အမှတ်ရစေသော ၂၀၁၆ နိုင်ငံတကာအဖြစ်အပျက်များ

ရွေးကောက်ပွဲကာလမဲဆွယ်စည်းရုံးရေးမိန့်ခွန်းပြောကြားနေသော ဒေါ်နယ်ထရန့် (Carlo Allegri / reuters)

၂၀၁၆ ကုန်ဆုံးတော့မည် ဖြစ်ရာ အမှတ်ရစရာ ကမ္ဘာ့အဖြစ်အပျက် များကို ပြန်လှည့်စောင်းငဲ့ကြည့် သောအခါ ယခင်နှစ်များကဲ့သို့ပင် စိတ်ဝင်စားစရာများကို မြင်တွေ့ရ သည်။

အမေရိကန်နိုင်ငံတွင်သမ္မတ ရွေးကောက်ပွဲကျင်းပခဲ့ပြီး အနိုင်ရ မည်ဟု မည်သူမျှထင်မှတ်မထား သော ဒေါ်နယ်ထရန့်အောင်ပွဲခံခဲ့ သည်။ ထိုကဲ့သို့ပင် အံ့အားသင့် စရာနောက်တစ်ခုမှာ ဥရောပ သမဂ္ဂမှ ဗြိတိန်ခွဲထွက်ခြင်းကိစ္စဖြစ် သည်။ ယခုနှစ်အတွင်း သမ္မတ နှစ်ဦးစွပ်စွဲပြစ်တင်၍ရာထူးမှ ဖယ် ရှားခံရခြင်းမှာလည်း ထူးခြား သည်။ ပနားမားစာရွက်စာတမ်း များ ပေါက်ကြားမှုကလည်း နိုင်ငံ့ ခေါင်းဆောင်များ၊ စီးပွားရေးလုပ် ငန်းရှင်များအကြား လှုပ်လှုပ်ရွရွ ဖြစ်စေခဲ့သည်။


အကူးအပြောင်းကာလဟု သတ်မှတ်နိုင်သော ၂၀၁၆ အဖြစ် အပျက်များက ရှေ့လာမည့်နှစ် များကို ပုံသွင်းမည်ဆိုခြင်းမှာ ယုံ မှားစရာမရှိပေ။

ဒေါ်နယ်ထရန့် အမေရိကန် ရွေးကောက်ပွဲအနိုင်ရ

၂၀၁၆ နိုဝင်ဘာ ၉ ရက် နံနက်စောစောတွင် ဟီလာရင် ကလင်တန်က ၎င်း၏ပြိုင်ဘက် ဖြစ်သော စီးပွားရေးလုပ်ငန်းရှင်နှင့် ရုပ်သံကြယ်ပွင့်၊ ရီပက်ဘလေ ကန် ကိုယ်စားပြုဒေါ်နယ်ထရန့်ကို ဖုန်းခေါ်ဆိုခဲ့သည်။ ၂၀၁၆ အမေ ရိကန်သမ္မတ ရွေးကောက်ပွဲကို ရှုံးနိမ့်ကြောင်း ၀န်ခံရန်ဖြစ်သည်။ ရွေးကောက်ပွဲ အနိုင်ရရှိရန် အ လားအလာအလွန်နည်းသူဟု စစ် တမ်းကောက်သူများနှင့် နိုင်ငံရေး ပုရောဟိတ်များဟောကိန်းထုတ် ခံခဲ့ရသူ ထရန့်က အမေရိကန် ပြည်နယ် ၃၀ တွင် အနိုင်ရရှိပြီး ဟီ လာရီကို အပြတ်အသတ်နိုင်ကာ ရွေးကောက်ခံ သမ္မတဖြစ်လာခဲ့ သည်။ ၂၀၁၇ ဇန်န၀ါရီတွင် ဘား ရက်အိုဘားမားထံမှ တာဝန်လွှဲ ပြောင်းရယူချိန်၌ ဒေါ်နယ်ထရန့် တစ်ယောက် အမေရိကန်၏ (၄၅) ဦးမြောက် သမ္မတဖြစ်လာပါလိမ့် မည်။ ထရန့်သည် အသက် (၇၀) ရှိပြီဖြစ်ရာ ကန်သမ္မတရာထူးရယူ သည့် အသက်အကြီးဆုံးပုဂ္ဂိုလ် လည်းဖြစ်သည်။

ဥရောပသမဂ္ဂမှ ဗြိတိန်ထွက်ခွာခြင်း

ဗြိတိန်နိုင်ငံအနေဖြင့်ဥရောပ သမဂ္ဂမှ ထွက်ခွာမည်လား၊ ဆက် လက်ပေါင်းစည်းနေထိုင်မည်လား တွဲရေး၊ ခွဲရေးမဲခွဲမှု၌ ခွဲထွက်ရေး ဘက်က အသာစီးရရှိပြီး ဥရောပ မှ ဗြိတိန်ခွဲထွက်ရန် ဖြစ်လာခဲ့ သည်။ မဲဆန္ဒရှင် ၅၂ ရာခိုင်နှုန်းက ထောက်ခံခဲ့ကာ ခွဲရေးဘက်က အဓိက မဲဆွယ်ခဲ့သော ဗြိတိန် လွတ်လပ်ရေးပါတီ (UKIP)ခေါင်း ဆောင် နိုင်ဂျယ်ဖာရေ့ခ်ျက မိမိ အနေဖြင့် လွတ်လပ်သော ဗြိတိန် နိုင်ငံ၏ အရုဏ်ကျင်း အလင်း ရောင်ပေါ်ထွက်ဖို့ အိပ်မက်မက်ရဲ ခဲ့သည်ဟုပြောကြားခဲ့သည်။ သို့ သော် နောက်ပိုင်းတွင် ၎င်းက UKIP ပါတီမှ နုတ်ထွက်သွားခဲ့ သည်။

အီးယူမှ ဗြိတိန်ခွဲထွက်ရေး အပေါ် အလောင်းအစားလုပ်ခဲ့ သော ၀န်ကြီးချုပ်ဒေးဗစ်ကင်မရွန်း လည်း နုတ်ထွက်ခဲ့ရကာ ပြည်ထဲ ရေးတာဝန်ယူခဲ့သော ထရီဇာမေ ၀န်ကြီးချုပ်သစ် ဖြစ်လာခဲ့သည်။ ယခုဆိုလျှင် ဗြိတိန်၏ ဒုတိယ မြောက် အမျိုးသမီးဝန်ကြီးချုပ်က အီးယူမှ ဗြိတိန်ခွဲထွက်ရေး ဆက် လက်လုပ်ဆောင်နေပြီဖြစ်သည်။


အာဏာသိမ်းရန် ကြိုးပမ်းသည့် တူရကီစစ်တပ် တင့်ကားတစ်စီးကို ပြည်သူများ သိမ်း ပိုက်ထားစဉ် (TUMAY BERKIN / reuters)

တူရကီအာဏာသိမ်းရန် ကြိုးပမ်းမှု

တူရကီနိုင်ငံတွင် ဇူလိုင် ၁၅ ရက်၌ စစ်ဘက်က အာဏာသိမ်း ရန်ကြိုးပမ်းမှုဖြစ်ပေါ်ခဲ့သည်။သို့ သော် သမ္မတ အာဒိုဂန်ဦးဆောင် သောအစိုးရက ယင်းအာဏာသိမ်း ရန်ကြိုးပမ်းမှုကို အောင်မြင်စွာဖိ နှိပ်ခဲ့သည်။ စစ်ဘက်မှပုန်ကန်သော အဖွဲ့များက အစိုးရအဖွဲ့အစည်း များကိုတိုက်ခိုက်ခဲ့ပြီး ရဲတပ်ဖွဲ့၊ အာဒိုဂန်ကို ထောက်ခံသော အ ရပ်သားများနှင့် တိုက်ခိုက်မှု ဖြစ် ပေါ်ခဲ့သည်။ ယင်းတွင် အာဏာ သိမ်းရန်ကြိုးပမ်းသော လူပေါင်း ၁၀၀ အပါအ၀င် ၂၆၅ ဦး သေဆုံး ခဲ့သည်။ တူရကီစစ်ဘက်မှ လူ ပေါင်း ၂,၈၀၀ ဖမ်းဆီးခံခဲ့ရသည်။

အမေရိကန်နိုင်ငံတွင်နေထိုင် သော အစ္စလာမ်မစ်ပညာရှင် ဖက် သူလာဂူလင်က အာဏာသိမ်းမှု နောက်ကွယ်မှပါဝင်သည်ဟုအာဒို ဂန်အစိုးရက စွပ်စွဲပြီး ၎င်းကို နိုင်ငံ သို့ ပြန်ပို့ခိုင်းသည်။ ၎င်းနှင့်ဆက် စပ်သည်ဟု ထင်မှတ်ရသော အစိုးရကဏ္ဍပေါင်းစုံမှ လူများဖမ်း ဆီးထုတ်ပယ်ခံခဲ့ရပြီး အာဏာရှင် ဆန်သည်ဆိုသော အာဒိုဂန်မှာ လည်း ပို၍အင်အားကြီးလာခဲ့ သည်။

အိန္ဒိယရူပီး တစ်ထောင်တန်ငွေစက္ကူကို ပြသနေသူတစ်ဦး (JAGADEESH NV / EPA)


အိန္ဒိယငွေကြေးဖျက်သိမ်းမှု

အိန္ဒိယနိုင်ငံတွင် အာဏာရရှိ ခဲ့ပြီးနောက်ပိုင်း ရိုက်ခတ်မှုအများ ဆုံး ဆုံးဖြတ်ချက်အဖြစ် နာရန် ဒရာမိုဒီ၏ အစိုးရက နိုဝင်ဘာ ၈ ရက် ညဥ့်သန်းခေါင်ယံကစ၍ ရူပီး ငွေတစ်ထောင်တန်နှင့် ငါးရာတန် များကို ဆက်လက်သုံးစွဲခွင့်ရတော့ မည်မဟုတ်ဟု ကြေညာခဲ့သည်။ ထိုသို့လုပ်ဆောင်ခြင်းမှာ ငွေမည်း များကို တိုက်ဖျက်ရန်နှင့် အကြမ်း ဖက်ဝါဒ ငွေကြေးထောက်ပံ့မှုများ ကို ရပ်တန့်ရေးဖြစ်သည်ဟုအစိုးရ ကပြောကြားသည်။ ယင်းအပေါ် လူထု၏ တုံ့ပြန်မှုမှာ ခံစားချက်များ ရောပြွမ်းခဲ့သည်။

ငွေမည်းများကို တိုက်ဖျက် ရန်ရွည်ရွယ်သော အစီအစဉ်အ တွက် အစိုးရက ကြိုတင်ပြင်ဆင် မှုမရှိဟု အချို့က ယူဆပြီး သာ မန်လူများကို အများဆုံးထိခိုက် သည်ဟု ဝေဖန်ကြသည်။ နောက် ပိုင်းတွင် အိန္ဒိယအစိုးရက ရူပီး ငါးရာတန်နှင့် နှစ်ထောင်တန် အ သစ်များ ထုတ်ဝေခဲ့သည်။

ပနားမား စာရွက်စာတမ်းများ ပေါက်ကြားမှု

နိုင်ငံရပ်ခြား အဖွဲ့အစည်း ပေါင်း ၂၁၄,၄၈၈ နှင့် ပတ်သက် ၍ ဘဏ္ဍာရေးအချက်အလက်များ၊ ရှေ့နေ-ဖောက်သည် ဆက်ဆံ ရေးသတင်းအချက်အလက်များ ကို လှစ်ဟပြထားသော စာရွက် စာတမ်းပေါင်း ၁၁ ဒသမ ၅ သန်း ပေါက်ကြားပြီး မီဒီယာများအား ထုတ်ပြန်ခဲ့သည်။ ဧပြီ ၃ ရက်က အဖြစ်အပျက်ကို ပနားမားစာရွက် စာတမ်းများပေါက်ကြားမှုဟု ခေါ် တွင်ခဲ့သည်။

ပနားမားဥပဒေကုမ္ပဏီ မော့ ဆက်မွန်ဆီကာက ပြင်ဆင်ထား သော စာရွက်စာတမ်း၏ဖော်ပြ ချက်များတွင် လိမ်လည်မှုနှင့် အ ခွန်တိမ်းရှောင်ရန် နာမည်ခံ ကော် ပိုရေးရှင်းများ ကျယ်ကျယ်ပြန့်ပြန့် အသုံးပြုထားခြင်းများပါဝင်သည်။

နိုင်ငံပေါင်း ၈၀ မှ မီဒီယာအ ဖွဲ့အစည်း ၁၀၇ ခုတွင် လုပ်ကိုင် သော သတင်းထောက်များက သတိကြီးကြီးဖြင့် ယင်းစာရွက် စာတမ်းများကို ခွဲခြမ်းစိတ်ဖြာခဲ့ပြီး မှ ကနဦးသတင်းများကို ဧပြီလ ဆန်းတွင် ထုတ်ပြန်ခဲ့သည်။ လက် ရှိနှင့်အနားယူသွားသောနိုင်ငံရေး သမားများ၊ ထင်ရှားလူသိများ သော ပုဂ္ဂိုလ်များ၊ စီးပွားရေးလုပ် ငန်းရှင်များ၏ အမည်နာမများကို ထုတ်ပြန်ခဲ့သည်။ နောက်ဆက်တွဲ ဂယက်များ လှိုင်းထနေဆဲဖြစ် သည်။

ဘရာဇီးသမ္မတနှင့် တောင်ကိုရီးယားသမ္မတ စွပ်စွဲပြစ်တင်ခံရခြင်း

ဘရာဇီးနိုင်ငံ၏ ၃၆ ဦး မြောက်သမ္မတ ဒီလ်မာရူးဆက်ဖ် အားစွပ်စွဲပြစ်တင်ခြင်းမှာ ၂၀၁၅ နောက်ပိုင်းတွင် စတင်ခဲ့ပြီး ၂၀၁၆ အထိ ကြာမြင့်ခဲ့သည်။ ရူးဆက်ဖ် ကို စွပ်စွဲပြစ်တင်ရေးအဆိုကို ၂၀၁၅ ဒီဇင်ဘာ ၂ ရက်တွင် လွှတ် တော်ဥက္ကဋ္ဌက လက်ခံခဲ့သည်။ အစိုးရဘတ်ဂျက်ကို လိမ်လည် ပြသမှုဖြင့် ၎င်းအားစွပ်စွဲပြစ်တင် ခဲ့ခြင်းဖြစ်သည်။ ဘရာဇီး၏ ပထမ ဆုံး အမျိုးသမီးသမ္မတအားရာထူး မှ ဖယ်ရှားရေးကို အထက်လွှတ် တော်က ထောက်ခံမဲ ၆၁ မဲ၊ ကန့် ကွက်မဲ ၂၀ မဲဖြင့် ဆုံးဖြတ်ခဲ့ပြီး နောက် ၎င်း၏လက်ကျန်သက်တမ်း ၂ နှစ်လေးလကို ဒုတိယသမ္မတ မိုက်ကယ်တီမာက ဆက်လက် ကိုင်တွယ်မည်ဖြစ်သည်။

၂၀၁၆ နောက်ပိုင်းနားရောက် လာသောအခါ တောင်ကိုရီးယား အမျိုးသမီးသမ္မတ ပတ်ဂွန်ဟေး လည်း စွပ်စွဲပြစ်တင်ခံရကာရာထူး မှ ဆိုင်းငံ့ခံရသည်။ မိသားစုမိတ် ဆွေတစ်ဦးအား နိုင်ငံတော်အရေး ကိစ္စများ၌ ပါဝင်စွက်ဖက်ခွင့်ပြု ခြင်း၊မလျော်သြဇာသုံး၍ ကော်ပို ရေးရှင်းများထံမှ မိတ်ဆွေကအေး ဓားပြတိုက်ခြင်းကို သမ္မတကမသိ ကျိုးကျွန် ပြုခြင်းတို့အတွက် တောင်ကိုရီးယားနိုင်ငံတစ်ဝန်း တွင်လည်း အပတ်စဉ်ဆန္ဒပြပွဲများ ဖြစ်ပွားခဲ့သည်။

ဘယ်လ်ဂျီယံ အကြမ်းဖက်တိုက်ခိုက်မှု

ဥရောပသမ္မတရုံးများ အခြေ စိုက်ထားသော ဥရောပ၏ အ သည်းနှလုံးဖြစ်သည့် ဘယ်လ်ဂျီယံ နိုင်ငံ ဘရပ်ဆဲလ်မြို့တွင် တစ်ပြိုင် နက်တည်း ပူးပေါင်းလုပ်ဆောင် သော အသေခံဗုံးခွဲမှုသုံးခုကြောင့် လူ ၃၂ ဦးသေဆုံးပြီး အခြားလူ ပေါင်း ၃၀၀ ကျော် ဒဏ်ရာရရှိခဲ့ သည်။

ပေါက်ကွဲမှုနှစ်ခုမှာ ဇာဗန် ဆန်လေဆိပ်တွင် ဖြစ်ပွားခဲ့ပြီး နောက်တစ်ခုမှာ မာလ်ဘိခ်မြေ အောက်ဘူတာရုံ၌ ပေါက်ကွဲခဲ့ သည်။ ပေါက်ကွဲမှုများအတွင်း ဗုံး ခွဲသူသုံးဦးစလုံးသေဆုံးခဲ့ပြီး ယင်း မှာ ဘယ်လ်ဂျီယံနိုင်ငံသမိုင်းတွင် လူအသေအပျောက် အများဆုံး တိုက်ခိုက်မှုဖြစ်သည်။ ယင်းတိုက် ခိုက်မှုများကို အိုင်အက်စ်အဖွဲ့နှင့် ဆက်စပ်သော အကြမ်းဖက်အဖွဲ့ ငယ်တစ်ဖွဲ့က လုပ်ဆောင်ခဲ့ခြင်း ဖြစ်ပြီး ၂၀၁၅ နိုဝင်ဘာလက ပါရီ မြို့တွင် လူပေါင်း ၁၃၀ သေဆုံးခဲ့ သော တိုက်ခိုက်မှုများ၌လည်း ၎င်းတို့ပါဝင်ပတ်သက်ခဲ့သည်ဟု ယုံကြည်ရသည်။

ဇီကာဗိုင်းရပ်စ်ရောဂါကြောင့် ဦးခေါင်းသေးဖြင့် မွေးဖွားလာသည့် ကလေးငယ်တစ်ဦး (Nacho Doce / REUTERS)

ဇီကာဗိုင်းရပ်စ်ပျံ့နှံ့မှု

၂၀၁၅ က ဘရာဇီးနိုင်ငံတွင် စတင်ဖြစ်ပွားခဲ့သော ဇီကာဗိုင်း ရပ်စ်ကူးစက်မှုမှာ ၂၀၁၆ တွင် လည်း ဆက်လက်ပျံ့နှံ့ခဲ့သည်။ အမေရိကတိုက်တစ်ဝန်း သာမက ပစိဖိတ်နှင့် အရှေ့တောင်အာရှ သို့ပါ ဇီကာဗိုင်းရပ်စ်ပျံ့နှံ့လာခဲ့ပြီး နောက် ကမ္ဘာ့ကျန်းမာရေးအဖွဲ့ (WHO) က ကိုယ်ဝန်ဆောင်အမျိုး သမီးများရောဂါကူးစက်ခံရပါက ဦးနှောက်သေးငယ်သော ကလေး များ မွေးဖွားတတ်သည့် ဗိုင်းရပ်စ် ကူးစက်မှုမှာ နိုင်ငံတကာ ပြည်သူ့ ကျန်းမာရေးအရေးပေါ် အခြေအ နေဖြစ်သည်ဟု ကြေညာခဲ့သည်။

အေးဒိစ်ခြင်နှင့် အာရှခြင် ကျားတို့မှတစ်ဆင့် ကူးစက်သော၊ လိင်ဆက်ဆံရာမှ ကူးစက်တတ် သော၊ ကိုယ်ဝန်ဆောင်မိခင်မှ သန္ဓေသားသို့ကူးစက်တတ်သော ဗိုင်းရပ်စ်မှာ အရေးပေါ်အခြေအ နေမဟုတ်တော့ဟု WHO က နို ၀င်ဘာအတွင်း ပြန်လည်ကြေညာ ခဲ့သော်လည်း ယင်းရောဂါမှာ ပျောက်ကွယ်သွားမည် မဟုတ် သည်ကို WHO က အသိအမှတ်ပြု ထားသည်။ ဇီကာဗိုင်းရပ်စ်ကြောင့် မွေးရာပါချို့ယွင်းသော ကလေး ငယ်မွေးဖွားမှုကို နိုင်ငံပေါင်း ၃၀ တွင် ကြုံတွေ့ခဲ့သည်။

အီရန်နိုင်ငံအပေါ် စီးပွားရေး  ပိတ်ဆို့မှုများ ဖယ်ရှားခြင်း

အီရန်နိုင်ငံက နျူကလီး ယားလက်နက်များ ထုတ်လုပ်ရန် ကြိုးစားမှုကို ရပ်တန့်လိုက် ကြောင်း သက်သေဖြစ်သော စစ် ဆေးမှုများ အောင်မြင်ခဲ့ပြီးနောက် အမေရိကန်နှင့် ဥရောပသမဂ္ဂတို့ က အီရန်အပေါ်စီးပွားရေးပိတ်ဆို့ မှုများ ဖယ်ရှားပေးခဲ့သည်။ ယင်း သဘောတူညီချက်သည် အီရန်ကို နျူကလီးယားစွမ်းအင် ဆက်လက် သုံးစွဲခွင့်ပေးထားသဖြင့် အစ္စရေး ၀န်ကြီးချုပ် ဘင်ဂျမင်နေတန်ညာ ဟုကဝေဖန်ခဲ့သည်။ အီရန်သဘော တူညီချက်ကို ပဲ့ကိုင်ခဲ့သောသမ္မတ ရူဟာနီကမူ သမိုင်းဝင်နေ့တစ်နေ့ အဖြစ် ကြွေးကြော်ခဲ့သည်။

စီးပွားရေးပိတ်ဆို့မှုများ ဖယ် ရှားပြီးနောက်ပိုင်း အီရန်သည် ကမ္ဘာ့နိုင်ငံများနှင့် လွတ်လပ်စွာ ကုန်သွယ်ရေးပြန်လုပ်ခြင်း၊ ရေနံ တိုးမြှင့်ထုတ်လုပ်ခြင်းများ လုပ် ကိုင်လာနိုင်ပြီး အမေရိကန်ကုမ္ပဏီ ဘိုးရင်းထံမှပင် လေယာဉ်များ ၀ယ်ယူရန် မကြာသေးမီကစာချုပ် ချုပ်ဆိုခဲ့သည်။

ဖိလစ်ပိုင်အစိုးရ၏ မူးယစ်တိုက်ဖျက်ရေးစီမံချက်အတွင်း ရဲတပ်ဖွဲ့၏ ပစ်သတ်ခြင်းခံရသူ တစ်ဦးကို စစ်ဆေးနေစဉ် (Damir Sagolj / REUTERS)

ဖိလစ်ပိုင်မူးယစ်ဆေးဝါးစစ်ပွဲ

ဖိလစ်ပိုင်နိုင်ငံတွင် သမ္မတ ဂိုဒရီဂိုဒူတာတီ အာဏာရလာပြီး နောက်ပိုင်း မူးယစ်ဆေးဝါးရောင်း ၀ယ်ဖောက်ကားသူများ၊ သုံးစွဲသူ များကို သတ်ဖြတ်ခြင်းမှာ အငြင်း ပွားစရာဖြစ်နေပြီး နိုင်ငံတကာက ရှုတ်ချမှုများဖြစ်ပေါ်ခဲ့သည်။

ဒူတာတီသည် ရာဇ၀တ်မှု ကျူးလွန်သူများကို ထောင်ချီသတ် ဖြတ်မည်ဟု ကတိပေးခဲ့ပြီး ဆေးစွဲ နေသူများကို လူထုအတွင်း စောင့် ကြည့်နေသူများက သတ်ဖြတ်ရေး လည်း တိုက်တွန်းခဲ့ပြီး မေလ ၉ ရက် ဖိလစ်ပိုင်သမ္မတရွေးကောက် ပွဲတွင် အနိုင်ရရှိခဲ့သည်။ လူ့အခွင့် အရေးအဖွဲ့(HRW) က ဒူတာတီ၏ ဥပဒေပြင်ပ သတ်ဖြတ်မှုများကို ဝေဖန်ခဲ့သည်။

မကြာသေးမီကပင် ဒါဆာဟို မြို့တော်ဝန်ဘ၀က ရာဇ၀တ်မှု ကျူးလွန်သူ၊ မသင်္ကာသူများကို ကိုယ်တိုင် ပါဝင်သတ်ဖြတ်သေး ကြောင်း ဒူတာတီက၀န်ခံခဲ့သည်။

ဒူတာတီသမ္မတဖြစ်လာပြီး နောက်ပိုင်း မူးယစ်ဆေးဝါးနှင့်ဆက် စပ်၍ ရဲတပ်ဖွဲ့၏ သတ်ဖြတ်မှု ၂,၀၀၀ ကျော်သွားပြီဖြစ်ကာ အ ခြားလူ ၃,၀၀၀ ခန့်ကိုလည်း အရပ်ဘက် စောင့်ကြည့်အဖွဲ့ များက သတ်ဖြတ်ခဲ့သည်ဟု ဆို သည်။

ယင်းနှင့်ပတ်သက်၍ ဖိလစ် ပိုင်သို့ အကူအညီပေးမှုများ ဆိုင်း ငံ့မည်ဟု အမေရိကန်က ပြော ကြားလိုက်သည်။