"ခန္တီးရဲစခန်းမှာ အချုပ်သားတွေ အချုပ်ဖောက်ပြေး"

ခန္တီးမြို့ရဲစခန်းအချုပ်ကို အချုပ်သားများ ဖျက်ဆီးထွက်ပြေးရန်ကြိုးစားခဲ့ရာမှာ အချုပ်သားအချို့ထွက်ပြေးလွတ်မြောက်သွားကြောင်း စစ်ကိုင်းတိုင်းဒေသကြီးရဲတပ်ဖွဲ့မှ သတင်းရရှိသည်။

သြဂုတ်လ ၂၆ ရက် ည ၉နာရီခန့်က ဖြစ်ပွားခဲ့ခြင်းဖြစ်ပြီး ယင်းအချုပ်မှာ အချုပ်သား ၇၀ ဦးခန့် ရှိနေခဲ့ခြင်းဖြစ်သည်။ ၄င်းတို့အနက် ဆယ်ဦးထက်မနည်းသော အချုပ်သားများက အချုပ်ခန်းတံခါးကို ဖျက်ဆီး၍ ထွက်ပြေးရန်ကြိုးစားခြင်းဖြစ်ကြောင်း စစ်ကိုင်းတိုင်းဒေသကြီး ရဲတပ်ဖွဲ့မှ ရဲအရာရှိတစ်ဦးကပြောသည်။

"ဖြစ်စဉ်က မှန်ပါတယ်။ ကျတော်တို့ ဒီမနက် ရဲတပ်ဖွဲ့စာမေးပွဲတွေ စစ်ဆေးနေလို့ အသေးစိတ် မပြောနိင်သေးပါဘူး။ ကျတော်တို့ သေချာစိစစ်ပြီးမှ အသေးစိတ်ပြောနိုင်ပါ့မယ်" ဟု အထက်ပါ ရဲအရာရှိကပြောသည်။

အချုပ်သားများ ထွက်ပြေးရန် ကြိုးစားမှုကို ရဲတပ်ဖွဲ့က သေနတ်ပစ်ဖောက်ထိန်းသိမ်းခဲ့ရပြီး အချုပ်သားနှစ်ဦး လွတ်မြောက်သွားကာ ရဲတပ်ဖွဲ့ဝင်အချို့နှင့် အချုပ်သားအချို့ ဒဏ်ရာရခဲ့ကြောင်းလည်း သတင်းရရှိသည်။
 

Top News