"ပန်ဒါစက်ရုံ အလုပ်ရှင်နှင့် အလုပ်သမား ပြဿနာ အမြန်ဆုံးပြန်လည်ရှင်းလင်းပေးရေး ဆန္ဒပြ"

ဓာတ်ပုံ-ဖြိုးဖြိုးဇော်

ပန်ဒါ ချည်မျှင်နှင့်အထည်စက်ရုံမှ အလုပ်သမားများက ဆန္ဒပြတောင်းဆိုနေသည်မှာ ရက်ပေါင်း ၁၀၀ကျော်ကြာမြင့်လာ၍ စက်မှုဝန်ကြီးဌာနက ရက် ၂၀ အတွင်း အပြီးအပြတ်ဖြေရှင်းပေးရေး၊ စက်မှုဝန်ကြီးဌာနနှင့် ပန်ဒါကုမ္ပဏီတို့ ချုပ်ဆိုထားသော မူလစာချုပ်အား အပြည့်အဝအကောင်အထည်ဖော်ပေးရေး၊ စာချုပ်ကို ကုမ္ပဏီကချိုးဖောက်နေမှုအား စက်မှုဝန်ကြီးဌာနမှ အမြန်ဆုံးအရေးယူဆောင်ရွက်ပေးရေးတို့အတွက် အလုပ်သမား ၆၀၀ ခန့်က ယနေ့ (စက်တင်ဘာလ၂၃ရက်) နံနက် ၉ နာရီတွင် ပလိပ်မြို့၌ ဆန္ဒပြတောင်းဆိုခဲ့ကြသည်။

ပြည်သူ့လွှတ်တော် အစည်းအဝေးတွင် စဥ့်ကိုင်မြို့နယ် ပြည်သူ့လွှတ်တော်ကိုယ်စားလှယ်ဒေါက်တာ ကြည်မို့မို့လွင်၏ ပန်ဒါကုမ္ပဏီနှင့်အလုပ်သမားကြား ကာလရှည်ကြာ မကျေနပ်မှု တင်းမာနေမှုကြောင့်ဖြစ်ပွားနေရသည့် အလုပ်သမားသပိတ်ကို အပြီးပြတ်ပြေလည်မှုရရှိရန် အချိန်ကာလတိကျစွာ သတ်မှတ်ဖြေရှင်းပေးရန် မေးမြန်းမှုနှင့် စက်မှုဝန်ကြီးဌာန ပြည်ထောင်စု ဝန်ကြီးဌာန၏ ပြန်လည်ဖြေကြားချက်သည် ကွဲလွဲမှုများရှိနေသဖြင့် ဆန္ဒဖော်ထုတ်ရခြင်းဖြစ်ကြောင်း ဆန္ဒပြအလုပ်သမားများကပြောသည်။