ကြားဖြတ်ရွေးကောက်ပွဲရှိသဖြင့် ရှမ်းပြည်ညီညွတ်ရေးကော်မတီ နှစ်ပတ်လည်အစည်းအဝေး ရွှေ့ဆိုင်း

 ရှမ်းတိုင်းရင်းသားလက် နက်ကိုင်အဖွဲ့များ၊ ရှမ်းနိုင်ငံရေး ပါတီများနှင့် ရှမ်းလူမှုအဖွဲ့အ စည်းများ ညီညွတ်ရေးဆောင်ရွက် ရန် ဖွဲ့စည်းထားသည့် ရှမ်းပြည် ညီညွတ်ရေးကော်မတီ (CSSU) နှစ်ပတ်လည် အစည်းအဝေးကို မတ်လအတွင်း ကျင်းပရမည်ဖြစ်သော်လည်း ကြားဖြတ်ရွေး ကောက်ပွဲကြောင့် နောက်ဆုတ် ကျင်းပမည်ဖြစ်ကြောင်း CSSU အတွင်းရေးမှူး အဖွဲ့ဝင် စိုင်း ကျော်ညွန့်က ပြောသည်။

CSSU ကို ရှမ်းပြည်ပြန်လည် ထူထောင်ရေးကောင်စီ (RCSS)၊ ရှမ်းတိုင်းရင်းသားများ ဒီမိုကရက် တစ်ပါတီ (SNDP)၊ ၁၉၉၆ ဖွဲ့ စည်းခဲ့သည့် ရှမ်းပြည် ပူးပေါင်း ဆောင်ရွက်ရေး ကော်မတီ (SSJAC) အဖွဲ့ဝင် အဖွဲ့အစည်း များဖြစ်သော ရှမ်းပြည်တိုးတက် ရေးပါတီ (SSPP)၊ စိန်ကျော့ပြည် သူ့စစ်အဖွဲ့၊ ရှမ်းတိုင်းရင်းသား များ ဒီမိုကရေစီ အဖွဲ့ချုပ် (SNLD)ပါတီ စသည်တို့ဖြင့် ဖွဲ့ စည်းထားပြီး လက်ရှိ CSSUဥက္ကဋ္ဌမှာ SNLD ပါတီဥက္ကဋ္ဌ ဦးခွန်ထွန်းဦးဖြစ်သည်။

‘‘CSSU က တစ်နှစ်တစ် ကြိမ်ရှိတယ်။ အခုက ရွေးကောက် ပွဲကာလနဲ့ ဘာနဲ့ဆိုတော့ ဧပြီထဲ မှာ တစ်ခုခုလုပ်ရင်လုပ်ဖြစ်မယ်။ မတ်လမှာ မကျင်းပနိုင်သေးတာ ပေါ့။ ကျင်းပဖို့အတွက် အဖွဲ့တိုင်း ကိုတော့ ဘယ်ရက်လုပ်ရင် ပိုအ ဆင်ပြေမယ်ဆိုတာကိုတော့ စာပို့ ထားပါတယ်’’ဟု SNLD တွဲဖက် အတွင်းရေးမှူး (၂) စိုင်းကျော် ညွန့်က ပြောသည်။

CSSU ဥက္ကဋ္ဌ တာဝန်ကို အဖွဲ့ဝင် အဖွဲ့အစည်းများက အက္ခရာ အစဉ်လိုက် တာဝန်ယူ ဆောင်ရွက်ရာ CSSU ပထမဆုံး ဥက္ကဋ္ဌမှာ RCSS ဥက္ကဋ္ဌ ဗိုလ်ချုပ် ကြီးယွက်စစ်ဖြစ်သည်။

ဒုတိယနှစ် ဥက္ကဋ္ဌ တာဝန်ကို SNDP ပါတီက ရယူမည်ဖြစ်သော်လည်း အဆင်သင့်မဖြစ်သေး၍ SSJAC က အလှည့်ကျော်ပြီး တာဝန်ယူခဲ့ကြောင်းစိုင်းကျော်ညွန့်က ပြောသည်။ ဦးခွန်ထွန်းဦးသည် SSJAC ဥက္ကဋ္ဌအဖြစ် တာဝန်ယူထားသည်။

‘‘CSSU ရဲ့ ရည်ရွယ်ချက်က အဓိကအားဖြင့် ဒီ ရှမ်းပြည်နယ် မှာရှိတဲ့ တိုင်းရင်းသားပေါင်းစုံ အ တူယှဉ်တွဲပြီး ဘယ်လိုနေထိုင်နိုင် မလဲပေါ့။ နောက်ပြီးတော့ ရှမ်း အမျိုးသားတွေပါမယ်။ ရှမ်းပြည် မှာရှိတဲ့ တိုင်းရင်းသားအားလုံးပါ မယ်။ ဖက်ဒရယ်ပြည်ထောင်စု တည်ဆောက်ရေးမှာလည်း ကျွန် တော်တို့အနေနဲ့ ၀ိုင်းဝန်းကူညီ လုပ်ဆောင်နိုင်အောင် ဖွဲ့စည်း ထားတဲ့သဘောပါ’’ ဟု ပြော ကြားသည်။

CSSU သည် ရှမ်းလူမျိုးအ လိုက် အမျိုးသားအဆင့် နိုင်ငံရေး ဆွေးနွေးပွဲ ကျင်းပနိုင်ရေး ကြို တင်ပြင်ဆင်သည့် လုပ်ငန်းများ ဆောင်ရွက်သည်။

CSSU ဖွဲ့စည်းရန် ၂၀၁၃ နှစ်ကုန်က စတင်ဆွေးနွေးခဲ့ပြီး ၂၀၁၄ တွင် ဖွဲ့စည်းနိုင်ခဲ့သည်။

More in Politics Section

Top News