မိုးခါးရေတွေ မငေးမိစေနဲ့

လက်ရှိ အစိုးရကာလအတွင်း ပြည်သူ့ဝန်ထမ်း လစ်လပ်နေရာများအတွက် အလုပ်ခေါ်စာများ မကြာခဏတွေ့ရသည်။ ဦးစီးအရာရှိအဆင့်ဝန်ထမ်း ၁၀၀ ကျော်ကို လိုအပ်လျက်ရှိသောဝန်ကြီးဌာနများက ပြည်ထောင်စုရာထူးဝန် အဖွဲ့မှတစ်ဆင့် ခေါ်ယူထားတာ တွေ့သည်။ အထူးစုံစမ်းရေးဦးစီးဌာနက စုံစမ်းရေးမှူးများ ခေါ်တာ တွေ့သည်။ လူဝင်မှုကြီးကြပ်ရေး နှင့်ပြည်သူ့အင်အားဦးစီးဌာနက ၀န်ထမ်း ၃၀၀ ကျော်ခေါ်တာတွေ့မိသည်။ စီမံကိန်းဦးစီးဌာနက ခေါ်တာတွေ့ရသည်။ စက်မှုလက်မှုသိပ္ပံနှင့် စက်မှုအထက်တန်းကျောင်းများအတွက် နည်းပြ၊ သရုပ်ပြ ၇၀၀ ကျော် ခေါ်တာတွေ့ရသည်။ ဒါတောင် မိမိသတိမထားမိလိုက်သော အလုပ်ခေါ်စာများ ကျန်ရှိပေလိမ့်မည်။

မိမိတို့ဝန်းကျင်တွင် ၀န်ထမ်းအလုပ်ကို အားကျသူများရှိသကဲ့သို့ သဘောမတွေ့ဘဲ ၀န်ထမ်းမလုပ်လိုသူများလည်းတွေ့ရသည်။ များသောအားဖြင့်ကတော့ မည်သည့်ဌာနမှ လစ်လပ်ဝန်ထမ်းခေါ်သည်ဖြစ်စေ လျှောက်ထားသူများ စွာတွေ့ရတတ်သည်။

ယခင်က မိမိတို့ဝန်းကျင်တွင် ဌာနဆိုင်ရာ အလုပ်အကိုင်လျှောက်ကြရာတွင် ဌာနတစ်ခုကို လူကြိုက်များခြင်း၊ နည်းခြင်းကို အပိုဝင်ငွေရရှိမှုကိုမူတည်၍ ဆုံးဖြတ်သည်။ ၀န်ထမ်းအချင်းချင်းမှာကိုအောက်ဆိုက်ရှိသောဌာနမှ ၀န်ထမ်းနှင့် ဘေးပေါက်မရှိသော ဌာနက ၀န်ထမ်း မတူသလိုဆက်ဆံချင်ကြသည်။ ဌာန၏ အရေးပါအရာရောက်မှုဆိုတာကလည်း ဌာန၏ လုပ်ငန်းတာဝန်များနှင့်ဆက်စပ်ပြီး အချို့ဝန်ထမ်းများက တာဝန်ရှိမှုကို လုပ်ပိုင်ခွင့်ဟု ထင်မှတ်တတ်ကြသည်။

တစ်လောက မိမိမိတ်ဆွေတစ်ဦးကို စီးပွားရေးဘွဲ့ရဒုဦးစီးမှူးအဆင့်ဝန်ထမ်းများ ဌာနတစ်ခုက ခေါ်နေကြောင်း အသိပေးမိသည်။ မိတ်ဆွေက၎င်းဌာနသည် မကောင်း၍ မလျှောက်တော့ဟုဆိုလေသည်။ ဘာမကောင်းတာလဲဆို ဘေးပေါက်မရနိုင်၍ဟုဆိုလေသည်။

နောက်တစ်ယောက်ကို လ၀ကမှ ၀န်ထမ်းများခေါ်နေကြောင်း ပြောမိသည်။ နယ်စပ်တွေသွားနိုင်မှ အဆင်ပြေတာပါဟု ၎င်းကဆို ပြန်သည်။ ၀န်ထမ်းလုပ်ပြီဆိုမှတော့ တာဝန်ကျရာဒေသသွားရမှာပဲဆိုမိသည်။

ဝန်ထမ်းလောကတွင် နေရာကောင်းဆိုသည့် ရွေးချယ်မှုကလည်း ရှိသေးကြောင်း ထိုမိတ်ဆွေပြောမှ မိမိလည်းသတိပြုမိသည်။ အချို့တွေက ကောင်းတဲ့ဌာနတစ်လှည့် မကောင်းတဲ့ဌာနတစ်လှည့် အလှည့်ကျဟု ဆိုကြသည်။ ဌာနတစ်ခုမှမိတ်ဆွေတစ်ယောက်ကတော့အညာနယ်မြို့လေးတွင် ကာလအတန်ကြာ တာဝန်ထမ်းဆောင်နေရာမှ နယ်စပ်ဂိတ်ရှိသောမြို့လေးသို့တစ်နှစ်ခန့် တာဝန်ကျချိန်တွင်ယခင်က တင်နေသော အကြွေးများကျေကာ သိန်း လေးငါးဆယ်စုမိကြောင်း သိရသည်။

လွန်ခဲ့သည့်၂ နှစ်ခန့်က မိမိမိတ်ဆွေမြို့နယ်အဆင့်အရာရှိတစ်ဦးသည် နယ်မြို့လေးတစ်မြို့မှ မြို့ကြီးတစ်ခုသို့ ပြောင်းရွှေ့တာဝန်ထမ်းဆောင်ရကြောင်း သိရလေသည်။ ထိုမြို့ကြီးသည် မိမိဇာတိမြို့ဖြစ်၍ နီးစပ်ရာဌာနဆိုင်ရာ မိတ်ဆွေများကို ထိုဦးစီးပြောင်းလာမည့်အကြောင်းပြောမိသည်။ မြို့ခံဝန်ထမ်းတစ်ဦးက ထိုဦးစီး တစ်နှစ်အတွင်း ကိုယ်ပိုင်ကားစီးရ မည်ဟုဆိုလေသည်။ မိမိက ထိုဦးစီးသည် အလုပ်၌ လက်လွတ်စပယ် မလုပ်ကြောင်းဆိုရာတွင် ကိုယ်တိုင်လုပ်စရာမလိုကြောင်း ဆက်စပ်ပတ်သက်သည့် ဌာနဆိုင်ရာအဖွဲ့များက ဝေစုပေးတာနဲ့ကို ပြေလည်ကြောင်း ဆိုလေသည်။ မြို့ခံဝန်ထမ်းစကားမမှားပါ။ မိတ်ဆွေဦးစီးတစ်နှစ်မပြည့်ခင် ကိုယ်ပိုင်ကားနှင့်ဖြစ်သွားသည်။

ဌာနဆိုင်ရာဝန်ထမ်များတွင် ရာထူးတိုးမြှင့် ထမ်းဆောင်လိုသော ၀န်ထမ်းများသာရှိသည်ဟုဆို ခြွင်းချက်မရှိ မမှန်ပေ။ တစ်လောက ဌာနတစ်ခုမှ လက်ထောက် ညွှန်မှူးအဆင့်သို့ ရာထူးတိုးစာရင်းထွက်ရာ မိတ်ဆွေဦးစီးတစ်ယောက်၏ နာမည်မတွေ့၍ မပါသေးတာ စိတ်မကောင်းကြောင်း ပြောမိသည်။ မိတ်ဆွေဦးစီးက မပါသေးတော့ ကောင်းတာပေ့ါဗျာ။ ပါရင် နယ်ပြောင်းရမှာဗျ။ ဒီနေရာလေးမြဲဖို့တောင် မနည်းကြိုးစားနေရတာဟုဆိုလေသည်။

 မိမိမှာ ထိုဦးစီးပြောမှ ရာထူးဆိုတာ ရူးတာဟုပြောခဲ့သော ပြင်ထိန်းဒုဦးစီးလေးတစ်ဦး၏ စကားကို သတိရမိသည်။ လွန်ခဲ့သည့် ၁၀ နှစ်ကျော်က စီမံကိန်းတစ်ခုတွင် တာဝန်ထမ်းဆောင်စဉ် မိမိရယ်၊ ဒုညွှန်အဆင့် တစ်ယောက်ရယ်၊ ပြင်ထိန်းဒုဦးစီးတစ်ယောက်ရယ် အရက်ဝိုင်းဖွဲ့မိကြရာ အရှိန်လေးရလာတော့ ပြင်ထိန်းပုဂ္ဂိုလ်က ‘‘ရာထူးဆိုတာ ရူးတာ အဘရ’’ဟု ဆိုလေသည်။ ထိုကာလက ဒုဦးစီးလစာက ငါးထောင်ဝန်းကျင်၊ ဒုညွှန်လစာကလည်း တစ်သောင်းဝန်းကျင်သာ။ လစာကွာခြားချက်နည်းသည်။ ဒုဦးစီးက ပြင်ထိန်းဆိုက်ကိုင်တာဆိုတော့ ငွေကို ရေလိုသုံးသည်။ ဒုညွှန်မှူးက အခြားဌာနခွဲမှဖြစ်၍ အပိုဝင်ငွေမရှိ။ ထိုကာလအခြေအနေအရတော့ ဒုဦးစီးပုဂ္ဂိုလ်လေးပြောတာ မှန်ခဲ့ပေသည်။ အခုကာလအထိကော မှန်နေတုန်းပဲလား။ စဉ်းစားစရာပင်။

 နိုင်ငံ့ဝန်ထမ်းအလုပ်သည် မိမိအားထုတ်သလောက် အကျိုးခံစားခွင့်မရှိဟု သူငယ်ချင်းတစ်ဦးကပြောဖူးသည်။ သူငယ်ချင်းပြောလျှင်လည်း ပြောချင်စရာပေ။ ၀န်ထမ်းတစ်ဦးပုံမှန်လစာနဲ့ကတော့ ခြိုးခြံချွေတာရှာနေတတ်မှ ရပေမည်။ အောက်ဆိုက်ဝင်ငွေမရှိဘဲ ကိုယ်ပိုင်ကားမစီးချင်နှင့် ပင်စင်ယူချိန် အိုးပိုင်အိမ်ပိုင် နေနိုင်ဖို့ မလွယ်ပေ။

ယခုကာလအထိတော့ အခြားဝင်ငွေရလမ်းမရှိသည့် သူများအတွက် ၀န်ထမ်းအလုပ်လုပ်၍ ကြီးပွားဖို့လမ်းစမမြင်ပါချေ။ ၀န်ထမ်းလုပ်နေပြီး အခြားအပိုဝင်ငွေ ရစေသော လုပ်ငန်းများနှင့် တွဲလုပ်မည်ဆိုပါကလည်း ၀န်ထမ်း အလုပ်သည် မိမိနေချင်သောနေရာဒေသ တစ်သမတ်တည်း နေ၍မရ။ ထားရာနေ စေရာသွားဖြစ်သည်။ တာဝန်ကို လက်ကိုင်ပြုပြီး အခြားဝင်ငွေရလမ်းဖန်တီးပြန်ပါကလည်း အလွဲသုံးစားမှု၊ အဂတိလိုက်စားမှု၊ မသမာမှု မြောက်ပေမည်။

ယခုရက်ပိုင်းအတွင်းမှာပင် နိုင်ငံ့ဝန်ထမ်း အလုပ်ခေါ်သည့် ကြော်ငြာများက မပြတ်တွေ့နေရသည်။ ကျန်းမာရေးဌာနက ကျန်းမာရေးမှူးအယောက် ၃,၀၀၀ တောင်ခေါ်မည်ဖြစ်သည်။ မကြာ သောကာလတွင် ၀န်ထမ်းလောက၌ ၀န်ထမ်းသစ်ထောင်၊ သောင်းချီ၍ ရောက်ရှိပေတော့မည်။ ၎င်းတို့ တွေ နိုင်ငံ့ဝန်ထမ်းဘ၀ကို မည်သို့ သော အမြင်၊ မည်သို့သော အတွေးများနှင့် ၀င်ကြမည်နည်း။

မိမိတို့ငယ်စဉ်က ရုပ်ရှင်ဇာတ်လမ်းများ ကြည့်စဉ် မင်းသားမင်းသမီးများ၏နေရာကို မိမိကိုယ်တိုင်အဖြစ် ၀င်ရောက်ခံစားမိသည်။ ဇာတ်ရှိန်မပြယ်သေးသမျှ မိမိကြီးပြင်းလာလျှင်လည်း ထိုသို့ ဖြစ်အောင်လုပ်မည်ဆိုသော အ တွေးမျိုးဝင်ဖူးသည်။ ထိုကဲ့သို့ပင် မျိုးဆက်သစ်ဝန်ထမ်းများအနေဖြင့် စီနီယာဝန်ထမ်းကြီးများ၏ လုပ်ပုံကိုင်ပုံကို မိတ္တူပွားလိုက်မည် စဉ်းစား၍ အလုပ်ဝင်ပါက ရာနှုန်းပြည့်မှန်ကန်မည်မဟုတ်ပေ။ မကောင်းတာကိုပယ် ကောင်းတာကို လက်ဆင့်ကမ်းနိုင်ဖို့ လိုပေလိမ့်မည်။

ယခင်ခေတ်က ဗဟိုဝန်ထမ်းတက္ကသိုလ်တွင် တွေ့ဆုံခဲ့ဖူးသော ဆောင်ပုဒ်လေးတစ်ခုမှာ ‘၀န်ထမ်းကောင်းမှ နိုင်ငံကောင်းမည်’ တဲ့။ မိမိတို့နိုင်ငံသည် ကောင်းမွန်သော အခြေအနေတစ်ခုရှိနေရဲ့လား၊ အဘက်ဘက်မှ ယိုယွင်းနေသော နိုင်ငံတစ်ခုအဖြစ်သာ မြင်မိသည်။ ပညာရေး၊ကျန်းမာရေး၊ စီးပွားရေးဘက်ပေါင်းစုံ နိမ့်ကျနေသည်။ သဘာဝသစ်တော သယံဇာတခိုးခံရ၍တစ်မျိုး၊ စာချုပ်ဖြင့်ရောင်းပြီး၍တစ်ဖုံ ကုန်သလောက်နီးပြီ။ မိမိတို့မြန်မာနိုင်ငံသည် ကောင်းမွန်သောအဆင့်မှာမရှိသည်ကို လက်ခံရတော့မည်။ ထိုအခြေအနေကိုကြည့်ပြီး အထက်ကဆောင်ပုဒ်လေးအရဆိုက ၀န်ထမ်းများမကောင်းခဲ့၍လား၊ စဉ်းစားစရာပင်။ မိမိအတွေ့အကြုံအရဆိုရပါမူ နိုင်ငံတွင်းလည်ပတ်သည့် အစိုးရယန္တရားကောင်းမှ ၀န်ထမ်းကောင်းမည်ဟု ဖြည့်စွက်ဆိုလိုက်ချင်ပါသည်။

ယခုကဲ့သို့ပြည်သူများက တစ်ခဲနက်ရွေးချယ်ခဲ့သော ပြည် သူ့အစိုးရလက်ထက်တွင် ၀န်ထမ်းလောကတွင် သောက်ခဲ့ဖူးသော မိုးခါးရေများ မသောက်စေလိုတော့ပေ။ နိုင်ငံ့အစိုးရအဖွဲ့ကတော့ အဂတိကင်းသည့် အစိုးရအဖွဲ့ဖြစ်ဖို့ ကြိုးစားနေတာတွေ့ရသည်။ အချို့သော အောက်ခြေ၀န်ထမ်းအဖွဲ့အစည်းအများအတွင်းမှာတော့ မိုးခါးရေဇာတ်လမ်းများ ကြားရဆဲဖြစ်သည်။

 အချို့သော ၀န်ထမ်းဟောင်းများလည်း အစိုးရယန္တရားအမျိုးမျိုး ဖြတ်သန်းခဲ့ပြီးဖြစ်၍ အခြေအနေအချိန်အခါအရ အလိုက်သင့်ကခဲ့ရ၍ တစ်ချိန်တစ်ခါက မိုးခါးရေသောက်ခဲ့လျှင် သောက်ခဲ့ဖူးကြမည်။ လက်ရှိကာ လအစိုးရယန္တရားအပြောင်းမှာတော့ မကောင်းသည့်လုပ်ရပ်များ ခေတ်ဟောင်းမှာပဲ ချန်ခဲ့သင့်ပါသည်။

 မျိုးဆက်သစ် ၀န်ထမ်းလုပ်သည့်သူများအနေဖြင့်လည်း လွဲမှားသော အားကျအတုယူမှုများဖြင့် ၀န်ထမ်းလောကသို့ မ၀င်ရောက်မိစေရန် ရေးသားလိုက်ပါသည်။