နေအိမ်မဲ့တွေလက်ထဲ အစိုးရရောင်းတဲ့ တိုက်ခန်းတွေ ရောက်ရဲ့လား

မြရည်နန္ဒာတန်ဖိုးမျှတအိမ်ရာကို မဲဖောက်မရောင်းချမီ ၂၀၁၆ နှစ်ကုန်ပိုင်းက တွေ့ရစဉ် ဓာတ်ပုံ - ဖြိုးဖြိုးဇော်

"နံပါတ်(၂၇၂၁) ဦး မောင်မြင့်၊ ကျေးဇူးတင်ပါတယ်။ နောက်တစ်ယောက် ထပ်မံကံစမ်းပါ’’ဟု မြို့ပြနှင့်အိမ်ရာဖွံ့ဖြိုးရေးဦးစီးဌာန ၀န်ထမ်းအမျိုးသမီးတစ်ဦးက ပြောလိုက်သည်။


ဦးမောင်မြင့်သည် ၀င်ငွေ နည်း ပြည်သူတစ်ဦးဖြစ်ပြီး အရစ် ကျဖြင့် ရောင်းချပေးသည့် တန်ဖိုး မျှတအိမ်ရာ မဲနှိုက်ရွေးချယ်ပွဲတွင် မဲမပေါက်သူတစ်ဦးဖြစ်သည်။

 မန္တလေးတိုင်းဒေသကြီးအ တွင်း နေထိုင်လျက်ရှိပြီး အိမ်  ထောင်တစ်ခုတွင် အိမ်ရာပိုင်ဆိုင် ထားမှုမရှိသည့် အစိုးရ၀န်ထမ်း၊အငြိမ်းစား၊ ကုမ္ပဏီဝန်ထမ်းနှင့်ဝင်ငွေနည်း ပြည်သူများတို့အတွက် အခန်းပေါင်း ၅၆၀ ပါဝင်သည့်
မြရည်နန္ဒာ တန်ဖိုးမျှတအိမ်ရာ အပိုင်း(၂)ရှိ တိုက်ခန်းများကို မဲနှိုက်၍ ဇန်န၀ါရီ ၄ ရက်က ရောင်းချပေးခဲ့ခြင်းဖြစ်သည်။

အိမ်ပိုင်ဆိုင်မှု မရှိသူများအ တွက် ရည်ရွယ်၍ တန်ဖိုးမျှတအိမ် ရာ အပိုင်း(၂)တွင် အခန်းပေါင်း ၅၆၀ကို ရောင်းချပေးခဲ့ရာ လာ ရောက်မဲနှိုက် ကံစမ်းသူပေါင်း ၇,၂၁၇ ဦး ရှိခဲ့သည်။

 တာဝန်ထမ်းဆောင်နေဆဲ နိုင်ငံ့ဝန်ထမ်း ၅,၁၅၅ ဦး လျှောက်ထားသူများအတွက် ၃၈၅ ခန်း၊ အငြိမ်းစားဝန်ထမ်း ၁,၁၄၆ ဦးအတွက် ၈၄ ခန်း၊ ကုမ္ပဏီဝန်ထမ်း ၅၃၁ ဦးအတွက် ၄၀ ခန်း၊ ၀င်ငွေနည်း ပြည်သူ ၇၁၂ ဦးအတွက် ၅၁ ခန်းတို့ကို အချိုးကျခွဲဝေရောင်းချခဲ့ခြင်းဖြစ်သည်။

မဲမနှိုက်မီ နံနက်အစောပိုင်းက တက်ကြွနေခဲ့သည့် ဦးမောင်မြင့်တစ်ယောက် မဲနှိုက်အပြီးတွင် ‘‘မလွယ်ပါဘူး။ လာပြီးနှိုက်တဲ့သူတွေက ဒီလောက်များနေတာ။ ပေါက်မဲရဖို့မလွယ်ပါဘူး’’ဟု စိတ်ပျက်လက်ပျက်ဖြင့် ပြောလေ သည်။

တန်ဖိုးမျှတအိမ်ရာရှိ တိုက် ခန်းတွင် နေထိုင်ခွင့်ရရန် မဲလာနှိုက်သူများပြားမှုကြောင့် မြို့ပြနှင့်အိမ်ရာဖွံ့ဖြိုးရေးဦးစီးဌာန ရှေ့တွင် အိမ်စီးကားကောင်းအချို့အပါအ၀င် ယာဉ်မျိုးစုံ များပြားလွန်း၍ ယာဉ်ကြောပိတ်ဆို့မှုပင်ဖြစ်ခဲ့သည်။

 ‘‘အိမ်ပိုင်ဆိုင်မှုမရှိတဲ့သူတွေအတွက် အဓိကရည်ရွယ်ပြီးရောင်းချပေးတဲ့ အစိုးရကို ကျေးဇူးတင်တယ်။ မဲနှိုက်ရောင်းချတာမှာလည်း ပွင့်လင်းမြင်သာမှုရှိတယ်။ ကျေနပ်ပါတယ်။ ဒါပေမဲ့ မဲလာ နှိုက်တဲ့သူတွေထဲမှာ သိန်းရာကျော်
တန် ကားတွေနဲ့လာတယ်။ လက်ကောက်တွေ တံတောင်ဆစ် လောက်နဲ့လာနှိုက်တယ်။ တကယ်ကော အိမ်မရှိတာ သေချာရဲ့လား။ ပေါက်သွားတဲ့သူတွေကို မနာလိုလို့ ပြောတာမဟုတ်ဘူး။ ပြန်ပြီးတော့ အိမ်မပိုင်တာ
သေချာကြောင်း စစ်ဆေးစေချင်တယ်။ ဘာလို့လဲဆိုတော့ ကျွန်မ ရပ်ကွက်ထောက်ခံစာ သွားယူတော့ အိမ်ထောင်စုကိုတောင် သေချာမကြည့်ဘူး။ ဒီအတိုင်းပဲ လက်မှတ်ထိုးပေးလိုက်တာပါ’’ဟု တန်ဖိုးမျှတအိမ်ရာ မဲနှိုက်ခဲ့သူ ကုမ္ပဏီဝန်ထမ်း ဒေါ်မြတ်သဇင်ခိုင်က သူ၏အတွေ့အကြုံနှင့် ထင်မြင်ချက်ကိုပြောသည်။

တန်ဖိုးမျှတအိမ်ရာအတွက် လျှောက်လွှာများ လက်ခံရာတွင် အိမ်ပိုင်ဆိုင်မှုမရှိကြောင်း ရပ်ကွက်အုပ်ချုပ်ရေးမှူးနှင့် မြို့နယ်အုပ်ချုပ်ရေးမှူးတို့၏ ထောက်ခံချက်များပါရှိမှသာ လျှောက်ထားခွင့် လက်ခံခဲ့ခြင်းဖြစ်သည်။

‘‘လျှောက်လွှာတွေမှာ တ ကယ် အိမ်မပိုင်ဆိုင်ကြောင်း ရပ် ကွက်၊ မြို့နယ်အုပ်ချုပ်ရေးမှူးတွေ ရဲ့ ထောက်ခံချက်တွေပါလာပါ တယ်။ အုပ်ချုပ်ရေးမှူးတို့ကလည်း အစိုးရဖြစ်တဲ့အတွက် ဂုဏ်သိက္ခာကို ယုံကြည်တဲ့အတွက်
ပြန်မစစ် တော့ပါဘူး။ ဦးတို့ဌာနမှာ အင် အားကလည်းနည်းပါတယ်။ ဒီလို အုပ်ချုပ်ရေးမှူးတွေရဲ့ ထောက်ခံ ချက်တွေနဲ့ လုပ်တဲ့အတွက် လျှောက်လွှာ ၀ယ်ယူသွားသူရဲ့တစ်ဝက်လောက်ပဲ လာလျှောက်ပါတော့တယ်’’ဟု မြို့ပြနှင့်အိမ်ရာဖွံ့ဖြိုးရေး ဦးစီးဌာန ညွှန်ကြားရေးမှူး ဦးအောင်ကျော်ဦးကပြောသည်။

 အိမ်ပိုင်ဆိုင်မှုမရှိသူများအတွက် ရောင်းချပေးမည့် တန်ဖိုးမျှတအိမ်ရာ ဈေးနှုန်းများသည် လစာကောင်းသည့် ကုမ္ပဏီဝန်ထမ်းများသာ ၀ယ်ယူနိုင်သည့်ဈေးနှုန်းများဖြစ်၍ တန်ဖိုးနည်းအိမ်ရာကဲ့သို့ အမြတ်တင် ပြန်လည်
ရောင်းချမှုများ ဖြစ်ပေါ်နိုင်ကြောင်း  မန္တလေးမြို့ခံအချို့က သုံးသပ်ကြသည်။

တန်ဖိုးမျှတအိမ်ရာရှိ ရှစ်ခန်း တွဲ ငါးထပ်အဆောက်အအုံ ၁၄လုံး၊ အခန်းပေါင်း ၅၆၀ ရှိပြီး တစ်ခန်းလျှင် အကျယ် ၅၆၇ စတုရန်း ပေရှိကာ အိပ်ခန်းနှစ်ခန်း၊ ရေချိုးခန်း၊ ဧည့်ခန်း၊ မီးဖိုချောင်တို့ ပါဝင်သည်။ မြေညီထပ်ကို
ကျပ် ၂၂၃ သိန်း၊ ပထမထပ် ကျပ် ၂၀၈ သိန်း၊ ဒုတိယထပ် ကျပ် ၂၀၈ သိန်း၊ တတိယထပ် ကျပ် ၁၉၃ သိန်း၊ စတုတ္ထထပ် ၁၆၃ သိန်းနှုန်း သတ်မှတ်ထားပြီး လက်ငင်းစနစ်၊ အရစ်ကျစနစ်၊ ဘဏ်ချေးငွေစနစ်တို့ဖြင့်
ရောင်းချပေးခြင်းဖြစ်သည်။

‘‘ဈေးနှုန်းတွေက များတယ်။ သူတို့အစိုးရ၀န်ထမ်းမှာဆို တော်ရုံ ရာထူးနည်းတဲ့သူဆို ဒါမ၀ယ်နိုင် ဘူး။ အဲဒီတော့ ဘာဖြစ်မလဲ။

ပြန်ရောင်းတာတွေ ဖြစ်လာနိုင်တယ်။ အစိုးရက ပြန်ရောင်းလို့ မရအောင် ငါးနှစ်အတွင်း အရောင်းအ၀ယ် မလုပ်ရဘူးဆိုတဲ့ စည်းကမ်းချက် ထုတ်တယ်။ ဒါပေမဲ့လည်း နားလည်မှုစာချုပ်တွေနဲ့ ရောင်းနေကြတာ။ အခုဆိုရင် တန်ဖိုးနည်းအိမ်ရာက သူဌေးအိမ်ရာအတိုင်းပဲ ကားအကောင်းစား တွေနဲ့ ပြည့်နေတာကို ကြည့်လို့ရ တယ်။ အစိုးရအနေနဲ့ ဒါကို သေချာစိစစ်သင့်တယ်။  သူတို့ တကယ်ရောက်စေချင်တဲ့သူတွေရဲ့ လက်ထဲကို ရောက်ရဲ့လား
ဆိုတာ သေချာကြပ်မတ်သင့်တယ်။ အိမ်ရာ တွေ တစ်ခုပြီးတစ်ခုသာ နေစရာမရှိတဲ့သူတွေအတွက် ဖော်ဆောင်သာပေးလိုက်တယ်။ တကယ် ကော ထိရောက်ရဲ့လား’’ဟု တန်ဖိုးနည်းအိမ်ရာတွင် နေထိုင်နေသည့် အသက် (၃၀)နှစ် အရွယ်ရှိ ကုမ္ပဏီဝန်ထမ်းတစ်ဦးက မေးခွန်း ထုတ်သည်။

မြန်မာနိုင်ငံတွင် စီးပွားရေး ဒုတိယအဖွံ့ဖြိုးဆုံး မန္တလေးမြို့၌ ၂၀၁၆ မတ်လတွင် အခန်းပေါင်း ၁,၅၀၀ ကျော်ပါပြီး တစ်လသုံး သောင်းကျပ်ဖြင့် ငှားရမ်းခဲ့သော အငှားအိမ်ရာ၊ ၂၀၁၃ နှစ်ကုန်ပိုင်းတွင် ရောင်းချခဲ့သော အခန်း ၁,၃၀၀ ကျော်ရှိသည့် မြရည်နန္ဒာတန်ဖိုးနည်းအိမ်ရာ၊ ၂၀၁၆ မတ်လမှာပင် အရစ်ကျစနစ်ဖြင့် အခန်း ၄၃၀ ရောင်းချခဲ့သော မြရည်နန္ဒာ တန်ဖိုးမျှတအိမ်ရာ အပိုင်း(၁)နှင့် လွတ်လပ်ရေးနေ့တွင် နောက်ဆုံး ရောင်းချခဲ့သော
မြရည်နန္ဒာ တန်ဖိုးမျှတအိမ်ရာ အပိုင်း(၂) အပါအ၀င် အိမ်ရာစီမံကိန်းလေး ခုရှိပြီဖြစ်သည်။ အိမ်ရာတိုင်းတွင် အမှန်တကယ် နေထိုင်သူများ ရှိသော်လည်း အချို့မှာ လက်လွှဲ ရောင်းချခြင်း၊ ပြန်လည်ငှားရမ်း ခြင်းများရှိခဲ့သည်။

မြရည်နန္ဒာ တန်ဖိုးနည်းအိမ် ရာရှိ အခန်းပေါင်း ၁,၃၄၇ ခန်းကို ၂၀၁၃ ဒီဇင်ဘာက ရောင်းချပေးခဲ့ သည်။ အဆိုပါအိမ်ရာရှိ တိုက်ခန်း များကို ကံကြီးကျေးရွာ၊ ဇီးအုပ် ကျေးရွာရှိ ရောင်းမှားဝယ်မှားဖြစ်ခဲ့သူများနှင့် အိမ်ပိုင်ဆိုင်မှု မရှိသည့် အငြိမ်းစားများ၊ လုပ်သက် ၂၅ နှစ် အထက်ရှိ ၀န်ထမ်းများအား ရောင်းခဲ့ခြင်းဖြစ်သည်။ အိမ်ပိုင်ဆိုင်မှု မရှိသေးသူများကိုသာရောင်းချပေးခဲ့သည့် တန်ဖိုးနည်းအိမ်ရာတွင် ပြန်လည်၍ငှားရမ်းခြင်း၊ အမြတ်တင်၍
ရောင်းချခြင်းများ ရှိခဲ့သည်။  မန္တလေးမြို့ အနောက်ဘက် ကမ်းနားလမ်းတစ်လျှောက်ရှိ ကျူးကျော်များအတွက် စည်ပင်သာယာရေးကော်မတီက ဆောက်လုပ်ပေးထားသည့် အခန်းပေါင်း ၁,၅၃၈ ခန်းကို ၂၀၁၆ မတ်လ ၇ရက်က မဲဖောက်၍ တစ်လလျှင် သုံးသောင်းကျပ်ဖြင့် ငှားရမ်းနေထိုင်ခွင့်ပြုခဲ့သည်။

မြရည်နန္ဒာတန်ဖိုးမျှတအိမ် ရာအပိုင်း(၁)ရှိ အခန်းပေါင်း ၄၃၂ ခန်းကို ၂၀၁၆ မတ်လ ၂၈ ရက်က အိမ်ပိုင်မရှိသည့် အငြိမ်းစားများ၊ လုပ်သက် ၂၅ နှစ်အထက်ရှိ ၀န် ထမ်းများအား ရောင်းချပေးခဲ့ပြီး စည်ပင်သာယာရေး
ကော်မတီက အခန်းပေါင်း ၄၀၀၊ ဆောက်လုပ်ရေးဝန်ကြီးဌာနက ၃၂ ခန်းတို့ကို တာဝန်ယူ၍ ရောင်းချပေးခဲ့သည်။

‘‘အန်တီတို့က အမြတ်သိန်း ၃၀ ပေးပြီး ၀ယ်ထားတာ။ ပိုင်ဆိုင် မှုကိုတော့ စာအုပ်တော့ပေးထား တယ်။  အရင်ပိုင်ရှင်က ငါးနှစ်ပြည့် မှ အန်တီတို့ကို နာမည်ပြန်လွှဲပေး မှာ။ ဘဏ်ကိုတော့ အရစ်ကျနဲ့ သွင်းနေတယ်’’ဟု
မြေညီထပ်ကို ပြန်လည် ၀ယ်ယူထားသည့် အမည် မဖော်လိုသော အမျိုးသမီးတစ်ဦး ကပြောသည်။

‘‘အရင် မြရည်နန္ဒာတန်ဖိုးမျှ တအိမ်ရာမှာတုန်းက ငွေမပေးသွင်းနိုင်တဲ့သူတွေ ဆီကနေ အမြတ်တင်ပြီး ပြန်ရောင်းကြတယ်။ အမြတ်တင်ရောင်းချတဲ့ ငွေကတော့ မငြိမ်ပါဘူး။ လွတ်လပ်ရေးနေ့က မဲပေါက်တဲ့တစ်ခန်း အန်တီ့ကို အပ်ထားတယ်။ ဒါပေမဲ့ ဒါတွေက အစိုးရက တကယ်အိမ်မရှိတဲ့လူတွေကိုပဲ ရောင်းပေးတာဖြစ်တဲ့အတွက် နောက်ပိုင်းမှာ သိမ်းဆည်းတာတွေ ဖြစ်လာနိုင်လို့ ဒါကို အန်တီက မလုပ်ဘူး။ ဒီလိုပြန်ရောင်းတာတွေ၊ ၀ယ်တာတွေ ရှိတဲ့အတွက် ဈေးနှုန်းအနေနဲ့က လည်း တအားကြီး မြောက်လာ မယ်လို့မထင်ဘူး။ ဈေးနှုန်းမြောက် လာရင် ပြဿနာမဖြစ်နိုင်ဘူး။ ဒါကိုတော့ သေချာစုံစမ်းပြီးမှ ၀ယ်စေချင်တယ်’’ဟု မန္တလေးအိမ်ခြံမြေဖွံ့ဖြိုးရေး အသင်းဝင်
ဒေါ်ခင်ချိုဦး ကလည်း ပြောသည်။

မြရည်နန္ဒာတန်ဖိုးနည်းအိမ် ရာရှိ တိုက်ခန်းများကို ပြန်လည် ရောင်းချနေသည်ဟု သတင်းများ ထွက်ပေါ်နေသော်လည်း လတ်တလောတွင် စစ်ဆေးနိုင်ခြင်း မရှိသေးကြောင်း၊ စည်ပင်သာယာရေးကော်မတီက စိစစ်ရေးအဖွဲ့ ဖွဲ့စည်းပေးမှသာလျှင် စစ်ဆေးနိုင်ကြောင်း မန္တလေးမြို့တော် စည်ပင်သာယာရေးကော်မတီ အဆောက်အအုံကုန်ရုံဌာန ဌာနမှူး ဦးဇော်ဝင်းကပြောသည်။

ထို့အတူ မန္တလေးမြို့ အ နောက်ဘက် ကမ်းနားလမ်းရှိ ကျူး ကျော်များအတွက် အခန်း ၁,၅၈၄ ခန်း ဆောက်လုပ်ပေး၍ တစ်လ လျှင် ကျပ်သုံးသောင်းဖြင့် ငှားရမ်း ပေးသော အငှားအိမ်ရာတွင် နေထိုင်ခွင့်ရရှိသူများအနက်
ပြန်လည် ငှားရမ်းသူ ၇၀ ဦးခန့်ရှိနေသဖြင့် စစ်ဆေး၍ ဖယ်ရှားမည်ဖြစ် ကြောင်း မန္တလေးမြို့တော်စည်ပင် သာယာရေးကော်မတီ တွဲဖက်အ တွင်းရေးမှူး ဦးသက်နိုင်ထွန်းကပြီးခဲ့သည့်နှစ်ကုန်၌ ပြောကြားခဲ့ သည်။

‘‘ငှားခွင့်ရတဲ့သူဆီက ကျပ် သိန်း ၃၀ အမြတ်ပေးလိုက်တယ်။ ကျွန်တော်တို့ကတော့ တစ်လကို တစ်သောင်းနှုန်းနဲ့ စည်ပင်ကိုသွင်း လိုက်တယ်။ နှစ်သုံးဆယ်နေရင် တော့ ဒါကပိုင်မှာလေ။ ကုမ္ပဏီဝန် ထမ်းဘ၀ကတော့ ဒီလောက်လေး ပဲ ၀ယ်နိုင်သေးတယ်။ အခုလည်း ကြားနေတယ်။ တကယ်ငှားခွင့်ရ တဲ့သူတွေက ပြန်ငှားရင် အခန်းပြန် သိမ်းမယ်ပြောတယ်။ တချို့က လည်း အဲဒီကျတော့မှ လူပြန်လဲတာ ဘာညာလုပ်မယ် ပြောနေကြ တာပဲ’’ဟု အမြတ်ကျပ်သိန်း ၃၀ ပေး၍ ၀ယ်ယူခဲ့သူ အမျိုးသားတစ် ဦးက ပြောသည်။

တန်ဖိုးမျှတအိမ်ရာ အပိုင်း (၁) အခန်းပေါင်း ၄၂၀ ကို အိမ်ပိုင်မရှိသေးသည့် လုပ်သက် ၂၅နှစ်အထက် ၀န်ထမ်းများနှင့် အငြိမ်းစားများအတွက် မဲစနစ်ဖြင့် ပြီးခဲ့သည့်နှစ်ပိုင်းက ရောင်းချပေးခဲ့သည်။

 မဲနှိုက်ရောင်းချပေးခဲ့သည့် တန်ဖိုးမျှတအိမ်ရာအပိုင်း (၁)သို့ ကားအကောင်းစားများဖြင့် လာရောက်ကြည့်ရှု ၀ယ်ယူသူများ နေ့စဉ်မပြတ်ရှိနေခဲ့သည်။

‘‘၁၃၅ သိန်းတန် စတုတ္ထထပ်ကို အမြတ်သိန်း ၆၀ပေးပြီးဝယ်ရ  မယ်။ အရစ်ကျစနစ်နဲ့လည်းရ တယ်။ ပိုင်ဆိုင်မှုကတော့ အရစ်ကျ ပေးသွင်းတာကျေပြီဆိုမှ နာမည် ပြောင်းပေးမှာပါ။ ပြန်မရောင်းရဘူးလို့သာ ပြောနေတာ။ ဒီလိုပဲ ရောင်းနေကြတာပါပဲ။ ပိုင်ဆိုင်မှု စာအုပ်ကို ပေးထားမှာ။ ဟိုတစ်နေ့ ကမှ မဲနှိုက်တဲ့အပိုင်း(၂)က တိုက် ခန်းမဲပေါက်တဲ့သူငါးယောက် အန် တီ့ကို အပ်ထားတယ်။ မဲပေါက်တဲ့ လူတွေက ပြန်ရောင်းကြတာများ ပါတယ်’’ဟု ပွဲစားတစ်ဦးက ပြော ကြားသည်။

ထိုသို့ ပြန်ရောင်းနေမှုများကို အခန်းပိုင်ရှင်များက ငွေအကျေပေးချေပြီးမှသာလျှင် တစ်လတစ်ကြိမ် စစ်ဆေးမည်ဖြစ်ပြီး ပြန်လည် ရောင်းချမှုများကို စစ်ဆေးတွေ့ရှိ ပါက စာချုပ်ပါစည်းကမ်းချက်အ တိုင်း အခန်းကို ပြန်လည်
သိမ်းဆည်းမည် ဖြစ်ကြောင်း မြို့ပြနှင့်အိမ်ရာဖွံ့ဖြိုးရေးဦးစီးဌာနမှ ညွှန် ကြားရေးမှူး ဦးအောင်ကျော်ဦးက ဆိုပါသည်။

အရစ်ကျစနစ်ဖြင့် မဲနှိုက်၍ရောင်းချပေးခဲ့သည့် တန်ဖိုးမျှတ အိမ်ရာတွင် ပြန်လည်ငှားရမ်းခြင်း၊ ရောင်းချခြင်းများ မပြုလုပ်နိုင်ရန် အရစ်ကျ ၃၀ ရာခိုင်နှုန်း ပေးသွင်းပြီးပြီဆိုပါက မြို့နယ်ဦးစီးအရာရှိက ဦးစီး၍ လစဉ်စစ်ဆေးခြင်းကို မတ်လပိုင်းမှ စတင်ပြုလုပ်သွားမည်ဖြစ်ကြောင်း မြို့ပြနှင့် အိမ်ရာဖွံ့ဖြိုးရေးဦးစီးဌာနရှိ ညွှန်ကြားရေးမှူးက ပြောကြားသည်။

‘‘NLDအစိုးရလက်ထက် ပြီးခဲ့ တဲ့ ၄ ရက်က ပွင့်လင်းမြင်သာစွာ ရောင်းချခဲ့တယ်။ ရောင်းချစဉ်က တည်းက စည်းကမ်းချက်တွေပါပြီး သားပါ။ မန္တလေးတိုင်းမှာ အိမ်ပိုင် မရှိတဲ့သူတွေပဲလျှောက်ရမယ်ဆို တာပါတယ်။ ရောင်းတာ၊ ငှားတာ လုပ်မယ်ဆိုရင် ပြန်သိမ်းမယ် ဆိုတာ ပါပါတယ်။ အဲဒီတော့ စည်း ကမ်းချက်အတိုင်းပဲ လုပ်ပါမယ်။ စစ်ဆေးလို့တွေ့ရင် သိမ်းပါမယ်။ ယခင်အစိုးရလက်ထက်မှာလုပ်ခဲ့ တဲ့ မြရည်နန္ဒာတန်ဖိုးနည်းအိမ်ရာ၊ တန်ဖိုးမျှတ အိမ်ရာ အပိုင်း(၁)က ဟာတွေကတော့ တိုင်းဒေသကြီး အစိုးရအဖွဲ့အဆင့်အထိ ဆုံးဖြတ် ချက်ချပြီးမှ လုပ်ရမှာဖြစ်တယ်’’ဟု မန္တလေးတိုင်းဒေသကြီး အစိုးရအ ဖွဲ့လျှပ်စစ်၊ စွမ်းအင်နှင့်ဆောက် လုပ်ရေးဝန်ကြီး ဦးဇာနည်အောင် ကပြောသည်။

ထို့ကြောင့် လိုအပ်နေသူများထံ နေအိမ်များ အမှန်တကယ် ရောက်ရှိရန် ရှေ့စီမံကိန်းများတွင် ပိုမိုစိစစ်ရန်လိုကြောင်းသုံးသပ်သူ များက အကြံပြုသည်။ မန္တလေး တိုင်းဒေသကြီးအတွင်း၌ အိမ်ပိုင် ဆိုင်မှုမရှိသေးသူများ ၀ယ်ယူနိုင်ရန် ၂၀၁၇-၁၈ ဘဏ္ဍာနှစ်က စတင်၍ အခန်းပေါင်း ၈,၆၀၀ ကို ဆောက်လုပ်ရန် စီစဉ်ထားသည်။ ထိုအခန်းများကို မြရည်နန္ဒာတန်ဖိုးမျှတအိမ်ရာအပိုင်း(၂) မဲမပေါက်သူများအား ဦးစားပေး ရောင်းချ သွားမည်
ဖြစ်ကြောင်း မြို့ပြနှင့်အိမ်ရာဖွံ့ဖြိုးရေးဦးစီးဌာန ညွှန်ကြားရေးမှူး ဦးအောင်ကျော်ဦးက ပြောကြားသည်။

သို့သော် ကိုယ်ပိုင်အိမ်ဝယ် ရန်မလွယ်ကူ၍ အရစ်ကျစနစ်ဖြင့် ၀ယ်နိုင်ရန် လျှောက်လွှာတင်ပြီး မဲ ပေါက်ကာဝယ်ခွင့်ရသဖြင့် ကျော တစ်ခင်းစာနေရေးအတွက် အိပ် မက်အကောင်အထည် ပေါ်လာ သော အစစ်အမှန်များလည်း များ စွာရှိပါသည်။

‘‘အစ်မက မဲပေါက်တယ်။ ပြန်ရောင်းဖို့အစီအစဉ်မရှိပါဘူး။ ကုမ္ပဏီဝန်ထမ်းဆိုတော့ သိန်းရာ ချီတန်တဲ့ မြေကွက်ကို တစ်လုံး တည်း မပေးနိုင်ဘူးလေ။ဒါက လည်း အရစ်ကျနဲ့ပေးသွင်းရတော့ အိမ်လခသွင်းသလိုပဲ နောက်ပိုင်း ကျပိုင်ရမှာပါပဲ။ အိမ်ငှားဘ၀က ကျွတ်သွားတာပေါ့’’ဟု လက်ရှိတန်ဖိုးနည်းအိမ်ရာတွင် ငှားရမ်းနေထိုင်သည့် ကုမ္ပဏီဝန်ထမ်းတစ်ဦးကပြောသည်။

ဦးမောင်မြင့်သည် အရစ်ကျ နှင့် ရောင်းချပေးသည့် တိုက်ခန်းမဲ မပေါက်၍ စိတ်ကတုန်ကယင်ဖြစ်ကာ ကျပ်သုံးသိန်းတန်ဆိုင်ကယ်ဖြင့် ငှားနေသောအိမ်သို့ ပြန်သွား သည်။

ဦးမောင်မြင့်၏ သားသမီးများ လစာငွေများဖြင့် စုပေါင်းဝယ်ယူ၍ နေအိမ်ပိုင်ဆိုင်မည့် အိပ်မက်က လတ်တလော ပျက် ပြယ်သွားပြီဖြစ်သည်။


မြရည်နန္ဒာတန်ဖိုးမျှတအိမ်ရာအပိုင်း(၂)မှ တိုက်ခန်းများကို ၀န်ထမ်းများအတွက် မဲနှိုက်ပေးနေစဉ်
ဓာတ်ပုံ - ဖြိုးဖြိုးဇော်


လွတ်လပ်ရေးနေ့တွင် မဲဖောက်ရောင်းချနေစဉ်
ဓာတ်ပုံ - MOI

Top News