ကြားဖြတ်ရွေးကောက်ပွဲအတွက် တစ်အိမ်တက်၊ ဆင်း မဲဆွယ်စည်းရုံးခြင်းကို ဒုတိယအများဆုံး အသုံးပြုကြောင်း စစ်တမ်းတစ်ခု ဖော်ပြ

ကြားဖြတ်ရွေးကောက်ပွဲ အတွက် မဲဆွယ်စည်းရုံးရေးကာ လအတွင်း တစ်အိမ်တက်ဆင်း မဲ ဆွယ်စည်းရုံးခြင်း နည်း အသုံးပြု မှုသည် ဒုတိယအများဆုံးပါဝင် ကြောင်း ယုံကြည်ရသော ရွေး ကောက်ပွဲများ ပေါ်ပေါက်ရေး ပြည်သူများ ပူးပေါင်းလှုပ်ရှားမှုအ ဖွဲ့ (PACE) ၏ အစီရင်ခံစာတွင် ဖော်ပြထားသည်။

PACE အဖွဲ့က မဲဆွယ်စည်း ရုံးရေးကာလအတွင်း ကိုယ်စား လှယ်လောင်းများ၏ စည်းရုံးလှုပ် ရှားခွင့်နှင့်ပတ်သက်၍ အခွင့်အ ရေး တန်းတူညီမျှစွာ ရရှိမှုနှင့် လွတ်လပ်စွာ မဲဆွယ်စည်းရုံးခွင့် တို့ကို ကာလရှည် စောင့်ကြည့် လေ့လာသူ ၂၂ ဦးဖြင့် စောင့် ကြည့်ခဲ့သည်။

ထိုသို့ စောင့်ကြည့်လေ့လာ ရာတွင် ကိုယ်စားလှယ်လောင်း များက တစ်အိမ်တက်ဆင်း စည်း ရုံးခြင်းကို ၂၆ ရာခိုင်နှုန်းဖြင့် ဒုတိယ အများဆုံး အသုံးပြုခဲ့ ကြောင်း PACE အဖွဲ့မှ အမှု ဆောင်ဒါရိုက်တာ ဦးစိုင်းရဲကျော် စွာမြင့်က ပြောသည်။

‘‘ကျွန်တော်တို့က NLD, USDP နဲ့ ဒေသခံ ပါတီကြီးတွေ ကို အရင်ဆုံး စောင့်ကြည့်လေ့လာ တယ်။ ပြီးမှ တခြားပါတီတွေကို စောင့်ကြည့်ပါတယ်။ အများဆုံး က စာရွက်စာတန်းတွေ ဝေငှတာ က ရာခိုင်နှုန်း အတော်များပါ တယ်။ ဒီအစီရင်ခံစာက မပြီး သေးပါဘူး။ ကျန်တဲ့ စောင့်ကြည့် မှုတွေကို အပြီးသတ်အစီရင်ခံစာ မှာ ထည့်သွင်းသွားမယ်’’ဟု ဦးစိုင်းရဲကျော်စွာမြင့်က ပြောသည်။

ကိုယ်စားလှယ်လောင်းများ မဲဆွယ်စည်းရုံးရာတွင် စာရွက် စာတန်းများ ဝေငှခြင်းကို အများဆုံးအသုံးပြုခဲ့ပြီး လူထုဟောပြောခြင်းနှင့် ပိုစတာများ ချိတ်ဆွဲခြင်းတို့လည်း အသုံးပြုခဲ့သည်။ တစ်အိမ်တက်၊ ဆင်းစည်းရုံးခြင်း ကို ဒုတိယအများဆုံး အသုံးပြုခဲ့ကြောင်း အဖွဲ့၏ အစီရင်ခံစာတွင် ဖော်ပြထားသည်။

ထို့အပြင် ကိုယ်စားလှယ် လောင်းအနည်းစုသည် မီဒီယာ နှင့် အင်တာဗျူးခြင်းကို အသုံးပြုသူ ၃ ဒသမ ၅ ရာခိုင်နှုန်း၊ လူမှုကွန်ရက်ကို အသုံးပြုသူ ၆ ရာခိုင်နှုန်းနှင့် ၂၃ ရာခိုင်နှုန်းသည် မည်သည့် လှုပ်ရှားမှုမှ ပြုလုပ်ရန် မရှိဟု ဖြေဆိုခဲ့ကြောင်း ဦးစိုင်းရဲ ကျော်စွာမြင့်က ဆိုသည်။ အသံ ချဲ့စက်ဖြင့် စီတန်းလှည့်လည်မဲ ဆွယ်စည်းရုံးသည့် နည်းလမ်းအ သုံးပြုမှုတွင် NLD ပါတီက အ များဆုံးဖြစ်ပြီး မည်သည့်လှုပ်ရှား မှုများ ပြုလုပ်ရန်မရှိဟု ဖြေဆိုရာ တွင် ပါတီငယ်/တစ်သီးပုဂ္ဂလက ၃၉ ရာခိုင်နှုန်းနှင့် အခြား ပါတီကြီးက ၂၈ ရာခိုင်နှုန်းပါဝင် ကြောင်း သိရသည်။

ကြားဖြတ် ရွေးကောက်ပွဲ ကျင်းပမည့် မြို့နယ် ၂၂ မြို့နယ်မှ နိုင်ငံရေးပါတီ ကိုယ်စားလှယ် လောင်းများနှင့် တွေ့ဆုံမေးမြန်း ကာ ရက်သတ္တငါးပတ် (ဖေဖော်ဝါရီ ၁ ရက်မှ မတ်လ ၅ ရက်အထိ) PACE က စောင့်ကြည့်လေ့လာ တွေ့ရှိချက်များကို ကနဦး အစီရင်ခံစာ ထုတ်ပြန်သည်။

ဧပြီ ၁ ရက်တွင်ကျင်းပမည့် ကြားဖြတ်ရွေးကောက်ပွဲ၌ နိုင်ငံ ရေးပါတီ ၂၄ ပါတီမှ ကိုယ်စား လှယ်လောင်းများ၊ တစ်သီးပုဂ္ဂလ ကိုယ်စားလှယ်လောင်းများအပါ အ၀င် လွှတ်တော်ကိုယ်စားလှယ် လောင်း ၉၅ ဦး ၀င်ရောက်ယှဉ် ပြိုင်မည်ဖြစ်ကာ မဲဆွယ်စည်းရုံး ရေးကာလကို ဇန်န၀ါရီ ၃၀ ရက်က စတင်ကာ ရက်ပေါင်း ၆၀ ခွင့်ပြုထားသည်။