အ၀လွန်မိဘများက မွေးလာသော ကလေးများ ဖွံ့ဖြိုးမှုနောက်ကျနိုင်

ကလေးငယ်၏ လက်ချောင်းများနှင့် လက်များ၏ လှုပ်ရှားမှု နှေးကွေးနေခြင်း၊ အခြားလူများနှင့် ဆက်ဆံနိုင်စွမ်းနှင့် အပြန်အလှန်ဆက်ဆံမှုစွမ်းရည်အပြင် ပြဿနာဖြေရှင်းနိုင်သည့် စွမ်းရည်များ နှောင့်နှေးကြန့်ကြာနေခြင်းမှာ မိဘများအ၀လွန်ခြင်းကြောင့်ဖြစ်သည်ဟု သုတေသီများက ပြောသည်။

ကျန်းမာရေးနှင့် ဆက်စပ်သော ပြဿနာများအပြင် အ၀လွန်မိခင်များမှ မွေးလာသော ကလေးများသည် သေးငယ်သောကြွက်သားများလှုပ်ရှားမှုကို ထိန်းသိမ်းနိုင်သော စွမ်းရည်စမ်းသပ်မှုတွင် ကျရှုံးရန် ၇၀ ရာခိုင်နှုန်းပိုများကြောင်း လေ့လာမှုကဖော်ပြသည်။


အ၀လွန်သော ဖခင်များ၏ သားသမီးများသည် အသက် (၃)နှစ် အရွယ်တွင် အခြားလူများနှင့် အပြန်အလှန်ဆက်ဆံနိုင်စွမ်းအားနည်း နိုင်သည်။ အလွန်အမင်းဝသော မိဘနှစ်ပါးမှ မွေးလာသည့် ကလေးငယ်များသည် အသက် (၃)နှစ်အရွယ်တွင် ယင်းကဲ့သို့ စွမ်းရည်များဖွံ့ဖြိုးမှု နှေးကွေးနေခြင်းနှင့် ကြုံတွေ့နိုင်ခြေ ၇၅ ရာခိုင်နှုန်းပိုများကြောင်း သုတေသီများက ပြောသည်။

မိဘများ၏ ခန္ဓာကိုယ်အလေးချိန်က ကလေးငယ်၏ ဖွံ့ဖြိုးမှုအပေါ် သိသိသာသာလွှမ်းမိုးမှုရှိကြောင်း လေ့လာမှုအရသိရသည်ဟု အမေရိကန်ကလေးကျန်းမာရေးနှင့် လူသားများဖွံ့ဖြိုးမှုဌာနမှ သုတေသီများက ပြောသည်။

သို့သော်မိဘများအ၀လွန်ခြင်းကြောင့် မွေးလာသော ကလေးတွင် ဖွံ့ဖြိုးမှုဆိုင်ရာ နှောင့်နှေးမှုဖြစ်ပေါ်နိုင်သည့် အန္တရာယ်ပိုများလာစေနိုင်သလားဆိုသည်ကိုမူ သုတေသီများ မလေ့လာရသေးပေ။

တိရိစ္ဆာန်များနှင့် လေ့လာမှုအတွင်း ကိုယ်ဝန်ဆောင်စဉ် အ၀လွန်ခြင်းကြောင့် သန္ဓေသား၏ ဦးနှောက်ကို ထိခိုက်စေနိုင်သော ခန္ဓာကိုယ်ရောင်ရမ်းမှုကို ဖြစ်ပေါ်စေနိုင်ကြောင်း တွေ့ရသည်။ ကိုယ်အလေးချိန်များခြင်းသည် ကိုယ်တိုင်အတွက်လည်း ကောင်းသောကိစ္စမဟုတ်ဘဲ မိမိ၏ ရင်သွေးများ၏ ကျန်းမာရေးကိုပင် ထိခိုက်စေနိုင်ကြောင်း သုတေသီများက အတည်ပြုပြောကြားသည်။

—Ref:TOI

Top News