စနစ်သစ်တွင် သတိထားရမည့် သုံးချက်

အယ်ဒီတာ့ အာဘော်

ရန်ကုန်မြို့တွင်း သယ်ယူပို့ဆောင်ရေးစနစ်သစ်မှာ ဝေဖန်မှုနှင့်ထောက်ခံမှုများကြား ယနေ့ စတင်လိုက်ပြီဖြစ်သည်။ ၁၉၆၂ ခုနှစ်မှ စတင်ပေါ်ပေါက်လာခဲ့သော မထသ (မော်တော်ယာဉ် လုပ်ငန်းပေါင်းစုံထိန်းသိမ်းရေးကော်မတီ - ရန်ကုန်) အပါအ၀င် ဆယ်စုနှစ်များစွာရှိနေခဲ့သောယာဉ်လိုင်းများနှင့် စနစ်ဟောင်းကို ဖျက်သိမ်းပြီး စနစ်သစ်ဖော်ဆောင်ခြင်းဖြစ်၍ ယခုထက်ပိုမို အချိန်ယူသင့်ကြောင်း  ဝေဖန်သုံးသပ်မှုများရှိသော်လည်း ရန်ကုန်တိုင်းဒေသကြီး ၀န်ကြီးချုပ်ဦးဖြိုးမင်းသိန်းဦးဆောင်၍ တိုင်းဒေသကြီးအစိုးရကမူလကြေညာထားသည့်အတိုင်းပင် သမိုင်းစာမျက်နှာသစ်ကို စတင်လိုက်ခြင်းပင်ဖြစ်သည်။

အားရစရာကောင်းသည်မှာ စနစ်သစ်အောင်မြင်စေရန် ကား မှတ်တိုင်များ၌ ခရီးသည်များကို ကူညီလမ်းညွှန်ပေးမည့် စေတနာ့ ၀န်ထမ်းလူငယ်များစွာ ရှိခဲ့ခြင်းဖြစ်သည်။ အများပိုင်ဘတ်စ်ကားစနစ် သစ်အတွက် ခရီးသည်များ ကားမည်သို့စီးရမည်ကို မသိပါက ကူညီ လမ်းညွှန်ပေးရန် စေတနာ့ဝန်ထမ်းများကို ဖိတ်ခေါ်လိုက်သည်နှင့် ကျောင်းသားများအပါအ၀င် လူငယ်အများစုပါဝင်သော စေတနာ့ ၀န်ထမ်းလေးထောင်ကျော်က ဆက်သွယ် စာရင်းပေးခဲ့ခြင်းဖြစ်သည်။ နာဂစ်ဆိုင်ကလုန်းမုန်တိုင်း၊ ၂၀၁၅ ရေဘေးကဲ့သို့ သဘာဝဘေးများကြုံခဲ့ပြီး နိုင်ငံအတွက် အကူအညီနှင့် လုပ်အားများ လိုအပ်သည်နှင့် လူငယ်များတက်ကြွစွာပါဝင်ကူညီခဲ့သည့် အစဉ်အလာအတိုင်းပင် ရန်ကုန်မြို့တွင်း သယ်ယူပို့ဆောင်ရေး စနစ်သစ်အတွက်လည်း လူငယ်များက ကူညီရန်အဆင်သင့်ရှိနေကြပါသည်။


  သို့သော် စနစ်တစ်ခုလုံး ပြောင်းလဲခြင်းကို ၁၀ ရက်သာ ပြည်သူ သို့ ကြိုတင်အသိပေးခဲ့ပြီး ကြိုတင်ပြင်ဆင်ချိန် နည်းပါးခဲ့သည့်အတွက် နောက်ဆက်တွဲပြဿနာအချို့လည်း ရှိခဲ့သည်။ ဘီအမ်၊ ဒိုင်နာနှင့် ၉၅ မော်ဒယ်အောက် ဘတ်စ်ကားများကို စနစ်သစ်တွင် ပြေးဆွဲခွင့်မပြုဟု ဆိုသော်လည်း အခက်မတွေ့စေရန် သုံးလပြေးဆွဲခွင့်ပြန်လည်ခွင့်ပြုခဲ့ သည်။ သို့သော် အဆိုပါကားများကို မည်သည့်လမ်းကြောင်းတွင် ပြေး ဆွဲရမည်ကို ဇန်န၀ါရီ ၁၅ ရက် ညအချိန်အထိ သက်ဆိုင်ရာက ရှင်းလင်း စွာ အသိပေးအကြောင်းကြားနိုင်ခြင်းမရှိသည့်အတွက် အစီးရေ ၁,၅၀၀ ကျော်ရှိနိုင်သော အဆိုပါကားများထဲမှ ကားအများစုမှာ ယနေ့တွင် မပြေးဆွဲနိုင်ခဲ့တော့ပေ။ စနစ်တစ်ခုလုံး ပြင်ဆင်ခြင်းဖြစ်၍ ရက်အနည်း ငယ် နောက်ဆုတ်ရန်၊ စနစ်သစ်စတင်သည့်ရက်ကို ရုံးစဖွင့်ရက်မရွေး ချယ်ဘဲ စနေ၊ တနင်္ဂနွေကဲ့သို့ ရုံးပိတ်ရက်ဖြင့် စတင်ရန် အကြံပေးမှုများ ကို ရန်ကုန်တိုင်းအစိုးရက နားမထောင်ခဲ့ပါ။ သို့သော် သမိုင်းသစ်ကို အောင်မြင်စွာ ရေးထိုးနိုင်ရန် ၀ိုင်းဝန်းကူညီကြမည့် စေတနာ့ဝန်ထမ်းများ၊ ပြည်သူများ၏ ခွန်အားဖြင့်ပင် စနစ်သစ်ကို စတင်လိုက်ပါသည်။

        သို့သော် အထူးသတိပြုရမည့် အချက်သုံးချက်ရှိပါသည်။ ယခုကဲ့သို့ အပြောင်းအလဲစတင်ခြင်းမှာ မြို့တွင်းသယ်ယူပို့ဆောင်ရေးတွင်ပြည်သူများအတွက် ၀န်ဆောင်မှုများ ပိုမိုကောင်းမွန်လာရန်၊ ဘတ်စ်ကားများစနစ်တကျပြေးဆွဲနိုင်ရန်နှင့် ယာဉ်ကြောပိတ်ဆို့မှု လျော့ပါးရန်ဖြစ်ကြောင်း ဦးဖြိုးမင်းသိန်းက ပြောကြားထားသည်။ ထို့ကြောင့်စနစ်သစ် သည် စနစ်ဟောင်းမှ ယာဉ်မောင်းနှင့် ယာဉ်နောက်လိုက်အချို့ရမ်းကားမှုကြောင့် ခရီးသည်များ ကြောက်နေရသည့် အခြေအနေမျိုးမဖြစ်ဘဲ ခရီးသည်ကို ၀န်ဆောင်မှုကောင်းမွန်စွာပေးလာစေရပါမည်။ထို့အတွက် ယခင်က ခရီးသည်များကို မိုက်ရိုင်းစွာဆက်ဆံပြီး ကိုယ်ထိလက်ရောက် ကျူးလွန်ထားသော ယာဉ်မောင်းနှင့် ယာဉ်နောက်လိုက်အချို့သည် အလွယ်တကူ အရေခွံပြောင်းကာ စနစ်သစ်တွင်ပါဝင်မလာနိုင်ရန် စိစစ်ကြပ်မတ်ရန် လိုပါသည်။ ၎င်းတို့အနေဖြင့် ပြစ်မှုကျူးလွန်ထားပါက ထိုက်သင့်သော ပြစ်ဒဏ်ကျခံပြီး၊ ယာဉ်လုပ်သားများ လုပ်ကိုင်ရမည့် ၀န်ဆောင်မှုများကို ကောင်းမွန်စွာသဘောပေါက်ပြီး ပြုပြင်နိုင်မှသာ အခွင့်အရေးပေးသင့်ပါသည်။

စနစ်ဟောင်းကဲ့သို့ နေ့တွက်ကိုက်အောင်ကားချင်းပြိုင်မောင်းပြီး ပြည်သူများအသက်ဖက်နှင့်ထုတ်ထားသည့် အခြေအနေမျိုးမှပြည်သူများလုံခြုံဘေးကင်းစွာ လိုက်ပါစီးနင်းနိုင်သော မြို့တွင်းသယ်ယူပို့ဆောင်ရေးစနစ်ဖြစ်လာရန်လိုပါသည်။ ထို့ကြောင့် ကားချင်းပြိုင်မောင်းခြင်း၊ လုမောင်းခြင်းများမရှိအောင် စီမံခန့်ခွဲရပါမည်။

ထို့အပြင် နိုင်ငံ့စီးပွားရေးနှေးကွေးပြီး ကုန်ဈေးနှုန်းကြီးမြင့်သဖြင့် ပြည်သူများ စားဝတ်နေရေးကျပ်တည်းနေချိန်ဖြစ်၍ စနစ်သစ်သည် ယာဉ်စီးခပိုကုန်ခြင်းမျိုး လုံးဝမဖြစ်ရန်လိုအပ်ကြောင်း 7Day Daily က တိုက်တွန်းလိုက်ရပါသည်။