တစ်ရက်လုပ်ခ ကျပ် ၅,၆၀၀ သတ်မှတ်ပေးရန် အလုပ်သမားတစ်ထောင်ကျော် ဆန္ဒပြ

လှိုင်သာယာတွင် မတ်လ၁၉ရက်က ဆန္ဒပြတောင်းဆိုနေစဉ် (ဓာတ်ပုံ−မိုးမင်း)

အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသား ကော်မတီဖွဲ့စည်းပြီးနောက် ပထမ ဆုံးအလုပ်သမားဆန္ဒပြပွဲအဖြစ် တစ်ရက်လုပ်ခကျပ် ၅,၆၀၀ သတ် မှတ်ပေးရန် လှိုင်သာယာမြို့နယ် တွင် အလုပ်သမားတစ်ထောင် ကျော် ဆန္ဒပြတောင်းဆိုခဲ့သည်။

လှိုင်သာယာမြို့နယ်ရှိ စက် ရုံ ၁၅ ရုံမှ အလုပ်သမား ၁,၅၀၀ခန့်သည်   မတ်လ  ၁၉   ရက် နံနက် ၉ နာရီခန့်မှ နေ့လယ် ၁၂ နာရီခန့်အထိ လမ်းလျှောက်ဆန္ဒ ပြခဲ့ပြီး အနည်းဆုံးလုပ်ခလစာ တိုးမြှင့်သတ်မှတ်ပေးရေး အပါ အ၀င် အလုပ်သမားအခွင့်အရေး ရပိုင်ခွင့်များနှင့်ပတ်သက်သည့် အချက်များ တောင်းဆိုခဲ့သည်။

အဆိုပါ ဆန္ဒပြမှုသည် အစိုး ရက အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသား ကော်မတီကိုဖွဲ့စည်းပေးပြီး တစ် လကျော်အကြာတွင် ပထမဆုံးပြုလုပ်သော ဆန္ဒပြမှုဖြစ်သော် လည်း အလုပ်သမားများက ယခင်တောင်းဆိုထားသည့်အတိုင်း တစ်ရက်လုပ်ခကျပ် ၅,၆၀၀ သတ်မှတ်ရေးကိုသာ ဆက်လက် တောင်းဆိုခဲ့သည်။

‘‘ကျပ် ၅,၆၀၀ သတ်မှတ်ပေးရေးကို ၂၀၁၃ ကတည်းက အလုပ်သမားတွေ တောက်လျှောက်တောင်းဆိုခဲ့ကြတယ်။ ဒါပေမဲ့ တကယ် သတ်မှတ်လိုက်တဲ့အခါမှာ ကျပ်၃,၆၀၀ ဖြစ်သွားတယ်။ ဒါကြောင့်အခုဖွဲ့စည်းလိုက်တဲ့ အမျိုးသား ကော်မတီအနေနဲ့ အလုပ်သမား တွေရဲ့ အသံကြားသိရအောင် တိုက်တွန်းတောင်းဆိုရခြင်းဖြစ် ပါတယ်’’ဟု အခြေခံအလုပ်သ မားအဖွဲ့အစည်းခေါင်းဆောင်မလှလှသိန်းက ပြောကြားသည်။

အလုပ်သမားများက နိုင်ငံ တော်အနေဖြင့် လျှပ်စစ်မီတာခ သုံးဆတိုးမြှင့်သတ်မှတ်ရန် စီစဉ် နေခြင်းကို     မပြုလုပ်ရန်လည်းထည့်သွင်းတောင်းဆိုဆန္ဒပြခဲ့ သည်။

လျှပ်စစ်မီတာခများတိုးမြှင့် ပါက အလုပ်သမားများ၏မီတာ ခ ကုန်ကျစရိတ်ကြီးမြင့်နိုင်သကဲ့ သို့ လုပ်ခလစာတိုးမြှင့်သတ်မှတ် ပေးရေး တောင်းဆိုမှုများရှိနေချိန် ၌ အလုပ်ရှင်ဘက်က လျှပ်စစ် ဈေးကြီးမြင့်ခြင်းကို အကြောင်းပြု ၍ အနည်းဆုံးလုပ်ခတိုးမြှင့်ပေး ရန် ငြင်းဆိုမှုများရှိလာနိုင်ခြင်း ကြောင့်ဖြစ်သည်ဟု ဆန္ဒပြအ လုပ်သမားခေါင်းဆောင်အချို့က ပြောသည်။

‘‘အလုပ်ရှင်တွေက လုပ်ခ တိုးပေးရမယ့်ကိစ္စနဲ့ လျှပ်စစ်ဈေး ကြီးတဲ့ကိစ္စဆုံသွားရင် အလုပ်သ မားတွေ ဆန္ဒလိုက်လျောမှုနည်း သွားနိုင်တယ်။ ဒါကြောင့် မီတာ ခဈေးတက်ဖို့ကိုပါ အခုအချိန်မှာ လက်မခံနိုင်သေးဘူး’’ဟု လှိုင်သာယာမြို့နယ်မှ အခြေခံအလုပ်သမားခေါင်းဆောင်ကိုသန်းဝင်းက ပြောသည်။

အစိုးရသည် အနည်းဆုံးအ ခကြေးငွေသတ်မှတ်ရေးဆိုင်ရာ အမျိုးသားကော်မတီကို ဖေဖော် ၀ါရီ ၁၆ ရက်က    ဖွဲ့စည်းထား ပြီးဖြစ်ကာ ယင်းကော်မတီ၏ ပ ထမအကြိမ်အစည်းအဝေးကို မတ်လ ၈ ရက်က ပြုလုပ်ခဲ့သည်။

အဆိုပါ အမျိုးသားကော်မ တီသည် အနည်းဆုံးအခကြေးငွေ ပြင်ဆင်သတ်မှတ်နိုင်ရေး လက်ရှိဝင်ငွေနှင့် ကုန်ကျစရိတ်များကို အဘက်ဘက်က      ပြန်လည် သုံးသပ်ကြရမည်ဖြစ်သော်လည်း ယခုအချိန်အထိ သုံးသပ် မှုလုပ်ငန်းများမစတင်နိုင်သေး ကြောင်း ကော်မတီအဖွဲ့ဝင်တစ်ဦးက ပြောသည်။

လက်ရှိတွင် တိုင်းဒေသကြီး နှင့် ပြည်နယ်တို့တွင် အနည်းဆုံးအခကြေးငွေသတ်မှတ်ရေးဆိုင်ရာကော်မတီများကို ဖွဲ့စည်းနေဆဲဖြစ်ပြီး ယင်းလုပ်ငန်းစဉ်ပြီးဆုံးမှ သာ ပြန်လည်သုံးသပ်မှုများ ပြုလုပ်မည်ဟု အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန အမြဲတမ်း အတွင်းဝန် ဦးမျိုးအောင်က ပြော ကြားသည်။

အနည်းဆုံးလုပ်ခသတ်မှတ် ချက်ကို ၂ နှစ်ကြာလျှင် ပြန်လည်သုံးသပ်ပြင်ဆင်နိုင်သည်ဟု ဥပဒေ၌ သတ်မှတ်ထားခြင်းကြောင့် လာ မည့်မတ်လကုန်မတိုင်မီသုံးသပ်မှု များပြုလုပ်၍ ပြင်ဆင်ကြေညာ ရမည် ဖြစ်သည်။

အလုပ်သမား၊ လူဝင်မှုကြီး ကြပ်ရေးနှင့် ပြည်သူ့အင်အားဝန် ကြီးဌာန ပြည်ထောင်စုဝန်ကြီး ဦးသိန်းဆွေက အစိုးရသစ်လက် ထက်တွင် ပြောင်းလဲမည့် အနည်း ဆုံးလုပ်ခလစာသည် အလုပ်သမား များ ဆန္ဒအတိုင်း တိုးမြှင့်နိုင်သော် လည်း တစ်ရက်လုပ်ခမည်မျှဖြစ် မည်ဆိုသည်မှာ အစိုးရ၊ အလုပ် ရှင်၊ အလုပ်သမားသုံးပွင့်ဆိုင် ညှိ နှိုင်းချက်များအပေါ်မူတည်နေ ကြောင်း ပြောထားသည်။

Top News