သမိုင်းတွင် ၂၁ရာစုပင်လုံညီလာခံ အောင်မြင်စွာပြီးဆုံး

ညီလာခံပြင်ပတွင် ရင်းရင်းနှီးနှီးစကားပြောဆိုနေသော ဒေါက်တာတင်မျိုးဝင်းနှင့် ဗိုလ်ချုပ်ဂွန်မော် (ဓာတ်ပုံ - ဂျေမောင်မောင်(အမရပူရ))

၂၁ရာစုပင်လုံညီ လာခံ ပထမအစည်းအဝေးသည် ထောက်ခံကြိုဆိုမှုများနှင့် ဝေဖန် မှုအချို့အကြား အောင်မြင်စွာပြီးဆုံးခဲ့ပြီဖြစ်သည်။


ဒီမိုကရေစီအစိုးရသစ်လက် ထက် နိုင်ငံရေးဆွေးနွေးပွဲများအစ ပြုခြင်းအဖြစ် ပြည်ထောင်စုငြိမ်းချမ်းရေးညီလာခံ ၂၁ရာစုပင်လုံကို နေပြည်တော်တွင် လေးရက် ကြာ ပြုလုပ်ခဲ့သည်။ ၂၁ရာစုပင် လုံသည် ယခင်အစိုးရလက်ထက်က ကျင်းပခဲ့သည့် ပြည်ထောင်စုငြိမ်းချမ်းရေးညီလာခံနှင့် မတူညီသည့်ထူးခြားချက်အဖြစ် တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ်(NCA)လက်မှတ်ရေးထိုးထားခြင်းမရှိသည့် အင်အားကြီးတိုင်းရင်းသားလက်နက်ကိုင်အဖွဲ့များ တက်ရောက်လာခြင်းဖြစ်သည်။ ထို့အပြင်အစည်းအဝေး၌ သဘောထားအမြင်တင်ပြဆွေးနွေးမှုများကို နိုင်ငံပိုင်ရုပ်သံများမှတစ်ဆင့် တစ်နိုင်ငံလုံးသို့ တိုက်ရိုက်ထုတ်လွှင့်ပြသခဲ့သည်။

‘‘တိုက်ရိုက်ထုတ်လွှင့်တာ အောင်မြင်မှုအကြီးမားဆုံးတစ်ခု က နှစ်ပေါင်း ၆၀ကျော်ဒါမျိုးမရှိခဲ့ ဘူး။ နောက်တစ်ခုက NCA လက် မှတ်မရေးထိုးထားတဲ့ အဖွဲ့တွေ  တက်ရောက်လာပြီးတော့ UNFC ခေါင်းဆောင်ဗိုလ်ချုပ်ကြီးအင် ဘန်လ စကားလာပြောတယ်ဆို တာ ရှေ့ဆက်အလားအလာ ကောင်းတဲ့ တံခါးကို ကျယ်ကျယ် ဖွင့်လိုက်တဲ့သဘောဖြစ်ပါတယ်’’ ဟု နိုင်ငံရေးပါတီအစုအဖွဲ့မှ စိုင်း ကျော်ညွန့်က သုံးသပ်သည်။

အမျိုးသားခေါင်းဆောင်ကြီး ဗိုလ်ချုပ်အောင်ဆန်းဦးဆောင်၍ တောင်ပေါ်၊ မြေပြန့်မခွဲခြားဘဲ ဗြိ တိသျှတို့ထံမှ လွတ်လပ်ရေးရရှိရန် ၁၉၄၇တွင် ပင်လုံအစည်းအဝေးကျင်းပပြီး နှစ် ၇၀ခန့်အကြာ၌ ဗိုလ်ချုပ်၏သမီး  ငြိမ်းချမ်းရေးနိုဗယ်ဆုရှင် ဒေါ်အောင်ဆန်းစုကြည်ဦးဆောင်၍  စစ်မှန်သော ငြိမ်းချမ်းရေးဖော်ဆောင်နိုင်ရန် ၂၁ရာစုပင်လုံညီလာခံကို ကျင်းပခဲ့ခြင်းဖြစ်သည်။ ပြည်တွင်းစစ်သမိုင်းတစ်လျှောက် ငြိမ်းချမ်းရေးအတွက် အဖွဲ့အစည်းစုံ၊ လူပေါင်းစုံပါဝင်သော အဖြေရှာရန်ကြိုး ပမ်းသည့် သမိုင်းဝင်ညီလာခံဖြစ်သည်။ စီမံခန့်ခွဲမှု အားနည်းချက်အချို့ကြောင့် ဖွင့်ပွဲတက်ရောက်အပြီးတွင် ‘၀’အဖွဲ့ပြန်သွားသော်လည်း ညီလာခံမှာ ရည်မှန်းချက်အတိုင်း အောင်မြင်ခဲ့သည်။

‘‘ကျွန်မတို့ အားလုံးမျှော်မှန်း တဲ့ ဒီမိုကရေစီဖက်ဒရယ်ပြည် ထောင်စုတည်ဆောက်မယ်ဆိုရင် ကျွန်မတို့ တိုင်းရင်းသားတွေအား လုံး ပွင့်ပွင့်လင်းလင်းရင်းရင်းနှီး နှီးတန်းတူရည်တူ စုပေါင်းဆွေး နွေးညှိနှိုင်းအဖြေရှာနိုင်စေမယ့် ၂၀ရာစုပင်လုံညီလာခံနဲ့တူညီတဲ့ ၂၁ရာစုပင်လုံညီလာခံတစ်ခု ကျင်းပနိုင်ဖို့ အထူးပဲလိုအပ်ခဲ့ပါ တယ်။ ဒါဟာ ပြည်ထောင်စုငြိမ်း ချမ်းရေးညီလာခံကြီး စတင်ဖြစ်ပေါ်လာစေတဲ့ နောက်ခံအတွေးအခေါ်တွေဖြစ်ပါတယ်။ ကျွန်မတို့အစိုးရရဲ့ ဦးစားပေးလုပ်ငန်းစဉ်ကြီးတစ်ခုအနေနဲ့ ဒီညီလာခံစတင်ကျင်းပနိုင်ဖို့အတွက် ၂၀၁၆ ခုနှစ် လေးလ ၉ရက်နေ့ကစတင်ပြီး ဆောင်ရွက်ခဲ့တာဖြစ်ပါ တယ်’’ဟု ဒေါ်အောင်ဆန်းစုကြည်က အဖွင့်မိန့်ခွန်းတွင်ပြောကြားသည်။

၂၁ရာစုပင်လုံညီလာခံ လေး ရက်တာအစည်းအဝေးတွင် အစိုး ရ၊ လွှတ်တော်၊ တပ်မတော်၊တိုင်း ရင်းသားလက်နက်ကိုင်၊ နိုင်ငံရေး ပါတီ၊ တိုင်းရင်းသားကိုယ်စား လှယ်၊ ပါဝင်သင့်ပါဝင်ထိုက်သူ များအစုအဖွဲ့ ခုနစ်ဖွဲ့မှ ၇၅၀ဦး တက်ရောက်ခဲ့သည်။ အစုအဖွဲ့ အသီးသီးမှ တက်ရောက်သူ ၇၂ဦး က သက်ဆိုင်ရာအဖွဲ့အစည်းအ သီးသီး၏ သဘောထားအမြင်များ ကို ဆယ်မိနစ်စီ စာတမ်းဖတ်ကြား  တင်ပြခဲ့သည်။ အဆိုပါသဘောထားအမြင်၊ အယူအဆ၊ ရပ်တည်ချက်များကို တင်ပြသည့် ၁၀မိနစ်သည် မည်မျှအရေးကြီး ကြောင်း ညီလာခံကျင်းပရေးပူး တွဲကော်မတီဝင်ဒေါက်တာဆ လိုင်းလျန်မှုန်းဆာခေါင်းက အောက်ပါအတိုင်းပြောသည်။

‘‘ဆယ်မိနစ်စကားပြောဖို့အ တွက် နှစ်ပေါင်း ၆၀ စောင့်ရ တယ်။ သက္ကရာဇ်အနေနဲ့ ဒီလိုအ ခွင့်အရေးမျိုးကို နှစ်ပေါင်းများစွာ စောင့်နေရတယ်။ ဒီလိုအခွင့်အ ရေးမရလို့ တောထဲတောင်ထဲ၊ တိုက်ပွဲထဲမှာ ကျဆုံးနေတဲ့ အစိုး ရဘက်က တပ်မတော်သားဘယ် နှယောက်ရှိလဲ။ ကျွန်တော်တို့ တိုင်းရင်းသားလက်နက်ကိုင်အဖွဲ့ အစည်းထဲက ရဲဘော်ဘယ်နှ ယောက်သေခဲ့သလဲ။ ဒီလူတွေရဲ့ အသက်၊ ဒီလူတွေရဲ့သွေး၊ အဲဒါ ကို ကျွန်တော်တို့အနေနဲ့ လေးစား ဂုဏ်ပြုသင့်တယ်။ ငြိမ်းချမ်းရေး ရဲ့ အဖိုးအခအဖြစ် အားလုံးက လေးစားသင့်တယ်’’ဟု ၎င်းက ပြောသည်။

နိုင်ငံပိုင်ရုပ်သံများမှတစ် ဆင့် တိုက်ရိုက်ထုတ်လွှင့်ပြသမှု ကြောင့် အဖွဲ့အစည်းအသီးသီး၏ မတူညီသည့် ခံယူချက်များကို ပြည်သူများက ပထမဆုံးအကြိမ် ပွင့်လင်းမြင်သာစွာမြင်တွေ့ခွင့်ရခဲ့သည်။ အနာဂတ်ဖက်ဒရယ် ပြည်ထောင်စုတည်ဆောက်ရေး ကိစ္စနှင့် ပတ်သက်၍ သဘောထား တင်ပြမှုများမှာလေ့လာစောင့် ကြည့်သူများကြား ဂယက်ရိုက်ခဲ့ သည်။

ပြည်နယ်ဆိုင်ရာလက္ခဏာ တွင် လူမျိုးအပေါ်အခြေခံ၍ က ရင်နီပြည်နယ်၊ ကချင်ပြည်နယ်၊ ရခိုင်ပြည်နယ်၊ မွန်ပြည်နယ်၊ ရှမ်း ပြည်နယ်၊ ကရင်ပြည်နယ်၊ မြန် မာပြည်နယ်၊ ချင်းပြည်နယ်၊အမျိုးသားပြည်နယ်များ စသည့်ဖြင့် ဖွဲ့စည်းရေးကို ညီညွတ်သော တိုင်းရင်းသားလူမျိုးများ ဖက်ဒ ရယ်ကောင်စီ (UNFC) ကတင်ပြ ခဲ့သည်။ ထို့အပြင် ဖက်ဒရယ်ဒီမို ကရေစီပြည်ထောင်စု မြန်မာနိုင်ငံ အစား တန်းတူညီမျှမှုကို ဖော် ဆောင်နိုင်ရန် တိုင်းရင်းသားလူ မျိုးများအားလုံးကို ကိုယ်စားပြု သည့် နိုင်ငံအမည်သစ်တစ်ခုကို ဆွေးနွေးသင့်ကြောင်း UNFC က ဆိုသည်။

တပ်မတော်သားအစုအဖွဲ့ ဘက်ကမူ ပထ၀ီအခြေခံသော ပြည်နယ်ဖွဲ့စည်းရေးအပေါ် ရပ် တည်ထားသည်။

ပြည်ထောင်စုတပ်မတော် နှင့်ပတ်သက်သည့် လက်နက်ကိုင်အဖွဲ့အားလုံး အရပ်သားအုပ်ချုပ်မှုအောက်တွင် ထားရှိရန် UNFCက သဘောထားတင်ပြခဲ့ပြီး တပ်မတော်သားအစုအဖွဲ့ဘက်ကမူ လက်နက်ကိုင်တပ်များအားလုံး တပ်မတော်အောက်တွင်ရှိရမည့်မူဝါဒကို တင်ပြခဲ့သည်။

‘‘နောက်တစ်ခုကတော့ ဖက် ဒရယ်ပြည်ထောင်စုကို တည် ဆောက်ရင် ဒီမိုကရေစီစနစ်ကို လက်ခံရမယ်။ လက်ရှိတပ်မ တော်က ဒီမိုကရေစီပုံစံမဟုတ် ဘူး’’ဟု UNFC ဒုဥက္ကဋ္ဌ နိုင်ဟံသာ က ပြောကြားသည်။

သို့သော် ပြည်ထောင်စု၌ တပ်မတော်တစ်ခုတည်းသာထား ရှိရမည့်မူကို နှစ်ဖက်စလုံးက လက်ခံပြောကြားခဲ့သည်ကို တွေ့ ရသည်။

ပထမအကြိမ်ပင်လုံအစည်း အဝေးတွင် ဆုံးဖြတ်ချက်များမချ မှတ်ဘဲ သဘောထားအမြင်များ ကို မှတ်တမ်းအဖြစ်သာ စုစည်း ထားမည်ဖြစ်သည်။ ပထမအ စည်းအဝေးအပြီး ဆက်လက်ပြု လုပ်မည့် အမျိုးသားအဆင့်အပါ အ၀င် နိုင်ငံရေးဆွေးနွေးပွဲများ ဆက်လက်ဆွေးနွေးပြီးမှ ဆုံးဖြတ်ချက်ကို ချမှတ်မည်ဖြစ်သည်။ ဒေသအလိုက်၊ လူမျိုးအလိုက် အမျိုးသားအဆင့်နိုင်ငံရေး ဆွေးနွေးပွဲများကို အောက်တိုဘာ၌ ကျင်းပရန် စီစဉ်ထားသည်။ ဒုတိယအကြိမ် ပင်လုံအစည်းအဝေးကို နောက်ခြောက်လအကြာတွင် ဆက်လက် ကျင်းပမည်ဖြစ် သည်။

ယခုညီလာခံတွင် ဆုံးဖြတ် ချက်များမချမှတ်နိုင်သော်လည်း နှစ်ပေါင်း ခြောက်ဆယ်ကျော်ဖြစ် ပွားခဲ့သည့် ပြည်တွင်းလက်နက် ကိုင်ပဋိပက္ခကို ဖြေရှင်းနိုင်ရန် ခံ ယူချက်များကို ပွင့်လင်းစွာသိရှိ ခွင့်ရ၍ အလားအလာလွန်စွာ ကောင်းမွန်ကြောင်း လေ့လာ စောင့်ကြည့်သူများက ရှုမြင် သည်။

‘‘အခုတင်ပြတဲ့အချက်အ လက်တွေက တောင်နဲ့မြောက်လို အရမ်းဝေးကွာနေတဲ့အချက်တွေ လည်းရှိပေမယ့် ဒီနေ့ (စက်တင် ဘာ ၃ ရက်) ဒေါ်အောင်ဆန်းစု ကြည်လည်း ပြောသွားပါတယ်။ ဒီပြဿနာတွေမသိဘဲနဲ့ ကျွန် တော်တို့က ဘာတွေကို ဖြေရှင်း မလဲ။ ပြဿနာလို့ ပြောရင် ကျွန် တော်တို့မှားသွားပါလိမ့်မယ်။ ဒီ ခံယူချက်တွေကို ဘယ်ဆုံမှတ်မှာ သွားစုစည်းနိုင်မလဲဆိုတဲ့ဟာကို Stakeholder များက စဉ်းစားနိုင် မယ်ဆိုရင်တော့ဖြင့် ကျွန်တော်တို့ နိုင်ငံ အင်မတန်ကောင်းမွန်တဲ့နေ ရာ ရောက်နိုင်ပြီ’’ဟု နိုင်ငံရေးပါ တီအစုအဖွဲ့မှ စိုင်းကျော်ညွန့်က မှတ်ချက်ပြုသည်။

သို့ရာတွင် နောင်ကျင်းပ မည့် နိုင်ငံရေးဆွေးနွေးပွဲများ၌ NCA လက်မှတ်ရေးထိုးထားသည့် အဖွဲ့များသာ ပါဝင်ခွင့်ရရှိမည်ဟု ပြောရေးဆိုခွင့်ရှိသူများက အ တိအလင်း ထုတ်ဖော်ထားသည်။ ထို့ကြောင့် NCA တွင် အဖွဲ့အား လုံးပါဝင်နိုင်ရန် ပထမအကြိမ် ပင်လုံအစည်းအဝေးအပြီး၌ အ ကြိတ်အနယ်ဆက်လက် ညှိနှိုင်းရ မည့်အနေအထားဖြစ်သည်။ UNFC ခေါင်းဆောင်များကမူ NCA တွင် လက်မှတ်ရေးထိုးနိုင်ရန် နိုင်ငံရေးမူဘောင်ထဲမှ အချက်အ ချို့ကို ပြင်ဆင်ရန်လိုအပ်ကြောင်း ထောက်ပြကြသည်။ အဓိကအ ချက်နှစ်ချက်မှာ တစ်နိုင်ငံလုံး အ ပစ်အ ခတ်ရပ်စဲရေးကို တစ်ပြိုင် တည်း ကြေညာရန်နှင့် အားလုံးပါ ၀င်ရေးပင်ဖြစ်ကြောင်း UNFC က ဆိုသည်။

‘‘ဒီအစည်းအဝေးပြီးရင် အ ချိန်အခါသင့်သလို ဆက်လက်ညှိ နှိုင်းသွားမှာပါ။ အတတ်နိုင်ဆုံး ဒီ အခွင့်အရေးကို လက်မလွှတ်ဖို့ ကျွန်တော်တို့ ကြိုးစားပြင်ဆင်နေ ပါတယ်’’ဟု UNFC အဖွဲ့ဝင်  ရှမ်းပြည်တိုးတက်ရေးပါတီ (SSPP/SSA) ဒုဥက္ကဋ္ဌ စ၀်ခွန်ဆိုင်းက ဆိုသည်။

သမိုင်းတစ်လျှောက် တိုင်း ရင်းသားလက်နက်ကိုင်အဖွဲ့အ စည်းများ၊ အစိုးရ၊ လွှတ်တော်၊ တပ်မတော်၊ နိုင်ငံရေးပါတီ၊ အ ရပ်ဘက်အဖွဲ့အစည်းများ စသ ဖြင့် ယခုကဲ့သို့စုံညီသော ငြိမ်းချမ်း ရေး ညီလာခံတစ်ရပ်ကို မကျင်းပ နိုင်ခဲ့သေးပေ။ ထို့ကြောင့် ပြည် တွင်း စစ်သက်တမ်းအတိုင်း နှစ် ပေါင်း ၇၀ ခန့်အတွင်း ငြိမ်းချမ်း ရေးအတွက် သမိုင်းဝင်ညီလာခံ ဖြစ်သည်။

နိုင်ငံရေးမူဘောင်များ ဆွေး နွေးသုံးသပ်သည့်အစည်းအဝေး ကို စက်တင်ဘာအတွင်းတွင် ပြု လုပ်ရန်စီစဉ်ထားသည်။ ထိုအ စည်းအဝေးတွင် အစိုးရနှင့် NCA ရေးထိုးထားသော အဖွဲ့များအ ပြင် လက်မှတ်ရေးထိုးထားခြင်းမ ရှိသည့် UNFC ကိုယ်စားလှယ် များပါ တက်ရောက်မည်ဖြစ် သည်။

၂၁ ရာစုပင်လုံညီလာခံ ပထမအစည်းအဝေးမှာ နိုင်ငံရေး ဆွေးနွေးပွဲများအတွက် စမှတ် တစ်ခုသာဖြစ်ကြောင်း ညီလာခံ တက်ရောက်သူများနှင့် စောင့် ကြည့်လေ့လာသူများက သုံးသပ် သည်။ အစိုးရသစ်လက်ထက် အရှိန်အဟုန်မြှင့်ဆောင်ရွက်နေ သော ငြိမ်းချမ်းရေးလုပ်ငန်းစဉ်၏ တံခါးပေါက်တစ်ခုဟု ရှုမြင်ကြ သည့် ပင်လုံပထမအစည်းအဝေး မှာ ခေတ္တရပ်နားခဲ့ပြီဖြစ်သည်။

နိုင်ငံတော်၏အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်က တစ်ကမ္ဘာလုံးက စောင့်ကြည့်နေ သော ၂၁ ရာစုပင်လုံညီလာခံနှင့် ပတ်သက်၍ အစည်းအဝေးအ ပိတ် ကျေးဇူးတင်စကားတွင် ယခု ကဲ့သို့ ထည့်သွင်းပြောကြားသည်။

‘‘ကျွန်မတို့ဟာ ကိုယ်ရှိတဲ့ အချိန်လေးကို တန်ဖိုးရှိအောင် လုပ်ကြပါစို့။ ကိုယ်ရှိတဲ့အချိန် လေးကို အရင်တုန်းကဖြစ်ခဲ့တဲ့ ကိစ္စတွေကို ပြန်လှည့်ကြည့်ပြီး တော့ အာဃတတွေပွားနေမယ့် အစား၊ တစ်ဦးအပေါ် တစ်ဦး သံသယတွေပွားနေမယ့်အစား ကျန်တဲ့အချိန်အတွင်းမှာ ဘယ် လိုဒီအာဃာတတွေ ပျောက် အောင်လုပ်မလဲ၊ ဘယ်လို ဒီသံ သယတွေ ကင်းစင်သွားအောင် လုပ်မလဲ။ ဘယ်လိုကောင်းမွန်တဲ့၊ တန်ဖိုးရှိတဲ့ အမွေအနှစ်တစ်ခုကို ချန်ထားခဲ့မလဲဆိုတာကို စဉ်းစား ကြပါစို့လို့ ကျွန်မအနေနဲ့ တိုက် တွန်းချင်ပါတယ်။ အခု ကျွန်မတို့ ဒီညီလာခံအတွင်းမှာ တစ်ခါတ လေလည်း အထစ်အငေါ့တွေဖြစ် တယ်။ မပြီပြင်တဲ့ကိစ္စလေးတွေ လည်းရှိပါလိမ့်မယ်။ ဒါပေမဲ့ ဒီညီ လာခံဖြစ်မြောက်အောင်လို့ လုပ် ပေးတဲ့ပုဂ္ဂိုလ်များအားလုံးကို ကျွန် မလှိုက်လှိုက်လှဲလှဲကျေးဇူးတင် ပါတယ်။’’