ခေါနုစုမ်တောင်အနီး ဆော်လောင်းကျေးရွာတွင် ရပ်ရွာလူထုအခြေပြု ခရီးစဉ်သစ်တစ်ခုဖွင့်လှစ်

ချင်းပြည်နယ် ကန်ပက်လက်မြို့ရှိ ခေါနုစုမ်တောင်ကို အခြေပြု၍ နိုင်ငံခြားသားခရီးသွားဧည့်သည်များ လာရောက်လည်ပတ်နိုင်မည့် ရပ်ရွာလူထုအခြေပြု ခရီးစဉ်သစ်တစ်ခုကို အဆိုပါတောင်အနီး ဆော်လောင်းကျေးရွာတွင် ဇန်န၀ါ ရီ ပထမပတ်အတွင်းက တရားဝင် ဖွင့်လှစ်ပေးခဲ့ကြောင်း ဟိုတယ်နှင့် ခရီးသွားလာရေးဝန်ကြီးဌာနမှ သတင်းရရှိသည်။

‘‘ချင်းပြည်နယ်က ၂၀၁၇ ထဲ မှာ ပထမဆုံးဖွင့်လှစ်လိုက်တဲ့ ရပ်ရွာလူထုအခြေပြုခရီးစဉ်တစ်ခု ဖြစ်သလို ခုနစ်ခုမြောက်ခရီးစဉ် ဒေသအသစ်လည်း ဖြစ်ပါတယ်။ ဒီခရီးစဉ်သစ်ကနေ ချင်းပြည်နယ် ခရီးသွားလုပ်ငန်း ဖွံ့ဖြိုးရေး အတွက် အထောက်အကူပြုစေမှာလည်း ဖြစ်ပါတယ်’’ဟု ဟိုတယ် နှင့် ခရီးသွားလာရေးဝန်ကြီးဌာန၊ သတင်းနှင့် ပြန်ကြားရေးဌာန ညွှန်ကြားရေးမှူး ဦးမြင့်ထွေးက ပြော သည်။

ကန်ပက်လက်တွင် ဖွင့်လှစ်သည့် ဆော်လောင်းကျေးရွာ ခရီးစဉ်သစ်၌ တောင်ဇလပ်ပန်းများ၊ အောက်ချင်းငှက်များ၊ နို့တိုက်သတ္တ၀ါများ၊ တွားသွားသတ္တ၀ါများ၊ အခွံမာပိုးကောင်များ၊ အပင်မျိုးစိတ်များနှင့် ရေညှိမျိုးစိတ်များစွာကို ပင်လယ်ရေမျက်နှာပြင် ၁၀,၅၀၀ပေမြင့်သည့် ခေါနုစုမ် တောင်ကြောတစ်လျှောက် လေ့လာနိုင်မည့်အပြင် ချင်းတိုင်းရင်းသားများ၏ ရိုးရာဓလေ့များကို လေ့လာနိုင်ကြောင်း ၀န်ကြီးဌာနမှ သိရသည်။

ကျေးရွာသို့ လာရောက်လည်ပတ်သော ခရီးသွားဧည့်သည်များ တည်းခိုရန် ၀ါး၊ ဓနိများဖြင့် တည်ဆောက်ထားသော နှစ်ယောက်အိပ် တဲခြောက်လုံးကိုလည်း တည်ဆောက်ပေးထားသည်ဟု ဆိုသည်။ ‘‘ကန်ပက်လက်ဟာ ဖွံ့ဖြိုးမှု အနည်းဆုံးဒေသတွေထဲက တစ်ခု ဖြစ်ပြီး ရပ်ရွာလူထုအခြေပြု ခရီးသွားလုပ်ငန်းကြောင့် ချင်းကလေးငယ်တွေရဲ့ ကျန်းမာရေး၊ ပညာရေးတို့ကို အထောက်အကူ ပြုစေမှာ ဖြစ်ပြီး ချင်းတိုင်းရင်းသားတို့ရဲ့ အိပ်မက်ရှင်သန်ခွင့်ရရှိလာမှာ ဖြစ်ပါတယ်’’ဟု ချင်းပြည်နယ်အစိုးရအဖွဲ့ဝန်ကြီး ဆလိုင်းအိုက်ဇက်ခင်က ပြောသည်။

မြန်မာနိုင်ငံ၌ ရပ်ရွာလူထုအခြေပြု ခရီးသွားလုပ်ငန်းကို ကချင်၊ ကယား၊ ကရင်၊ ရှမ်းပြည်နယ်နှင့် မကွေး၊ မန္တလေးတိုင်းတို့ရှိ ကျေးရွာပေါင်း ၁၉ ခုတွင် အကောင်ထည်ဖော်ပြီး ဖြစ်ကြောင်းဟိုတယ်နှင့် ခရီးသွားလာရေးဝန်ကြီးဌာနမှ သိရသည်။

More in Tourism Section