အရက်သောက်သုံးမှုဆိုင်ရာ ပြဿနာရှိနေပြီဆိုသည်ကို ဖော်ပြသော လက္ခဏာများ

ငါအရက်သမားတစ်ဦးဖြစ်နေပြီလားဆိုသော မေးခွန်းကို သင့် ကိုယ်သင်မေးမြန်းဖူးပါသလား၊ သင်တစ်ဦးတည်းမဟုတ်ခြင်းမှာ သေချာသလောက်ဖြစ်နိုင်ပါသည်။ တစ်ညလျှင် ဘီယာပျော့ပျော့ တစ်ခွက်သောက်လေ့ရှိသူများအပြင် သောက်ခဲလှသူများနှင့် မင်္ဂလာဆောင် (သို့မဟုတ်) မိတ်ဆွေများနှင့်စု၍ အလွန်အကျွံသောက်လေ့ ရှိသူများလည်း ယင်းမေးခွန်းနှင့်ပတ်သက်၍ သိရှိလိုကြသည်။ ယင်း အုပ်စုများထဲက တစ်စုံတစ်ဦးသည် အရက်သမားဖြစ်သွားနိုင်သည် (သို့မဟုတ်) မဖြစ်နိုင်ပေ။


ယင်းမှာ အရက်သောက်သုံးသော ပမာဏနှင့် မဆိုင်ဘဲ လူ တစ်ဦး၏ အရက်သောက်ခြင်းနှင့် ဆက်နွှယ်ပတ်သက်နေသည်ဟု စွဲလမ်းမှုကုသရေး ပညာရှင် ဆာရာအယ်လန်ဘန်တွန်က ပြောကြားသည်။

နေ့စဉ်အရက်အနည်းငယ်သောက်သုံးမှုသည် အကြိမ်အနည်း ငယ်တွင် အရက်ပမာဏအများအပြားသောက်သုံးခြင်းထက် ကျန်း မာရေးထိခိုက်နိုင်မှုပိုနည်းနိုင်သည်။

အမျိုးသမီးများအနေဖြင့် တစ်နေ့လျှင် အရက်သုံးပက်ထက် ပိုမသောက်သင့်ဘဲ သီတင်းတစ်ပတ်လျှင် ခုနစ်ပက်ထက် ပိုမသောက် သင့်ဟု ပညာရှင်များက လမ်းညွှန်ထားသည်။ အမျိုးသားများအနေ ဖြင့် တစ်ရက်တွင် လေးပက် (သို့မဟုတ်) သီတင်းတစ်ပတ်တွင် ၁၄ ပက်ထက်ပို၍ မသောက်သင့်ပေ။

စိုးရိမ်စိတ်ဖြစ်ပေါ်နေချိန် (သို့မဟုတ်) ခန္ဓာကိုယ်နာကျင်မှုကို ပြေပျောက်စေရန် နည်းလမ်းတစ်ခုအဖြစ် အရက်ပုလင်းဆီ လက် လှမ်းနေမိပါက စိတ်ဓာတ်ကျခြင်း (သို့မဟုတ်) စိုးရိမ်စိတ်ဖြစ်ပေါ် ခြင်းတို့အတွက် ဆေးကုသမှုခံယူရန် လိုအပ်နိုင်သည်။

ပြီးခဲ့သည့် ခြောက်လ (သို့မဟုတ်) တစ်နှစ်အတွင်းက သင်၏ အရက်သောက်သုံးမှု ပမာဏကို တွေးတောစဉ်းစားကြည့်လိုက်ပါ။ အရက်သောက်သုံးသော ပမာဏသည် အချိန်ကြာလာသည်နှင့်အမျှ ပိုများလာပါက ယင်းမှာ အန္တရာယ်ရှိနိုင်သည်။

အရက်နှင့်ပတ်သက်၍ စွဲလမ်းနေပြီး နောက်တစ်ကြိမ်သောက် မည့်အကြောင်းကို စဉ်းစားနေမိပါသလား။ အလုပ်လုပ်နေချိန် (သို့ မဟုတ်) မိသားစုနှင့် နေနေချိန်တို့ကဲ့သို့ အခြားအလုပ်များလုပ်နေ ချိန်အတွင်း အရက်သောက်ရန် စဉ်းစားနေမိပါသလား။ ယင်းသို့ စဉ်းစားနေမိပြီဆိုပါက အန္တရာယ်ရှိနိုင်သည်။

သင်၏ဘ၀တွင် အရက်၏ ထိခိုက်နိုင်မှုကို သိရှိစေရန် နည်း လမ်းတစ်ခုအဖြစ် ရက်ပေါင်း ၃၀ အထိ အရက်မသောက်ဘဲ နေ ကြည့်ရန် ပညာရှင်များက လမ်းညွှန်ထားသည်။ ယင်းကဲ့သို့ အရက် မသောက်ဘဲ နေချိန်တွင် အခက်ကြုံနေပါက ဆရာဝန် (သို့မဟုတ်) စွဲလမ်းမှုအထူးကျွမ်းကျင်ပညာရှင်နှင့် ပြသသင့်သည်။

—Ref: Prevention

Top News