၂၀၁၆ ၏ သတင်းလူသားများ

၂၀၁၆ ကို အသက်ဝင်စေခဲ့သော သတင်းလူသား (Newsmaker) များစွာ ရှိပါသည်။ များပြားလှစွာသော သတင်းလူသားများထဲမှ ဘာသာရပ်၊ နယ်ပယ်အစုံမှ ပညာရှင်များ၏ မဲပေးရွေးချယ်မှု၊ 7Day News ဂျာနယ် အယ်ဒီတာအဖွဲ့၏ ရွေးချယ်မှုဖြင့် ၂၀၁၆ ခုနှစ်အတွက် သတင်းလူသားခုနစ်ဦးကို ရွေးချယ်ဖော်ပြလိုက်ပါသည်။ သတင်းလူသားအဖြစ် ရွေးချယ်ရာတွင်အဆိုပါပုဂ္ဂိုလ်များ၏ လုပ်ဆောင်ချက်ကောင်းခြင်း၊ ဆိုးခြင်း သဘောတူခြင်း၊ မတူခြင်းအပေါ် အခြေမခံဘဲ ၎င်းတို့၏ လုပ်ရပ်များသည် တစ်နှစ်တာပတ်လုံး သတင်းဖြစ်ခဲ့ပြီး သတင်းမီဒီယာများအပေါ် ဖမ်းစားနိုင်မှုကို အခြေခံရွေးချယ်ခဲ့ခြင်းဖြစ်ပါသည်။ ၂၀၁၆ သတင်းလူသားများအဖြစ် ဒေါ်အောင်ဆန်းစုကြည်၊ ဦးဖြိုးမင်းသိန်း၊ ဦးဝင်းထိန်၊ ဒေါက်တာထွန်းလွင်၊ သူရဦးအောင်ကို၊ ကိုဆွေဝင်း၊ ကိုဖီအာနန်တို့ကို ရွေးချယ်လိုက်ပါသည်။
 


ဒေါ်အောင်ဆန်းစုကြည်

 ၂၀၁၅ ရွေးကောက်ပွဲ အပြတ်အသတ်အနိုင်ရရှိအောင် အမျိုးသားဒီမိုကရေစီအဖွဲ့ချုပ်ပါတီကို ဦးဆောင်ခဲ့ပြီးနောက် ဖွဲ့စည်းပုံအခြေခံဥပဒေ ပုဒ်မ ၅၉ (စ)အရသမ္မတမဖြစ်အောင် တားမြစ်ထားမှုကို နိုင်ငံတော်၏အတိုင်ပင်ခံပုဂ္ဂိုလ် ဥပဒေပြဋ္ဌာန်းပြီး လှပစွာဖြတ်ကျော်ခဲ့သည်။ အမျိုးသားရင်ကြားစေ့ရေးဦးတည်သော အစိုးရဖွဲ့စည်းခဲ့ပြီး မိတ်ဆွေရင်း ဦးထင်ကျော်ကို သမ္မတတာဝန်ထမ်းရွက်စေခဲ့သော်လည်း လက်တွေ့တွင်နိုင်ငံ့ ခေါင်းဆောင်သည် နိုင်ငံတော်၏ အတိုင်ပင်ခံပုဂ္ဂိုလ်ပင်ဖြစ်၏။ ၂၁ ရာစု ပင်လုံညီလာခံကို ကျင်းပပြီး ငြိမ်းချမ်းရေးဦးစားပေးဆောင်ရွက်နေသော်လည်း အရပ်သားအစိုးရလက်ထက် တိုက်ပွဲများ ဆက်လက်ဖြစ်ပွားနေခြင်းနှင့် စီးပွားရေးကျဆင်းမှုကြောင့် ဝေဖန်မှုများ ကြုံနေသည်။ သို့သော် နိုင်ငံတကာသံတမန်ဆက်ဆံရေးတွင် အောင်မြင်မှုများစွာရရှိခဲ့သည်။ အမေရိကန်၊ တရုတ်၊ အိန္ဒိယ၊ ဂျပန်၊ ဗြိတိန် စသောနိုင်ငံကြီးများ၏ ထောက်ခံမှုနှင့် ရင်းနှီးချစ်ကြည်မှု ပိုမိုရရှိအောင် စွမ်းဆောင်လျက်ရှိသည်။

ဦးဝင်းထိန်

 ဒေါ်အောင်ဆန်းစုကြည်က အစိုးရအဖွဲ့ကိုဦးဆောင်ပြီး ပါတီကို အဓိကဦးဆောင်နေသော ဒီချုပ်ဗဟိုအလုပ်အမှုဆောင်အဖွဲ့ အတွင်းရေးမှူးအဖွဲ့ဝင်တစ်ဦးဖြစ်ပြီး ဒေါ်အောင်ဆန်းစုကြည်၏ အဓိကအားထားသူများထဲမှ တစ်ဦးဖြစ်သည်။ ပါတီအကြောင်း ဖေ့စ်ဘွတ်ခ်တွင် ဝေဖန်ရေးသားခဲ့သော တောင်ကြီးခရိုင် ဒီချုပ်ဥက္ကဋ္ဌကို ပါတီမှထုတ်ပယ်ခြင်း၊ ဒုဝန်ကြီး ဒေါက်တာထွန်းဝင်း တာဝန်မှရပ်ဆိုင်းခြင်း ဖြစ်ရပ်တွင် နောက်ကွယ်မှ ပါဝင်ပတ်သက်ခြင်း စသောအငြင်းပွားဖွယ်ရာ ဆောင်ရွက်ချက်များ ပြုလုပ်လေ့ရှိသည်။ပါတီနှင့်ပတ်သက်သော အကြောင်းအရာအများစုကို မီဒီယာများသို့အဓိကဒိုင်ခံဖြေကြားလေ့ရှိသူ ဗိုလ်ကြီးဟောင်းသည် လူမှုဆက်ဆံရေးပညာမသုံးဘဲ ဟောဟောဒိုင်းဒိုင်း မကြာခဏပြောကြားလေ့ရှိသူဖြစ်သည်။ ဒီချုပ်လွှတ်တော်အမတ်များ၊ တိုင်းဒေသကြီးနှင့် ပြည်နယ်အစိုးရ အဖွဲ့ဝင်များပေါ်တွင်သာမက ပြည်ထောင်စုအဆင့် အစိုးရအဖွဲ့ဝင်များပေါ်တွင်ပါ ဩဇာလွှမ်းသူဖြစ်သည်။

ဦးဖြိုးမင်းသိန်း

 စီးပွားရေးမြို့တော်တည်ရှိရာ ရန်ကုန်တိုင်းဝန်ကြီးချုပ် စတင်တာဝန်ယူပြီး ရက်ပိုင်းအတွင်းမှာပင် စီးပွားဖြစ် သင်္ကြန်မဏ္ဍပ်များ ပိတ်ပင်ကာ ပွဲဆူစေခဲ့သူဖြစ်သည်။ ကျူးကျော်များကို နေရာချထားပေးမည့်အကြောင်း အစောပိုင်းကြွေးကြော်ခဲ့သော်လည်း နောက်ပိုင်းအသံတိတ်သွားသည်။ ဆောက်လုပ်နေဆဲ အထပ်မြင့်တိုက် ၁၀၀ ကျော်ကို ရပ်တန့်စေကာ ဒီဇိုင်း ပြန်လည်စစ်ဆေးပြီး ခွင့်ပြုသောပုံစံကြောင့် ဆောက်လုပ်ရေးလောကကို အကြီးအကျယ်ဂယက်ရိုက်စေခဲ့ပြီး ယိုင်လုလုဆောက်လုပ်ရေးဈေးကွက်လဲပြိုသွားပါတော့သည်။ မဟနရှိသည့်အတွက် မဘသမလိုအပ်ကြောင်း ပြောကြားမှု၊ နာရီပြဿနာတို့ဖြင့်လည်း မီဒီယာများတွင် မျက်နှာဖုံးသတင်း မကြာခဏဖော်ပြခံရသူဖြစ်၏။ ပထမဆုံး ညဈေးတန်းဖွင့်လှစ်ခြင်း၊ ကုန် သေတ္တာယာဉ်များကို ညပိုင်းတွင်သာ အချိန်အကန့်အသတ်ဖြင့် မောင်း နှင်ခွင့်ပြုခြင်း စသောလုပ်ရပ်များအပေါ် ထောက်ခံသူရော၊ ကန့်ကွက်သူရောရှိသည်။ အသက် (၄၇)နှစ်အရွယ် ဝန်ကြီးချုပ်သည် ရိုက်ချက်ပြင်းပြင်း များက ဖန်တီးလေ့ရှိသူဖြစ်သည်။ 

ကိုဖီအာနန်

 နိုင်ငံသားမဟုတ်သော်လည်း မြန်မာနိုင်ငံ၏ ရှုပ်ထွေးနက်နဲလှသော ရခိုင်ပြည်နယ်အရေးအတွက် ဒေါ်အောင်ဆန်းစုကြည်၏ အကူအညီ တောင်းမှုကို လက်ခံကာ ရခိုင်ပြည်နယ်ဆိုင်ရာကော်မရှင်၏ ဥက္ကဋ္ဌတာဝန်ယူခဲ့သူမှာ ကိုဖီအာနန်ဖြစ်သည်။ ကုလသမဂ္ဂ အတွင်းရေးမှူးချုပ်ဟောင်း၊ နိုဗယ်ဆုရှင် ကိုဖီအာနန်သည် ကော်မရှင်ဥက္ကဋ္ဌတာဝန်ယူပြီး မြန်မာနိုင်ငံသို့ နှစ်ကြိမ်လာရောက်ကာ ရခိုင်ပြည်နယ်သို့ ကိုယ်တိုင်ကွင်းဆင်းစစ်ဆေးခဲ့သည်။ သမိုင်းကြောင်းနှင့် ချီနေပြီး ရှုပ်ထွေးနက်နဲလှသော ဘင်္ဂါလီ ပြဿနာကို အကောင်းဆုံးဖြေရှင်းရန် ကြိုးစားနေသည့် ဒေါ်အောင်ဆန်းစုကြည် ဦးဆောင်သော အစိုးရကို အကောင်းဆုံးကူညီပေးနေသူဖြစ်သည်။ အဆိုပါကော်မရှင်အပေါ် ပြည်တွင်း၌ကန့်ကွက်ဆန္ဒပြမှုများရှိသော်လည်းရခိုင်ပြည်နယ်၏ အခြေအနေမှန်ကို နိုင်ငံတကာက မှန်ကန်စွာသိရှိနိုင်ရေး ကူညီပေးနေခြင်းဖြစ်သည်။

ဒေါက်တာထွန်းလွင်

 ကမ္ဘာပေါ်တွင် ရာသီဥတုဖောက်ပြန်မှု ဒုတိယအဆိုးဆုံးခံရသော နိုင်ငံ၌ ဒေါက်တာထွန်းလွင်ရှိနေခြင်းက ကံကောင်းမှုတစ်ခုဖြစ်သည်။ ရာသီဥတုနှင့် မိုးလေဝသသတင်းများ၊ သဘာဝဘေးအန္တရာယ်နှင့်ပတ် သက်သော သတင်းများ၊ သတိပေးချက်များကို ပညာရှင်ပီသစွာ အမြဲသတိပေး ထုတ်ပြန်နေသူဖြစ်သည်။ ၂၀၁၆ တွင်လည်း သမိုင်းတစ်လျှောက် အပြင်းထန်ဆုံး အယ်လ်နီညို၊ မကြုံဖူးအောင် ဒုက္ခပေးခဲ့သောမိုးသီးများ၊ နှစ်ဆက်ကြုံရသောရေဘေးနှင့် ကြံ့ဆိုင်ကလုန်းမုန်တိုင်းတို့ နှင့်ပတ်သက်၍ ကြိုတင်ပြီး တိတိကျကျသတိပေးနိုင်ခဲ့သော ပညာရှင်ဖြစ်သည်။ ကြံ့ဆိုင်ကလုန်းမုန်တိုင်းတွင် မုန်တိုင်းလမ်းကြောင်းကို လေး၊ ငါး ရက်စောပြီး မှန်ကန်အောင် ခန့်မှန်းနိုင်ခဲ့သည်။ ပြည်သူများက မိုးဇလဌာနထက်ပင် ဒေါက်တာထွန်းလွင်အပေါ် ပို၍ယုံကြည်အားကိုးကြသည်။

သူရဦးအောင်ကို

 ယခင်အစိုးရလက်ထက်က သာသနာရေးဒုတိယဝန်ကြီးဟောင်းဖြစ်ပြီး လက်ရှိ အရပ်သားအစိုးရလက်ထက် နာမည်ကောင်းရသော ပြည်ထောင်စုဝန်ကြီး အနည်းငယ်တွင် ပါဝင်သူဖြစ်သည်။ ကျိုက်ထီးရိုးနှင့် ရွှေတိဂုံစေတီတော် ဂေါပကအဖွဲ့များကို ပြင်ဆင်ဖွဲ့စည်းပေးခြင်း၊ လူမျိုးရေးပဋိပက္ခဖြစ်အောင် ဖန်တီးမှုအချို့ကို လိမ္မာပါးနပ်စွာ ကိုင်တွယ်ဖြေရှင်းခဲ့ခြင်း၊ မဘသနှင့်ပတ်သက်သည့် ကိစ္စရပ်များ ဆောင်ရွက်ခြင်းများကြောင့်ချီးကျူးအသိအမှတ်ပြုခံရသူဖြစ်သည်။ သာသနာရေးကိစ္စများကို သိမ်မွေ့စွာဖြင့် နိုင်နင်းအောင် လုပ်ကိုင်နေသလို ငလျင်ဒဏ်ကြောင့် ပြိုကျပျက်စီးခဲ့သော ပုဂံရှိ စေတီပုထိုးများ ပြုပြင်ရေးကိုလည်း ကောင်းစွာစီမံခန့်ခွဲနေသူဖြစ်သည်။ နှစ်ကုန်ပိုင်းတွင် ပေါ်ပေါက်လာသော မိုးပြာဂိုဏ်းအရေး မည်သို့ကိုင်တွယ်မည်ကို စောင့်ကြည့်ရပေမည်။ ဝန်ကြီးဌာနက ဦးဆောင်ရေးဆွဲနေသော အမုန်းစကား (Hate Speech)နှင့် သက်ဆိုင် သော ဥပဒေကြမ်းကိုလည်း စိတ်ဝင်တစားစောင့်ကြည့်နေကြသည်။

ကိုဆွေဝင်း

 နိုင်ငံသားတာဝန်နှင့် သတင်းထောက်တစ်ဦးတာဝန်ကို အကောင်းဆုံး ထမ်းရွက်ခဲ့သူဖြစ်သည်။ အိမ်အကူမိန်းကလေးငယ်နှစ်ဦး ရက်စက်စွာ နှိပ်စက်ညှဉ်းပန်းခံရမှုကို စုံစမ်းဖော်ထုတ်ပြီး တာဝန်သိ၊ သတ္တိရှိစွာ ရဲစခန်းတွင် အမှုဖွင့်ခဲ့သူဖြစ်သည်။ ရဲစခန်းက အမှုဖွင့်မပေးသောအခါ မြန်မာနိုင်ငံ လူ့အခွင့်အရေးကော်မရှင်သို့ တိုင်ကြားပေးခဲ့သည်။ အိမ်ရှင်များက ပြစ်မှုကျူးလွန်ထားသည်ကို နစ်နာကြေးပေးကာ ပြေလည်စေသဖြင့် လူ့အခွင့်အရေးကော်မရှင်မှာ ဝေဖန်ပြစ်တင်မှုများ ကြုံခဲ့ရပြီးနောက်ဆုံး အဖွဲ့ဝင်အချို့ နုတ်ထွက်ခဲ့ကြရသည်။ ထို့အပြင် အိမ်အကူမိန်းကလေးငယ်နှစ်ဦးကို ကာလရှည်နှိပ်စက်ညှဉ်းပန်းခဲ့သော မိသားစုမှာ တရားစွဲဆိုခံနေရပြီး ထိုဖြစ်စဉ်က အိမ်အကူများကို နှိပ်စက်ညှဉ်းပန်းခဲ့သူများအား ပြင်းထန်သော သတိပေးမှုဖြစ်ခဲ့သည်။