အသင့်စားဆိုင်များကြောင့် ရန်ကုန်မြို့ရှိ ကျောင်းနေအရွယ်ကလေးငယ်များ အ၀လွန်ရောဂါပိုမိုဖြစ်ပွားလာ

ရန်ကုန်မြို့လယ်ကောင် ရှိ ကျောင်းနေအရွယ် ကလေးသူ ငယ်များတွင် မန္တလေး၊ တောင် ကြီးနှင့် မော်လမြိုင်တို့ရှိ ကလေး ငယ်များထက် အ၀လွန်ရောဂါ များ ပိုမိုဖြစ်ပွားနေကြောင်း ဆေး သုတေသနညီလာခံမှ သတင်းရရှိ သည်။

၂၀၁၄ မှ ၂၀၁၅ အထိ ဆေး သုတေသနဦးစီးဌာန၊ အာဟာရ သုတေသနဌာနခွဲမှ ရန်ကုန်၊ မန္တလေး၊ တောင်ကြီးနှင့် မော်လ မြိုင်တို့ရှိ မြို့လယ်ကောင်၊ မြို့စွန် နှင့် ကျေးရွာများမှ မူလတန်း၊ အလယ်တန်း ကျောင်းသား၊ ကျောင်းသူဦးရေ ၂,၉၀၀ ဦးကို အာဟာရနှင့်ပတ်သက်၍ သုတေ သနပြုလုပ်ခဲ့ရာ ရန်ကုန်မြို့လယ် ကောင်ရှိ ကလေးသူငယ်များက မန္တလေး၊ တောင်ကြီးနှင့်မော်လ မြိုင်တို့ရှိ ကလေးငယ်များထက် အ၀လွန်ရောဂါ ပိုမိုဖြစ်ပွားနေ ကြောင်း တွေ့ရှိခဲ့ခြင်းဖြစ်သည်။

‘‘ကလေးတွေမှာရှိတဲ့ အာ ဟာရအခြေအနေနဲ့ ဘာတွေစား သုံးသလဲဆိုတာ သိဖို့ တိုင်းတာခဲ့ ပါတယ်။ တွေ့ခဲ့ရတာက အာဟာ ရချို့တဲ့တာတင်မကဘူး။ ၀နေတဲ့ ကလေးတွေ တွေ့ခဲ့ရတယ်။ ရန်ကုန်မှာဆို ပိုများပါတယ်။ မန္တလေး၊ တောင်ကြီး၊ မော်လမြိုင် ထက်စာရင် ရန်ကုန်မြို့လယ် ကောင်မှာ အ၀လွန်တာတွေနဲ့ကိုယ် အလေးချိန်များတာတွေ အများ ဆုံးပါပဲ’’ဟု ဆေးသုတေသနဦးစီးဌာန၊ အာဟာရသုတေသနဌာနခွဲမှ ဒုညွှန်မှူးဒေါက်တာမို့မို့လှိုင်က ပြောသည်။

ထိုကဲ့သို့ ရန်ကုန်မြို့တွင် ကလေးငယ်များ အ၀လွန်ရောဂါ ပိုမိုဖြစ်ပွားနေရခြင်းသည် အသင့် စားသုံးနိုင်သည့် အဆီပါဝင်မှုများ ပြားသော ကြက်သားကြော်၊ ဒိုး နတ်၊ ဟမ်ဘာဂါ စသော ဆိုင်များ ပိုမိုများပြားနေကြောင်း၊ အခြား မန္တလေး၊ တောင်ကြီးနှင့် မော်လ မြိုင်တို့နှင့် နှိုင်းယှဉ်ပါက ရန်ကုန် မြို့ရှိ ကျောင်းများတွင် ကျောင်း ၀င်းအတွင်း ကလေးများ ကစား နေရာ နည်းပါးခြင်းနှင့် ကိုယ် လက်လှုပ်ရှားပြုလုပ်ချိန် မရှိခြင်း တို့ကြောင့်ဖြစ်ကြောင်း လေ့လာ ထားသူများက ပြောသည်။

 သုတေသနစာတမ်းအရ ၎င်းကလေးငယ် ၂,၉၀၀ ဦး၏၅၀ ရာခိုင်နှုန်းခန့်သည် ထုပ်ပိုးပြီးသား အသင့်စားအကြော်ထုပ်များ၊ အသင့်စား ခေါက်ဆွဲထုပ်များအား တစ်ပတ်လျှင် တစ်ရက်မှ နှစ်ရက်ခန့် စားသုံးမှုကို တွေ့ရှိရပြီး ၎င်းကလေးငယ်ဦး ရေ၏ ၁၃ ရာခိုင်နှုန်းခန့်သာ နေ့ စဉ် သောက်သုံးရမည့် နို့နှင့် နို့ ထွက်ပစ္စည်းများကို တစ်ပတ်လျှင် ခြောက်ရက်မှ ခုနစ်ရက်အထိ သောက်သုံးမှုရှိသည်ကို တွေ့ရ ကြောင်း သိရသည်။

‘‘အခုက ပိန်တာတွေတင်မ ဟုတ်ဘူး။ အ၀လွန်တာတွေ၊ ကိုယ်အလေးချိန်များတာတွေ လည်းရှိနေတယ်။ အဲဒီအတွက် လည်း ဘယ်လိုလုပ်မလဲဆိုတာ စဉ်းစားသင့်ပြီ။ ကလေးတွေကို လည်း ကျောင်းတွေမှာ ကိုယ် လက်လှုပ်ရှားမှု လုပ်နိုင်အောင် ဘယ်လိုလုပ်ရမလဲဆိုတဲ့ အစီအ စဉ်တွေ ချသင့်နေပြီ။ နောက်ပြီး ကျောင်းကန်တင်းတွေမှာလည်း ဒီလိုမျိုး အကြော်ထုက်တွေ၊ အသားလုံးကြော်တွေ ရောင်းတာ များနေတာတွေတွေ့တယ်။ တချို့ကျောင်းတွေမှာဆို သစ်သီးဝလံတွေ မတွေ့ရဘူး။ကျောင်းတွေမှာ ကျန်းမာရေးနဲ့ ညီညွတ်တဲ့ အစားအသောက်တွေပဲ ရောင်းချဖို့တိုက်တွန်းလိုပါတယ်’’ဟု ဒေါက်တာ မို့မို့လှိုင်က ပြောသည်။

Top News