လက်ဝဲယိမ်းများအပေါ် ထောက်ခံမှုလျော့ကျလာသော ဥရောပ

အခြေခံဥပဒေဆိုင်ရာ ပြုပြင်ပြောင်းလဲရေး ဆန္ဒခံယူပွဲပြီးနောက် မီဒီယာညီလာခံတွင် မိန့်ခွန်းပြောနေသော အီတလီဝန်ကြီးချုပ် ရန်ဇီ (Alessandro Bianchi / reuter)

ဥရောပတိုက်တစ်ဝန်းနိုင်ငံများတွင် အခိုင်အမာအင်အားစုအဖြစ် တည်ငြိမ်မှုပေးခဲ့သော ပင်မလက်ဝဲယိမ်းပါတီများအပေါ် ထောက်ခံမှု ပြိုလဲနေပါသည်။

၂၀၀၈ က ဥရောပစီးပွားကျကပ်မတိုင်မီ စတင်ခဲ့ပြီး ထိုနောက်ပိုင်း ပိုမိုဆိုးရွားလာခဲ့သော အကျဘက်ယိုင်လာခြင်းသည် အီတလီ နိုင်ငံ၏ ခေါင်းဆောင်မှုအပေါ် မဲဆန္ဒရှင်များ၏  ပုန်ကန်မှုမှာ နောက်ဆုံးဖြစ်ပေါ်လာခဲ့သည့် အဖုအထစ်ဖြစ်သည်။ ကြွေးမြီအကျပ်အတည်းကို ကိုင်တွယ်ရန် ဗဟိုနှင့်လက်ဝဲယိမ်းအစိုးရများက ချမှတ်ခဲ့သော ခြိုးခြံချွေတာရေးအစီအ စဉ်များအပေါ် မဲဆန္ဒရှင်များက စိတ်ကုန်နေကြပြီဖြစ်သည်။

တစ်ချိန်ကဆိုရှယ်လစ်များ နှင့် ဆိုရှယ်ဒီမိုကရက်များကို ထောက်ခံခဲ့သူအများအပြားက ယခုအခါတွင် ဥရောပသမဂ္ဂပိုမို ခိုင်မာစေရန် ၎င်းတို့၏ တိုက်တွန်းမှုနှင့် ရွှေ့ပြောင်းနေထိုင်သူများအား ကြိုဆိုသည့် ဆိုရှယ်လစ်များ၏ ရပ်တည်မှုကို လက်မခံကြတော့ပေ။ အမေရိကန်တွင် အရှုံးကို ကျေနပ်စွာ လက်ခံရေးကြိုးစားနေသော ဒီမိုကရက်များကဲ့သို့ပင် ဥရောပ၏ ဗဟိုနှင့် လက်ဝဲယိမ်းခေါင်းဆောင်များသည်လည်း အလယ်ဗဟိုရပ်တည်မှုကို ဆက်လက်စွဲကိုင်ထားကြမည်လား၊ ပို၍လက်ဝဲယိမ်းရန် လိုအပ်သလားဆိုသည့်အပေါ် အချေအတင်ငြင်းခုံ ဆွေးနွေးနေကြပါသည်။

ဥရောပ၏ အကြီးဆုံးစီးပွားရေးငါးနိုင်ငံတွင် ပြင်သစ်နှင့် အီတလီ၌ လက်ဝဲယိမ်းများက အုပ်ချုပ်နေကြပါသည်။

သို့သော်ပြီးခဲ့သည့် သီတင်းပတ်တွင်းကမူ မေလတွင် ကျင်းပမည့် ရွေးကောက်ပွဲ၌ ထပ်မံယှဉ်ပြိုင်မည်မဟုတ်ဟု ပြင်သစ်သမ္မတဖရန်ဆွာဟော်လန်ဒီက ကြေညာခဲ့ပါသည်။ ယင်းမှာ ဟော်လန်ဒီကိုယ်တိုင်သော်လည်းကောင်း၊ အခြားဆိုရှယ်လစ်များသော်လည်းကောင်း ရွေးကောက်ပွဲပထမအဆင့်ကိုပင် ဖြတ်ကျော်နိုင်မည်မဟုတ်ဟု စစ်တမ်းများတွင် ပြသခဲ့သောကြောင့်ဖြစ်ပါသည်။ ပြင်သစ်မဲဆန္ဒရှင်များက လက်ယာယိမ်းပါတီနှစ်ခုမှ ယှဉ်ပြိုင်သူကိုယ်စားလှယ်များကို ရွေးချယ်သွားကြဖွယ်ရှိသည်။ ၎င်းတို့မှာ အစဉ်အလာအင်အားကြီး ရီပက်ဘလေကန်များနှင့် လူဝင်မှုဆန့်ကျင်သော အမျိုးသားရေးတပ်ဦးအဖွဲ့တို့ဖြစ်သည်။

အီတလီနိုင်ငံတွင် အခြေခံဥပဒေအား အောက်ခြေသိမ်းပြု ပြင်ပြောင်းလဲရေး ၎င်း၏ တင်ပြချက်ကို မဲဆန္ဒရှင်များက ပယ်ချခဲ့ကြပြီးနောက် ၀န်ကြီးချုပ် မက်တီယိုရန်ဇီ ဒီဇင်ဘာ ၅ ရက်က နုတ်ထွက်သွားခဲ့သည်။ အပြောင်းအလဲများအတွက် ၎င်း၏ မဲဆွယ်မှုမှာ စီးပွားရေးဖွံ့ဖြိုးတိုးတက်မှုကို အဓိကထားသော ၎င်း၏ ဗဟိုနှင့် လက်ဝဲယိမ်းအစီအစဉ်များအပေါ် ယုံကြည်စိတ်ချမှုရှိ၊ မရှိ လူထုဆန္ဒခံယူပွဲအဖြစ်သို့ ပြောင်းလဲသွားခဲ့သည်။ အီတလီနိုင်ငံသားများက ပြတ်ပြတ်သားသား ‘No’ မဲပေးလိုက်ခြင်းမှာ ဥရောပကို မယုံကြည်သော ကြယ်ငါးပွင့်လှုပ်ရှားမှု(5 Star Movement)အတွက် အောင်ပွဲတစ်ရပ်ဖြစ်သည်။ ယင်းပါတီက မစ္စတာရန်ဇီ၏ ဒီမိုကရက်တစ်ပါတီထံမှ မဲများကို ခွဲဝေယူသွားခဲ့ပါသည်။

‘‘ရန်ဇီကျရှုံးပြီး ဟော်လန်ဒီထွက်သွားပြီ၊ ဥရောပဆိုရှယ်လစ်တွေအတွက် ဆိုးရွားတဲ့ ရက်သတ္တပတ်ပါပဲ။ စပိန်၊ ဂျာမနီ၊ ပိုလန်စတဲ့ နိုင်ငံတွေမှာလည်း ဆိုရှယ်လစ်တွေ အားနည်းနေပြီ’’ဟု ဥရောပပါလီမန်မှ ဗဟိုနှင့် လက်ယာ ယိမ်းပါတီများအဖွဲ့ ဥရောပပြည်သူများပါတီမှ ပြောရေးဆိုခွင့်ရှိသူ ဆစ်ဖရိုက်မူရီဆန်က တွစ်တာပေါ်တွင် ခနဲ့စကားဆိုခဲ့သည်။


အီတလီ 5 Star လှုပ်ရှားမှုခေါင်းဆောင် Beppe Grillo မိန့်ခွန်းပြောနေစဉ် (ALESSANDRO DI MARCO / AP)

ဥရောပမှ လူထုအကြိုက်လိုက် ၀ါဒလှိုင်းလုံးမှာ ဗဟိုနှင့် လက်ယာယိမ်းပါတီများကိုလည်း ရိုက်ခတ်ခဲ့ပါသည်။ သို့သော်၎င်းတို့က လက်ဝဲယိမ်းများထက်စာလျှင် ပို၍တောင့်ခံနိုင်ပါသေးသည်။ ထိုအတောအတွင်း ဥရောပမှ လက်ဝဲယိမ်းများအတွက် အခက်အခဲများမှနေ၍ လက်ဝဲယိမ်းခေါင်းဆောင်များအကြား ပြန်လည်ဆန်း စစ်သုံးသပ်မှုများရှိလာခဲ့ပါသည်။

‘‘ဥရောပနဲ့ ဥရောပပြင်ပနိုင်ငံအများအပြားမှာ လစ်ဘရယ်ဒီမိုကရက်တစ်တန်ဖိုးတွေကနေ ခွဲထွက်တာမျိုးတွေ ရှိနေပါတယ်’’ ဟု ပြီးခဲ့သည့်နှစ်က အာဏာရလာခဲ့သော ဂရိလက်ဝဲစွန်းဆီရီဇာပါတီမှ ဂရိဘဏ္ဍာရေးဝန်ကြီး ယူက လစ်တီဆာကာလိုတော့စ်က မကြာသေးမီက ပြောကြားသည်။

‘‘ဒါဟာ တစ်စိတ်တစ်ပိုင်းအနေနဲ့ ဗဟိုလက်ဝဲနှင့် လက်ဝဲယိမ်းတွေရဲ့ အမှားကြောင့်လည်း ဖြစ်ပါတယ်။ မဲဆန္ဒရှင်တွေအနေနဲ့ ဂလိုဘယ်လိုက်ဇေးရှင်းကမ္ဘာ့စီးပွားရေးမှာ သူတို့အတွက် နေရာကိုမြင်နိုင်မယ့် အစီအစဉ်တွေကို လက်ဝဲယိမ်းတွေက သေသေချာချာဖော်ထုတ်ထားတာမရှိဘူး။ သူတို့ရဲ့ စိုးရိမ်ပူပန်မှုတွေ ပြေပျောက်မယ့်အစီအစဉ်တွေမရှိဘူး’’ဟု မစ္စတာ တီဆာကာလိုတော့စ်က ဆိုသည်။

ခြွင်းချက်များလည်း ရှိပါသည်။ ပေါ်တူဂီနိုင်ငံတွင် ဆိုရှယ်လစ်များက အစိုးရဖွဲ့ရန် လက်ဝဲယိမ်းပါတီသုံးခုနှင့် မဟာမိတ်ဖွဲ့ခဲ့ပြီးနောက် မဲရရှိမှုအရေအတွက် ပိုမိုခိုင်မာလာခဲ့သည်။ သမ္မတအိုဘားမား၏ မဲဆွယ်မှုမျိုးလုပ်ခဲ့သော မော်လတာလေဘာပါတီ ခေါင်းဆောင်က ၎င်း၏ ဥရောပ မယုံကြည်မှုရပ်တည်ချက်ကို ဖယ်ရှားလိုက်ပြီးနောက် ၂၀၁၃ ရွေး ကောက်ပွဲတွင် တောင်ပြိုကမ်းပြို အနိုင်ရရှိခဲ့သည်။

သို့သော်လည်း ဆိုရှယ်ဒီမိုကရက်များဦးဆောင်သော (သို့) မဟာမိတ်အဖွဲ့တွင် ပါဝင်သော  အစိုးရများအပေါ် ထောက်ခံမှုကျ ဆင်းလာခဲ့သည်။ သြစတြီးယားနိုင်ငံတွင် အများအားဖြင့် အခမ်းအနားတက် သမ္မတရာထူးယှဉ် ပြိုင်မှုတွင် ဗဟိုနှင့် လက်ဝဲယိမ်း တစ်သီးပုဂ္ဂလပုဂ္ဂိုလ်ကို ၎င်းတို့၏ ကိုယ်စားလှယ်က ရှုံးနိမ့်ခဲ့သော်လည်း လူဝင်မှုဆန့်ကျင်သော၊ လူထုအကြိုက်လိုက်ပါတီဖြစ်သည့် လွတ်လပ်ရေးပါတီမှ နိုင်ငံ၏ အင်အားအတောင့်တင်းဆုံးပါတီအဖြစ် ရပ်တည်နေဆဲဖြစ်သည်။

ရွေးကောက်ပွဲရလဒ်များကို ပြောင်းပြန်လှန်ရန် (သို့) စိန်ခေါ်မှုကို တွန်းလှန်ရန်အတွက် မဲဆန္ဒရှင်များအား ၎င်းတို့လုပ်ပေးနိုင်သော ပမာဏမှာ အမေရိကန်မှ လက်ဝဲယိမ်းများထက်စာလျှင် ဥရောပလက်ဝဲယိမ်းများ၌ အကန့် အသတ်များရှိနေသည်။ အီးယူ၏  ဘတ်ဂျက်လိုငွေလျှော့ချရေး ရည်မှန်းချက်များကြောင့် ဥရောပနိုင်ငံများတွင် အစိုးရအသုံးစရိတ်တိုး မြှင့်ခြင်းများကို ရုတ်တရက်မလုပ်နိုင်ပေ။ ထို့အပြင် ယူရိုဇုန် ၁၉ နိုင်ငံတွင် နောက်ထပ်တုပ်နှောင်မှုများ ရှိနေသည်။ အမေရိကန်ကဲ့သို့ မဟုတ်ဘဲ ငွေကြေးများ ပုံနှိပ်ထုတ်ဝေ၍ စီးပွားရေးလှုံ့ဆော်ပိုင်ခွင့် ဥရောပနိုင်ငံများတွင် မရှိပေ။

ယခုဆိုလျှင် သစ်လွင်ပြီး ယခင်က အစွန်အဖျားတွင်သာရှိခဲ့သော လက်ဝဲစွန်းပါတီ (ဥပမာ စပိန်နိုင်ငံမှ ပိုဒီမော့စ်ပါတီ)နှင့် လက်ယာစွန်းပါတီ (ဥပမာ သြစတြီးယားမှ လွတ်လပ်ရေးပါတီ) တို့မှ အစဉ်အလာအင်အားကြီးခဲ့သော ဗဟိုလက်ဝဲနှင့် ဗဟိုလက်ယာပါတီများမှ မဲများကို ခွဲဝေရယူနေကြသည်။

ဗဟိုလက်ယာယိမ်းပါတီအများစုသည် လက်ယာစွန်းပါတီများထံသို့ မဲများဆုံးရှုံးနေသော်လည်း ဗဟိုနှင့် လက်ဝဲယိမ်းပါတီများမှာ ဘက်ပေါင်းစုံမှ အထုအထောင်းခံနေရသည်။

ဗြိတိန်မှ လေဘာပါတီနှင့် ပြင်သစ်ဆိုရှယ်လစ်များသည် အစဉ်အလာအားဖြင့် ၎င်းတို့ဘက်က အခိုင်အမာရပ်တည်မဲပေးခဲ့သော လူလတ်တန်းစားနှင့် အလုပ်သမားလူတန်းစားကြား စိုးရိမ်မှုများရှိနေသော လူဝင်မှုကြီးကြပ်ရေးကဲ့သို့ကိစ္စကို ပြေလည်အောင် ဖြေရှင်းရေး ရုန်းကန်နေကြရသည်။

ဗြိတိန်၏ အလုပ်သမားလူတန်းစား မဲဆန္ဒရှင်အများအပြားသည် လေဘာပါတီအစား ဥရောပကို မယုံကြည်သော ဗြိတိန်လွတ်လပ်ရေးပါတီကို ပြောင်းလဲမဲပေးခဲ့ကြသည်။ ယင်းပါတီမှာ ခေါင်းဆောင်မှုမတည်ငြိမ်သော်လည်း အီးယူမှ ဗြိတိန်နုတ်ထွက်ရေး မဲဆွယ်ခဲ့သော ပါတီဖြစ်သည်။

ပြင်သစ်နိုင်ငံတွင်လည်း မဲဆန္ဒရှင်များက ဆိုရှယ်လစ်များကို  စွန့်ခွာနေကြပြီး လက်ဝဲယိမ်းများဆီ ရွှေ့လျားသွားကြသည်၊ သို့မဟုတ်ပါကလည်း မာရင်လီပင်း၏ လက်ယာယိမ်းအမျိုးသားတပ်ဦးဆီ ဦးလှည့်နေကြပြီဖြစ်သည်။

‘‘လက်ဝဲယိမ်းတွေအတွက် အကျဘက်ယိုင်မှုဆက်လက် ဖြစ်ပေါ်နေမယ်လို့ မျှော်လင့်ပါတယ်’’ဟု ဗြိတိန်လေဘာပါတီအကြံပေးဟောင်းနှင့် လန်ဒန်မြို့ Queen Mary တက္ကသိုလ်မှ ပါမောက္ခ ပက်ထရစ်ဒိုင်းမွန်းက သုံးသပ်ပါသည်။

—Ref:WSJ