အိမ်ဖြူတော်က ဒီမိုကရေစီ

ဒေါ်နယ်ဂျေထရန့်သည် အရည်အချင်းမပြည့်မီတဲ့ စိတ်ဓာတ်ပိုင်းဆိုင်ရာ ကြံ့ခိုင်မှုမပြည့်ဝသူ၊ ဘယ်သောအခါမျှ သမ္မတမဖြစ်သင့်သူ၊ နိုင်ငံအတွက် အန္တရာယ်တစ်ရပ်ဟု သမ္မတအိုဘားမားက လပေါင်းများစွာပြောကြားခဲ့သည်။

မစ္စတာ ထရန့်က အိုဘားမား၏ မွေးရပ်မြေနှင့် ဥပဒေအကျုံးဝင်မှုကို နှစ်ပေါင်းများစွာ မေးခွန်းထုတ်ခဲ့ပြီး အမေရိကန်နိုင်ငံ၏ ပထမဆုံး လူမည်းသမ္မတသည် အားနည်းပြီး ၎င်း၏သမ္မတလက်ထက်မှာ ကပ်ဆိုးတစ်ခုဖြစ်သည်ဟု ပြောကြားခဲ့သည်။

နိုဝင်ဘာ ၁၀ ရက်ကြာသပတေးနေ့ကမူ တစ်ချိန်က လုံးဝမျှော်မှန်းမထားသောအရာ အိမ်ဖြူ တော်တွင်ဖြစ်ပေါ်ခဲ့သည်။ ထိုပုဂ္ဂိုလ်နှစ်ဦး ပထမဦးဆုံးအကြိမ် ဘဲဥပုံရုံးခန်းတွင် မျက်နှာချင်းဆိုင်ထိုင် တစ်နာရီခွဲခန့်ဆွေးနွေးကာ လက်ဆွဲနှုတ်ဆက်ခဲ့ကြခြင်းဖြစ်သည်။ နှစ်ဦးကြား ခါးသီးသော ကွဲပြားခြားနားမှုများ ဘေးဖယ်ထားလိုက်ကြောင်း လူထုရှိုးပွဲလုပ်ခဲ့သည်။

‘‘ရွေးကောက်ခံသမ္မတခင်ဗျာ၊ ကျွန်တော်အလေးအနက် ပြောချင်တာကတော့ ခင်ဗျား အောင်မြင်ရေးအကူအညီပေးဖို့ အခုအချိန်မှာ ကျွန်တော်တို့ လုပ်နိုင်တာ အားလုံးလုပ်ဆောင်ပေးနေတယ်ဆိုတာပါပဲ။ အကြောင်းကတော့ ခင်ဗျားအောင်မြင်ရင် တိုင်းပြည်အောင်မြင်မှာဖြစ်လို့ပါ’’ဟု ရွေးကောက်ပွဲနိုင်ပြီး နှစ်ရက်အကြာ နှစ်ဦးသားဘေးချင်းယှဉ်ထိုင်ပြီး ပြုလုပ်သော အစည်းအဝေးတွင် အိုဘားမားက ဒေါ်နယ်ထရန့်အား ပြောကြားသည်။ မိမိတို့အပြန်အလှန်ဆွေးနွေးမှုမှာ အကောင်းဆုံးဖြစ်ခဲ့ကြောင်း အိုဘားမားက ပြောကြားပြီး မိမိ၊ မိမိတို့အဖွဲ့နှင့် အလုပ်လုပ်ရန် မစ္စတာထရန့်၏ စိတ်ဝင်စားမှုကြောင့် အားတက်ရကြောင်း အိုဘားမားက ပြောသည်။

အိုဘားမား၏ ဘေးတွင် စိတ်လှုပ်ရှားနေပုံရပြီး ထူးခြားစွာ ရိုကျိုးပုံပေါ်နေသော မစ္စတာထရန့်က သမ္မတမှာ လူကောင်းတစ်ယောက်ဟု ပြောကြားကာ သမ္မတကို တွေ့ဆုံရခြင်းမှာ ကြီးမားသောဂုဏ်ကျက်သရေဖြစ်ပြီး မိမိတို့၏ဆွေးနွေးမှုမှာ မျှော်လင့်ထားသည်ထက် ပိုမိုကြာမြင့်ခဲ့သည်ဟု ဆိုသည်။

‘‘သူ့အပေါ် ကြီးမားတဲ့ လေးစားမှုရှိပါတယ်’’ဟု မစ္စတာ ထရန့်က ပြောကြားပြီး အိုဘားမားဘက်လှည့်ကာ ‘‘မတူညီတဲ့ အခြေအနေအမျိုးမျိုးကို ကျွန်တော်တို့ ဆွေးနွေးခဲ့ကြပါတယ်။ အရမ်းကောင်းတာတွေပါသလို ခက်ခဲတဲ့ အခြေအနေတွေလည်း ပါဝင်ပါတယ်။ နောက်အနာဂတ်မှာ သမ္မတနဲ့ဆွေးနွေးတိုင်ပင်တာတွေအပါအ၀င် ဆက်ဆံမှုတွေ အများကြီးလုပ်သွားဖို့ရှိပါတယ်’’ဟု  ထရန့်ကပြောသည်။ ထရန့်သည် ရွေးကောက်ခံရုံး (သို့မဟုတ်) အစိုးရအုပ်ချုပ်ရေးပိုင်းတွင် တာဝန်မထမ်းဆောင်ဖူးခြင်းကို ထောက်ရှုပါက အိုဘားမားသည် ထရန့်အား သမ္မတရုံး၏ ကြီးမားသောတာဝန်များကို အကျွမ်းတ၀င်ဖြစ်ရေး လုပ်ဆောင်ရာတွင် သာမန်ထက်ကြီးမားသော အခန်းကဏ္ဍမှာ ပါဝင်ရဖွယ်ရှိသည်ဟု အိမ်ဖြူတော်အရာရှိ အချို့က ဆိုသည်။

‘‘တွေ့ဆုံမှုဟာ တချို့မျှော်လင့်ထားတာထက်ပိုပြီး ကသိကအောက်ဖြစ်မှု ပိုနည်းပါတယ်’’ဟု အိမ်ဖြူတော်ပြောရေးဆိုခွင့်ရှိသူအရာရှိချုပ် ဂျော့ရ်ှအားနက်စ်က ပြောပါသည်။ ထရန့်အိမ်ဖြူတော်သို့ ရောက်လာပြီး ပထမဆုံးနေ့မှာပင် ရင်ဆိုင်ရမည့် နိုင်ငံခြားရေး နှင့် ပြည်တွင်းမူဝါဒရေးရာကိစ္စများကို ပုဂ္ဂိုလ်နှစ်ဦးက ဆွေးနွေးခဲ့ကြသည်ဟု လက်ထောက်များက ပြောကြားပါသည်။ နိုဝင်ဘာ ၁၃ ရက်မှ စတင်၍ပင် ရွေးကောက်ခံသမ္မတသည် သမ္မတထံမှ နေ့စဉ် အစီရင်ခံစာမျိုးရရှိမည်ဖြစ်သည်။ ယင်းနေ့စဉ်အစီရင်ခံစာတွင် အမေရိကန်နိုင်ငံရင်ဆိုင်နေရသော ခြိမ်းခြောက်မှုအားလုံးအကြောင်း အထူးလျှို့ဝှက်သတင်းအချက်အလက်များ ပါဝင်ပါသည်။

အိမ်ဖြူတော်ပြင်ပနှင်းဆီ ဥယျာဉ်တွင်မူ အိမ်ဖြူတော်အရာ ရှိချုပ် ဒင်းနစ်အာရ်မက်ဒိုိုးနိုးတစ်ယောက်က ရွေးကောက်ခံသမ္မတ၏ သမက်နှင့် အကြံပေးဂျာရက် ကုရ်ှနာအား ခပ်အုပ်အုပ်လေသံ ဖြင့် စကားပြောရင်း အိမ်ဖြူတော် အနောက်ဘက်ဆောင်မှ ထွက်လာသည်ကို တွေ့မြင်ရပါသည်။ ၎င်းတို့နှစ်ဦး တောင်ဘက်မြက်ခင်း ပြင်တွင် လမ်းလျှောက်ရန် ထွက်သွားကြသည်။ ၎င်းတို့နှင့် မလှမ်းမကမ်းတွင် ထရန့်၏ လက် ထောက်များက တိုင်လုံးများ ထောင်ထားသော အိမ်ဖြူတော် လျှောက်လမ်းတွင် တစ်ဦးနှင့်တစ်ဦးပြန်ပြီး ဓာတ်ပုံရိုက်ပေးနေကြသည်။ ထိုနေရာမှာ ယမန်နေ့က ဒေါ်နယ်ထရန့်အောင်ပွဲခံပြီး အမျိုးသားစည်းလုံးညီညွတ်ရေးအတွက် သမ္မတအိုဘားမားက တိုက်တွန်းနေစဉ် သမ္မတလက်ထောက်အချို့ငေးငိုင်၊ ငိုကြွေးခဲ့သောနေရာဖြစ်သည်။

အိမ်ဖြူတော်တွေ့ဆုံမှုမှာ ရွေးကောက်ပွဲအနိုင်ရပြီးနောက်ပိုင်း ထရန့်၏ မြို့တော်ဝါရှင်တန်၌ ပထမဆုံးအလုပ်ရှုပ်ခဲ့သောနေ့၏ အဓိကအစိတ်အပိုင်းဖြစ်သည်။ ဇနီးသည် မီလာနီယာက အိမ်ဖြူတော်နေအိမ်တွင် မီရှဲလ် အိုဘားမားနှင့်အတူ လက်ဖက် ရည်သောက်ပြီး ထရူးမင်းလေသာဆောင်မှနေ၍ ၀ါရှင်တန်ကျောက်တိုင်အလှကို လှမ်းမျှော်ခံစားခဲ့သည်။ အမျိုးသမီးနှစ်ဦးသည် အိမ်ဖြူတော်တွင် ကလေးများပြုစုပျိုးထောင်ခြင်းကို ဆွေးနွေးခဲ့ကြသည်ဟု အိမ်ဖြူတော်အရာရှိများက ပြောပြပါသည်။

‘‘ဒီလို အကူးအပြောင်းအတွက် ပြင်ဆင်နေချိန်မှာ သူတို့ ကြိုဆိုမှုရတယ်လို့ ခံစားရအောင် လုပ်ဆောင်ပေးချင်ပါတယ်’’ဟု ထရန့်ဇနီးမောင်နှံနှင့် ပတ်သက်၍ အိုဘားမားက ပြောသည်။

နောက်ပိုင်းတွင် ဒေါ်နယ်ထရန့်သည် ရီပက်ဘလေကန်လွှတ်တော်ခေါင်းဆောင်များနှင့် တွေ့ဆုံပြီးနောက် အောက်လွှတ်တော်ဥက္ကဋ္ဌ ပေါလ်ဒီရိုင်ယန်နှင့်အတူ လေသာဆောင်တစ်ခုဆီ လမ်းလျှောက်သွားခဲ့သည်။ ထိုလေသာဆောင်မှ လှမ်းမြင်ရသော လွှတ်တော်အနောက်ဘက်ခြမ်းစင်မြင့်မှာ ၂၀၁၇ ဇန်န၀ါရီ ၂၀ ရက်တွင်မစ္စတာထရန့် ကျမ်းသစ္စာကျိန်ဆိုမည့်နေရာပင် ဖြစ်သည်။

‘‘တကယ့်ကို လှပတဲ့ နေရာ ပါ’’ဟု ဒေါ်နယ်ထရန့်က ယင်းမြင်ကွင်းကို မှတ်ချက်ပြုသည်။

ရွေးကောက်ခံသမ္မတသည် နယူးယောက်မြို့မှနေ၍ ရေဂင် အမျိုးသားလေဆိပ်သို့ ၎င်း၏ အမှတ်တံဆိပ်ထရန့်ဆိုသော နာမည်စာလုံးရေးထိုးထားသော ဂျက်လေယာဉ်ဖြင့် ရောက်ရှိလာခဲ့ခြင်း ဖြစ်သည်။

ထရန့်သည် ဇနီးသည်နှင့်အတူ နေ့လယ်စာကို လွှတ်တော်ကလပ်တွင် စားသုံးခဲ့သည်။ မိမိအားလှိုက်လှဲစွာ မထောက်ခံခဲ့ခြင်းအတွက် အားနည်းပြီး ထိရောက်မှုမရှိသော ခေါင်းဆောင်ဟု ၎င်းကင်ပွန်းတပ်ခဲ့သော အောက်လွှတ်တော်ဥက္ကဋ္ဌ ရိုင်ယန်နှင့် ငြိမ်းချမ်းရေးထိပ်သီးအစည်းအဝေးပင်ဖြစ်ပါသည်။

ထိုနောက်ပိုင်းလွှတ်တော်ဥက္ကဋ္ဌ ပေါလ်ရိုင်ယန်၏ ရုံးတွင်အစည်းအဝေးပြုလုပ်ပြီးနောက် ဒေါ်နယ်ထရန့်က လူဝင်မှုကြီးကြပ်ရေး၊ ကျန်းမာရေးစောင့်ရှောက်မှုနှင့် အခွန်လျှော့ချရေး ၎င်း၏ အစီအစဉ်များ စတင်ရန် စိတ်လှုပ်ရှားနေသည်ဟု ပြောကြားခဲ့သည်။

ထိုကဲ့သို့ အခွန်လျှော့ချပြတ် တောက်မှုများနှင့် အခြေခံအဆောက်အအုံအပေါ် ပိုမိုသုံးစွဲမည့် အလားအလာများအပေါ် တက်ကြွသော ရင်းနှီးမြှုပ်နှံသူများကလည်း ဒေါင်ဂျုံးစ်ရှယ်ယာဈေးနှုန်းများအား စံချိန်တင်မြင့်တက်သွားစေ ခဲ့ပါသည်။

‘‘အမေရိကန်ပြည်သူတွေအတွက် လုံးဝကြီးကျယ်ခမ်းနားတာတွေ ကျွန်တော်တို့ လုပ်ဆောင်သွားပါမယ်။ အခွန်တွေ လျှော့ချမယ်။ ကျန်းမာရေးစောင့်ရှောက်မှုကို ပြင်ဆင်မယ်။ ပိုကောင်းအောင်၊ ပိုပြီးတက်နိုင်အောင်လုပ်မယ်။ လူထုအတွက် တကယ်အလုပ်လုပ်သွားမယ်’’ဟု ထရန့်ကဆိုသည်။

ဖက်ဒရယ်အစိုးရ၏ ကြီးမားသော ဗျူရိုကရေစီလည်ပတ်မှုကို ထရန့်၏ ၀န်ထမ်းများထံ လွှဲပြောင်းပေးရန် အိုဘားမား၏ ၀န်ထမ်းများက ပြင်ဆင်နေစဉ် ယင်းတွေ့ဆုံမှုနှင့် အစည်းအဝေးများ ဖြစ်ပေါ်လာခြင်းဖြစ်သည်။

အိုဘားမား၏ ထိပ်တန်းအကြံပေးများသည် ယခုအသွင် ကူးပြောင်းမှုအတွက် လပေါင်းများစွာ ပြင်ဆင်ခဲ့ကြသည်။ ယင်းမှာ ရှုပ်ထွေးသော လုပ်ငန်းစဉ်တစ်ခုကို သမ္မတသစ်ကျမ်းသစ္စာမကျိန်ဆိုမီ ၇၂ ရက်အတွင်း စုပြုံအနှစ်ချုပ်ရခြင်းဖြစ်သည်။

သမ္မတနှင့် ၎င်း၏ဆက်ခံသူ ကြားမူဝါဒကွဲပြားမှုများရှိနေသော်လည်း ၂၀၀၈ က သမ္မတဂျော့ခ်ျ ဒဗလျူဘုရ်ှပြသခဲ့သော နမူနာအတိုင်း လိုက်ရန်နှင့် အဆင်ပြေချောမွေ့ပြီး ပရော်ဖက်ရှင်နယ်ဆန်သော အာဏာလွှဲပြောင်းပေးမှု ပြုလုပ်ပေးရေး ၎င်း၏၀န်ထမ်းများအား ညွှန်ကြားထားသည်ဟု အိုဘားမားကပြောကြားသည်။

အိုဘားမားသည် ဒေါ်နယ်ထရန့်တို့ ဇနီးမောင်နှံအား အိမ်ဖြူတော်သို့ ဖိတ်ခေါ်ခဲ့သော်လည်း အိမ်ဖြူတော်အစဉ်အလာတစ်ခုကို ချန်လှပ်ခဲ့သည်။ ယင်းမှာ လက်ရှိသမ္မတဇနီးမောင်နှံနှင့် နောက်တက်မည့် သမ္မတဇနီးမောင်နှံတို့ အတူတကွ ဓာတ်ပုံရိုက်ခြင်းဖြစ်ပြီး ထိုကဲ့သို့ ပူးတွဲလေးဦး ဓာတ်ပုံပေါ်ထွက်မလာခဲ့ပေ။

Ref:Ny Times

Top News