ကိုယ်ဝန်ဆောင်သေဆုံးမှုလျှော့ချရန် မိခင်ခုနစ်သိန်းခန့်အား ပညာပေးစာအုပ်နှင့် ဆေးအိတ်များဖြန့်ဝေထားဟုဆို

တစ်နိုင်ငံလုံးရှိ ကိုယ်ဝန်ဆောင်မိခင်ခုနစ်သိန်းအတွက် ဖြန့်ချိထားပြီးဖြစ်သည်။ (ဓာတ်ပုံ−ကျော်ဇင်သန်း)

ကိုယ်ဝန်ဆောင်သေဆုံးမှုလျှော့ချ နိုင်ရေးယခုနှစ်အတွင်း ကိုယ်ဝန်ဆောင်မိခင် ခုနစ်သိန်းခန့်အားကျန်း မာရေးစောင့်ရှောက်မှုပညာပေးစာအုပ်များနှင့် အန္တရာယ်ကင်းစွာမွေးဖွားနိုင်ရန် ဆေးအိတ်များကို ကျန်းမာရေးနှင့် အားကစားဝန်ကြီးဌာနက ဖြန့်ဝေထားကြောင်း သတင်းရရှိသည်။


‘‘ကျန်းမာရေးဌာနက မိခင် တစ်ဦးချင်းစီကို ကိုယ်ဝန်ဆောင် မှတ်တမ်းစာအုပ်တွေထုတ်ပေး ထားတယ်။ ကလေးမမွေးမီကနေ မွေးပြီး (၅)နှစ်အထိ သုံးစွဲလို့ရတဲ့ အချက်အလက်မှတ်တမ်းတွေပါ တယ်။ ကိုယ်ဝန်ဆောင်မိခင်က ဘယ်အချက်ခံစားရတယ်ဆိုရင်အ ရေးကြီးဆေးရုံသွားဖို့လိုတယ်။ ကိုယ့်ကလေးကိုဘယ်အချိန်မှာ ကာကွယ်ဆေးထိုးရမယ်စသည် ဖြင့် ကျန်းမာရေးပညာပေးတွေ ပေါ့။ တစ်နိုင်ငံလုံးစာအတွက် ကိုယ်ဝန်ဆောင်မိခင်ခုနစ်သိန်းစာ စာအုပ်တွေကို ရိုက်နှိပ်ဖြန့်ဝေထား တယ်’’ဟု ဧရာဝတီတိုင်းဒေသကြီး ပန်းတနော်မြို့နယ် ကုသရေးဦးစီး ဌာနမှူးဒေါက်တာနေမင်းမျိုးထွန်း ကဆိုသည်။

ကိုယ်ဝန်ဆောင်မိခင်များအ နေဖြင့် အကြောင်းကြောင်းကြောင့် ကလေးမွေးဖွားချိန်၌ ကျွမ်းကျင် သည့် ကျန်းမာရေးဝန်ထမ်းနှင့် မ တွေ့ခဲ့ပါက အန္တရာယ်ကင်းစွာ က လေးမွေးဖွားနိုင်အောင် ပိုးသတ် ထားသည့် ကလေးအနှီး၊ တစ်ခါ သုံးကလေးမွေးလက်အိတ်ငယ်၊ ပေကျံမှုမရှိအောင် ပိုးသတ်ထား သည့်အခင်း၊ ချက်ကြိုးဖြတ်ရမည့် ဘလိတ်ဓား စသည်တို့ပါဝင်သည့် ဆေးအိတ်များကို မြို့နယ်တိုင်း၌ လုံ လောက်စွာဖြန့်ဝေထားပြီး ကိုယ်ဝန်လရင့်လာသည့် မိခင်များအား ကြိုတင်ပေးထားသည်ဟုဆိုသည်။

ကိုယ်ဝန်ဆောင်မိခင်သေဆုံး ခြင်းနှင့် ပတ်သက်၍ အရှင်မွေးက လေးဦးရေတစ်သိန်းတွင် သားဖွား မိခင် ၂၈၂ဦးသေဆုံးနေပြီး အာဆီယံနိုင်ငံများနှင့် နှိုင်းယှဉ်ပါက မြန်မာနိုင်ငံသည် မိခင်နှင့် (၅) နှစ်အောက်ကလေးသေဆုံးနှုန်း မြင့်မားဖြစ်ကြောင်း ၂၀၁၄ လူဦးရေနှင့် အိမ်အကြောင်းအရာ သန်းခေါင်စာရင်း၏အသေးစိတ်သုတေသနစာတမ်းများ၌ ဖော်ပြထားသည်။

 ကိုယ်ဝန်ဆောင်မိခင်များ သေဆုံးမှုကို လျှော့ချနိုင်ရေး အစိုးရသည် ကုလသမဂ္ဂလူဦးရေ ရန်ပုံငွေအဖွဲ့၊ ကမ္ဘာ့ကျန်းမာရေးအဖွဲ့များ၏ အကူအညီများဖြင့် ကိုယ်ဝန်ဆောင်မိခင်များ အသက်ဆုံးရှုံးရခြင်းကို စောင့်ကြည့်မှတ်တမ်းတင်ကာ တုံ့ပြန်ဆောင်ရွက်ရေးအစီအစဉ်တစ်ရပ်ကို ဆောင်ရွက်နေကြောင်းသိရသည်။

‘‘ဖွံ့ဖြိုးပြီးနိုင်ငံတွေမှာ မိခင် သေဆုံးမှုက မရှိသလောက်ရှားနေ တဲ့အချိန်မှာ မြန်မာနိုင်ငံက မိခင် သေဆုံးမှုက တစ်နှစ်ကို ၂၅၀၀၊ ၂၆၀၀ ပတ်ဝန်းကျင်လောက်ရှိနေ တယ်။ ဒါကြောင့် ကြိုးစားအားစိုက် ပြီး လျှော့ချနိုင်ဖို့လုပ်ဆောင်နေ တယ်။ မိခင်သေဆုံးမှုတစ်ယောက် ရှိပြီဆိုရင် ဖြစ်စဉ်တိုင်းမှာ ပြန်လည် သုံးသပ်တဲ့အဖွဲ့တွေဖွဲ့ပြီး  ဘာ ကြောင့်ဖြစ်တာလဲ၊ ဘာတွေသင် ခန်းစာယူနိုင်မလဲစသည်ဖြင့် ဖြစ် စဉ်အကုန်လုံးကို ပြန်စစ်ဆေးပြီး သုံးသပ်ကြိုတင်ပြင်ဆင်နိုင်မယ့် နည်းလမ်းတွေ ဆောင်ရွက်နေပါ တယ်’’ဟု ဒေါက်တာနေမင်းမျိုး ထွန်းကဆိုသည်။

 ကိုယ်ဝန်ဆောင်မိခင်များ သည် ကျန်းမာရေးဝန်ကြီးဌာနမှ ဖွင့်လှစ်ထားသည့်ဆေးရုံဆေးခန်း များတွင် ကိုယ်ဝန်စောင့်ရှောက်မှု ကို စောစီးစွာခံယူရန်လိုအပ်ပြီး ဆ ရာဝန်များ၊ ကျွမ်းကျင်သားဖွားဆ ရာမများနှင့်မွေးဖွားရန်၊ အိမ် ထောင်ရှင်အမျိုးသားများကလည်း မိမိရင်သွေးနှင့်ကလေးမိခင်အပေါ် ဂရုတစိုက်စောင့်ရှောက်ရန်တာဝန် ရှိကြောင်း အထွေထွေရောဂါကု ဆရာဝန်ဒေါက်တာကျော်စွာဦးက ပြောသည်။