းကျောင်းများအနေ ဖြင့် မမှန်မကန်ပြုလုပ်မှုများကို အရေးယူနိုင်ရန်နှင့် စနစ်တကျ ယာဉ်မောင်းအတတ်သင်တန်း ကျောင်းများဖြစ်လာစေရန်  ယခုအဖွဲ့ကို ဖွဲ့စည်းလိုက်ကြောင်း မတ်လ ၁၈ ရက်  ထုတ်ပြန်ချက်တွင် ဖော်ပြပါရှိသည်။

ကွပ်ကဲရေးအဖွဲ့တွင် ကညနမှအဆင့်မြင့်အရာရှိများပါဝင်ပြီး အဆိုပါအဖွဲ့ကို မတ်လဒုတိယ ပတ်က ဖွဲ့စည်းခဲ့သည်။

လက်ရှိရန်ကုန်မြို့တွင် ယာဉ်မောင်းအတတ်သင်ကျောင်း ၃၂ကျောင်းရှိနေကာ    ထပ်မံ၍ သင်တန်းကျောင်းအသစ်များဖွင့်လှစ်လိုပါက ၎င်းကွပ်ကဲရေးအဖွဲ့မှ ခွင့်ပြုချက်ရယူရမည်ဖြစ်သည်။

ယာဉ်မောင်းသင်တန်း ကျောင်း၏ ထောက်ခံချက်ပါမှ ယာဉ်မောင်းလိုင်စင်ဖြေဆိုခွင့်ပြု သည့် မူဝါဒကြောင့် ရန်ကုန်မြို့ရှိ ယာဉ်မောင်းသင်တန်းကျောင်း များအနေဖြင့် သင်တန်းသားများ ကို အမှန်တကယ်ယာဉ်မောင်း ပညာတတ်မြောက်အောင် စနစ်တကျသင်ကြားပေးရန်ကိုလည်း ကညနက      ကြီးကြပ်မည်ဖြစ်သည်။

‘‘အရင်က ယာဉ်မောင်းသင် တန်းကျောင်းတွေက ဖြစ်လာတဲ့ အမှုတွေကို ကိုင်တွယ်ရတဲ့အခါ အဖွဲ့အစည်းမရှိတော့ အဆင်မ ပြေဘူး။ နောက်ပိုင်းမှာ သင်တန်း ကျောင်းရဲ့ ထောက်ခံချက်ပါမှ လိုင်စင်ဖြေခွင့်ပေးတာကြောင့် ယာဉ်မောင်းသင်တန်းကျောင်း တွေရဲ့ အခန်းကဏ္ဍကလည်း ပိုပြီးကြီးလာတဲ့အတွက် ယာဉ်မောင်း သင်တန်းကျောင်းတွေ စနစ်တကျ သင်ကြားပေးဖို့က ပိုပြီးလိုလာ တယ်’’ဟု ကညနမှ အကြီးတန်း အရာရှိတစ်ဦးက ပြောကြားသည်။

ထို့အပြင် ယာဉ်မောင်းသင် တန်းများမှ သင်တန်းသားများအ ပေါ် မမှန်မကန်ဆက်ဆံမှု၊ ဌာန၏ချမှတ်ထားသည့် စည်းကမ်းချက်များကို ဖောက်ဖျက်မှု၊ စောင့်ထိန်းရမည့် မူများကို အလေးမထားမှုများရှိလာပါကလည်း    သင်တန်းကျောင်းများကို အရေးယူမည်ဟု ဆိုသည်။