မြန်မာရွေးကောက်ပွဲကြောင့် အကျပ်ရိုက်စရာ ကြုံရတဲ့ တရုတ်

ဓာတ်ပုံ-ဂျေမောင်မောင်(အမရပူရ)

မြန်မာနိုင်ငံ၏ ရာဇ၀င်တင်မည့် ရွေးကောက်ပွဲနှင့်   အတိုက်အခံခေါင်းဆောင် ဒေါ်အောင်ဆန်းစု ကြည်၏ တစ်ကျော့ပြန် အပြတ်အသတ် အောင်ပွဲခံမှုက မြန်မာနိုင်ငံမြောက်ဘက်ကအိမ်နီးချင်း တရုတ်နိုင်ငံတွင် အကျပ်ရိုက်စရာမေးခွန်းများ ပေါ်ပေါက်လာ စေပါသည်။

ပထမမေးခွန်းမှာ တရုတ် ကွန်မြူနစ်ပါတီအစိုးရသည် နှစ်ပေါင်းများစွာတိုင် မြန်မာစစ်အစိုးရကို အူလှိုက်သည်းလှိုက် ပံ့ပိုးခဲ့အပြီး အရပ်သားများ ဦးဆောင် သော အစိုးရနှင့် မည်ကဲ့သို့ အဆင်ပြေအောင် စီမံခန့်ခွဲကိုင်တွယ်မည်နည်းဆိုသည် ဖြစ်သည်။

ဒုတိယမေးခွန်းက တရုတ် ပြည်သူ ပြည်သားများသည်ရက် ပိုင်းအတွင်း သူတို့ကိုယ် သူတို့ ပြန်လည်မေးခွန်းထုတ်ကြသည့် မေးခွန်းပင် ဖြစ်၏။ ‘‘မြန်မာတွေ တောင် ဒီမိုကရေစီရတယ်ဆိုရင် ငါတို့ကကော ဘာလို့မရနိုင်ရသလဲ’’ဆိုသည့် မေးခွန်းဖြစ်ပါသည်။


တရုတ်နိုင်ငံ Tsinghua တက္ကသိုလ် လူမှုရေးဘာသာ ပါမောက္ခ ဆွန်လီပင်းသည် တရုတ်တာဝန်ရှိသူများကို အနောက်တိုင်း ပုံစံဒီမိုကရေစီစနစ်သည် တရုတ်နိုင်ငံ၏ လက်ရှိတိုးတက်မှုများနှင့် မကိုက်ညီဘူးလားဆိုသည့် မေးခွန်းကို ပထမဆုံးမေးခဲ့သူ ဖြစ်သည်။

‘‘တကယ်တော့ ဒီမိုကရေစီ ဆိုတာ ပုံမှန်လူမှုအသိုင်းအ၀ိုင်းအ တွက် ပုံမှန်လမ်းစဉ်ပါ။ ဒီမိုကရေ စီနည်းနဲ့ နေရတဲ့ဘ၀ဆိုတာ လူ တွေကို သဘာဝအတိုင်းနေဖို့ ခွင့် ပြုပေးမယ့်အရာပါ။ လူကြီးတွေ က အရွယ်ရောက်တဲ့ ကလေးတွေ ကို စားတာနှင့် စကားပြောတာ ကို တစ်ပြိုင်တည်းမလုပ်နဲ့လို့ ပြောရုံနဲ့ စားတာနဲ့ ပြောတာက အတူလုပ်လို့မရတဲ့အရာလို့ ဆို လိုတာမဟုတ်ပါဘူး’’ဟု ၎င်းက တရုတ်ပြည်တွင် ဖေ့စ်ဘွတ်ခ်ကဲ့သို့ အသုံးများကြသည့် Sina Weibo ဘလော့ဂ်စာမျက်နှာ၌  ရေးသားပြီးတင်ခဲ့သည်ဟု ၀ါရှင်တန်အခြေ စိုက် အာရ်အက်ဖ်အေအသံလွှင့် ဌာန၏ သတင်းအရ သိရပါသည်။

အဆိုပါ ပို့စ်ကို ပြန်လည် ထပ်တင်သူပေါင်း မိနစ်ပိုင်းအ တွင်း အကြိမ်နှစ်ထောင်ကျော်ရှိ ခဲ့သည်ဟု အာရ်အက်ဖ်အေ အ သံလွှင့်ဌာနက သတင်းရေးသား ထားပါသည်။ ထိုကနေမှ တစ်ပါ တီစနစ်ကို ထောက်ခံသူနှင့် ဆန့် ကျင်သူများကြား အချေအတင် စကားရည်လုပွဲကြီး ဖြစ်လာခဲ့ပါ သည်။ သည်ဖြစ်ရပ်သည် လူမှု ရေးအင်တာနက် စာမျက်နှာများ ကို တင်းတင်းကျပ်ကျပ် ပိတ်ပင် ထားသော တရုတ်နိုင်ငံတွင် ဖြစ်ရိုးဖြစ်စဉ်တော့ မဟုတ်ပါ။

‘‘သူတို့က တစ်ယောက်ပြီး တစ်ယောက်မဲပေးကြတယ်’’ဟု မြန်မာနိုင်ငံတွင် တနင်္ဂနွေနေ့က ပြုလုပ်ခဲ့သော ရွေးကောက်ပွဲကို ရည်ညွှန်းပြီး ရှေ့နေလီဖန်ပင်၏ တွစ်တာစာမျက်နှာ၌ ရေးသား မှုကို ပြန်လည်ထပ်တင်ကြသည့် ပို့စ်တွေကလည်း လူအများဆုံး တင်ကြသည့် ပို့စ်ဖြစ်ပါသည်။

အမျိုးသားဒီမိုကရေစီအဖွဲ့ ချုပ်က မဲစာရင်းမှာ ၄၀ ရာခိုင်နှုန်း အသာဖြင့် ဦးဆောင်နေသည့်အ တွက် ဗုဒ္ဓဟူးနေ့က မြန်မာသမ္မတ ဦးသိန်းစိန်က ဒေါ်အောင်ဆန်းစု ကြည်ကို ဂုဏ်ပြုစကားဆိုခဲ့ပါ သည်။ သည်အချက်က အမျိုးသားဒီမုိုကရေစီ အဖွဲ့ချုပ်အာဏာကို လက်ခံယူဖို့အတွက် မြန်မာအစိုးရဘက်က အရွေ့ဖြစ်ပါသည်။

‘‘သူတို့တွေ ပြုံးနေတာ မြင် ရတယ်။ မြန်မာတွေက တရုတ် တွေထက် ပိုသာနေလို့လား။ အား လုံးသိတဲ့အတိုင်း မြန်မာရဲ့ဂျီဒီပီ။ လူလတ်တန်းစား၊ စာတတ်မြောက်ရေးနဲ့ ပို့ဆောင်ရေးက တရုတ်ထက် အများကြီးဆိုးပါတယ်’’

အခြား Weibo သုံးသူက တော့ အခြားနိုင်ငံတစ်ခုသည် လွတ်လပ်မှု။ ဒီမိုကရေစီနှင့် ပျော် ရွှင်ခြင်း ငရဲလမ်းပေါ်မှာ ရပ်နေ ပြီဟု နာနာကြည်းကြည်း မှတ် ချက်ပေးခဲ့သည်။ သည်အကြောင်းနှင့်ပတ်သက်ပြီး  တရုတ်လူမျိုးများ အကြား အပြန်အလှန် အချေအ တင်ပြောကြားမှုများကို အွန်လိုင်း ပေါ်တွင် တွေ့မြင်နိုင်ပါသည်။ သို့ သော်မူရင်းတင်သူ ဆွန်၏ ရေး သားချက်ကတော့ ပျောက်သွား ပြီဖြစ်ပါသည်။ ထို့အတူ Sina Weibo ဘလော့ဂ်စာမျက်နှာ မြန်မာလို ရိုက်ထည့်ပါက ဘာမှ ရှာလို့မရအောင် ပိတ်ထားလိုက် ပြီ ဖြစ်ပါသည်။

တရုတ်နိုင်ငံအနေဖြင့် ဒီမို ကရေစီစနစ်ဖြစ်လာနိုင်မည့် လူ ထုအုံကြွမှုရော ဒီမိုကရေစီပြုပြင် ပြောင်းလဲမှုများပါ ဖြစ်လာစရာ အကြောင်းမရှိချေ။ လူအများစုကို သည်အရာတွေက တိုင်းပြည် မတည်ငြိမ်မှု ဖြစ်စေသည်ဟု ကွန် မြူနစ်ပါတီ ၀ါဒဖြန့်မှုက နားသွင်း ထား၏။ တစ်ပါတီစနစ်ကသာ သူတို့အတွက် အကောင်းဆုံး စနစ်ဖြစ်နေဆဲပင်။

 တစ်ချိန်တည်းမှာပင် တရုတ်အစိုးရ၏ လုံခြုံရေး ကိုင် တွယ်မှုကလည်း မည်သည့်အုံကြွ မှုမျိုးမဆို ပြင်းပြင်းထန်ထန် နှိပ်ကွပ်မည်ဆိုသည်ကို သံသယရှိစရာမလို။ ပြီးခဲ့သည့်နှစ်က ဟောင်ကောင် ဒီမိုကရေစီဆန္ဒပြ မှုများအတွင်းကလည်း သည်လိုပဲ နှိမ်နင်းခဲ့သည်။

သို့သော် သည်တစ်ပတ်ပြန် ကျော့လာသည့် မေးခွန်းကမြန်မာ ရွေးကောက်ပွဲကို လေ့လာပြီး ပြန် လာခါစ တရုတ် Xiamen တက္က သိုလ် အရှေ့တောင် အာရှလေ့လာရေးဌာနပါမောက္ခ ဖန်ဟုန်ဝေ ကို အံ့အားသင့်စေခဲ့ပါသည်။

 ‘‘တရုတ်လူမျိုးတွေက မြန်မာရွေးကောက်ပွဲကို စိတ်ဝင် စားပါတယ်။ ဘာလို့လဲဆိုတော့ ဒီမိုကရေစီစနစ်က တချို့နိုင်ငံ တွေနဲ့ မသင့်တော်ဘူးဆိုတဲ့ အစဉ်အလာယုံကြည်မှုကို အားနည်း လာစေတယ်။ မြန်မာက တရုတ် ထက် ဆင်းရဲတာတောင်၊ ပညာ ရေးအဆင့်နိမ့်ပါးတာတောင် ဒီမို ကရေစီစနစ်ကို အေးအေးချမ်း ချမ်း ကူးပြောင်းနိုင်တယ်။ ငါတို့ တရုတ်နိုင်ငံလည်း ဘာလို့ မလုပ် နိုင်ရမလဲလို့ တရုတ်တွေက တွေး လာကြတယ်။ သူတို့က မြန်မာ တွေကို အားကျနေကြတယ်’’ဟု သူကပြောပါသည်။

 မြန်မာရွေးကောက်ပွဲကို လေ့လာရန် တရုတ်အစိုးရက ကိုယ်စားလှယ်အဖွဲ့တစ်ဖွဲ့ကို စေ လွှတ်ခဲ့ပြီး ချောချောမွေ့မွေ့ ပြီး ဆုံးသွားသည့်အတွက် ကြိုဆိုခဲ့ ကြပါသည်။

 ‘‘ရွေးကောက်ပွဲအပြီးမှာ နိုင်ငံတည်ငြိမ်ရေးနဲ့ ရေရှည်တိုး တက်ရေးအတွက် မြန်မာနိုင်ငံက ဥပဒေနဲ့အညီ နိုင်ငံရေးအစီအစဉ် တွေကို ဆက်လုပ်တာကို အိမ်နီးချင်းကောင်း တစ်ဦးအနေနဲ့ တရုတ်ဘက်ကလည်း အားပေးပါ တယ်’’ ဟု တနင်္လာနေ့က ပြုလုပ် သည့် ပုံမှန်သတင်းစာရှင်းလင်းပွဲ တွင် တရုတ်နိုင်ငံခြားရေးဝန်ကြီး ဌာန ပြောခွင့်ရသူ မစ္စတာဟောင် လီက ပြောကြားခဲ့သည်။

စစ်အစိုးရ အုပ်ချုပ်စဉ်ကာ လအတွင်း မြန်မာနိုင်ငံတွင် နိုင်ငံခြား ရင်းနှီးမြှုပ်နှံမှုများအနက် တရုတ်နိုင်ငံက အများဆုံး မြှုပ်နှံခဲ့၏။ သို့သော် စစ်အစိုးရကို ကျောထောက် နောက်ခံပေးပြီး ဒေသခံများ၏ စိုးရိမ်မှုများကို အလေးမထားဘဲ မြန်မာ၏သဘာဝသယံ ဇာတများကို အတိုင်းအဆမရှိ ထုတ်ယူခဲ့ခြင်း ဖြစ်သည်။ ထို့ကြောင့် မြန်မာလူမျိုးများက တရုတ်ကို သဘောမတွေ့ဖြစ်လာခဲ့သည်။

ဒီမိုကရေစီပြုပြင်ပြောင်းလဲရေ လုပ်ငန်းစဉ်များ လုပ်ကိုင်ခဲ့သော သမ္မတဦးသိန်းစိန်လက်ထက်တွင် နှစ်နိုင်ငံဆက်ဆံရေးဆိုးရွားလာခဲ့သည်။ ထို့အပြင်၎င်းက တရုတ်အစိုးရနှင့် ထိပ်တိုက်ရင်ဆိုင်ပြီး မြန်မာနိုင်ငံသားများအကြား အမျိုးသားရေးဝါဒများ နိုးကြွားလာအောင် ပြုလုပ်ခဲ့သည်။

မြန်မာအပေါ် အနောက် နိုင်ငံများက အရေးယူပိတ်ဆို့မှု​များ ရုပ်သိမ်းလာသည့်အချိန်တွင် ဧရာဝတီမြစ်ပေါ်ရှိ တရုတ်တို့၏ မြစ်ဆုံဆည်စီမံကိန်းရပ်ဆိုင်းခံရ သည်။ မြန်မာက ရင်းနှီးမြှုပ်နှံမှု များအတွက် အမေရိကန်၊ ဥရောပ၊ဂျပန်နှင့် အိန္ဒိယတို့ကို ပိုအာရုံစိုက်လာသည်။

တရုတ်အစိုးရအပေါ် မြန်မာ တို့၏ မယုံကြည်မှုက နေ့ချင်း ည ချင်းပျောက်သွားမည် မဟုတ်သ ကဲ့သို့  နှစ်နိုင်ငံ အစိုးရကြား ယုံ ကြည်မှုပြန်တည်ဆောက်ရန် လိုနေပြီဟု ပါမောက္ခဖန်က ဆိုပါသည်။

‘‘အနာဂတ်မှာ တရုတ်-မြန်မာ ဆက်ဆံရေးနဲ့ပတ်သက်ပြီး တရုတ်အာဏာပိုင်တွေက မသေ မချာဖြစ်နေကြတယ်။ ဘာလို့ဆိုတော့ သူတို့က အင်န်အယ်လ်ဒီနဲ့ အပြန်အလှန်ဆက်ဆံရေးကို မတည်ဆောက်ရသေးဘူး။ အင်န်အယ်လ်ဒီက ကွဲပြားတဲ့အယူအ ဆ လိုလားချက်ရှိပြီးတော့ အနောက်တိုင်းက အယူအဆတွေကို လက်ခံတယ်။ တရုတ်အစိုးရက သည်ရွေးကောက်ပွဲက မြန်မာပြည်က တရုတ်တွေရဲ့ အကျိုးစီးပွားတွေ ကို ထိခိုက်မှာ စိုးတယ်’’

 တရုတ်အစိုးရ၏ ဂလို ဘယ်လ်တိုင်းမ်သတင်းစာကမူ မြန်မာနိုင်ငံတွင် အာဏာအလွှဲအ ပြောင်းက တရုတ်နှင့် ဆက်ဆံ ရေးကို ထိခိုက်မည်မဟုတ်ဟု ဆိုပါသည်။ သို့သော် မြန်မာကို အမေရိကန်ပြည်ထောင်စုနှင့် နီး နီးကပ်ကပ် ဆက်ဆံခြင်းမပြုရန် တစ်ပြိုင်တည်းမှာပင် သတိပေးထားပါသည်။

‘‘မြန်မာက တရုတ်ရဲ့ ဆွေ မျိုးပေါက်ဖော်မူဝါဒကနေ ရရှိနေ တဲ့ မဟာဗျူဟာအနေအထားနဲ့ အရင်းအမြစ်တွေကို ပျက်စီးသွား အောင် အမေရိကန်ဆီကို မိုက် မိုက်မဲမဲ ဦးတည်သွားမယ်လို့ ဘယ်အကဲခတ်သူကမှ မထင်ပါ ဘူး’’ဟု အဆိုပါ သတင်းစာ၏ အယ်ဒီတာ့အာဘော်၌ ရေးသား ထားပါသည်။

သို့ရာတွင် တရုတ်အစိုးရ၏ ကွန်မြူနစ်ပါတီသည် မြန်မာနိုင်ငံတွင် ရွေးကောက်ပွဲကျင်းပချိန်အ ထိ စောင့်မနေနိုင်တော့ပေ။

ပြီးခဲ့သည့် ဇွန်လက အတိုက်အခံ ခေါင်းဆောင် ဒေါ်အောင် ဆန်းစုကြည်ကို ဘေဂျင်းသို့ ဖိတ် ခေါ်ခဲ့ပြီး ကော်ဇောနီခင်းကြိုဆို ခဲ့၏။ အပြန်အလှန်အားဖြင့် သူ ကလည်း တရုတ်ခေါင်းဆောင် များနှင့် ခင်မင်ရင်းနှီးမှုကို ထိန်းသိမ်းထားလိုပါသည်ဟု ဒေါ်အောင်ဆန်းစုကြည်က ပြောခဲ့သည်။

 သြစတြေးလျနိုင်ငံ Macquarie တက္ကသိုလ် တွဲဖက်ပါမောက္ခက ရှောင်တန်နယ်လ်က မြန်မာရွေးကောက်ပွဲရလဒ်ကို တရုတ်အစိုးရက ကြိုဆိုသည်ဆိုတာကို အနည်းငယ် အံ့အားသင့်သည်ဟု ဆိုပါသည်။ သည်အချက်မှာ တစိတ်တစ်ပိုင်းအားဖြင့် သမ္မတသိန်းစိန်အစိုးရ လက်ထက်တွင် နှစ်နိုင်ငံဆက်ဆံရေးကျဆင်းခဲ့တာကြောင့် ဖြစ်နိုင်ပါသည်။

 ‘‘နောက်ဆုံးအချိန်ကျမှ တရုတ်က သူတို့ရဲ့ အမှားတွေကို သိလာပြီး သူတို့ပုံရိပ်ကောင်းလာ ဖို့ ကြိုးစားလာတယ်။ မြန်မာနိုင်ငံ က အတိုက်အခံနဲ့ ဆက်ဆံရေး စတင်လာတယ်’’ဟု ဒေါ်အောင် ဆန်းစုကြည် ဘေဂျင်းကို လာ ရောက်စဉ်က တရုတ်အစိုးရက  နိုင်ငံတော်အကြီးအကဲကဲ့သို့  ကြို ဆိုခဲ့ပုံကို ကိုးကားပြီး ရှောင်တန် နယ်လ်က ပြောကြားခဲ့သည်။

‘‘အတိုချုပ်ပြောရင်တော့ ဒေါ်အောင်ဆန်းစုကြည်နဲ့ အင်န် အယ်လ်ဒီဟာ အနောက်နိုင်ငံတွေ နဲ့ ဆက်ဆံရေး အရမ်းကောင်းပေ မယ့် တရုတ်နဲ့လည်း ဆက်ဆံရေး တိုးတက်လာလိမ့်မယ်လို့ ကျွန်တော်ထင်ပါတယ်’’ ဟု ရှောင်တန်နယ်လ်က မြန်မာနိုင်ငံမှ အီးမေးလ်ဖြင့် ရေးသားပြောကြား ခဲ့သည်။

(၀ါရှင်တန်ပို့စ် သတင်းစာပါ ဆောင်းပါးရှင် Simon Denyer ၏ Burma's Election leaves Former Patron China with Uncomfortable Questions ဆောင်းပါးကို ထားထားမြင့် ဘာ သာပြန်ဆိုသည်။)