ဆယ်ကျော်သက်မျိုးဆက် စောင့်ရှောက်ရေး အစီအစဉ်များကို စီမံကိန်းရေးဆွဲဆောင်ရွက်နေ

ဓာတ်ပုံ−ကျော်ဇင်သန်း

မိခင်သေဆုံး နှုန်းကျဆင်းရေးအပါအဝင် ဆယ်ကျော်သက်မျိုးဆက်ပွားစောင့်ရှောက်မှုအစီအစဉ်များ ကို ရေရှည်စီမံကိန်းရေးဆွဲ၍ ဆောင်ရွက်နေကြောင်း ကျန်းမာ ရေးနှင့် အားကစားဝန်ကြီးဌာနမှ သတင်းရရှိသည်။

ထိုကဲ့သို့ ဆောင်ရွက်ရခြင်း သည် မြန်မာနိုင်ငံတွင် မိခင်သေဆုံးနှုန်း ကျဆင်းစေရန်နှင့် သားပျက် သားလျှောဖြစ်ပွားနှုန်းကျဆင်းစေ ရန် ရည်ရွယ်ခြင်းဖြစ်သည်ဟု ပြည်သူ့ကျန်းမာရေးဌာန၊ မိခင်နှင့် မျိုးဆက်ပွားဌာနခွဲမှ ညွှန်ကြားရေးမှူး ဒေါက်တာလှမြတ်သွေးဣန္ဒြာက ပြောသည်။


‘‘ဘာကြောင့်လဲဆိုတော့ ဒီလိုဆောင်ရွက်လိုက်ခြင်းက နောက် ဆက်တွဲအကျိုးကျေးဇူးတွေအနေ နဲ့ မိခင်သေနှုန်းတွေကျမယ်။ အ ဘောရှင်း (သားပျက်သားလျှော) ဖြစ်တာတွေကျမယ်။ ဒါတွေကို ၂၀၁၄-၂၀၂၁ ပလန်တွေဆွဲပြီး ဆောင်ရွက်နေတာပါ။ အခုဆို Half Year Plan တောင်ရောက် သွားပါပြီ’’ဟု ၎င်းက ပြောသည်။

အဆိုပါ နှစ်ရှည်စီမံကိန်းတွင် မိခင်သေဆုံးနှုန်း ကျဆင်းရေး ဆောင်ရွက်ခြင်း၊ ဆယ်ကျော် သက်အရွယ် မျိုးဆက်ပွား ကျန်းမာရေးစောင့်ရှောက်မှုပေးခြင်း၊ မိသားစုစီမံကိန်းများ ရေးဆွဲခြင်းနှင့် သားပျက်သားလျှောပြီးသူများကို ကျန်းမာရေးစောင့်ရှောက်မှုပေး ခြင်း စသည့်လုပ်ငန်းစဉ်များ ပါဝင် ကြောင်း သိရသည်။

ထို့အပြင် လူမှုဝန်ထမ်းနှင့် ချိတ်ဆက်၍ ရေတိုစီမံကိန်းဖြင့် အသက် (၁၅)နှစ်မှ (၄၉)နှစ်အ ရွယ်များတွင် ဖြစ်ပေါ်သော မျိုး ဆက်ပွားဆိုင်ရာ ကျန်းမာရေး ပြဿနာများကို ပြုစုကုသစောင့် ရှောက်မှုပေးခြင်းနှင့် ကျောင်း ကျန်းမာရေးနှင့်ချိတ်ဆက်၍ ဆယ်ကျော်သက်မျိုးဆက်ပွားကျန်းမာ ရေး အသိပညာပေးခြင်းတို့ကိုပါ ဆောင်ရွက်မည်ဖြစ်သည်။

မြန်မာနိုင်ငံတွင် လက်ရှိသေ ဆုံးမှုအများဆုံး ကိုယ်ဝန်ဆောင် မိခင်များသည် အသက် (၂၀)နှင့် (၃၅)နှစ်ကြားဖြစ်ပြီး ဆေးရုံသို့လာ ရောက်ရန် နှောင့်နှေးခြင်း၊ လက်လှမ်းမမီခြင်း၊ လမ်းပန်းဆက်သွယ်ရေး မကောင်းမွန်ခြင်းနှင့် မျိုးဆက်ပွားကျန်းမာရေး အသိပညာအား နည်းခြင်း စသည့်အခက်အခဲများ ကြောင့် သေဆုံးနေရကြောင်း ကျန်းမာရေးနှင့် အားကစားဝန်ကြီး ဌာနမှ သိရသည်။

ယင်းအပြင် မြန်မာနိုင်ငံ၏ ကိုယ်ဝန်ဆောင်မိခင်သေဆုံးနှုန်း ကိုကြည့်လျှင် ပထမအများဆုံးမှာ မွေးပြီး သွေးသွန်ခြင်းဖြစ်ကာ ဒုတိ ယအများဆုံးမှာ ကိုယ်ဝန်ဆိပ် တက်ခြင်းနှင့် တတိယအများဆုံး မှာ သားပျက်သားလျှောခြင်းတို့ ကြောင့်ဖြစ်ကြောင်း ကျန်းမာရေး နှင့် အားကစားဝန်ကြီးဌာနက သတင်းထုတ်ပြန်ထားသည်။