ဆေးယဉ်ပါးတီဘီထက် အခြေအနေဆိုးသော ပြင်းထန်ဆေးယဉ်ပါးတီဘီရောဂါရှင် ၃၀ ခန့်အား ကုသပေးနိုင်ရေး ကြိုးပမ်းနေ

မြန်မာနိုင်ငံတွင် အခြေအနေဆိုး ရွားသည့် ပြင်းထန်ဆေးယဉ်ပါး တီဘီဖြစ်ပွားသူ ၃၀ ဦးခန့်ရှိနေကြောင်း ကျန်းမာရေးနှင့် အားကစားဝန်ကြီးဌာနမှ သတင်းရရှိသည်။

ပြင်းထန်ဆေးယဉ်ပါးတီဘီ ရောဂါ(XDR-TB) ဆိုသည်မှာ ဆေးယဉ်ပါးတီဘီထက် ထပ်ဆင့် ဆိုးရွားသည့် အခြေအနေဆိုး သော တီဘီရောဂါဖြစ်ပြီး ကုသ ရာတွင် အောင်မြင်မှုနည်းပါးသည့် ရောဂါတစ်ခုဖြစ်သည်။ ၂၀၀၇ မှ ၂၀၁၆ အထိ အဆိုပါပြင်းထန် ဆေးယဉ်ပါးလူနာ ၃၀ ဦးရှိနေ ကြောင်း ကျန်းမာရေးနှင့်အားက စားဝန်ကြီးဌာန စာရင်းမှတ်တမ်း များ၌ ဖော်ပြထားသည်။


‘‘အခု XDR-TB က စာရင်း မှတ်ထားတဲ့အရ လူ ၃၀ ခန့်ရှိနေ ပြီဖြစ်တဲ့အတွက် ဒီလူတွေကိုကု သနိုင်ဖို့ ကျွန်မတို့ ကြိုးစားပြီး ဆောင်ရွက်နေပါတယ်။ မြန်မာမှာ စမ်းသပ်စစ်ဆေးဖို့ ကြိုးစားနေပါ ပြီ။ ကုသမှုရရှိနိုင်ဖို့ ဆောင်ရွက် နေပြီ’’ဟု ပြည်သူ့ကျန်းမာရေးဦး စီးဌာန၊ ရောဂါနှိမ်နင်းရေး ညွှန်ကြား ရေးမှူး ဒေါက်တာသန္တာလွင်က ပြောသည်။

အဆိုပါ လူနာများကို ကျန်း မာရေးဝန်ကြီးဌာနက ဆောင်ရွက် နေသော End TB Program တွင် ထည့်သွင်းကုသနိုင်ရန် စီစဉ်ထား သည်ဟု ဆိုသည်။

ယင်းကုသမှုသည် လပေါင်း ၂၀ ကျော်ကြာမြင့်မည်ဖြစ်၍ အ သုံးပြုနေဆဲ ဆေးဝါးများလည်း ယင်းကုထုံးတွင် ပါဝင်မည်ဖြစ်ကာ ရန်ကုန်မြို့ရှိ အောင်ဆန်းတီဘီ ဆေးရုံ၌ ကုသပေးမည်ဖြစ်သည်။ 

မြန်မာနိုင်ငံတွင် နှစ်စဉ် ဆေးယဉ်ပါးတီဘီဖြစ်သူ ကိုးထောင်ခန့် ရှိကာ တီဘီလူနာအသစ် ၅ ရာခိုင် နှုန်းမှာ ဆေးယဉ်ပါးတီဘီဖြစ်ပွား နေကြောင်း ကျန်းမာရေးနှင့်အား ကစားဝန်ကြီးဌာနမှ သိရသည်။

ကမ္ဘာပေါ်တွင် နှစ်စဉ်လူဦး ရေ ၉ ဒသမ ၆ သန်းခန့် တီဘီရော ဂါဖြစ်ပွားနေကာ ၁ ဒသမ ၅ သန်း ခန့် သေဆုံးနေသည်။ မြန်မာနိုင်ငံ တွင် နှစ်စဉ်လူဦးရေ နှစ်သိန်း ခန့် တီဘီရောဂါကူးစက်ခံစားနေရပြီး ကမ္ဘာပေါ်ရှိ တီဘီရောဂါ၊ တီဘီနှင့် အိတ်ခ်ျအိုင်ဗီရောဂါပူးတွဲအဖြစ် အများဆုံးနှင့် ဆေးယဉ်ပါးတီဘီ အဖြစ်အများဆုံးနိုင်ငံ ၃၀ ထဲတွင်မြန်မာနိုင်ငံပါဝင်နေကာ အဆင့်(၁၁) နေရာ၌တည်ရှိနေသည်။ အရှေ့တောင်အာရှနိုင်ငံများတွင်အ ဖြစ် အများဆုံးစတုတ္ထအဆင့်နေရာ၌ ရှိနေကြောင်း ကမ္ဘာ့ကျန်းမာရေး အဖွဲ့က သတင်းထုတ်ပြန်ထား သည်။