ရွေးကောက်ခံ ပြည်ထောင်စုလွှတ်တော်အမတ် ၈၀ ရာခိုင်နှုန်းခန့် ဒီချုပ်သိမ်းပိုက်

ပြည်ထောင်စုလွှတ်တော်သို့ ၁၂ ပါတီသာ ရောက်ရှိ

ပြည်ထောင်စုလွှတ် တော်ကိုယ်စားလှယ် ၄၈၈ ဦးကို ပြည်ထောင်စု ရွေးကောက်ပွဲ ကော်မရှင်က နိုဝင်ဘာ ၁၅ ရက် တွင် အပြီးသတ်ကြေညာခဲ့ရာ အမျိုးသားဒီမိုကရေစီအဖွဲ့ချုပ်က ကိုယ်စားလှယ် ၃၉၀ ဦးထိ တင် မြှောက်ခံခဲ့ရပြီး ရွေးကောက်ခံ ပြည်ထောင်စုလွှတ်တော်အမတ် ၈၀ ရာခိုင် နှုန်းခန့်အထိ သိမ်းပိုက် နိုင်ခဲ့သည်။

ဒီချုပ်က ပြည်သူ့လွှတ်တော် ၃၂၁ နေရာတွင် ၂၅၅ ဦးနှင့် အမျိုးသားလွှတ်တော် ၁၆၇ နေရာတွင် ၁၃၅ ဦးရွေးကောက်ခံခဲ့ရသည်။ ရွေးကောက်ခံပြည်ထောင် စု လွှတ်တော်ကိုယ်စားလှယ် ၄၈၈ဦးတွင် ဒီချုပ်က ၇၉ ဒသမ ၉ ရာ ခိုင်နှုန်းအထိ အနိုင်ရထားပြီး ကြေညာနိုင်ခြင်းမရှိသည့် မဲဆန္ဒနယ် သုံးနေရာထည့်တွက်ပါက ၄၉၁ ဦးတွင် ၇၉ ဒသမ ၄ ရာခိုင်နှုန်း အထိ အနိုင်ရထားသည်။

သို့သော် အဓိကပြိုင်ဘက် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှာ လွှတ်တော်နှစ်ရပ်တွင် ၄၁ နေရာသာရရှိပြီး လွှတ်တော်နှစ်ရပ်အတွက် စုစုပေါင်းထုတ်ပြန်သောရလဒ်၏ ၈ ရာခိုင် နှုန်းကျော်သာ ရရှိသည်။

၉၁ ပါတီဝင်ပြိုင် သော ရွေးကောက်ပွဲတွင် ၁၁ ပါတီနှင့် တစ်သီးပုဂ္ဂလတစ်ဦးသာ ပြည်သူ့လွှတ်တော်သို့ ရောက်ရှိ ခဲ့သည်။

အမျိုးသားလွှတ်တော်တွင် လည်း ပါတီရှစ်ခုနှင့် တစ်သီးပုဂ္ဂ လနှစ်ဦးသာ လွှတ်တော်ထဲ ရောက်ရှိသည်။

၂၀၁၀ ရွေးကောက်ပွဲတွင် ပြည်သူ့လွှတ်တော်သို့ ပါတီ ၁၅ ပါတီနှင့် အမျိုးသားလွှတ်တော်သို့ ၁၅ ပါတီရောက်ရှိခဲ့သည်။

ဒီချုပ်မပါဝင်သော ၂၀၁၀ ရွေးကောက်ပွဲတွင် ပြည်ခိုင်ဖြိုး ပါတီက ပြည်သူ့လွှတ်တော် ၃၂၅ နေရာတွင် ၂၅၉ ဦးနှင့် အမျိုးသား လွှတ်တော် ၁၆၈ နေရာတွင် ၁၂၉ ဦးအထိ အနိုင်ရခဲ့သည်။

၂၀၁၅ ရွေး ကောက်ပွဲရလဒ်များ ကြေညာရန်ကချင်ပြည်နယ် မြောက်ပိုင်းရှိ ဝေးလံခေါင်ဖျားဒေသဖြစ်သော နောင်မွန်းနှင့် ခေါင်လန်ဖူးမဲဆန္ဒနယ်များမှ ပြည်သူ့လွှတ်တော်နှစ်နေရာ၊ အမျိုးသားလွှတ်တော်တစ်နေရာနှင့် ပြည်နယ် လွှတ်တော်လေးနေရာသာကျန်ရှိပြီး နိုဝင်ဘာ ၂၀ တွင် အပြီးသတ်ထုတ် ပြန်ပေးနိုင်ရန်ဆောင်ရွက်မည်ဟု ဆိုသည်။  ယခုအခါမဲဆန္ဒနယ်အားလုံး၏ ၉၉.၀၄ ရာခိုင်နှုန်း ကြေညာပြီးဖြစ်သည်။


ပြည်သူ့လွှတ်တော်အတွက် ရွေးကောက်တင်မြှောက်ခံရသည့် ပါတီများမှ ကိုယ်စားလှယ်စာရင်း

၁။အမျိုးသားဒီမိုကရေစီအဖွဲ့ချုပ်ပါတီ -၂၅၅ ဦး
၂။ပြည်ခိုင်ဖြိုးပါတီ - ၂၉ ဦး
၃။ရခိုင်အမျိုးသားပါတီ -၁၂ ဦး
၎။ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီ - ၁၂ ဦး
၅။တအာင်း (ပလောင်) အမျိုးသားပါတီ - ၃ ဦး
၆။ပအိုဝ်းအမျိုးသားအဖွဲ့ချုပ် (PNO)ပါတီ - ၃ ဦး
၇။ဇိုမီးဒီမိုကရေစီအဖွဲ့ချုပ် -၂ ဦး
၈။ ကချင်ပြည်နယ် ဒီမိုကရေစီ ပါတီ - ၁ ဦး
၉။ဒီမိုကရက်တစ်ပါတီ -၁ ဦး
၁၀။လီဆူအမျိုးသားဖွံ့ဖြိုးတိုး တက်ရေးပါတီ (ဒူးလေးပါတီ) - ၁ ဦး
၁၁။ကိုးကန့်ဒီမိုကရေစီနှင့် ညီ ညွတ်ရေးပါတီ - ၁ ဦး
နှင့် တစ်သီးပုဂ္ဂလ ၁ ဦးပါဝင်သည်။ (စုစုပေါင်း ၃၂၁ ဦး)


အမျိုးသားလွှတ်တော်အတွက် ရွေးကောက်တင်မြှောက်ခံရသည့် ပါတီများမှ ကိုယ်စားလှယ်စာရင်း

၁။အမျိုးသားဒီမိုကရေစီအဖွဲ့ချုပ်ပါတီ - ၁၃၅ ဦး
၂။ပြည်ခိုင်ဖြိုးပါတီ - ၁၂ ဦး
၃။ရခိုင်အမျိုးသားပါတီ -၁၀ဦး
၎။ရှမ်းတိုင်းရင်းသားများ ဒီမိုက ရေစီအဖွဲ့ချုပ် - ၃ ဦး
၅။ဇိုမီးဒီမိုကရေစီအဖွဲ့ချုပ်ပါတီ -၂ဦး
၆။တအောင်း (ပလောင်) အမျိုး သားပါတီ - ၁ ဦး
၇။ပအိုဝ်းအမျိုးသားအဖွဲ့ချုပ် (PNO) ပါတီ - ၁ ဦး
၈။မွန်အမျိုးသားပါတီ - ၁ ဦး
နှင့်တစ်သီးပုဂ္ဂလ ၂ ဦးပါဝင်သည်။ (စုစုပေါင်း ၁၆၇ ဦး)