မိခင်နို့ရည်ပါ ဓာတ်တိုးဆန့်ကျင်ပစ္စည်းက အသည်းရောဂါကို ကာကွယ်ပေးနိုင်

ဓာတ်တိုးဆန့်ကျင်ပစ္စည်းများသည် ဆဲလ်များပျက်စီးမှုကို တိုက်ဖျက်ကာကွယ်နိုင်စွမ်းရှိသောကြောင့် နှလုံးသွေးကြောဆိုင်ရာရော ဂါနှင့် ကင်ဆာရောဂါတို့ကဲ့သို့ ပြင်းထန်သော ရောဂါအချို့ကို ကာ ကွယ်နိုင်သည်။ မိခင်နို့ရည်နှင့် ကီဝီသီး၊ ပဲများ၊ တရုတ်နံနံတို့ကဲ့သို့ အစားအစာများတွင် တွေ့ရများသော ဓာတ်တိုးဆန့်ကျင်ပစ္စည်းတစ် မျိုးက အရက်သောက်ခြင်းကြောင့်မဟုတ်သော အသည်းအဆီဖုံး ရောဂါကို ကာကွယ်နိုင်ကြောင်း လေ့လာမှုအသစ်တစ်ရပ်က ဖော်ပြ သည်။


ဓာတ်တိုးဆန့်ကျင်ပစ္စည်းများသည် အသီးအနှံများနှင့် ဟင်းသီး ဟင်းရွက်များတွင် အဓိကပါဝင်ပြီး ဆဲလ်များ ပျက်စီးမှုကို ကာကွယ်နိုင်သည်ဟု ယုံကြည်ရသည်။ ဗီတာမင်စီ၊ ဗီတာမင်အီး၊ Selenium နှင့် Carotenoid တို့သည် ဓာတ်တိုးဆန့်ကျင်ပစ္စည်းများဖြစ်သည်။

အရက်သောက်ခြင်းကြောင့်မဟုတ်သော အသည်းအဆီဖုံး ရောဂါသည် ကျယ်ကျယ်ပြန့်ပြန့်ဖြစ်ပွားနေသော ရောဂါတစ်မျိုးဖြစ် ပြီး အမေရိကန်နိုင်ငံတွင် ပြင်းထန်သော အသည်းရောဂါများဖြစ် ပွားမှု၏ ၇၅ ရာခိုင်နှုန်းမှာ ယင်းအသည်းရောဂါမျိုးဖြစ်သည်။

Pyrroloquinoline Quinone (PQQ) ဟုခေါ်သော ဓာတ်တိုး ဆန့်ကျင်ပစ္စည်းသည် အ၀လွန်ဖြစ်နေသော မျိုးဆက်များတွင် အ သည်းနှင့် ခန္ဓာကိုယ်အဆီများကို လျော့ကျစေနိုင်ကြောင်း သုတေသီများက ကြွက်များဖြင့် လေ့လာရာ၌ တွေ့ရှိခဲ့သည်။

ယင်းဓာတ်တိုးဆန့်ကျင်ပစ္စည်းက အသည်းရောင်ရမ်းမှုကို လည်း လျှော့ချနိုင်ကြောင်း သိရသည်။

ကိုယ်ဝန်ဆောင်ကြွက်မများအား ယင်းဓာတ်တိုးဆန့်ကျင် ပစ္စည်းများ သီတင်းပတ် ၂၀ ကြာ တိုက်ကျွေး၍ လေ့လာရာတွင် ၎င်းတို့ထံမှ မွေးလာသော ကြွက်သားပေါက်များ၌ အသည်းအဆီ ဖုံးရောဂါဖြစ်ပွားနိုင်သည့် လက္ခဏာများနှင့် အရွယ်ရောက်စအရွယ် တွင် အသည်းရောဂါဖြစ်ပေါ်လာနိုင်သော ထိခိုက်ပျက်စီးမှုများကို ကာကွယ်ပေးနိုင်ကြောင်း လေ့လာတွေ့ရှိခဲ့သည်။

PQQ ဓာတ်တိုးဆန့်ကျင်ပစ္စည်းကို မြေကြီး၊ ကြယ်စင်စုအမှုန့် များနှင့် မိခင်နို့ရည်တို့တွင် တွေ့ရသည်။ ယင်းဓာတ်တိုးဆန့်ကျင် ပစ္စည်းသည် နို့တိုက်သတ္တ၀ါများတွင် ဖွံ့ဖြိုးမှုအတွက် အရေးပါ သော ဓာတ်တိုးဆန့်ကျင်ပစ္စည်းဖြစ်ပြီး သင်္ဘောသီး၊ ကီဝီသီးတို့ကဲ့ သို့ အပင်ထွက်အစားအစာအမျိုးမျိုး၌ ပါရှိသည်။

ယင်းဓာတ်တိုးဆန့်ကျင်ပစ္စည်းကို လူသားများနှင့် လေ့လာမှု အများအပြားပြုလုပ်ရာတွင်လည်း ဘေးအန္တရာယ်ကင်းရှင်းကြောင်း တွေ့ရသဖြင့် အရက်သောက်ခြင်းကြောင့် မဟုတ်သော အသည်း အဆီဖုံးရောဂါအန္တရာယ်များကို လျှော့ချရေး ကုသနည်းရှာဖွေရန် အရေးပါသော လေ့လာတွေ့ရှိချက်တစ်ခုဖြစ်သည်ဟု သုတေသီ များက ပြောသည်။                                       

—Ref: MNT

Top News