"MPT ရဲ့ ထပ်ဆောင်းဝန်ဆောင်မှုများအား ယာယီရပ်ဆိုင်း"

မြန်မာ့ဆက်သွယ်ရေးလုပ်ငန်း(MPT)၏ သုံးစွဲသူများ၏ဖုန်းဘီလ်ထဲမှ အလိုအလျောက်ဖြတ်တောက်ခြင်းများ ဖြစ်ပေါ်ခဲ့သည့်အတွက် ၄င်းတို့၏ထပ်ဆောင်းဝန်ဆောင်မှုများအား ယာယီရပ်ဆိုင်းလိုက်ကြောင်း သြဂုတ် ၁၃ ရက် နံနက် ၂ နာရီခန့်က ဖေ့စ်ဘွတ်ခ်စာမျက်နှာမှ တစ်ဆင့်ကြေညာသည်။

ထပ်ဆောင်းဝန်ဆောင်မှုအတွက် ရယူအသုံးပြုသည့်စနစ်၏ အားနည်းချက်ကို အသုံးချကာ အခွင့်မဲ့ဝင်ရောက် ပြီး လှည့်ဖြားအသုံးပြုနေသည့်ဖြစ်ရပ်များကို တွေ့ရှိခဲ့သောကြောင့် ယာယီရပ်ဆိုင်းရန် ဆုံးဖြတ်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။

MPT အနေဖြင့် ဖြစ်နိုင်ချေရှိသော လှည့်ဖြားမှုများအတွက် ထပ်မံစစ်ဆေးမှုများ ပြုလုပ်သွားမည်ဟု ဆိုသည်။ ပြီးခဲ့သည့်ရက်ပိုင်းက MPT အသုံးပြုသူအချို့သည် ၄င်းတို့၏ ဖုန်းဘီလ်ထဲမှ အလိုအလျောက်
ဖြတ်တောက်ခံရခြင်းများနှင့် ရင်ဆိုင်ခဲ့ရကြောင်း လူမှုကွန်ရက်နှင့် MPT ဖေ့စ်ဘွတ်ခ်စာမျက်နှာသို့ တိုင်ကြားခဲ့ကြသည်။

မြန်မာ့ဆက်သွယ်ရေးလုပ်ငန်းနှင့် အကျိုးတူပူးပေါင်းဆောင်ရွက်နေသော ကုမ္ပဏီငါးခုမှ ထပ်ဆောင်းဝန် ဆောင်မှုအမျိုးအစား ၁၃၄ ခုပေးနေခြင်းဖြစ်သည်။