ကမောက်ကမ ဖြစ်ရပ်များ

ဝန်ကြီးချုပ်ကိုယ်တိုင်ဦးဆောင်ပြီးအမိန့်ပြန်ကာ သေနတ်ပစ်ဖောက်မောင်းထုတ်ခဲ့ရတဲ့ သရဲ

ဧရာဝတီတိုင်းဝန်ကြီးချုပ်ဦး ဆောင်၍ လူဆိုးများကို သေနတ် ဖြင့်ချိန်ခဲ့ခြင်းမဟုတ်ဘဲ မမြင်ရသည့် ပရလောကသားများအား သေနတ်ပစ်ဖောက်ကာ အမိန့်ပြန်မောင်းထုတ်ခဲ့သည့်ဖြစ်စဉ်တစ်ခုကလည်း ၂၀၁၆၏ထူးခြားဆန်းပြား  ကမောက်ကမများအနက် တစ်ခုအပါအ၀င်ဖြစ်ခဲ့သည်။

၂၀၁၆ အောက်တိုဘာလလယ်က ဧရာဝတီတိုင်းဒေသကြီး မြောင်းမြမြို့ ရှမ်းရေကျော်အထက ခွဲကျောင်းမှ ကျောင်းသူ၊ ကျောင်း သားများကို သရဲပူးကပ်ခြင်း ကြောင့် သေနတ်ပစ်ဖောက်ကာ အမိန့်ပြန်ခဲ့ခြင်းဖြစ်သည်။

စာသင်ကျောင်းဆောင် ဆောက်လုပ်ရာတွင် သင်္ချိုင်းမြေပါဝင်နေ၍ ယင်းမြေပြန်ပေးရန်နှင့်နာနာဘာဝက ကျွတ်လွတ်အောင်ဆောင်ရွက်ပေးရန် ကျောင်းသူ၊ကျောင်းသားအချို့ ၀ိညာဉ်ပူးကပ်ကာ တောင်းဆိုခဲ့ကြသည်ဟုဆိုသည်။ အဆိုပါ ရှမ်းရေကျော်စာသင်ကျောင်းတွင် သရဲပူးသည့်ဖြစ်ရပ်ကြောင့် မြေနေရာအစားပေးခြင်း၊ သံဃာတော်များပင့်ဖိတ်ကာ ပရိတ်ရွတ်ခြင်း၊ အမျှဝေခြင်းတို့ကို ပြုလုပ်သော်လည်း ရက်ပေါင်းများ စွာထပ်မံဖြစ်ပွားခဲ့သည်။နောက် ဆုံးတွင် ကျန်းမာရေးဝန်ကြီးဌာနမှ ဆရာဝန်များကိုယ်တိုင်  ကလေး ငယ်များနှင့် တွေ့ဆုံနှစ်သိမ့်ကုသခဲ့ပြီး တစ်ချိန်တည်းမှာပင် ဧရာဝတီတိုင်းဝန်ကြီးချုပ်ကအမိန့်ပြန်ခြင်း၊ ပညာရေးဌာန၊ အုပ်ချုပ်ရေးဌာန၊ ရဲတပ်ဖွဲ့တို့ ပူးပေါင်း၍ အမိန့်ပြန်ခြင်း၊ ရဲတပ်ဖွဲ့က သေနတ်ဖြင့်  ပစ်ဖောက်မောင်းထုတ်ခြင်းများပြုလုပ်ခဲ့သည်။ ထိုသို့ပြုလုပ်ပြီးနောက်ပိုင်း သရဲပူးကပ်ခြင်းမဖြစ်တော့ပေ။

အလားတူဖြစ်ရပ်မျိုး ကရင်ပြည်နယ်၊ ဘားအံမြို့တွင်ရှိသော ကောလမုကျေးရွာအထက ကျောင်းခွဲ၌လည်း ကျောင်းသူ ၁၁ ဦးအား သရဲပူးကပ်မှုဖြစ်ပွားခဲ့သည်။ သရဲပူးသည်ဆိုသော ဖြစ်စဉ်များက၂၀၁၆ အတွင်း ဒေသအနှံ့အပြားတွင် မကြာခဏဖြစ်ပေါ်ခဲ့သည်။ အချို့လူများက နာနာဘာဝများကို အယုံအကြည်မရှိသလိုစိတ်၏ စွဲလမ်းမှုကြောင့်ဖြစ်သည်ဟု သုံးသပ်ကြသည်။

ဘောလုံးကန်လို့ ညှပ်ရိုးကျိုးခဲ့ပြန်တဲ့ ဧရာဝတီတိုင်းဝန်ကြီးချုပ်

၂၀၁၆ သည် ဧရာဝတီတိုင်းဝန်ကြီးချုပ်အတွက် ကမောက်ကမလက်ဆောင်များ တစ်ပွေ့တစ်ပိုက်ပေးခဲ့သည့်နှစ်ဟု  ဆိုရ မည်လားမသိ။သရဲကိုအမိန့်ပြန် ကာခြောက်ထုတ်ခဲ့သည့် ၀န်ကြီး ချုပ်ဦးမန်းဂျော်နီတစ်ယောက်သရဲ ကို အမိန့်ပြန်ပြီး တစ်လမပြည့်မီမှာပင် ဘောလုံးကန်၍ လက်ကျိုးခဲ့ရပြန်သည်။

အသက်(၇၅)နှစ်အရွယ် ဧရာဝတီတိုင်းဝန်ကြီးချုပ်ဦးမန်းဂျော်နီသည် နိုဝင်ဘာ ၇ရက်က ပုသိမ်မြို့ကျောက်တိုင်ကွင်းတွင် ကျင်းပ သည့်အထွေထွေအုပ်ချုပ်ရေးဦးစီးဌာနနှစ်ပတ်လည်နေ့အထိမ်းအမှတ်ဘောလုံးပြိုင်ပွဲ၌ အားပေးသည့်အနေဖြင့် ၀င်ရောက်ဘောလုံးကစားရာမှ ညာဘက်ညှပ်ရိုးကျိုးဒဏ်ရာရရှိခဲ့သည်။

ဝန်ကြီးချုပ်သည် ငယ်စဉ်ကပင် ဘောလုံးဝါသနာပါခဲ့သူတစ်ဦး ဖြစ်သည်။ ယနေ့အထိလည်း  ကျန်းမာရေးကို ထိန်းသိမ်းသည့်အနေဖြင့် နံနက်စောစောနှင့်အားလပ်ချိန်များတွင် ကျန်းမာရေးလှုပ်ရှားမှုများပုံမှန်လုပ်ကိုင်နေသူ တစ်ဦးဖြစ်သည်ဟုဆိုသည်။

လူရဲ့ဆီးကြောင့် နိမ့်ကျခဲ့ရတဲ့ပုသိမ်ကြိုးတံတား

ဧရာဝတီတိုင်းကတော့ ၂၀၁၆ ကမောက်ကမဖြစ်စဉ် အဖြစ်ဆုံးတိုင်းဒေသကြီးဟု ဆိုရတော့မည်ဖြစ်သည်။ ယခုလည်း ကြည့်။ ကြားရခဲလှသည့်ဖြစ်စဉ်တစ်ခု ဧရာဝတီတိုင်းဒေသကြီး ပုသိမ်မြို့၌ ဖြစ်ခဲ့ရပြန်သည်။ လူရဲ့ ဆီးကြောင့် ပုသိမ်ကြိုးတံတားကြီး နိမ့်ကျခဲ့ခြင်းဖြစ်သည်ဟုဆိုသည်။

၂၀၁၆ ဖေဖော်ဝါရီအတွင်းက ပုသိမ်မြို့နှင့် ကမ်းခြေဒေသများသို့ ဆက်သွယ်ပေးထားသည့် ပုသိမ်ကြိုးတံတားနိမ့်ကျမှုဖြစ်ပွားခဲ့ သည်။ အဆိုပါတံတားနိမ့်ကျမှုကိုမြန်မာနိုင်ငံမှ ကျွမ်းကျင်ပညာရှင်များလေ့လာတွေ့ရှိချက်အရ ပြောကြားသည်မှာတံတားကို ထိန်းထားသည့် မူလတိုင်ရှစ်လုံးနေရာတွင် တံတားပေါ်သို့ လာရောက်အပန်းဖြေသူများမှ ဆီးကဲ့သို့ အညစ်အကြေးများ ကာလရှည်စွန့် ပစ်မှုများကြောင့် ဆီး၌ပါဝင်သည့် အက်စစ်ဓာတ်များကမူလီခေါင်းများအား သံချေးစားသွားပြီး ယာဉ်ကြီးယာဉ်ငယ်များဖြတ်သန်းသွားလာသည့်အခါ တုန်ခါမှုကြောင့် မူလီတိုင်များပွတ်တိုက်ကာ ပြတ်ထွက်သောကြောင့် ကြိုးတံတားကြီးနိမ့်ကျခဲ့ခြင်းဖြစ်သည်ဟု မှတ်ချက်ပြုကြသည်။

မြန်မာနိုင်ငံမှ ကျွမ်းကျင်သော တံတားပညာရှင်များလာရောက် လေ့လာ၍ တံတားနိမ့်ကျမှုကို အချိန်မီဆောင်ရွက်ခဲ့ကြသည်။ ပညာရှင်များအဆိုအရ နိမ့်ကျသွားသည့်ဘက်မှ တံတားကိုထိန်းထားသည့်နေရာလေးနေရာတွင် စုစုပေါင်းမူလီ ၃၂လုံးရှိသော်လည်းအပြင်ဘက်ရှိ မူလီရှစ်လုံးပျက်စီးသဖြင့် ယင်းကဲ့သို့  ဖြစ်ရသည်ဟုဆိုသည်။

ကြွက်များသောင်းကျန်း၍ ပြိုကျရသည်ဆိုသည့်  စမ်းချောင်းမြို့နယ်ကရေနုတ်မြောင်းအုတ်နံရံ

ကမောက်ကမဖြစ်စဉ်တွေထဲထပ်မံမှတ်တမ်းဝင်သွားသည်က စမ်းချောင်းတွင် ကြွက်များသောင်း ကျန်း၍ ရေထိန်းနံရံပြိုကျသည့် ကိစ္စဖြစ်သည်။ စမ်းချောင်းမြို့ နယ်၊ စမ်းချောင်း (တောင်) အောင်ချမ်းသာရပ်ကွက်ကြားရှိ အောင်ချမ်းသာရေနုတ်မြောင်းနံရံပြိုကျပျက်စီးမှုနှင့် ပတ်သက်၍ မြို့ တော်စည်ပင်မှ တာဝန်ရှိသူတစ်ဦးက ကြွက်များသောင်းကျန်းမှုကြောင့် ပြိုကျခြင်း  ဖြစ်ကြောင်း မှတ်ချက်ပြုသည့် စကားမှာ လူမှုကွန်ရက်စာမျက်နှာများတွင် ပျံ့နှံ့ခဲ့သည်။ အောင်ချမ်းသာရေနုတ်မြောင်းသည် ၂၀၁၆ မေလ ၂၁ ရက်မွန်းလွဲ ၁၂ နာရီကျော်တွင် မြေထိန်းနံရံတစ်ခြမ်းမှာ ပေနှစ်ရာခန့် ပြိုကျပျက်စီးခဲ့ခြင်းဖြစ်သည်။

အဆိုပါ ပြိုကျပျက်စီးမှုနှင့် ပတ်သက်၍ တာဝန်ရှိသူတစ်ဦးက ရေနုတ်မြောင်းနှင့် လူနေအိမ်နောက်ဖေးများက ၁၂ ပေကျော်သာ ကွာဝေးပြီး အချို့အိမ်နောက် ဖေးများတွင် စားကြွင်းစားကျန်စွန့် ပစ်ရာမှ မြေကြွက်များဖောက်မှု ကြောင့် ကြွက်တွင်းတွေထဲ ရေ၀င် ကာ ပြိုကျရခြင်းဖြစ်သည်ဟု ပြော ကြားခဲ့သည်။

ကြွက်တွင်းကြောင့်ပြိုကျခဲ့ရသည်ဟု ဆိုသည့် အဆိုပါမြေထိန်းနံရံကို မပြိုကျမီ ၂၀၁၅-၁၆ ဘဏ္ဍာနှစ်က ကျပ်သန်းလေးရာအကုန်အကျခံကာ ပြင်ဆင်ခဲ့ဖူးပြီး ပြုပြင် နေစဉ်မတ်လတွင် တစ်ကြိမ် မေလတွင် တစ်ကြိမ်၊ နှစ်ကြိမ်တိုင် ထပ်မံပြိုကျ ခဲ့ပြန်သည်။ ကြွက်တွင်းများကြောင့် မြေထိန်းနံရံပြိုကျခဲ့၍ အဆိုပါမြေထိန်းနံရံနှင့် ကပ်နေသည့် တိုက်အိမ်များကိုလည်းကြွက်တွင်းကြောင့် ပြိုကျနိုင်မှုရှိ၊ မရှိဆက်လက်စစ်ဆေးခဲ့ရသည်။

YTUတွင် ဘွဲ့လက်မှတ်အတုဖြင့်လေးနှစ်ကျော်ကြာ ဧည့်ပါမောက္ခ တာဝန်ထမ်းဆောင်ခဲ့သူ

နိုင်ငံခြားရုပ်ရှင်များတွင် မြင် တွေ့ရလေ့ရှိသော လိမ်လည်မှု ဇာတ်လမ်းမျိုးဖြင့် ရန်ကုန်နည်း ပညာတက္ကသိုလ် (YTU) ၌ ဘွဲ့ လက်မှတ်အတုဖြင့် လေးနှစ်ကျော်ကြာ ဧည့်ပါမောက္ခအဖြစ် တာဝန် ထမ်းဆောင်ခဲ့သူတစ်ဦးကို စစ် ဆေးဖော်ထုတ်နိုင်ခဲ့သည်။

ရန်ကုန်နည်းပညာတက္က သိုလ်တွင် ၂၀၁၂ ကစ၍ ဧည့်ပါမောက္ခအဖြစ် အင်ဂျင်နီယာနှင့်မဟာဘွဲ့သင်တန်းကျောင်းသားများအား စာသင်ကြားပြသနေပြီး ဒေါက်တာဘွဲ့တပ်ထားသော ဦးတင်ထွန်းသည် ဘွဲ့လက်မှတ်မူရင်း တင်ပြနိုင်ခြင်းမရှိ၍ စုံစမ်းရာ စက်မှုတက္ကသိုလ်၌ ဘွဲ့ရရှိခဲ့သည်မှာ မဟုတ်မှန်သဖြင့် ၎င်းကို မြန်မာနိုင်ငံအင်ဂျင်နီယာအသင်းက အသင်းသားအဖြစ်မှ ထုတ်ပယ်ခဲ့သည်။

ဘွဲ့လက်မှတ်အတုဖြင့် မြန်မာနိုင်ငံ၏ ထိပ်တန်းတက္က သိုလ်တွင် စာသင်ကြားပို့ချနေသူ သည် ၁၉၈၁ က RIT-BE (Civil) ဘွဲ့ရရှိခဲ့သည်ဟု လိမ်လည်မှု ပေါ် ပေါက်ခဲ့သော်လည်း ၎င်း၏ ဘွဲ့ကိုအမှန်တကယ်ယူဆကာ လေးနှစ် ကျော်ကြာသည့်တိုင် ဧည့်ပါမော က္ခအဖြစ် ဟန်ဆောင်ရပ်တည်နေနိုင်ခဲ့ခြင်းက အများအံ့သြစရာဖြစ်သည်။

 ရုပ်ရှင်ဇာတ်လမ်းဆန်ဆန် လိမ်လည်ဟန်ဆောင်ခဲ့မှုကို ဖော်ထုတ်ခဲ့ပြီးနောက် မြန်မာအင်ဂျင်နီယာအသင်းနှင့် မီဒီယာအချို့က အဆိုပါပုဂ္ဂိုလ်ကို ဆက်သွယ် ရှာဖွေခဲ့သော်လည်း ပျောက်ခြင်းမလှ ပျောက်ကွယ်သွားခဲ့သည်။

အစိုးရအဖွဲ့ဝင်အချို့နှင့် ဘွဲ့အတုပြဿနာ

 နှစ်ပေါင်းခြောက်ဆယ်အတွင်း ပထမဆုံးအရပ်သားအစိုးရစတင်ဖွဲ့စည်းရန် ၀န်ကြီးစာရင်းများထွက်ပေါ်ချိန်တွင် ၀န်ကြီးလောင်းနှစ်ဦး၏ ဒေါက်တာဘွဲ့များနှင့် ပတ်သက်၍ ဂယက်များစွာရိုက်ခဲ့မှုမှာလည်း ထူးထူးဆန်းဆန်းဖြစ် ရပ်ဖြစ်၏။

စီမံကိန်းနှင့် ဘဏ္ဍာရေးဝန်ကြီးအဖြစ် အမည်စာရင်းတင်သွင်းခံရသူ ဦးကျော်ဝင်းနှင့် စီးပွားရေး နှင့် ကူးသန်းရောင်းဝယ်ရေးဝန်ကြီး အဖြစ် အမည်စာရင်းတင်သွင်းခံရသူဒေါက်တာသန်းမြင့်တို့ ဒေါက်တာဘွဲ့ယူခဲ့သော အမေရိကန်တက္ကသိုလ်နှစ်ခုမှာ ကန်အစိုးရ အသိအမှတ်မပြုသော တက္ကသိုလ်ဖြစ်နေပြီးတစ်ခုမှာ ဘွဲ့အတုများထုတ်ပေးနေ၍ ဝေဖန်မှုများမြင့်တက်ခဲ့သည်။

လက်ရှိစီးပွားကူးသန်းဝန်ကြီး ဒေါက်တာသန်းမြင့်၏ မာစတာနှင့် ပါရဂူဘွဲ့တို့ရရှိခဲ့သော အမေရိကန် ပြည်ထောင်စု ပစိဖိတ်အနောက် ပိုင်းတက္ကသိုလ်(Pacific Western University)သည် ပြဿနာများဖြင့်ပိတ်သွားခဲ့ပြီဖြစ်ပြီး  အမေရိကန်အစိုးရက အသိအမှတ်မပြုသော တက္ကသိုလ်ဟု ထောက်ပြခဲ့ကြသည်။ ထို့အပြင် စီမံဘဏ္ဍာဝန်ကြီးဦးကျော်ဝင်း၏ ပါရဂူဘွဲ့ရရှိထားသော Brooklyn Park Univer-sityမှာ လည်း တက္ကသိုလ်အတုဖြစ်နေ၍ ဝေဖန်ခံခဲ့ရသည်။

ဝေဖန်မှုများထွက်ပေါ်ခဲ့ပြီး နောက် အနိုင်ရပါတီအမျိုးသားဒီမို ကရေစီအဖွဲ့ချုပ်(ဒီချုပ်) ခေါင်း ဆောင်များက ၀န်ကြီးလောင်းနှစ် ဦးကို ခေါ်ယူတွေ့ဆုံမေးမြန်းမှုများရှိခဲ့ကာ ကာယကံရှင်နှစ်ဦးက လည်း ဘွဲ့နှင့် ပတ်သက်ပြီးမီဒီယာ များအား ပွင့်ပွင့်လင်းလင်းဖြေကြားမှုများ ပြုလုပ်ခဲ့သည်။ သို့သော်လွှတ်တော်တွင် ၀န်ကြီးအမည်စာရင်းများကို အတည်ပြုရာ၌ ၎င်းတို့ နှစ်ဦးကို ကန့်ကွက်သူတစ်စုံတစ်ရာ မရှိခဲ့ဘဲ အတည်ပြုနိုင်ခဲ့သည်။

ထို့အပြင် အခြားအစိုးရအဖွဲ့ဝင်တစ်ဦး ရရှိထားသောဒေါက်တာဘွဲ့မှာလည်း အတုဖြစ်ကြောင်း ပညာရေးလောကတွင်သတင်းများထွက်ပေါ်ခဲ့ပြီးနောက် ပါရဂူဘွဲ့ရရှိထားသည်ဟုဆိုကာ ၎င်း၏အမည် ရှေ့တွင် ဒေါက်တာဟုထည့်သွင်း သုံးစွဲမှုမပြုတော့သည်ကိုတွေ့ရသည်။

ဒေါက်တာဘွဲ့အတု ပြဿ နာမှာ ယခုအစိုးရလက်ထက်မှပေါ် ပေါက်ခဲ့ခြင်းမဟုတ်ပေ။ ယခင်အစိုးရနှင့် ပထမအကြိမ်လွှတ်တော် သက်တမ်းအတွင်း လွှတ်တော်အမတ်အချို့ စီးပွားရေးလုပ်ငန်းရှင်အချို့၊ ပညာရှင်အချို့၏ ဒေါက်တာဘွဲ့က အတုများဖြစ်ကြောင်း ပညာရေးလောကတွင် သတင်းကြီးခဲ့ဖူးသည်။

သို့သော်အစိုးရလက်ထက်တွင် ပိုမိုပွင့်လင်းလာကာအခြေအ နေမှန်ကို ပြည်သူများပိုမိုသိခွင့်ရရှိခဲ့ ခြင်းဖြစ်သည်။

ချင်းတွင်းမြစ်မှာပေါ်မည်ဆိုသည့် ဓမ္မစေတီခေါင်းလောင်း

အိပ်မက်အရ ဓမ္မစေတီ ခေါင်းလောင်းမှာ စစ်ကိုင်းတိုင်း၊ မင်းကင်းမြို့နယ်အတွင်း ပေါ်မည်ဟုဆိုသော ကောလာဟလများကြောင့် လူအများ သွားရောက် စောင့်ကြည့်ခဲ့ခြင်းကလည်းက မောက်ကမဖြစ်ရပ်များတွင် ထည့်သွင်းရမည့် ဖြစ်စဉ်တစ်ခု ဖြစ်ခဲ့သည်။

၂၀၁၆ ဇူလိုင် ၁၉ ရက် နံနက်ပိုင်းတွင် ဓမ္မစေတီခေါင်းလောင်းအား နဂါးမင်းတို့ လာရောက်ပို့ဆောင်မည်ဟု မဟာမြိုင် သဲဖြူဆရာတော်ကြီး၏ အိပ်မက်အရ နတ်စာ၊ နဂါးစာကျွေးခြင်းတို့ မင်းကင်းမြို့နယ် ချင်းတွင်းမြစ်အ တွင်း ဆောင်ရွက်ခဲ့ရာ ဒေသခံများလာရောက်ကြည့်ရှုသူများဖြင့် စည်ကားခဲ့သည်။ ယင်းအချိန်တွင် ယခင်ဗိုလ်ချုပ်ကြီးဟောင်း ဦးခင် ညွန့်နှင့် ပြည်ထဲရေးဝန်ကြီးဟောင်း ဦးမောင်ဦးတို့မှာလည်း မဟာမြိုင် တောထဲတွင် အဓိဋ္ဌာန်ဝင်၍ ဘုန်းကြီးဝတ်ရန် ရောက်ရှိနေချိန်နှင့် တိုက်ဆိုင်ခဲ့ပြီး နတ်စာ၊ နဂါးစာ ကျွေးသည့်နေရာသို့ ၎င်းတို့နှစ်ဦး လာရောက်ကြည့်ရှုခဲ့ခြင်းကြောင့် လည်း ယင်းသတင်းမှာ လူမှုကွန် ရက်စာမျက်နှာများတွင် ပြန်လည် မျှဝေသူများပြားခဲ့သည်။

ဝါဆိုလပြည့်နေ့ နောက်ပိုင်းတွင် ယင်းသတင်းမှာ ကောလာဟလဖြစ်ကြောင်း ဒေသအာဏာပိုင်များက ဖြေရှင်းပြောကြားခဲ့ပြီး နောက်လူအများ လာရောက်ကြည့်ရှုမှု နည်းပါးသွားခဲ့သည်။ ပြီးခဲ့သည့် နှစ်ကလည်း ရန်ကုန်မြစ်ဝ တွင် ဓမ္မစေတီခေါင်းလောင်းဆယ်ယူမှုများ ပြုလုပ်ခဲ့ရာ လာရောက် ကြည့်ရှုသူများဖြင့် စည်ကားခဲ့သည်။