ကြုံတွေ့နေရမြဲ သဘာဝဘေးများ

၂၀၁၆ ခုနှစ်သည် ၂၀၁၅ ခုနှစ်ကဲ့သို့ပင် ဒေသအများစုတွင် ရေလွှမ်းမိုးမှုများကို ဆိုးရွားစွာကြုံတွေ့ခဲ့ရသည်။ (ဓာတ်ပုံ-စိုင်းဇော်)

သမ္မတက လူထုကို တောင်းပန်ခဲ့သော ရှားရှားပါးပါး ဖြစ်ရပ်တစ်ခု ၂၀၁၆ ခုနှစ်အတွင်း ဖြစ်ပေါ်ခဲ့သည်။

၂၀၁၆ သြဂုတ်လတွင် နိုင်ငံအနှံ့ လူဦးရေလေးသိန်းကျော် တစ်ပြိုင်နက် ရေဘေးရင်ဆိုင်ခဲ့ရသည်။ နိုင်ငံအနှံ့ ရေဘေးသင့်ဒေသများသို့ လှည့်လည်သွားရောက်သည့် သမ္မတက မကွေးတိုင်းဒေသကြီး ပွင့်ဖြူမြို့သို့ ရောက်ရှိစဉ် ပြည်သူများရင်ဆိုင်နေရသော ရေ ဘေးဒုက္ခများ လျော့ပါးစေရေး အစိုးရက နည်းမျိုးစုံဖြင့် ကြိုးစားနေကြောင်းနှင့် ပွင့်ဖြူမြို့သို့ နောက်ကျမှသာ လာရောက်နိုင်ခဲ့သဖြင့် တောင်းပန်စကားဆိုခဲ့ ခြင်းဖြစ်သည်။

၂၀၁၅ ခုနှစ်ကလည်း သမိုင်းတစ်လျှောက် အဆိုးရွားဆုံး ရေဘေးရင်ဆိုင်ခဲ့ရပြီး ယင်းအချိန်တွင် သမ္မတဦးသိန်းစိန်အစိုးရအဖွဲ့က ဒေသလေးခုကို သဘာဝဘေးသင့်ဒေသများအဖြစ် ကြေညာခဲ့ရသည်အထိ ဆိုးကျိုးရင် ဆိုင်ခဲ့ရသည်။ ၂၀၁၆ တွင်လည်း ၂၀၁၅ ထက်မလျော့သော သဘာဝဘေးများက မြန်မာနိုင်ငံကို အကျပ်ရိုက်စေခဲ့သည်။

၂၀၁၆ အစောပိုင်းကာလများတွင် အယ်လ်နီညိုကြောင့် စံချိန်တင်ပူပြင်းခြောက်သွေ့သော ကျေးရွာပေါင်းတစ်ထောင်ကျော် သောက်သုံးရေ အခက်အခဲကြုံ တွေ့ခဲ့သည်။ သောက်သုံးရေ အခက်အခဲဖြေရှင်းရန် အရေးပေါ် သဘာဝဘေးများတွင်သာ သုံးစွဲလေ့ရှိသည့် နိုင်ငံတော်သမ္မတ၏ သီးသန့်ရန်ပုံငွေကို အသုံးပြုခဲ့ရသည်အထိ ၂၀၁၆ နွေရာသီကာလ၌ သောက်သုံးရေပြဿနာ ကြီးမားခဲ့သည်။

ပူပြင်းခြောက်သွေ့သည့် ရာသီဥတုကပေးသော နောက်ထပ်ဆိုးကျိုးမှာ စံချိန်တင် မီးလောင်ကျွမ်းမှုများဖြစ်သည်။ မြန်မာနိုင်ငံရှိ ပြည်နယ်နှင့် တိုင်းအသီးသီးတွင် ၂၀၁၆ ဇန်န၀ါရီမှ ဖေဖော်ဝါရီလ၀က်အထိ မီးလောင်ကျွမ်းမှုကြောင့် ဆုံးရှုံးသည့်တန်ဖိုးမှာ ၂၀၁၅ တစ်နှစ်လုံး လောင်ကျွမ်းမှုကြောင့် ဆုံးရှုံးခဲ့သည့် တန်ဖိုးထက် ၁၈ ဆကျော် ပိုမိုများပြားကြောင်း မြန်မာနိုင်ငံမီးသတ်တပ်ဖွဲ့ စစ်တမ်းများက ဖော်ပြသည်။ ဧရာဝတီတိုင်းဒေသကြီး လပွတ္တာမြို့၊ ရှမ်းပြည်နယ် နမ့်ဆန်မြို့၊ တနင်္သာရီတိုင်းဒေသကြီး ပုလောမြို့နယ် ကျောက္ကာကျေးရွာ မီးလောင်ကျွမ်းမှုများက အဆိုးရွား ဆုံးဖြစ်ခဲ့သည်။ သဘာဝဘေးကို လွန်ဆန်မရတော့သည့် အခြေအနေတွင် အယ်လ်နီညိုရာသီဥတု သက်ရောက်မှုကြောင့် ဖြစ်ပေါ်လာနိုင်သည့် သဘာဝဘေးအန္တရာယ် ကြိုတင်ကာကွယ်ရေးလုပ်ငန်းများကို အစိုးရလုပ်ငန်းဌာန အဆင့်ဆင့် ပူးပေါင်းဆောင်ရွက်ရေး ၂၀၁၆ ဖေဖော်ဝါရီအတွင်း ကျင်းပသည့် ပြည်သူ့လွှတ်တော် အစည်းအဝေး၌ ဆွေးနွေးအတည်ပြုခဲ့ရသည်။ ရွေးကောက်ပွဲရလဒ်ကြောင့် ဒေါ်အောင်ဆန်းစုကြည် ဦးဆောင်သော ဒီချုပ်ပါတီကို နိုင်ငံတော် တာဝန်လွှဲပြောင်းပေးရေး နိုင်ငံရေးအလုပ်များချိန်မှာပင် သဘာဝဘေးအကြောင်းက လွှတ်တော်ထဲအထိ ရောက်ခဲ့သည်။


အယ်လ်နီညိုကြောင့် ရေရှားပါးမှု ဆိုးရွားစွာကြုံတွေ့ခဲ့ရသည်။ (ဓာတ်ပုံ-ညီညီဇော်)

အနိုင်ရ ဒီချုပ်ပါတီ အစိုးရသစ်ကိုလည်း သဘာဝဘေးက စိန်ခေါ်ခဲ့ပြန်သည်။ ဒီချုပ်အစိုးရ တက်လာသည့် ၂၀၁၅ ဧပြီတွင် သမိုင်းတစ်လျှောက် မကြုံဖူးအောင် ပြင်းထန်သော အယ်လ်နီညိုရာသီဥတု နောက်ဆက်တွဲအဖြစ် အရွယ်အစား ကြီးမားသော မိုးသီးများ ကြွေကျခြင်းနှင့် လေပြင်းတိုက်ခတ်ခြင်းကဲ့သုိ့ သဘာဝဘေးက အစိုးရသစ်ကို ကြိုဆိုခဲ့သည်။ မိုးသီးနှင့် လေပြင်းက စစ်ကိုင်းတိုင်းနှင့် မန္တလေးတိုင်းရှိ မြို့ နယ်အချို့တွင် ဒုက္ခမျိုးစုံအကြီးအ ကျယ်ပေးခဲ့ပြီး ရက်ပိုင်းအတွင်း လူ ၂၈ ဦး သေဆုံးသည်အထိ ဆိုးရွားခဲ့သည်။ တိရစ္ဆာန်များကောင်ရေ ရာချီသေဆုံးခဲ့သည်။ မိုးသီးမှန်၍ သေဆုံးနေသည့် တိရစ္ဆာန်များ၏ အမြင်မလှသော ဓာတ်ပုံများလည်း လူမှုကွန်ရက်များတွင် ပေါ်ထွက်ခဲ့သည်။

မိုးသီးနှင့် လေပြင်းက အလစ်အငိုက်တိုက်ခိုက်ပြီး မကြာမီ မေလအတွင်း မြန်မာနိုင်ငံ ဒေသအများစု ရေကြီးပြန်သည်။ အထက်ပိုင်းဒေသများ မိုးကောင်းနေချိန် မြစ်ကြီးများ ရေလျှံကာ အလယ်ပိုင်းနှင့် အောက်ပိုင်း ဒေသ အများစု ရေကြီးနစ်မြုပ်မှု ရင်ဆိုင်ခဲ့ရပြန်သည်။ ရာသီဥတုသတိပေး သတင်းကြိုတင်ရရှိမှုနှင့်ကာကွယ်မှု အားနည်းခြင်းတို့ကြောင့် ရေကြီးနစ်မြုပ်ရာဒေသမှ ကျောင်းဆရာမနှင့် ကျောင်းသား၊ ကျောင်းသူများ ရေနစ်သေဆုံးမှု သတင်းများ ကြီးစိုးခဲ့သည်။

ရေဘေးက အကြီးအကျယ် ဒုက္ခပေးနေချိန်မှာပင် ငလျင်ပြတ်ရွေ့များပေါ် တည်ရှိနေသည့် မြန်မာနိုင်ငံကို အင်အားပြင်းငလျင်က တိုက်ခိုက်ပြန်သည်။ မကွေး တိုင်းဒေသကြီး ချောက်မြို့ အနောက်ဘက် ၁၂ မိုင်ခန့်အကွာကို ဗဟိုပြု၍ သြဂုတ် ၂၄ ရက်က လှုပ်ခတ်ခဲ့သောငလျင်က တစ်နိုင်ငံလုံးကို ထိတ်လန့်စေခဲ့သည်။ ပုဂံရှေးဟောင်းနယ်မြေမှ ရှေးဟောင်း စေတီပုထိုး လေးရာခန့် ပျက်စီးခဲ့သည်။ ငလျင်ဗဟိုချက်အနီးဝန်း ကျင်သာမက မန္တလေး၊ စစ်ကိုင်း၊ မကွေးတိုင်းဒေသကြီးနှင့် ရခိုင်ပြည်နယ်မှ စေတီပုထိုးများ၊ သာသနိက အဆောက်အအုံများပါ ပျက်စီးခဲ့သည်။ မြေငလျင်အန္တရာယ် ကြိုတင်ကာကွယ်ရေးအစီအမံများ အစိုးရက အာရုံစိုက် လုပ်ဆောင်လာသည်။ မြေငလျင် အန္တရာယ်ရှိနေကြောင်း ပြည်တွင်း နှင့် ပြည်ပ ဘူမိဗေဒပညာရှင်များက အထူးသတိပေးနေဆဲဖြစ် သည်။

၂၀၁၆ နှောင်းပိုင်းအရောက်တွင် မိုးလွန်ကာလ မုန်တိုင်းများက မြန်မာအစိုးရနှင့် လူထုကို အလုပ် ရှုပ်စေခဲ့ပြန်သည်။ မိုးလွန်ကာလ ဖြစ်သော အောက်တိုဘာက စတင်ကာ မြန်မာ့ကမ်းရိုးတန်းနှင့် ထိစပ်နေသော ဘင်္ဂလားပင်လယ်အော်၌ မုန်တိုင်းလေးလုံးဖြစ်ပေါ်ခဲ့ သည်။ ‘ဗာဒတ်ရှ်’ (VAR DAH)ဆိုင်ကလုန်းမုန်တိုင်း၊ ကြံ့ (KYANT) ဆိုင်ကလုန်းမုန်တိုင်း၊  ‘နာဒါ’ (NADA) ဆိုင်ကလုန်းမုန်တိုင်းနှင့် အမည်တပ်မုန်တိုင်းအဆင့် မရောက်ခဲ့သော မုန်တိုင်းငယ်တစ်လုံးတို့ ဖြစ်ပေါ်ခဲ့သည်။ ယင်းမုန်တိုင်းအားလုံး အိန္ဒိယနိုင်ငံကမ်း ခြေသို့ ၀င်ရောက်သွားသော်လည်း မြန်မာလူထုအကြား ကျီးလန့်စာစား ဖြစ်ခဲ့ရသည်။


ကောလင်းမြို့နယ် လာကာကျေးရွာတွင် ဧပြီ ၂၄ ရက်က မိုးသီးထိမှန်ပြီး သေဆုံးနေသော ဝက်ငယ်တစ်ကောင်ကို တွေ့ရစဉ် (ဓာတ်ပုံ − ဇော်မင်းထွန်း (သုဝဏ္ဏရွာ))

ကြံ့ (KYANT) ဆိုင်ကလုန်း မုန်တိုင်းသည် မုန်တိုင်းငယ် အဆင့်တွင်ရှိနေစဉ် အားကောင်းသော မုန်တိုင်းငယ်၏ အရှိန်ကြောင့် လပွတ္တာနှင့် သံတွဲခရိုင်တို့၌ မုန်တိုင်း ဒီရေအမြင့် ၇ ပေမှ ၁၀ ပေခန့်အထိ မြင့်တက်နိုင်ကြောင်း မိုးဇလဌာနက သတင်းထုတ်ပြန်ခဲ့သည်။ မုန်တိုင်းဗဟိုချက်နှင့် အနီးဆုံးဖြစ်သော ဟိုင်းကြီးကျွန်းအပါအ၀င် ကမ်းရိုးတန်းဒေသအများစု ပုံမှန်ရာသီဥတုထက် အနည်းငယ်သာ လေပြင်းတိုက်နေချိန်တွင် မြန်မာ့ကမ်းရိုးတန်းသို့ ၁၂ နာရီ အတွင်း မုန်တိုင်းရောက်ရှိမည့် သတိပေးချက်ဖြစ်သော အနီရောင်အဆင့် သတိပေးချက် ထုတ်ပြန်ခဲ့ခြင်းဖြစ်သည်။ မြေပြင်အခြေအနေတွင် မုန်တိုင်းအရှိန်ကြောင့် ပုံမှန်ထက် အနည်းငယ်သာ လေပြင်းကျခဲ့ပြီး မိုးဇလဌာနက အနီရောင်နှင့် အညိုရောင် သတိပေးချက်အဆင့်ဆင့် ထုတ်ခဲ့သည့်အပေါ် စိုးရိမ်ထိတ်လန့်ခဲ့ ပြီး မိုးဇလဌာနသည် လူမှုကွန်ရက်တွင် ဝေဖန်ခံခဲ့ရသည်။

ကမ္ဘာပေါ်တွင် ရာသီဥတု ဖောက်ပြန်မှုအများဆုံးနှင့် သဘာဝဘေး ကျရောက်နိုင်ခြေအမြင့်ဆုံး ၁၀ နိုင်ငံစာရင်းတွင် ပါဝင်နေသော မြန်မာနိုင်ငံကို ၂၀၁၇ က ကြိုဆိုနေပါသည်။

၂၀၁၆ တစ်နှစ်လုံးတွင် သဘာဝဘေးဒဏ်ကို လူးလိမ့်နေအောင် ခံစားခဲ့ရသည်။

တစ်နှစ်တခြား ဒုက္ခပိုပေးလာသော သဘာဝဘေးများကို အစိုးရနှင့်လူထုက ဟန်ချက်ညီညီ ကြိုတင်ကာကွယ်နိုင်မှသာ ထိခိုက်နိုင်ခြေ အနည်းဆုံးဖြစ်မည်ဟု ရာသီဥတုသတင်း ကြိုတင်သတိပေးနေသော မိုးလေ၀သ ပညာရှင် ဒေါက်တာထွန်းလွင်က တိုက်တွန်းထားပါသည်။