အရှေ့တောင်တန်းမှ တာမုတာခု

ကရင်ပြည်နယ် ဖာပွန်ခရိုင် သဒါးဒဲရွာ ဘုရားရှိခိုးကျောင်းရှေ့တွင်တွေ့ရသည့် ဒေသခံများနှင့် KNLA တပ်ဖွဲ့ဝင်တစ်ဦး၏သေနတ် ဓာတ်ပုံ-ငြိမ်းငြိမ်းပြည့်

တောင်ကြားမြစ်ရေကို ဆန်တက် ခုတ်မောင်းနေသည့်လှေဦး၌ အစိမ်းရင့်ရောင်ပြောက်ကျားဝတ်စစ် သားများ။ သူတို့၏ အမ်-၁၆သေ နတ်ပြောင်းဝများကို မိုးပေါ်ထောင် ထားကြသည်။ စိမ်းညို့ညို့တောင် စဉ်တောင်တန်းနှစ်ခု
ကြားမှ သံလွင် မြစ်သည် ယမ်းနံ့များ၊ အသက်သွေး များ၊ မျက်ရည်စက်များ၊  ဘ၀ပေါင်းများစွာနှင့်သမိုင်းကို ပခုံးထမ်းစီးဆင်းနေသယောင်။ မြစ်သံလွင် ဤဘက်ကမ်းသည် ကမ္ဘာ့အရှည်ကြာဆုံးပြည်တွင်းစစ်မီးတောက်လောင်ရာ အမည်းရောင် နယ်မြေဖြစ်၏။ တစ်ဖက်ကမ်းတွင်မူ ထိုင်းအလံများ တလူလူလွင့်နေသည်။


မြန်မာအစိုးရ၏ တပ်စခန်း ရှေ့မှနေ၍ ကရင်လက်နက်ကိုင်အ ဖွဲ့စစ်သားများ၏လှေဖြတ်သန်း သွားသည်။ ကမ်းပေါ်မှာလှုပ်ရှားမှု မမြင်ရသလို လှေထဲကလည်း မတုန်မလှုပ်။ သံလွင်သည် စီးမြဲအတိုင်း မြောက်မှတောင်သို့
စီး၍ လှေသည် သွားမြဲအတိုင်း တောင်မှ မြောက်သို့ ဆန်တက်ရှေ့ဆက် သွားသည်။ ပြီးခဲ့သည့် တစ်နှစ် လောက်ကသာဆိုလျှင်တော့ ဤပုံ စံအစားတပ်နှစ်တပ်ကြားတွင်အ ပြန်အလှန်ပစ်ခတ်သံများ ထွက်ပေါ်နိုင်သည့် တစ်မျိုးတစ်ဖုံအခြေ အနေ ဖြစ်ခဲ့ပေလိမ့်မည်။ ယခင်က ဆိုလျှင် ကရင်တိုင်းရင်းသားသာ မန်အရပ်သားများသည်ပင် တပ်စ ခန်းရှေ့ လှေဖြတ်သန်းမသွားနိုင် ဘဲ အနားမရောက်မီလှေကိုထိုင်း ဘက်ကမ်းကပ်၊ တောင်ပေါ်ခြေ ကျင်လျှောက်၊ တပ်နေရာကို အ တော်အတန်ကျော်လွန်ပြီးခါမှ ကမ်းစပ်တွင် ဆိုက်ထားသော နောက်ထပ်လှေတစ်စီးပေါ်ပြန် တက်၍ ခရီးဆက်သွားရသည်ဟု လှေသမားများကပြန်ပြောင်းပြော ပြသည်။

‘‘NCA ထိုးပြီး ကွာခြားတာဆို လို့ မြစ်ထဲမှာ လှေဖြောင့်ဖြောင့် သွားနိုင်တာတစ်ခုရှိတယ်’’ဟု အ သက်(၄၈)နှစ်အရွယ် ခပ်ဖိုင့်ဖိုင့် ကိုယ်လုံးကိုယ်ထည်နှင့် လှေသမား စောလားညာ ကပြောသည်။

‘ကမ္ဘာ့အရှည်ကြာဆုံးပြည် တွင်းစစ်’ဟု အင်တာနက်ရှာဖွေ ရေးယန္တရား Googleတွင် ရှာဖွေ လိုက်လျှင် ထိပ်ဆုံးကပေါ်လာ သည်မှာ ‘ကရင်ပဋိပက္ခ’ဖြစ်၏။ အစိမ်းရောင်နယ်မြေဟုအဓိပ္ပာယ် ရသည့် ကော်သူးလေခေါ် ကရင် ပြည်နယ်တွင် လူကြီး၊ ကလေးအ ရွယ်စုံ၌ ပြောပြစရာပြည်တွင်းစစ် အတွေ့အကြုံ အမျိုးမျိုးအဖုံဖုံ ကိုယ်စီရှိနေကြသည်။ ကရင်တိုင်း ရင်းသားတို့သည် မြန်မာပြည်တွင်း စစ်ပဋိပက္ခ၏ဒဏ်ကို အခံစားရဆုံး သူများဆိုလျှင် မမှားပေ။ လက်ရှိ မြန်မာနိုင်ငံမြောက်ပိုင်း ကချင်နှင့် ရှမ်းပြည်နယ်များတွင် ဖြစ်ပွားနေ သောတိုက်ပွဲများ၊ အရပ်သားများ ထိခိုက်သေဆုံးရမှုများ၊ စစ်ဘေး ရှောင်များစသည့်စစ်အနိဋ္ဌာရုံများ ကို ကရင်ပြည်နယ်က ဆယ်စုနှစ် များစွာခါးစည်းးခံစားခဲ့ရသည်။ ဗြိတိသျှတို့ထံမှ မြန်မာနိုင်ငံ လွတ်လပ်ရေး ရချိန်ကစ၍ ဖြစ်ပွားနေခဲ့သော ကရင်ပဋိပက္ခအတွင်း ထောင် သောင်းပေါင်းများစွာသော ဒေသ ခံပြည်သူများစွာအသက်ဆုံးရှုံးနေ ခဲ့ပြီးဖြစ်သည်။

လွတ်လပ်ရေးရပြီးချိန်ကစ၍ ကိုယ်ပိုင်ပြဋ္ဌာန်းခွင့်နှင့် ကိုယ်ပိုင် အုပ်ချုပ်ရေးအတွက် မြန်မာစစ်အ စိုးရအဆက်ဆက်ကို လက်နက် ကိုင်တိုက်ခိုက်နေခဲ့သော KNUသည် ၂၀၁၅ အောက်တိုဘာ ၁၅ရက်တွင် တစ်နိုင်ငံလုံး အပစ်အခတ် ရပ်စဲရေး သဘောတူစာချုပ် (NCA)ကို လက်မှတ်ထိုးခဲ့သည်။ ဤဆယ်စုနှစ်များအတွင်း ဗဟိုအ စိုးရ၏ ပါးစပ်ဖျား၌ သူပုန်များ၊ သောင်းကျန်းသူများ ဖြစ်ခဲ့သော KNUကို မတရားအသင်းနှင့် အကြမ်းဖက် အဖွဲ့အဖြစ်မှ ပယ်ဖျက်ပေးခဲ့သည်။ ဗဟိုအစိုးရကို အရင်ဆုံးနှင့်အချိန်အကြာဆုံးတော်လှန်တိုက်ခိုက်ခဲ့သောအဖွဲ့သည် အခြားတိုင်းရင်းသားလက်နက်ကိုင်အဖွဲ့ကြီးများထက်အရင်ပင်NCAကို ထိုးခဲ့သည်။ ပြီးခဲ့သည့်နှစ်  ၂၀ အတွင်း မြောက်ပိုင်းအဖွဲ့က စစ်အစိုးရနှင့် အပစ်ရပ်သဘောတူညီချက်ယူခဲ့ချိန်တွင် အရှေ့တောင်ပိုင်း၌ ဆက်လက်တိုက်ပွဲဝင်နေခဲ့သော KNUသည် ယခုမြောက်ပိုင်း၌ ယမ်းငွေ့တဝေေ၀ တိုက်ပွဲပြင်းထန်ချိ်န်တွင်
နေပြည်တော်နှင့် လက်ဆွဲနှုတ်ဆက်နေသည်။ ဤဖြစ်ရပ်မှာ တိုင်းရင်းသားနိုင်ငံရေး ဇာတ်ခုံ၏ အလှည့်အပြောင်းလည်းဖြစ်သည်။

KNUခေါင်းဆောင် စောမူတူးစေးဖိုးနှင့်အဖွဲ့သည် နေပြည်တော်သို့ အိမ်ဦးနှင့်ကြမ်းပြင်ပမာချောင်းပေါက်ခဲ့ပြီဖြစ်ကာ သူ၏ ရန်သူတော်ဟောင်း ဗိုလ်ချုပ်မှူးကြီး(ငြိမ်း)သန်းရွှေ၊ တပ်ချုပ်ဗိုလ်ချုပ်မှူးကြီး မင်းအောင်လှိုင်နှင့် တွေ့ဆုံ၍ ဖက်လဲတကင်း ချစ်ကြည်ရင်းနှီးမှုများ ပြသနေခဲ့ပြီ။ ပြီးခဲ့သည့်ရက်တွင်ပင် ဒေါ်အောင်ဆန်းစုကြည် ဦးစီးပြီး နေပြည်တော်တွင် ကရင်နှစ်သစ်ကူးပွဲကို ကျင်းပခဲ့သည်။ သို့သော် ထိုထိပ်ပိုင်းအပြောင်းအလဲများကို ကျော်လွန်၍ လက်တွေ့မြေပြင်ကို ကြည့်မည်ဆိုလျှင် အပြုသဘော အပြောင်းအလဲကား ရေရေရာရာဖြစ် မလာသေးကြောင်း တွေ့ရသည်။

‘‘NCAရေးထိုးတာသိပေမယ့် ပျော်လည်းမပျော်ဘူး။ ၀မ်းနည်း မနည်းဘူး။ ယုံလည်းမယုံဘူး။ က ရင်နယ်မြေမှာရှိတဲ့စခန်းတွေ မ ဖြုတ်လို့၊ ရွာနားမှာစခန်းတွေရှိလို့ မယုံဘူး။ ငါတို့လိုချင်တာလွတ်လပ် မှုနဲ့ ငြိမ်းချမ်းရေးပဲ’’ဟု ဖာပွန်ခရိုင် သဒါးဒဲကျေးရွာသားအသက်(၅၆) နှစ်အရွယ် စောညာမူတူးကပြော ကြားသည်။

သူက (၁၀)နှစ်သားကတည်း က စစ်ဘေးဒဏ်ခံခဲ့ရပြီး အသက် (၄၅)နှစ်တွင် ရွာမီးရှို့ခံရစဉ် ယောက္ခမလည်း သေနတ်မှန်၍ သေဆုံးခဲ့သည်ကို မြင်တွေ့ခဲ့ရသူ။ သူ့သူငယ်ချင်းဖြစ်သူကို သေနတ်ဖြင့်အပစ်ခံရပြီး မသေသေး
သည်ကို တွေ့၍ တုတ်နှင့်ရိုက်သတ်ခံရသည်ကို မျက်မြင်တွေ့ခဲ့သူ။ သူကိုယ်တိုင် ကမူ ပြေးလွတ်၍ အသက်ရှင်ခွင့်ရခဲ့ခြင်းဖြစ်သည်။

စောညာမူတူးလိုပင် ရှုမြင်သူက တောင်အိုဒဲကျေးရွာမှ သဒါးဒဲကျေးရွာသို့ ရောက်လာသူ အသက်(၈၀) အရွယ် အဘိုးစောကြီးဘောဖြစ်သည်။ အဘိုးက ဘ၀တစ်လျှောက်ရွာမီးရှို့ခံရခြင်း မကြာခဏကြုံခဲ့ဖူး၍ အိုးမဲ့အိမ်မဲ့ ဘ၀ အကြိမ်ကြိမ် ရောက်ခဲ့ဖူးသူဖြစ်သည်။ ရွာထဲကို အစိုးရတပ်မတော် က၀င်လာလိုက်၊ ပြန်ခုခံပစ်လိုက် တိုက်ပွဲသုံးကြိမ်ခန့်လည်း ပါဝင်နွှဲခဲ့ ဖူးသည်ဟု ဆိုသည်။

မြေမြှုပ်မိုင်းများကြောင့် သူ့သူငယ်ချင်းငါးဦးခန့် အသက်ဆုံးရှုံးခဲ့သည်ကိုလည်း ခံစားခဲ့ရဖူးသည်။ NCA ရေးထိုးခြင်းကို သို့သော်လည်းမယုံဟု သူက ဆို၏။

‘‘စိတ်မချဘူး၊ မယုံရဲဘူး။ သူ တို့စခန်းလည်း မဖြုတ်သေးဘူး။ ဒီ ရွာနဲ့မဝေးဘူး။ ခြေကျင်သွားရင် နာရီဝက်လောက်ပဲရှိတယ်’’ဟု ဒုတိယကမ္ဘာစစ်ကို မီခဲ့သော အဘိုးစောကြီးဘောက ဆိုသည်။

KNU ထိန်းချုပ်နယ်မြေ၌ တွေ့ရသမျှ အရပ်သားများ၏ စိုး ရိမ်ပူပန်မှုသည် အစိုးရတပ်စခန်း များရှိနေခြင်းအပေါ် အခြေခံနေ ကြောင်း တွေ့ရသည်။ လူတိုင်းက ရွာများအနီး တပ်စခန်းများရှိနေ ခြင်းကြောင့် အပစ်အခတ်ရပ်စဲရေး လက်မှတ်ရေးထိုးထားသည့် တိုင် လုံခြုံမှုမခံစားရဟု ဖြေကြ သည်။ သို့သော် ယခုအချိန်အထိ KNU ထိပ်ပိုင်းခေါင်းဆောင်များ နှင့် အစိုးရတပ်မတော်ကြားတွင် တပ်နေရာချထားရေးကိစ္စ နှစ်ဖက် စလုံးက ရေရေရာရာ
ပြောဆိုခြင်း မရှိသေးပေ။

‘‘လက်မှတ်ရေးထိုးထားပေ မယ့်လည်း တည်ငြိမ်မှုမရှိဘူး၊ လုံခြုံမှုမရှိဘူး’’ဟု KNU/KNLA ၏ ဒုစစ်ဦးစီးချုပ် ဒုဗိုလ်ချုပ်ကြီး ဘောကျော်ဟဲက ပြောသည်။

နှစ်ဖက်စလုံးက တပ်လျှော့ ချခြင်း၊ နယ်မြေသတ်မှတ်ခြင်းများ သေသေချာချာ မရှိသလို အပစ် အခတ်ရပ်စဲရေးပူးတွဲစောင့်ကြည့် ရေးကော်မတီများအနေဖြင့်လည်း စနစ်တကျလုပ်ငန်းအကောင်အ ထည်ဖော်ခြင်းမရှိဟု သူက
ပြော သည်။ ထို့ကြောင့်ပင် NCA အ သက်ဝင်လှုပ်ရှားခြင်းကို မတွေ့ရ ဟုဆို၏။ ကရင်လူ့အခွင့်အရေး စောင့်ကြည့်အဖွဲ့ (KHRG) က လည်း အစိုးရတပ်မတော်သည် NCA ရေးထိုးပြီးနောက်ပိုင်းတွင် အင်အားဖြည့်တင်းမှုများ
ပြုလုပ် နေသည်ဟု အစီရင်ခံလာသည်။

‘‘အပေါင်းလက္ခဏာဆောင် တဲ့ ပြောင်းလဲတိုးတက်မှုတော့ ထွေထွေထူးထူးဘာမှမတွေ့ရ ဘူး’’ဟု ဒုဗိုလ်ချုပ်ကြီးဘောကျော် ဟဲက ဆိုသည်။

တပ်မတော်နှင့် အဆင်ပြေ နေသော အဖွဲ့ဟု အချို့က သုံး သပ်ကြသော KNU သည် ပြည် နယ်အစိုးရနှင့် ထိပ်တိုက်တွေ့မှု ဖြစ်ပေါ်လာသည်။ ပြီးခဲ့သည့် ရက်အတွင်းမှာပင် NCA ပါ အ ချက်အလက်များကို မချိုးဖောက်ရန် ကရင်ပြည်နယ်အစိုးရအဖွဲ့က KNUထံ စာပို့ခဲ့သည်။ မြေယာ တိုင်းတာမှုများ KNU က လုပ်ခဲ့ပြီး ယင်းမှာ အစိုးရအုပ်ချုပ်မှုကို ၀င် စွက်ခြင်းဖြစ်၍ မလုပ်သင့်ကြောင်း ထိုစာ၌ ပါရှိခဲ့သည်။ KNU အနေ ဖြင့် ဆက်ကြေး
မကောက်ရန် ကရင်ပြည်နယ်အစိုးရက တားမြစ် ခဲ့ပြီး KNU ကမူ ၎င်းတို့သည် ဆက်ကြေးမဟုတ်ဘဲ အခွန် ကောက်ခြင်းသာဖြစ်သည်ဟု ဆို သည်။

တစ်ချိန်တည်းမှာပင် NCA ထိုးပြီးနောက်ပိုင်း KNU အဖွဲ့အ စည်းကြား အမြင်မတူမှုများလည်း ပြင်းထန်လာနေကြောင်း အတွင်း သတင်းများအရ သိရသည်။ NCA လက်မှတ်ရေးထိုးပွဲသို့ KNU ဒုဥက္ကဋ္ဌ မတက်ခဲ့ခြင်းသည် အမြင်သာဆုံး ရပ်တည်ချက်ကွဲလွဲမှုဖြစ် ခဲ့သည်။ ၂၀၁၆ နိုဝင်ဘာတွင် ကျင်းပရမည့် KNU ကွန်ဂရက်ကို ၂၀၁၇ မတ်လ နောက်ဆုတ်လိုက် ရခြင်းမှာလည်း ယင်းအဖွဲ့အစည်း အတွင်း ပဋိပက္ခကြောင့်ဟု လေ့ လာသူများက သုံးသပ်ကြသည်။ လက်ရှိ KNU ဒုဥက္ကဋ္ဌ နော်စီဖိုး ရာစိန်သည် လာမည့် ကွန်ဂရက် တွင် ဥက္ကဋ္ဌအဖြစ် ရွေးကောက် တင်မြှောက်ခံရနိုင်ခြေများကြောင်း အတွင်းသတင်းရင်းမြစ်များမှ သိ ရသည်။ သို့သော် တပ်မတော်ကမူ ၎င်းတို့နှင့် သင့်မြတ်သော လက်ရှိ ဥက္ကဋ္ဌ စောမူတူးစေးဖိုးနှင့် နောက် လိုက်များကို ပိုလိုလားနေသည်ဟု သုံးသပ်ကြသည်။ စောမူတူးစေးဖိုး နှင့် ဗိုလ်ချုပ်မှူးကြီး (ငြိမ်း)သန်း ရွှေတို့ တွေ့ဆုံခြင်းကလည်း ထောက်ပြစရာ
ဖြစ်လာသည်။ ဤ အတောအတွင်းမှာပင် ကေအင်န် ယူထိန်းချုပ်နယ်မြေ၌ စီးပွားရေး လုပ်ငန်းများလုပ်ကိုင်ရန် သဘော တူညီမှုလည်းဖြစ်ပေါ်ခဲ့သည်။ အ ချို့က ယင်းမှာ NCA ရေးထိုးပြီး နောက် ဖွံ့ဖြိုးရေးစတင်မှုဟု ဆို ကြပြီး အချို့ကမူ KNU ခေါင်း ဆောင်များ ကြေးကြီးပေး အ၀ယ် ခံရမှုဟု ဝေဖန်ကြသည်။

‘‘ကြေးကြီးပေးဆိုတာ မမှန် ဘူး။ ပေးဆပ်ခဲ့ရတာတွေနဲ့ယှဉ် ရင် ဒါက သိပ်ပေါလွန်းတယ်’’ဟု KNU နှင့် အစိုးရကြား အပစ်ရပ် စေ့စပ်ညှိနှိုင်းမှုများမှသည် လက်ရှိ အချိန်အထိ ငြိမ်းချမ်းရေး လုပ်ငန်း စဉ်တွင် ပါဝင်နေသူ အတွင်း သတင်းရင်းမြစ်တစ်ဦး ကပြောသည်။

အပစ်အခတ်ရပ်စဲရေးနှင့်အ တူ ဖြစ်ပေါ်လာသည်က နေပြည် တော်နှင့် KNU ကြား ထိပ်ပိုင်းက စားကွက် အလှည့်အပြောင်းများ သာဖြစ်ပြီး အောက်ခြေမြေပြင် တိုးတက်ပြောင်းလဲမှုမှာ နည်းပါး လှသည်။ အောက်ခြေပြည်သူလူ ထု၏ ဘ၀များက ဆင်းရဲပင်ပန်း လုံခြုံမှုမရှိဖြစ်နေဆဲပင်။ ကရင် ပြည်နယ် တိုက်ပွဲများနှင့်အတူ ဖြစ်ပေါ်လာသော အသတ်ခံရ ခြင်း၊ နှိပ်စက်ညှဉ်းပန်းခံရခြင်း၊ အဓမ္မပြုကျင့်ခံရခြင်း၊ အဓမ္မလုပ် အားပေးခိုင်းစေခံရခြင်း၊ မြေမြှုပ် မိုင်းများအန္တရာယ် စသည်တို့မှ လွတ်မြောက်ရန် မွေးစကတည်း ကပင် တစ်နေရာတည်းအတည် တကျနေမရဘဲ တစ်နေရာပြီးတစ် နေရာ စစ်ဘေးရှောင်ပြောင်းရွှေ့ ရွာတည်နေရင်း အသက်ကြီးလာ ကြသူများမှာ လက်ညှိုးထိုး မလွဲ။ အထူးသဖြင့် ၁၉၉၅ တွင် KNU ဌာနချုပ် မာနယ်ပလောကျပြီး နောက် နယ်စပ်ဒေသတစ်လျှောက် ကရင်တိုင်းရင်းသား ပြည်သူများ သည် တပ်မတော်၏ ထိုးစစ်မှ လွတ်မြောက်ရန် အိုးစွန့် အိမ်စွန့် ပြေးလွှား ခဲ့ကြရသည်။ ကုလ သမဂ္ဂ၏ အစီရင်ခံစာများအရ ထိုင်း-မြန်မာ နယ်စပ် ဒုက္ခသည် စခန်းများတွင် ခိုလှုံနေကြရသော ဒုက္ခသည်တစ်သိန်းကျော်အနက် အများစုမှာ ကရင်တိုင်းရင်းသား များဖြစ်သည်။ ထို့အပြင် စစ်တမ်း များအရ ကရင်
လေးသိန်းခန့်သည် အိုးအိမ်အတည်တကျမရှိဘဲ နေ ထိုင်နေကြရသည်။

‘‘ဘယ်ဇာတိလဲဆိုတာ အ မေးခံရတိုင်း ဘယ်လို ဖြေရမယ် မှန်းမသိဘူး။  ကျွန်မတို့က တစ် သက်လုံး တစ်နေရာပြီး တစ်နေရာ ပြောင်းနေခဲ့ရတာလေ’’ဟု ကရင် အမျိုးသမီးအစည်းအရုံး၏ လူ့အခွင့်အရေးထောက်ခံ လှုပ်ရှားသူ နော်ဝါးကူရှီးက ပြောသည်။

ယခုအချိန်အထိမူ မြန်မာ-ထိုင်း နယ်စပ်ဒုက္ခသည် စခန်းများမှနေ၍ NCA နောက်ပိုင်း အ ပြောင်းအလဲကို စောင့်မျှော်နေသူ များအတွက်လည်း ရေရာသေချာ မှု မရှိသေးပေ။ နှစ်ပေါင်း ၅၀ ကျော်အတွင်း ပထမဆုံး အရပ်သား
အစိုးရအဖြစ် ပြုပြင်ပြောင်းလဲရေး ကြွေးကြော်သံဖြင့် တက်လာခဲ့သော ဒေါ်အောင်ဆန်းစုကြည်ဦးဆောင်သည့် အစိုးရလက်ထက်တွင် ထိုင်းဒုက္ခသည် စခန်းရောက် မြန်မာ ၆၀ ကျော် ပထမဆုံးအကြိမ် ပြည်တော်ပြန်လာခဲ့သည်။ သို့သော် လယ်ယာ သိမ်းဆည်းခံရမှုများ၊ တပ်စခန်းတည်ရှိမှုများ၊ မြေမြှုပ်မိုင်းများ စသည်တို့အပါအ၀င် အဟန့်အတားများစွာက အမိမြေသို့ ပြန်လာခြင်သော ကျန်ဒုက္ခသည် တစ်သိန်းကျော်ကို တားဆီးနေဆဲပင်။

ရှမ်း၊ ကယား၊ မွန်နှင့် ကရင်  ပြည်နယ်တို့သို့ ဖြတ်သန်းစီးဆင်း ၍ မုတ္တမပင်လယ်ကွေ့အတွင်း တိုးဝင်သော သံလွင်မြစ်သည် တိုင်းရင်းသားလူမျိုးများစွာ၏ နှ လုံးအိမ်ဖြစ်သည်။ သံလွင်မြစ် ပေါ် လှေသွားလှေလာ အနည်း
အများသည် နိုင်ငံရေးအခြေအနေနှင့် တိုက်ပွဲအနေအထားအပေါ် မူ တည်လေ့ရှိသည်။ အရပ်သားများ နှင့်ကရင်စစ်သားများကို တင် ဆောင်လာသော လှေငယ်သည် ကရင်ပြည်နယ်မြောက်ပိုင်းစွန်း KNU ထိန်းချုပ်နယ်မြေ တပ်မဟာ (၅) ဒေသအတွင်းခပ်သွက်သွက် သွားလာနေသည်။ သံလွင်၏ ၀ဲ ကတော့များကို ရှောင်ကွေ့ရန် လှေသမား စောလားညာပဲ့ကိုင် လိုက်သည်။ သူက သံလွင်ကောက် ကြောင်းနှင့် သံလွင်အထာကို နော ကျေနေသူ။ သံလွင်ကမ်းတစ် လျှောက်ဖြစ်ပွားခဲ့သော တိုက်ပွဲ များနှင့်သံလွင်မြစ်ထဲ စွန်းထင်းခဲ့ သော အသက်သွေးများကိုလည်း မျက်ဝါးထင်ထင် ရင်ဆိုင်ခဲ့ဖူးသူ။ ကမ်းနံဘေးရှိ တဲအိမ်စုကလေး များရှိရာ ရွာငယ်များကို လက်ညှိုး တထိုးထိုး
ညွှန်ပြ၍ ဗိုလ်ချုပ်မှူးကြီး သန်းရွှေလက်ထက် တပ်မတော် ၀င်ရောက်လာပြီး တစ်ရွာလုံး ပြာ ကျခဲ့ဖူးကြောင်းကို ပြောပြတတ် သူလည်းဖြစ်သည်။

ပဋိပက္ခဇာတ်ခုံတွင် တစ်ခန်း တစ်ကဏ္ဍမှပါဝင်နေ၍ သံလွင် မြစ်သည် ငြိမ်းချမ်းရေးဇာတ်လမ်း ၌ အဓိကဇာတ်ဆောင်တစ်ဦးအ ဖြစ် ကပြနိုင်ရန်ပြင်နေပါသည်။ ဖာပွန်ဒေသရှိ စတုရန်းမိုင်ပေါင်း ၂၀၀၀ ကျော် အကျယ်အ၀န်းရှိ ဧရိယာကို သံလွင်ငြိမ်းချမ်းရေး ဥယျာဉ်အဖြစ် အသွင်ပြောင်းရန် KNU နှင့်ကရင်သဘာဝပတ်ဝန်း ကျင်နှင့် လူမှုကွန်ရက် (KESAN) တို့က ပူးပေါင်းလှုပ်ရှားနေသည်။ ယင်းဥယျာဉ် ဧရိယာအတွင်း၌ အစိုးရတပ်မတော်၏
ပြန်လည် ရုပ်သိမ်းရန် အဆိုပြုထားသော တပ်စခန်း ခြောက်ခုနှင့် တပ်စခန်း ပေါင်း ၄၄ ခုရှိနေသည်။တစ်ချိန် တည်းမှာပင် KNU /KNLA ၏ တပ်များလည်း အခြေစိုက်လျက်ရှိ သည်။

ယင်းငြိမ်းချမ်းရေးဥယျာဉ် ကြောင့် ဒေသတွင်းရှိ သဘာဝ ပတ်ဝန်းကျင်နှင့် တောနေ တိရစ္ဆာန်များ ယဉ်ကျေးမှုများကို၊ ထိန်းသိမ်းနိုင်မည်ဖြစ်သကဲ့သို့ ငြိမ်းချမ်းရေးနှင့်ကိုယ်ပိုင်ပြဋ္ဌာန်းရေး ကိုလည်း ရရှိမည်ဟုဆိုသည်။ ပြီး  ခဲ့သည့်နှစ်ကတပ်မတော်နှင့် ဖြစ် ပွားခဲ့သော တိုက်ပွဲများသည် ကရင်ပြည်နယ် သံလွင်မြစ်ပေါ်ရှိ ဆည်စီမံကိန်းများနှင့်ပတ်သက် နေကြောင်း ကရင်တိုင်းရင်းသား များက အခိုင်အမာယုံကြည်လျက် ရှိရာ သံလွင်ငြိမ်းချမ်းရေး
ဥယျာဉ် ဖွင့်လှစ်ခြင်းအားဖြင့် ဟတ်ကြီး ဆည်အပါအ၀င် ဆည်များ၏ အန္တ ရာယ်ကိုလည်း ဟန့်တားနိုင်မည် ဟု မျှော်လင့်နေကြသည်။

ကမ္ဘာ့အရှည်ကြာဆုံးပြည် တွင်း စစ်ပွဲကို ဆင်နွှဲနေသော ကရင် အမျိုးသားအစည်းအရုံး/ ကရင်အမျိုးသားလွတ်မြောက်ရေး တပ်မတော် (KNU/KN LA) အဖွဲ့ သည် ယခုနှစ်တွင် သက်တမ်းနှစ် ပေါင်း ၇၀ တိတိပြည့်ပြီ။ ကရင် ပြည်နယ် ပဋိပက္ခ (သို့မဟုတ်) ကမ္ဘာ့ အရှည်ကြာဆုံးပြည်တွင်း စစ်သည် နိုင်ငံတော်၏ အတိုင်ပင် ခံပုဂ္ဂိုလ်ဒေါ်အောင်ဆန်းစုကြည် ၏ အသက်နှင့်ထက်တူနီးပါး ရှည် ကြာအိုမင်းနေခဲ့ပြီ။ မြန်မာ-ထိုင်း နယ်စပ် ကရင်တောင်ပေါ်ရွာ ကလေးဖြစ်သည့် ဒေးမူဒဲမှ အမိုး၌ နေပြည်တော်ရှိ ဒေါ်အောင်ဆန်းစု ကြည်ထံ ပါးချင်သောစကားရှိနေ သည်။

‘‘တို့လိုချင်တာ တာမုတာခု (ငြိမ်းချမ်းရေး)၊ တာခူတာဖို့ (လုံ ခြုံရေး)၊ တာဘိတာဘဲ့ (လွတ်လပ်မှု)’’


ဖာပွန်ခရိုင် ဒေဗူနိုရွာတွင် ကရင်နှစ်သစ်ကူးပွဲတော်၌ ထမင်းလက်ဆုံစားနေကြသော ဒေသခံများ
ဓာတ်ပုံ - ငြိမ်းငြိမ်းပြည့်

Top News