မန္တလေးတွင် ကျောင်းပြင်ပ ပညာရေးစနစ် စမ်းသပ်သင်ကြားနေ

 မန္တလေးတိုင်းဒေသကြီး အတွင်း ဆင်းရဲနွမ်းပါးပြီး ပညာ မသင်ကြားနိုင်သော ကလေးငယ် များအတွက် အခြေခံပညာအမှတ် (၁၆)ကျောင်းတွင် ကျောင်းပြင်ပ ပညာရေးစနစ်ကို စမ်းသပ်သင် ကြားနေပြီဖြစ်ကြောင်း မန္တလေး တိုင်းဒေသကြီးအစိုးရအဖွဲ့ တိုင်း ရင်းသားရေးရာဝန်ကြီး ဦးစိုင်း ကျော်ဇောက ပြောသည်။

‘‘ဆင်းရဲနွမ်းပါးတဲ့ကလေး တွေနဲ့ ပညာမတတ်လို့ လုပ်ငန်း ခွင်ထဲ ဝင်ရောက်ပြီး လုပ်ကိုင်နေ ရတဲ့ ကလေးတွေအတွက် ကျောင်းပြင်ပ ပညာရေးစနစ်ကို စတင် ကျင့်သုံးနေပြီဖြစ်ပါတယ်။ လက်ရှိမှာ အမှတ်(၁၆)ကျောင်းမှာ စပြီးတော့ စမ်းသပ်နေပြီး ပုဂံညောင်ဦး မှာလည်း မကြာခင် စမ်းသပ်ပြီး တော့ သင်ကြားမှုတွေ ပြုလုပ်ပေး တော့မှာ ဖြစ်ပါတယ်’’ဟု ဦးစိုင်း ကျော်ဇောက ပြောသည်။

ကျောင်းပြင်ပ ပညာရေး စ နစ်ကို အစိုးရကျောင်းများရှိ ဆရာများ၊ ပရဟိတအဖွဲ့အစည်းများရှိ စေတနာ့ဝန်ထမ်းများဖြင့် ပူး ပေါင်းဆောင်ရွက်မည်ဖြစ်ပြီး သင်ကြားရေးအတွက် သင်ရိုးစာအုပ် များ ရိုက်နှိပ်ထားကာ  မြို့နယ်အချို့၌ စမ်းသပ်သင်ကြားခြင်းများ စတင်ပြုလုပ်နေကြောင်း မန္တလေးတိုင်းအစိုးရအဖွဲ့မှ သိရှိရ သည်။

‘‘ပုဂံမှာဆိုရင် သူတို့မှတ်သ မျှ၊ ဖတ်သမျှ သမိုင်းကြောင်းလေး တွေကို လိုက်ရှင်းပြနေတဲ့ ကလေးသူငယ်တွေရဲ့ ဘဝဟာ ပညာရေး မှာ အားနည်းခဲ့ပါတယ်။ ကျောင်း ပြင်ပ ပညာရေးစနစ်ဆိုတာက လုံးဝပညာမသင်ဖူးသေးတဲ့ က လေးကို ၂ နှစ်သင်ကြားတာနဲ့ ငါးတန်းအဆင့်ကို ရောက်ရှိသွားမှာ ဖြစ်ပါတယ်’’ဟု ဦးစိုင်းကျော်ဇော က ရှင်းပြသည်။

ကျောင်းပြင်ပ ပညာရေးစနစ်ကို လက်ရှိတွင် အခြေခံပညာမူလတန်းအဆင့်အထိသာ ရေးဆွဲ ထားပြီး အလယ်တန်းအဆင့် အတွက် သင်ရိုးများ ဆက်လက်ရေးဆွဲနေကာ သင်ကြားပေးသည့် ဆရာများအား လစာအဖြစ် ပမာဏ တစ်ခုကို ထောက်ပံ့မည်ဖြစ်ကြောင်း မန္တလေးတိုင်းအစိုးရအဖွဲ့မှ သိရသည်။

More in News Section