ရှုပ်ထွေးနေသော ကမ္ဘာကြီးအတွက် အသံသစ်

မည်သည့်စံနှုန်းဖြင့် တိုင်း တာသည်ဖြစ်စေ ကုလသမဂ္ဂ၏ အတွင်းရေးမှူးချုပ်သစ်အဖြစ် တောင်ကိုရီးယားမှ ဘန်ကီမွန်းကို အစားထိုးရန်မှာ ပေါ်တူဂီမှ အန် တိုနီယိုဂူတာရက်စ်မှာ အကောင်း ဆုံးရွေးချယ်မှုဖြစ်သည်။

သူ့မှာ အတွေ့အကြုံ၊ စွမ်း အားနှင့် သံတမန်ရေးပိုင်နိုင်ကျွမ်း ကျင်မှု ရှိပါသည်။ ဒေသဆိုင်ရာ စစ်ပွဲများ၊ ရုရှားနှင့် အနောက် နိုင်ငံများကြား မြင့်တက်လာသော တင်းမာမှု၊ အာရှတွင် တရုတ်က ရန်လိုသောပုံစံ ရယူလာမှုနှင့် အ ရှေ့အလယ်ပိုင်းနှင့် ဥရောပတွင် ဒုက္ခသည် အကျပ်အတည်းများ ရင်ဆိုင်နေရချိန်တွင် ကုလသမဂ္ဂ ကို ဦးဆောင်မည့် ဂူတာရက်စ်၏ အရည်အချင်းအားလုံး လိုအပ်ပါ လိမ့်မည်။

ယင်းစိန်ခေါ်မှုများကို ရင် ဆိုင်ရာတွင် အတွင်းရေးမှူးချုပ် ရာထူးနေရာမှာ အာဏာပါဝါ အကန့်အသတ်ရှိပါသည်။

နိုင်ငံမဲ့ အကြမ်းဖက်အုပ်စုများနှင့် နိုင်ငံတကာနယ်စပ်များ ကျော်လွန်ဖြစ်ပေါ်နေသော ပုန် ကန်မှုများနှင့်ဆိုလျှင် အတွင်းရေး မှူးချုပ်တစ်ဦး၏ သံတမန်ရေး သြဇာမှာ ပို၍ပင် အကန့်အသတ် ရှိသည်။

ဂူတာရက်စ်၏ အလုပ်အများစုမှာ အဖွဲ့ဝင် ၁၉၃ ဦး ပါဝင်သော ကုလသမဂ္ဂအဖွဲ့ကြီးအား အကြမ်း ဖက်ဝါဒ၊ စစ်ပွဲများနှင့် ရောယှက်နေပြီး အင်အားစုများစွာက မောင်းနှင်နေသော ခေတ်ကြီးတွင် မည်သို့ပဲ့ကိုင်မည်နည်း စဉ်းစားတွေးတောရန် ဖြစ်ပါလိမ့်မည်။

ဝန်ကြီးချုပ်အဖြစ် ပေါ်တူဂီ နိုင်ငံအား ဦးဆောင်ခဲ့ပြီးနောက် ဂူတာရက်စ်သည် ကုလသမဂ္ဂဒုက္ခသည်များဆိုင်ရာ မဟာမင်းကြီးအ ဖြစ် ၂၀၁၅ အထိ တာဝန်ယူလုပ်ကိုင်ခဲ့သည်။

ဆီးရီးယား၊ အာဖဂန်နစ္စတန်၊ အီရတ်နှင့် အခြားနေရာများတွင် ဖြစ်ပွားနေသော စစ်ပွဲများမှ ထွက် ပြေးတိမ်းရှောင်နေရသူ သန်းပေါင်းများစွာအတွက် စားစရာ၊ နေစရာ ထောက်ပံ့ရင်း ဒုက္ခသည်များအတွက်လည်း အခြားနိုင်ငံများ၌ ခို လှုံနိုင်ရန် စီစဉ်ပေးခဲ့သည်။

အနောက်နိုင်ငံများက အကူ အညီပိုပေးရေး ဂူတာရက်စ်က ဖိအားပေးနိုင်ခဲ့သလို ခက်ခဲသော အခြေအနေများတွင် သဘောတူညီချက်များ ရရှိအောင် စွမ်းဆောင် နိုင်သူလည်းဖြစ်သည်။

ဒုက္ခသည် အကျပ်အတည်း ပိုမိုဆိုးရွားလာခဲ့သဖြင့် ဥရောပနှင့် အမေရိကန်နိုင်ငံတို့တွင် အမျိုးသားရေးဝါဒီများ၏ တွန်းကန်မှုများ ထွက်ပေါ်လာခဲ့သည်။

ယင်းပြဿနာအပေါ် ဂူတာရက်စ်၏ နားလည်မှုနှင့် တရားမျှတသော အဖြေရှာရေး အလေးအနက်ရှိမှုကြောင့် ဒုက္ခသည်များအား တံခါးပိတ်လိုက်ခြင်းထက် ၎င်းတို့အား လက်ခံရေးအစိုးရများကို ဆွဲဆောင်စည်းရုံးနိုင်မည်ဖြစ် သည်။

အရှေ့အလယ်ပိုင်းနှင့် အခြားနေရာများမှ စစ်ပွဲများကြောင့် ကုလသမဂ္ဂ၏ ပင်မလုပ်ငန်းဖြစ်သော ငြိမ်းချမ်းရေးအင်အားစုအဖြစ် ရပ်တည်မှုအပေါ် ယုံကြည်စိတ်ချမှုများ လျော့ပါးလာခဲ့သည်။

ဆီးရီးယား၊ လစ်ဗျားနှင့် ယီမင်နိုင်ငံတွင် ငြိမ်းချမ်းရေးသဘော တူညီချက်များရရှိရေး သံတမန် ရေး ကြိုးပမ်းအားထုတ်မှုများကို တိုးမြှင့်ရေး ဂူတာရက်စ်က ပြောကြားသည်။

 ယင်းကြိုးပမ်းအားထုတ်မှု များကို ဂူတာရက်စ် လုပ်ဆောင် နေစဉ်မှာပင် အီရန်နှင့် ဆော်ဒီအာရေးဗီးယားနိုင်ငံကြား အန္တရာယ်ရှိသော ပြိုင်ဆိုင်မှု အားလျော့ပါးရေး အားထုတ်ရမည်ဖြစ်သည်။

ထို့အတူပင် အီရန်နျူသဘော တူညီချက် အကောင်အထည်ဖော်ရေး၊ မြောက်ကိုရီးယားအပေါ် နျူ ပိတ်ဆို့တားဆီးမှုများ အကောင်အထည်ဖော်ရေးနှင့် ငတ်မွတ် ခေါင်းပါးမှုအန္တရာယ်ရှိနေသူများကို ကူညီရေးတို့လည်း လုပ်ဆောင် ရပါလိမ့်မည်။

ပဋိပက္ခဇုန်များတွင် ကုလ ငြိမ်းချမ်းရေးတပ်ဖွဲ့များ ထားရှိရေးမှာလည်း ယခင်ကထက် ပိုမိုများ ပြားနေသည်။

ယင်းအတွက် တပ်ဖွဲ့ဝင်များ ပိုမိုစေလွှတ်ပေးရေး နိုင်ငံအများ အပြားကို ဆွဲဆောင်စည်းရုံးရန် လိုအပ်လာပါသည်။ ထိုတပ်ဖွဲ့များက ကျူးလွန်သော လိင်ပိုင်းဆိုင်ရာ အကြမ်းဖက်မှုနှင့် အခြားချိုးဖောက်မှုများကို ရပ်တန့်ရေး ကုလသမဂ္ဂ၏ မလုံလောက်သော ကိုင်တွယ်မှုများမှာ ရှက်ဖွယ်လိလိ မှတ်တမ်းတစ်ခုဖြစ်ပြီး ယင်းကို ပြန်လည်တည့်မတ်ရေး ဂူတာရက်စ်က ကြိုးစားပမ်းစား လုပ်ဆောင်ရမည်ဖြစ်သည်။

ထို့အပြင် ၂၀၁၄ က အီဘိုလာရောဂါပြဿနာကို လုံလောက်စွာ တုံ့ပြန်ရေး ပျက်ကွက်ခဲ့သော အေဂျင်စီများအား ပြုပြင်ပြောင်းလဲမှု သေချာစေရေး ကုလအရာရှိများက အာရုံစိုက်လုပ်ဆောင်ရေး ဂူတာရက်စ်က အခိုင်အမာ ပြောကြားရမည်ဖြစ်သည်။

၂၀၁၀ ဟေတီမြေငလျင် လှုပ်ခတ်ပြီးနောက် ကုလငြိမ်းချမ်း ရေးတပ်ဖွဲ့များကြောင့် ၀မ်းရောဂါ ကူးစက်မှု ပျံနှံ့ခဲ့ခြင်းမျိုးကို ပိုမို တာဝန်ခံရေးကိုလည်း သေချာ အောင် လုပ်ဆောင်ရမည်ဖြစ် သည်။

ကုလသမဂ္ဂ အတွင်းရေးမှူး ချုပ် ရာထူးအတွက် လပေါင်းများစွာပင် ဂူတာရက်စ်က ဦးဆောင်နေခဲ့သူဖြစ်သော်လည်း အရည်အ ချင်းပြည့်မီသော အမျိုးသမီးများ အပါအ၀င် အခြားယှဉ်ပြိုင်သူ တစ်ဒါဇင်ကျော်ရှိခဲ့သည်။

သို့သော် နောက်ဆုံးတွင် ကုလသမဂ္ဂ လုံခြုံရေးကောင်စီ အဖွဲ့ဝင် ၁၅ နိုင်ငံက ဂူတာရက်စ်အား ၀န်းရံခဲ့ကြပြီး ယမန်နေ့ကပင် မဲခွဲဆုံးဖြတ် ထောက်ခံချက်ပေးကာ လာမည့်သီတင်းပတ်၌ အထွေထွေညီလာခံကလည်း ထောက်ခံ ချက်ပေးရေး တောင်းဆိုခဲ့သည်။

၎င်း၏လက်ထက်တွင် အ မျိုးသမီးများအား ခေါင်းဆောင် ပိုင်းနေရာများပေးရေး ဂူတာရက်စ် က ကတိပြုထားပြီး ၎င်းအနေဖြင့် ကတိတည်ရပါလိမ့်မည်။

အင်တိုက်အားတိုက် ပြောဆိုလုပ်ကိုင်တတ်ပြီး နိုင်ငံရေးအရ ထိရောက်စွာ ဆက်သွယ်ပြောဆိုတတ်သူ ဂူတာရက်စ်သည် ကုလသမဂ္ဂဆိုင်ရာ ဗြိတိသျှသံအမတ် ကြီး မက်သူရိုင်ခရော့ဖ်ပြောသလို အတွင်းရေးမှူးချုပ်မျိုး ဖြစ်လာနိုင် သည်။ စုဝေးတိုင်ပင်မှု အင်အား ထောက်ပံ့ပေးနိုင်ပြီး ဆီးရီးယားစစ်ပွဲကဲ့သို့ အရေးကိစ္စရပ်များတွင် ကမ္ဘာကြီးက နှစ်ခြမ်းကွဲနေချိန် ဖြောင့်မတ်မှန်ကန် သြဇာရှိသော အတွင်းရေးမှူးချုပ်မျိုး ဖြစ်နိုင်သည်။

 ယင်းနှင့်အတူ အန္တရာယ် ပြွမ်းပြီး ရှုပ်ထွေးပွေလီနေသော ကမ္ဘာကြီးတွင် မှန်ကန်သော အခန်းကဏ္ဍကို ရှာဖွေနေဆဲအဖွဲ့ကြီးအပေါ် နာမည်ကောင်းပြန်လည် ရရှိရေးလည်း ကြိုးပမ်းရပေမည်။

Ref: The New York Times