ဖခင်မွေးနေ့တွင် ဒါနပြုပြီး ငြိမ်းချမ်းရေးအတွက် ဒေါ်အောင်ဆန်းစုကြည် ဆုတောင်း

ဗိုလ်ချုပ်အောင်ဆန်းမွေးနေ့အလှူအဖြစ် တောင်ကြီးဒေသခံကလေးငယ်နှင့် ကိုရင်များအား အာဟာရဒါနပြုခဲ့ရာ ဒေါ်အောင်ဆန်းစုကြည်ကို အဆိုပါအလှူ၌ တွေ့ရစဉ် (ဓာတ်ပုံ − ဂျေမောင်မောင်(အမရပူရ))

ဗိုလ်ချုပ်အောင်ဆန်း ၏ (၁၀၂)နှစ်မြောက် မွေးနေ့တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အင်း လေးဖောင်တော်ဦးဘုရားဖူးစဉ် တိုင်းပြည်ငြိမ်းချမ်းရေးအတွက် ဆုတောင်းခဲ့သည်။

ဖေဖော်ဝါရီ ၁၃ ရက်က အင်းလေး ဖောင်တော်ဦးဘုရား ဧည့်သည်တော် မှတ်တမ်းတွင် နိုင်ငံတော်၏ အတိုင်ပင်ခံပုဂ္ဂိုလ်  က အောက်ပါအတိုင်း ရေးသား ခဲ့သည်။

‘ဖေဖော်ဝါရီ ၁၃ ရက် ဖေဖေ့ရဲ့ (၁၀၂) နှစ် မွေးနေ့မှာ ဖောင်တော်ဦး မြတ်စွာဘုရားအား ဖူးခွင့်ထူးရရှိသည့် အကျိုးရလဒ် အဖြစ် ပြည်ထောင်စုကြီး ငြိမ်းချမ်းသာယာမှုကို တွေ့ရှိရပါစေသား’ ဟု ဒေါ်အောင်ဆန်းစုကြည်က ဖောင်တော်ဦးဘုရားဧည့်သည်တော် မှတ်တမ်းတွင်ရေးသားခဲ့ခြင်းဖြစ်သည်။

ဖေဖော်ဝါရီ ၁၃ ရက်က တောင်ကြီးမြို့သို့ ရောက်ရှိနေ သည့် နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် သည် တောင်ကြီးမြို့၏ အထင်က ရ ဘုရားဖြစ်သည့် တောင်ပေါ်ရွှေ ဘုန်းပွင့် ဘုရားရှိ စနေထောင့် တွင်ဗိုလ်ချုပ်အောင်ဆန်းအတွက် ရည်စူး၍ ဖယောင်းတိုင် ၁၀၂ တိုင် ထွန်းညှိလှူဒါန်းခဲ့ကာ စူဠာ မုနိစေတီတော်ကိုလည်း ဖူးမြော်ခဲ့သည်။

ဖေဖော်ဝါရီ ၁၃ ရက်တွင် ကျရောက်သည့် မြန်မာနိုင်ငံ ကလေးများနေ့နှင့် ဗိုလ်ချုပ် အောင်ဆန်း၏ (၁၀၂)နှစ်မြောက် မွေးနေ့ အထိမ်းအမှတ်အဖြစ် တောင်ကြီးမြို့ မိဘမဲ့ပရဟိတ ကျောင်း၊ ဘုန်းတော်ကြီးသင် ပညာရေးကျောင်းနှင့် မူကြို ကျောင်း ၂၂ ကျောင်းမှ ကလေး ၂၆၉ ဦးအား နိုင်ငံတော်အတိုင် ပင်ခံရုံးက ကလေးတစ်ဦးလျှင် ကျပ်တစ်သောင်းနှုန်းဖြင့် လှူဒါန်း ဒါနပြုပေးခဲ့သည်။

 ဒေါ်အောင်ဆန်းစုကြည် သည် ပင်လုံမြို့တွင် ကျင်းပသည့် နှစ် (၇၀) ပြည့် ပြည်ထောင်စု နေ့ အခမ်းအနားသို့ တက်ရောက် အပြီး တောင်ကြီးမြို့သို့ ခေတ္တ ရောက်ရှိခဲ့ကာ ဖေဖော်ဝါရီ ၁၃ ရက် မွန်းလွဲပိုင်း၌ ဟဲဟိုးလေဆိပ် မှတစ်ဆင့် နေပြည်တော်သို့ လေ ယာဉ်ဖြင့် ပြန်လည်ထွက်ခွာသွား သည်။

Top News