၂၀၁၆ နိုင်ငံတကာ ထင်ရှားကျော်ကြားပုဂ္ဂိုလ်များ

ဒေါ်နယ်ထရန့် (၂၀၁၆ ၏ အထင်ပေါ်ဆုံးပုဂ္ဂိုလ်)

၂၀၁၆ ကုန်ဆုံးရန် တရွေ့ ရွေ့ နီးကပ်လာပြီ ဖြစ်သည်။ ကုန်ဆုံး ခဲ့သည့် တစ်နှစ်တာအတွင်း နိုင်ငံတကာမှ နယ်ပယ်ကဏ္ဍအ သီးသီးတွင် ပြောစမှတ်ပြုလောက် သည့် အကြောင်းအရာများစွာ ကို အမှတ်တရဖန်တီးခဲ့သူ အများအ ပြားရှိခဲ့သည်။ တစ်နှစ်တာ ဖြတ်သန်းမှုကို အမှတ်တရထင်ကျန် စေလောက်အောင် စွမ်းဆောင်ပြ ခဲ့သူများအနက်တွင် အမေရိကန် ရွေးကောက်ပွဲ၌ အောင်ပွဲခံခဲ့သူ ဒေါ်နယ်ထရန့်ကို နိုင်ငံတကာ နယ်ပယ်မှ တစ်နှစ်တာအထင်ရှားဆုံးပုဂ္ဂိုလ်အဖြစ် 7Dayက ရွေးချယ်ခဲ့သည်။ ၎င်းနှင့်အတူ ၂၀၁၆ ၏သမိုင်းဖြတ်သန်းမှုတွင် ထုဆစ်ခဲ့ သူအချို့ကိုပါ စုစည်းဖော်ပြလိုက် ပါသည်။
 

ဒေါ်နယ်ထရန့်  (၂၀၁၆ ၏ အထင်ပေါ်ဆုံးပုဂ္ဂိုလ်)

၂၀၁၆ ကို အံ့အားသင့်ဖွယ် အကောင်းဆုံးဖမ်းစားနိုင်ခဲ့သူ ဆို သည်နှင့် ထရန့်ကို ခြွင်းချက်မရှိ ရွေးချယ်ရမည် ဖြစ်သည်။ အမေရိကန် ဘီလျံနာ သူဌေးကြီးသည် ဒီမိုကရက်ပါတီ၏ သမ္မတလောင်း နေရာအတွက် အမည်စာရင်းတင်သွင်းချိန်၌ ၎င်းကို လူတိုင်းက အိမ်ဖြည့်အဆင့်မျှသာ သဘောထားခဲ့ သည်။ သို့သော် ထရန့်သည် ပါတီ တွင်းပြိုင်ဘက်များကို ကျော်ဖြတ် ခဲ့သကဲ့သို့ နိုဝင်ဘာ ၈ ရက် ရွေးကောက်ပွဲတွင်လည်း ၎င်းထက်နိုင်ငံရေးသမ္ဘာအဆမတန် သာ လွန်သူ ဟီလာရီကလင်တန်ကို ရလဒ်ပြတ်ပြတ်သားသားနှင့် အနိုင်ယူခဲ့သည်။ ထရန့်သည် အငြင်းပွားစရာအခြေအနေများစွာကိုဖန်တီးခဲ့သူဖြစ်သကဲ့သို့ ၎င်း၏ မှတ် ချက်စကားအများအပြားသည် နိုင်ငံတကာ မီဒီယာကြီးများ၏ ခေါင်းကြီးပိုင်းတွင် နေရာယူခဲ့ သည်။ ဩဇာကြီးမားသည့် Time မဂ္ဂဇင်းကြီးကလည်း ထရန့်ကို ၂၀၁၆ ၏ အထင်ရှားဆုံးပုဂ္ဂိုလ်အဖြစ် သတ်မှတ်ရွေးချယ်ထားပြီးဖြစ်သည်။ လာမည့်နှစ်တွင် အမေရိကန်ကို ၎င်းလက်တွေ့ဦးဆောင် မည့် အနာဂတ်အလားအလာမှာ စိတ်ဝင်စားစရာများနှင့် ပြည့်နှက် နေမည်မှာ သေချာသည်။

 ဗလာဒီမာပူတင် (ကမ္ဘာ့ဩဇာအကြီးဆုံးလူသား)

ရုရှားနိုင်ငံရေးတွင် ခြွင်းချက် မရှိ ဩဇာအကြီးမားဆုံးဟု ဆိုရမည့် ပူတင်သည် ၂၀၁၆ အတွင်းရုရှား၏ အရေးပါအရာရောက်မှု ကို နိုင်ငံတကာသို့ နယ်ပယ်ကျယ်ကျယ်ဖြန့်ကြက်စေခဲ့သူ ဖြစ်သည်။ Forbes မဂ္ဂဇင်းကြီးက လည်း ရုရှားသမ္မတပူတင်ကို၂၀၁၆ ၏ ဩဇာအကြီးဆုံးပုဂ္ဂိုလ် အဖြစ် ရွေးချယ်ဖော်ပြခဲ့သည်။ ဆီးရီးယားအရေးတွင် ဘာရှာအယ်လ်အာဆတ်အစိုးရဘက်က ပါဝင်စွက်ဖက်ရင်း စစ်ရေးသာစေခဲ့ခြင်း က ရုရှားအနေဖြင့် ပြိုင်ဘက်ကြီး အမေရိကန်နှင့် ယှဉ်ပါက ပိုမို၍ သိက္ခာတက်လာစေသည်။ ထို့အ ပြင် ယခုနှစ်အတွင်း အမေရိကန် ၏ မဟာမိတ်အချို့ပင် ရုရှားဘက် ယိမ်းလာသည့် အခြေအနေက ပူတင်၏ ခေါင်းဆောင်မှု စွမ်းရည်ကောင်းကို ထင်ဟပ်မြင်သာစေ ခဲ့သည်။

 ရိုဒရီဂို ဒူတာတီ (စိတ်ကြမ်း၊ လူကြမ်းနှင့် နိုင်ငံ့ ခေါင်းဆောင်)

ဖိလစ်ပိုင်၏ အကျင့်ပျက် ခြစားမှုများနှင့် ရာဇဝတ်မှုခင်း ထူပြောမှုများကို အမြစ်ဖြတ်ချေ မှုန်းမည်ဆိုသော ကြွေးကြော်မှုဖြင့် ရွေးကောက်ပွဲတွင် အနိုင်ရလာ သည့် သမ္မတသည် နိုင်ငံတကာ မျက်နှာစာတွင် လျင်လျင်မြန်မြန် သတင်းလူသားတစ်ဦး ဖြစ်လာ သည်။ ဒူတာတီသည် ရွေး ကောက်ပွဲကြိုကတိအတိုင်း ရာဇဝတ်မှုများကို ရက်စက်ကြမ်းတမ်း စွာ နှိမ်နင်းခဲ့ခြင်းကြောင့် နိုင်ငံတကာလူ့အခွင့်အရေး လှုပ်ရှားသူ များ၏ ဝေဖန်မှုများစွာနှင့် ကြုံခဲ့ရ သည်။ သို့သော် ဒူတာတီက ဂရုမစိုက်ချေ။ နိုင်ငံတကာဝေဖန်သံဆူညံနေသလောက် ဖိလစ်ပိုင် တွင်မူ သမ္မတကို ထောက်ခံသူ အရေအတွက် မြင့်တက်နေခြင်းက ဒူတာတီအတွက် ခွန်အားဖြစ်စေခဲ့သည်။ အမေရိကန်သမ္မတ ဘားရက်အိုဘားမားကို လူသိရှင်ကြားဆဲရေးမှုများ၊ ဖိလစ်ပိုင်၏ကာလရှည်မဟာမိတ် အမေရိကန်ကို ကျောခိုင်းပြီး ရုရှားနှင့် တရုတ်ဘက် ယိမ်းမည်ဆိုသော ခြိမ်းခြောက်မှုများကလည်း ဒူတာတီကို ၂၀၁၆ ၏ ထင်ရှားကျော်ကြားသူတစ်ဦး ဖြစ်စေခဲ့သည်။

 ဟွန်မန်နျူရယ်လ် ဆန်းတို့စ် (စစ်ပွဲများကို ရပ်တန့်စေသူ)

အနောက်ကမ္ဘာ၏ အရှည် လျားဆုံးစစ်ပွဲတစ်ခုအဖြစ် လူသိများသော ကိုလံဘီယာပြည်တွင်း စစ်ကို အဆုံးသတ်သွားအောင် အားတက်သရော ကြိုးပမ်းဆောင် ရွက်ခဲ့သည့် ဆန်းတို့စ်သည် ယခု နှစ်၏ နိုဗယ်ငြိမ်းချမ်းရေးဆု ကြီးကို ဆွတ်ခူးရရှိခဲ့သည်။ ၎င်းသည် FARC သူပုန်များနှင့် ငြိမ်းချမ်းရေးဆွေးနွေးမှုဖြစ်မြောက် အောင်မြင်စေရန် အဓိကဦးဆောင်ခဲ့သူ လည်း ဖြစ်သည်။ သို့သော် ဆန်း တို့စ်အတွက် စိတ်ပျက်စရာအခြေအနေမှာ ငြိမ်းချမ်းရေးစာချုပ်ပါ သဘောတူညီချက်အချို့ကို ပြည် သူအများစုက လက်မခံသဖြင့် ပြည်လုံးကျွတ်ဆန္ဒခံယူပွဲတွင် အဆိုတင်မှု ပျက်ပြယ်ခဲ့ခြင်းဖြစ် သည်။ သို့သော် ဆန်းတို့စ်က ပြည်တွင်းငြိမ်းချမ်းရေး ခိုင်မာစွာ ပေါ်ထွန်းလာစေရန် ဆက်လက် အားထုတ်နေဆဲဖြစ်သည်။

  အူစိန်ဘော့တ် (အိုလံပစ် ပြေးလမ်းတွေရဲ့ဘုရင်)

၂၀၁၆ အတွင်း နိုင်ငံတကာ အထင်ကရအားကစားပြိုင်ပွဲကြီး တစ်ရပ်အဖြစ် ဘရာဇီးနိုင်ငံ ရီယိုဒီဂျနေးရိုးအိုလံပစ်ကို ကျင်းပခဲ့ သည်။ ကမ္ဘာ့အမြန်ဆုံးလူသားဟုတင်စားခေါ်ဝေါ်ခံရသည့် ဂျမေ ကာတာတိုအပြေး ချန်ပီယံသည် ယခုပြိုင်ပွဲတွင် ရွှေတံဆိပ် သုံးခုကိုထပ်မံဆွတ်ခူးကာ ၎င်း၏ သက်တမ်းတစ်လျှောက် အိုလံပစ် ရွှေတံဆိပ်ကိုးခုထိ ရရှိသည့် စံချိန် ကောင်းကို စိုက်ထူခဲ့သည်။ ယခုနှစ်ပြိုင်ပွဲသည် အားကစားလောကမှ ဘော့တ် အနားမယူမီ နောက်ဆုံး

ယှဉ်ပြိုင်သည့် အိုလံပစ်လည်း ဖြစ်သောကြောင့် ၎င်းအတွက် ပိုမို၍ အမှတ်တရဆန်ခဲ့သည်။ လူသားစွမ်းရည်ကို အမြင့်မားဆုံး ဖော် ပြခဲ့သည့် ဘော့တ်သည်လည်း ၂၀၁၆ ကို ပိုမို၍ ပြီးပြည့်စုံစေခဲ့သူ တစ်ဦးဟု ဆိုနိုင်သည်။

  ပတ်ဂွန်ဟေး  (အမုန်းခံသမ္မတ)

တောင်ကိုရီးယား သမ္မတ ပတ်သည်လည်း ၂၀၁၆ ကို လှုပ်ခတ်စေခဲ့သူများအနက် တစ်ဦးဖြစ်သည်။ သို့သော် ကောင်းသော နည်းလမ်းဖြင့်မူ မဟုတ်ချေ။ မိတ်ဆွေတစ်ဦးကို အစိုးရလျှို့ဝှက်မှတ် တမ်းများ ပေါက်ကြားစေခဲ့မှုမှ အစပြုသော မီးခိုးကြွက်လျှောက် ပြဿနာများကြောင့် ပတ်သည်သမိုင်းတစ်လျှောက် ဒီမိုကရေစီနည်းလမ်းဖြင့် ရွေးကောက်ခံရ သည့် တောင်ကိုရီးယားသမ္မတများ အနက် ပထမဆုံးအကြိမ် တရားစွဲဆိုခံရသူအဖြစ် မှတ်တမ်းဆိုးပိုင်ဆိုင်ခဲ့သည်။ တောင်ကိုရီးယားတွင် ပတ်ကို ရာထူးမှ နုတ်ထွက်ပေး ရန် ပြင်းပြင်းထန်ထန်ဆန္ဒပြမှု များလည်း ဆက်လက်ဖြစ်ပေါ် လျက် ရှိသည်။

  ဟီလာရီကလင်တန် (အကောင်းဆုံး အရှုံးသမား)

အမေရိကန်ရွေးကောက်ပွဲ တွင် နိုင်ခြေခန့်မှန်းချက် ပိုမိုအားကောင်းပြီးမှ ဒေါ်နယ်ထရန့်ကို အရေးနိမ့်ခဲ့သည့်တိုင် ကလင်တန်

သည် သူ၏ အားကောင်းသော ရပ်တည်မှုကို ကမ္ဘာသိပြသနိုင်ခဲ့ သည်။ အထူးသဖြင့် အမေရိကန် နိုင်ငံရေးသမိုင်းကြောင်းတွင် အ မျိုးသမီးတစ်ဦး နောက်ဆုံးအဆင့် ရွေးကောက်ပွဲတွင် ပါဝင်ယှဉ်ပြိုင် နိုင်ခြင်း မရှိခဲ့သည့် မှတ်တမ်းဆိုးကို ကလင်တန်က ပထမဆုံးအကြိမ် ချေဖျက်ပြခဲ့သည်။ ရွေးကောက်ပွဲတွင် ရရှိသည့် မဲအရေအတွက်တွင်လည်း ကလင်တန်က ထရန့်ထက် ပင် သာလွန်ခဲ့သည့်တိုင် ပြည်နယ် အလိုက် ကိုယ်စားလှယ်မဲတွက်ချက်မှုများတွင် မယှဉ်နိုင်သဖြင့် အရေးနိမ့်ခဲ့ခြင်း ဖြစ်သည်။ သူနှင့် ထရန့်တို့၏ အားပြိုင်မှုသည်ယခုနှစ်၏ ဆွေးနွေးမှုအကြီးမား ဆုံးအကြောင်းအရာအဖြစ် ရပ် တည်ခဲ့ရာ ကလင်တန်သည်လည်း ၂၀၁၆ ကို ပုံသွင်းထုဆစ်ရာတွင် အရေးပါသော အစိတ်အပိုင်း တစ်ခုအနေဖြင့် သတ်မှတ်ရမည် ဖြစ်သည်။

  Solar Impulse အဖွဲ့သားများ (အိပ်မက်များကို ပျံသန်းခြင်း)

လောင်စာဆီ လုံးဝမပါဘဲ လေယာဉ်တစ်စီးကို ကမ္ဘာပတ် ပျံသန်းစေရန်ဆိုသည်မှာ စိတ်ကူးယဉ်ဆန်လွန်းသော ကိစ္စဖြစ်သည်။ ထိုသို့ ယုတ္တိတန်လှသည့် အခြေအနေကို Solar Impulse အဖွဲ့သားများက လက်တွေ့ဖြစ် လာအောင် လုပ်ဆောင်ပြခဲ့သည်။ ဆွစ်ဇာလန် လေယာဉ်မှူး နှစ်ဦးက အလှည့်ကျ မောင်းနှင်ခဲ့သည့် နေရောင်ခြည်စွမ်းအင်သုံး လေယာဉ်ငယ်လေးသည် အပိုင်းလိုက် ပျံသန်းသည့် ကမ္ဘာတစ်ပတ် ခရီးစဉ်ကို ယခုနှစ်ဇူလိုင်လတွင် အောင် မြင်စွာ အဆုံးသတ်နိုင်ခဲ့သည်။ သဘာဝပတ်ဝန်းကျင် ထိန်းသိမ်း ရေးနှင့် ညစ်ညမ်းဓာတ်ငွေ့ ထုတ်လွှတ်မှု လျှော့ချရေး ရည်မှန်းချက် များကို ရှေ့ဆောင်လမ်းပြ ဖြစ်စေခဲ့သည့် Solar Impulse အဖွဲ့သား များ၏ အားထုတ်မှုကလည်း ၂၀၁၆ ကို ပိုမိုပြည့်စုံ လှပစေခဲ့ သည်။ 

  စီကျင်းပင် (အမေရိကန်ကို စိန်ခေါ်တဲ့နဂါး)

၂၀၁၆ တွင် တောင်တရုတ် ပင်လယ် ရေပိုင်နက်အငြင်းပွားမှု ပြဿနာသည် အရေးပါဆုံး နိုင်ငံတကာရေးရာ အားပြိုင်မှုတစ်ခုဖြစ်ပြီး ယင်းကိစ္စကို တရုတ်သမ္မတစီက အဓိကတွန်းအားပေးခဲ့ခြင်း ဖြစ်သည်။ အမေရိကန်၏ မဟာဗျူဟာ နယ်မြေဖြစ်သည့် အာရှ-ပစိဖိတ်ကို တရုတ်က သိသိသာသာအကဲစမ်း ခြိမ်းခြောက် သည့် သဘောမျိုးအဖြစ် တောင် တရုတ်ပင်လယ်ရပ်ဝန်းကို ထိန်းချုပ်ရန် ကြိုးစားခဲ့သည်။ စီသည်တိုင်ပေနှင့် ဆက်ဆံရေးကို ထိန်း ညှိရန် ကြိုးပမ်းမှုများနှင့် နိုင်ငံတွင်း အဂတိလိုက်စားမှုများကို တိုက်ဖျက်ရာတွင်လည်း ၎င်း၏ ဩဇာ သက်ရောက်မှုကို ကောင်းစွာ ပြသသွားခဲ့သည်။

  ချာပက်ကိုယန်ဆီ (ဘောလုံးလောကရဲ့ မျက်ရည်)

ကိုလံဘီယာတွင် ဖြစ်ပွားခဲ့ သည့် လေယာဉ်ပျက်ကျမှုအတွင်း ဘရာဇီးကလပ် ချာပက်ကိုယန်ဆီ တစ်သင်းလုံးနီးပါး အသက်ဆုံးရှုံး ခဲ့သည့်နောက် တစ်ကမ္ဘာလုံး၏ အာရုံစိုက်ကရုဏာသက်မှုကို ခံခဲ့ရသည်။ ကမ္ဘာ့ဘောလုံး အသိုက်အဝန်းတစ်ခုလုံးက ချာပက်ကိုယန် ဆီအသင်းအတွက် စုပေါင်း ရပ် တည်ခဲ့ပြီး ဆုဒ်အမေရိကာနာ ဗိုလ်လုပွဲတွင် တွေ့ဆုံမည့် ပြိုင်ဘက် အသင်း အက်သလက်တီကို နေစီယွန်နယ်လ်ကလည်း ပွဲမကစားဖြစ်သည့်တိုင် ချာပက်ကိုယန်ဆီ ကို ချန်ပီယံဆု လွှဲအပ်ပေးခဲ့သည်။ ပြည်တွင်းပြိုင်ဘက်များကလည်း အသင်းပြန်လည် ထူထောင်နိုင် ရေးအတွက် ဘက်ပေါင်းစုံမှ ကူညီရန် ကမ်းလှမ်းခဲ့ကြသည်။ ချာပက်ကိုယန်ဆီအသင်း၏ ဖြစ်ရပ်ဆိုးသည် ၂၀၁၆ ၏ ဝမ်းနည်းကြေကွဲ စရာ မတော်တဆမှုတစ်ခု ဖြစ်ခဲ့သည့်တိုင် အဆိုးထဲမှ အကောင်းအဖြစ် ဘောလုံးအားကစား၏ လှပသော ရိုင်းပင်းကူညီမှု စိတ်စေတနာကောင်းကိုလည်း ထင်ဟပ်စေ ခဲ့သည်။