မြန်မာသစ်များ တရားဝင်ဖြစ်မှုကို အဆင့်မြှင့်တင်မည်ဟု ၀န်ကြီးဌာနဆို

ဆွီဒင်နှင့် ဒိန်းမတ်နိုင်ငံ များက ၎င်းတို့နိုင်ငံတွင် မြန်မာ ကျွန်းသစ်များနှင့်ပတ်သက်၍ ဆက်တိုက်အရေးယူမှုများ ပြု လုပ်ပြီးနောက် မြန်မာ့သစ်တရား ၀င်ဖြစ်မှုကို အဆင့်မြှင့်တင်မည် ဟု မတ်လ ၁၉ ရက်တွင် မြန်မာ အစိုးရက သတင်းထုတ်ပြန်ခဲ့ သည်။

မြန်မာသစ်များ ၀ယ်ယူနေ သည့် ဆွီဒင်နှင့် ဒိန်းမတ်နိုင်ငံများ ၏ အရေးယူဆောင်ရွက်မှုများ ကြောင့် ပြည်ပနိုင်ငံသားများနား လည်မှု ရှုပ်ထွေးစေသည့် သစ်လွှဲ ပြောင်းပိုင်ဆိုင်မှု ကွင်းဆက်များ ကို ပိုမိုကောင်းမွန်အောင် ဆောင်ရွက်မည်ဟု သယံဇာတ နှင့် သဘာဝပတ်ဝန်းကျင်ထိန်း သိမ်းရေးဝန်ကြီးဌာနက ထုတ်ပြန် ခဲ့သည်။

‘‘ဥရောပကော်မရှင်က EU အနေနဲ့ မြန်မာ့ကျွန်းသစ်တွေကို ပိတ်ပင်ဖို့ ဆုံးဖြတ်ချက်မရှိခဲ့ဘူး။ ဒါပေမဲ့ တစ်နိုင်ငံချင်းစီကတော့ ပိတ်ပင်မှုတွေလုပ်လာနိုင်ပါ တယ်’’ဟု သစ်တောဦးစီးဌာနမှ ညွှန်ကြားရေးမှူးချုပ် ဒေါက်တာ ညီညီကျော်က ပြောသည်။

ဥရောပနိုင်ငံများက တောင်း ဆိုထားသည့် သစ်ထွက်ရှိရာ မူ ရင်းဒေသမှ သစ်တင်ပို့သည့် ကုန် သွယ်ရေးလုပ်ငန်းစဉ်တွင် လိုအပ် သည့် စာရွက်စာတမ်းအထောက် အထားများအတွက် သစ်နောက် ကြောင်းရာဇ၀င် ဆန်းစစ်ခြင်း စနစ်တစ်ရပ်ကို အကောင်အ ထည်ဖော်မည်ဟု အစိုးရက ကတိပေးပြောကြားခဲ့သည်။

တရားဝင်သစ်ဖြစ်ကြောင်း အာမခံသည့်စနစ်ဖွံ့ဖြိုးလာရေး ကမ္ဘာ့အသိအမှတ်ပြု ကမ္ဘာ့စား နပ်ရိက္ခာနှင့် စိုက်ပျိုးရေးအဖွဲ့ FAO၊ အရပ်ဘက်အဖွဲ့အစည်း များ၊ ပုဂ္ဂလိကလုပ်ငန်းရှင်တို့ ညှိနှိုင်းဆွေးနွေးမှုများ လုပ်ဆောင် နေကြောင်း တုံ့ပြန်ပြောဆိုခဲ့ သည်။

‘‘အစိုးရက ထုတ်တဲ့ သစ် အားလုံးကို တရားဝင်ဖြစ်တယ်လို့ နိုင်ငံတကာက လက်မခံကြဘူး။ တတိယအဖွဲ့အစည်းတစ်ခုက ထောက်ခံရမယ်။ အဲဒီအတွက် မြန်မာနိုင်ငံရဲ့ သစ် တရားဝင်သစ် ဖြစ်ကြောင်း အာမခံတဲ့စနစ်တစ်ခု ဖြစ်ဖို့ FAO နဲ့ ပူးပေါင်းဆောင်ရွက် နေပါတယ်’’ဟု ဒေါက်တာညီညီ ကျော်က ပြောသည်။

လက်ရှိ ဥရောပနိုင်ငံများသို့ တင်ပို့နေသည့် ကုန်သည်များ သည် သစ်လွှဲပြောင်းပိုင်ဆိုင်မှု ကွင်းဆက်နှင့် စာရွက်စာတမ်း များကို ဥရောပနိုင်ငံများသို့ တင် ပြရာတွင် အဆင်မပြေမှုများ ကြုံ တွေ့နေရသည်ဟု သိရှိရသည်။

ဥရောပသို့ တင်ပို့သည့် မြန်မာသစ်များတွင် တရားမ၀င် သစ်များ ရောနှောပါဝင်နေခြင်း၊ ပွင့်လင်းမြင်သာမှုမရှိခြင်း၊ လာဘ်ပေးလာဘ်ယူမှုရှိခြင်း စ သည့် ထောက်ပြချက်များဖြင့် သဘာဝပတ်ဝန်းကျင်စုံစမ်းစစ် ဆေးရေးအဖွဲ့ EIA က မြန်မာသစ် များ မ၀ယ်ယူရန်နှင့် တင်သွင်းခွင့် ပိတ်ပင်ရန် ဥရောပသမဂ္ဂကော်မ ရှင် အစည်းအဝေးသို့ ၂၀၁၆ စက် တင်ဘာ၌ တင်ပြခဲ့သည်။

ဥရောပသမဂ္ဂကော်မရှင် EU က မြန်မာ့ကျွန်းသစ်များ ၀ယ် ယူမှုပိတ်ပင်ရေး ဆုံးဖြတ်ချက် တစ်စုံတစ်ရာ ချမှတ်ခဲ့ခြင်းမရှိ သော်လည်း EIA အဖွဲ့ ထောက်ပြ ဆွေးနွေးခဲ့သည့် ဥရောပနိုင်ငံ အ ခြေစိုက် သစ်ကုမ္ပဏီများနှင့် ပတ် သက်၍ သက်ဆိုင်ရာ နိုင်ငံများက အရေးယူမှုများ ပြုလုပ်ခဲ့သည်။

ဆွီဒင်နိုင်ငံက မြန်မာသစ် များ ရောင်းဝယ်နေသည့် သစ် ကုမ္ပဏီတစ်ခုကို ဒဏ်ကြေးငွေ ဖြင့် ၂၀၁၆ နိုဝင်ဘာတွင် ပထမ ဆုံး အရေးယူခဲ့ပြီး ဒိန်းမတ်နိုင်ငံ က မတ်လ ၁၅ ရက်၌ မြန်မာကျွန်းသစ်ရောင်းဝယ်ဖောက်ကား မှုကို ပိတ်ပင်တားမြစ်ခဲ့သည်။

Top News