ရွေးကောက်ပွဲတွင် မှန်းချက်နှင့် နှမ်းထွက်မကိုက်သော ပါတီများ

အမျိုးသားတိုးတက်ရေးပါတီဥက္ကဋ္ဌ ဖြစ်သူ မဲဆွယ်စည်းရုံးနေစဉ် ဓာတ်ပုံ − NDP

၂၀၁၅ ရွေးကောက်ပွဲ မတိုင်မီ အနိုင်ရမည်ဟု သေချာပေါက် တွက်ဆပြင်ဆင်ထားသော ပါတီ အချို့မှာ အရှုံးနှင့်သာ ရင်ဆိုင် လိုက်ရပြီဖြစ်သည်။

အထူးသဖြင့် ပြီးခဲ့သည့် ၂၀၁၀ ရွေးကောက်ပွဲတွင် ပြည် ထောင်စုကြံ့ခိုင်ရေးနှင့် ဖွံ့ဖြိုးရေး ပါတီပြီးလျှင် ဒုတိယအများဆုံး အနိုင်ရခဲ့သည့် တိုင်းရင်းသား စည်းလုံးညီညွတ်ရေးပါတီနှင့် လွှတ်တော်နေရာ ၁၆ နေရာ အနိုင်ရခဲ့သည့် အမျိုးသားဒီမို ကရေစီ အင်အားစုပါတီတို့သည် ၎င်းတို့ အနိုင်ရခဲ့သည့် မဲဆန္ဒနယ် များကိုပင် ပြန်လည်ဆုံးရှုံးခဲ့ရ သည်။

 ထို့အပြင် ၂၀၁၅ ရွေး ကောက်ပွဲတွင် တောင်သူလယ် သမား လူထုလူတန်းစားများက အားပေးထောက်ခံထားသည်ဟု ဆိုထားသည့် မြန်မာနိုင်ငံတောင် သူလယ်သမား ဖွံ့ဖြိုးတိုးတက် ရေးပါတီနှင့် အစိုးရအဖွဲ့ဝင် ဝန် ကြီးအချို့ပါ ပါတီကို ဝင်ရောက် ရန် ကမ်းလှမ်းခံရသည်ဆိုသည့် အမျိုးသားတိုးတက်ရေးပါတီတို့ မှာလည်း ယခုသတင်းဆောင်းပါး ရေးသားချိန် နိုဝင်ဘာ ၉ ရက်က ရရှိထားသည့် မဲရလဒ်များအရ ရွေးကောက်ပွဲအောင်နိုင်သည့် မဲဆန္ဒနယ်တစ်နေရာမျှပင် မရရှိ ခဲ့ပေ။


တိုင်းရင်းသားစည်းလုံးညီညွတ်ရေးပါတီ ကိုယ်စားလှယ်လောင်းတစ်ဦး မဲဆွယ်နေစဉ်

ယခု ၂၀၁၅ ရွေးကောက်ပွဲ ရလဒ်အားလုံးကို ပြည်ထောင်စု ရွေးကောက်ပွဲ ကော်မရှင်က တရားဝင်ထုတ်ပြန်ခြင်းမရှိသေး သော်လည်း လတ်တလော ရရှိ ထားသည့် ရလဒ်များအရ တိုင်းဒေသကြီး ခုနစ်တိုင်းစလုံးနှင့်
ပြည်နယ်အချို့တွင် အမျိုးသား ဒီမိုကရေစီအဖွဲ့ချုပ်ကသာ မဲဆန္ဒ နယ်အများစု၌ အနိုင်ရရှိထားခြင်း ဖြစ်သည်။

ယခုရွေးကောက်ပွဲ ရှုံးနိမ့် ခြင်းအတွက် အဆိုပါ ပါတီလေးခု ထံ ဆက်သွယ်မေးမြန်းရာ အမျိုး သားဒီမိုကရေစီအင်အားစုပါတီ နှင့် အမျိုးသားတိုးတက်ရေးပါတီ တို့က ၎င်းတို့ပါတီတွင် အားနည်း ချက်မရှိဘဲ ပြည်သူများက ၎င်းတို့ ကိုယ်စားလှယ်များ၏ အရည်အ ချင်းကိုမကြည့်ဘဲ ပါတီကိုသာ ကြည့်၍ ရွေးချယ်ခဲ့ခြင်းကြောင့် သာ ရှုံးနိမ့်ခဲ့ရခြင်းဖြစ်ကြောင်း ပြောကြားသည်။

‘‘ကျွန်တော်တို့ပါတီက နေ ရာတော်တော်များများ မရနိုင် တော့ဘူးဆိုတာ သိပါပြီ။ NLD က တော်တော်များများနိုင်သွားပြီ။ ရလဒ်ကိုတော့ ပြည်သူကပေးတဲ့ အတိုင်း လက်ခံပါတယ်။ ၂၀၁၀ မှာ တစ်ပါတီတည်း ကြီးစိုးတဲ့ စနစ်ကို ဖြတ်သန်း ခဲ့ရတဲ့အတွက် လွှတ်တော်အတွင်းမှာ ပြောင်းလဲ မှုတွေ မမြန်ဆန်ခဲ့၊ မဖြစ်ခဲ့ဘူးဆို တာ ဒီငါးနှစ်သက်တမ်းမှာ တွေ့ ခဲ့ရပြီ။ အခု ၂၀၁၅ မှာလည်း ၂၀၁၀ ကထက်တောင် တစ်ပါတီ တည်းက လွှတ်တော်ထဲမှာ ပိုများ တဲ့ အရေအတွက်နဲ့ ဖြတ်သန်းဖို့ တောင် တွေ့နေရပါပြီ။ လွှတ် တော်ထဲမှာ မတူညီတဲ့ အတိုက် အခံပါတီ သုံး၊ လေးခုလောက် Check and Balance ပိုအား ကောင်းတဲ့ ဒီမိုကရေစီစနစ်နဲ့ သွားဖို့  မရှိတော့ဘူးပေါ့’’ ဟု ၂၀၁၀ ရွေးကောက်ပွဲတွင် ၁၆ နေရာအနိုင်ခဲ့ရသည့် အမျိုးသား ဒီမိုကရေစီအင်အားစု (NDF) ပါတီဥက္ကဋ္ဌ ဦးခင်မောင်ဆွေက ပြောသည်။

ရွေးကောက်ပွဲရှုံးနိမ့်ရခြင်း အတွက် ၎င်းတို့ပါတီတွင် အား နည်းချက်မရှိဘဲ ပါတီမှာငွေကြေး အင်အားမလုံလောက်ခြင်းသာရှိ ကြောင်းနှင့် သတင်းမီဒီယာများ က ဒေါ်အောင်ဆန်းစုကြည်၏ အင်န်အယ်လ် ဒီပါတီတစ်ခုတည်း ၏ လှုပ်ရှားမှုများကိုသာ ထောင့်ပေါင်းစုံက ဖော်ပြခဲ့ခြင်းကလည်း ၎င်းတို့ပါတီရှုံးနိမ့်ရန် ဖြစ်လာခဲ့ ကြောင်း ဦးခင်မောင်ဆွေက ဆက်လက်ပြောသည်။

မြန်မာနိုင်ငံ တောင်သူလယ်သမားဖွံ့ဖြိုးတိုးတက်ရေးပါတီဥက္ကဋ္ဌ မဲဆွယ်နေစဉ်
မြန်မာနိုင်ငံ တောင်သူလယ်သမားဖွံ့ဖြိုးတိုးတက်ရေးပါတီဥက္ကဋ္ဌ မဲဆွယ်နေစဉ်

ရွေးကောက်ပွဲ မတိုင်မီက အစိုးရအဖွဲ့ဝင် ၀န်ကြီးအချို့က ပါတီကိုယ်စားပြု၍ ရွေးကောက်ပွဲ ၀င်ရန်အထိ ကမ်းလှမ်းခံခဲ့ရသည် ဟု ဆိုခဲ့သည့် အမျိုးသားတိုးတက် ရေးပါတီကမူ ၎င်းတို့ပါတီအနေ ဖြင့် လက်ရှိရရှိထားသည့် ရလဒ် များအရ တစ်နေရာမျှ မနိုင်ခဲ့ သော်လည်း မဲဆန္ဒနယ်အချို့တွင် ပြည်ခိုင်ဖြိုးနှင့် ဒီချုပ်ပြီးလျှင် တတိယမဲအများဆုံး ရရှိခဲ့ခြင်း ဖြစ်ပြီး နယ်တွင် ပြည်သူများက ပါတီကိုသာကြည့်​မဲပေးရွေးချယ် ခြင်းဖြစ်ကြောင်း ယင်းပါတီမှ စဥ့်ကိုင် မဲဆန္ဒနယ်၌ ၀င်ရောက်ယှဉ် ပြိုင်ခဲ့ပြီး ရှုံးနိမ့်ခဲ့သည့် ပြည်သူ့ လွှတ်တော်ကိုယ်စားလှယ် ဒေါ်အိ အိခင်က ပြောသည်။

‘‘အခုကိုယ်မနိုင်တာကို ပြောရင် ပါတီထောင်ပြီး အခု ချက်ချင်း ရွေးကောက်ပွဲဝင်၊ ပြင် ဆင်ချိန်မရှိ၊ ချက်ချင်းစည်းရုံး၊ ပြီးတော့ ကိုယ်စားလှယ်တွေအား လုံးက ဒေသခံတွေရဲ့ စည်းရုံးအား နဲ့ ကိုယ့်ရဲ့ ဗျူဟာပေါင်းရင် စည်း ရုံးနိုင်မယ်ပေါ့။ ဒါပေမဲ့ တချို့က ဗျူ ဟာဆိုတာကို နားမလည်ဘူး။ နောက်တစ်ဖက်က နယ်မှာကိုယ့် Brand ပေါက်ဖို့၊ ကိုယ့်ကို လူသိ ဖို့ လုပ်ရတာခက်ခဲတယ်။ နယ်မှာ ပြည်သူက ပါတီကိုပဲကြည့်တယ်။ လူကိုမကြိုက်ရင်တောင် အဲဒီလူ ရဲ့ ပါတီမျက်နှာပဲကြည့်ပြီး အဲဒီ ပါတီကို ပေးခွင့်ပြုပါလို့ ပြောတဲ့ ပြည်သူရှိတယ်’’ဟု ၎င်းက ပြော သည်။

ရွေးကောက်ပွဲမတိုင်မီက မန္တလေးတိုင်း၏ ပြည်သူ့လွှတ် တော်နေရာများကို အနိုင်ရရန် မျှော်လင့်ခဲ့သော်လည်း အနိုင်မရ ခဲ့ကြောင်းနှင့် ကိုယ်စားလှယ် လောင်းများအနေဖြင့် ပါတီမူဝါဒ ကို ကောင်းစွာ သိနားလည်သဖြင့်
နိုင်နိုင်ရှုံးရှုံး ပါတီနှင့်လက်တွဲ၍ နိုင်ငံ့အရေးကို ဆက်လက်လုပ် ဆောင်မည်ဖြစ်ကြောင်း ဒေါ်အိအိခင်က ပြောသည်။

ပါတီကြီးတစ်ခုတည်းက နေ ရာအများစုကို နိုင်သွားခြင်းသည် ယခင်ကရော ယခုပါ အနာဂတ် အတွက် မကောင်းဘဲ ပါတီစုံ၊ အရောင်အသွေးစုံ၊ သဘောထား အမြင်စုံဖြစ်စေလိုကြောင်း ၎င်းက ဆက်လက်ပြောကြားသည်။

အနိုင်အရှုံးမသိရသေးသည့် ရှမ်းပြည်နယ်ရှိ နောင်ချိုနှင့် မိုး မိတ်၊ ကချင်ပြည်နယ်ရှိ ၁၈ နေ ရာမှလွဲ၍ ၎င်းတို့ဝင်ရောက်ယှဉ် ပြိုင်သော မဲဆန္ဒနယ်အားလုံးတွင် အနိုင်ရရှိခြင်း မရှိခဲ့ကြောင်းနှင့် ပါတီစုံဒီမိုကရေစီစနစ်၌ ငါးနှစ်တစ်ကြိမ်ရွေးကောက်ပွဲများတွင်ယခုကဲ့သို့ ရှုံးနိမ့်ခြင်းများကို ကြုံ တွေ့ရမည်သာဖြစ်ပြီး ပါတီကို ပြန်လည်ပြင်ဆင်သုံးသပ်မည်ဖြစ် ကြောင်း ယခုရွေးကောက်ပွဲ၌ တတိယအများဆုံးကိုယ်စားလှယ် လောင်းဦးရေ ၇၀၀ ကျော်ဖြင့် ၀င် ရောက်ယှဉ်ပြိုင်ခဲ့သည့် တိုင်းရင်း သား စည်းလုံးညီညွတ်ရေးပါတီ ဗဟိုအလုပ်အမှုဆောင်ဦးဟန်ရွှေ က ပြောသည်။

‘‘၂၀၁၀ တုန်းက နိုင်ခဲ့တဲ့ မြို့နယ် ၄၀ ကိုတော့ ပြန်နိုင်မယ် လို့ မျှော်လင့်ခဲ့တယ်။ ဒါပေမဲ့ မရ နိုင်တော့ပါဘူး။ ပြည်သူက ဆုံး ဖြတ်တဲ့အဆုံးအဖြတ်ကို ကျေ ကျေနပ်နပ် ခံယူပါတယ်။ ကျွန် တော်တို့ပါတီကို အဓွန့်ရှည်တည် တံ့အောင် ပြန်လည်ပြင်ဆင်သုံး သပ်ပါမယ်။ အစိုးရဖွဲ့နိုင်တဲ့ပါတီ ကတော့ ပြည်သူတွေကို အကျိုးပြုနိုင်အောင် ဦးဆောင်သွားရမယ်။ ပြည်သူတွေ ကျေနပ်မှုမရှိရင် တော့ NLD လည်း အခု USDP လို ဖြစ်မှာပေါ့’’ဟု ၎င်းက ပြောသည်။

လယ်သမားထုက ခေတ် အဆက်ဆက် ပေါ်ပေါက်ခဲ့ဖူးခြင်း မရှိသည့် လယ်သမားပါတီထူ ထောင်ရန် တောင်းဆိုခြင်း ကြောင့် မြန်မာနိုင်ငံတောင်သူ လယ်သမားဖွံ့ဖြိုးတိုးတက်ရေး ပါတီကို ၂၀၁၂ နိုဝင်ဘာ ၆ ရက် တွင် ပါတီဝင် ၂၁ ဦးဖြင့် ဖွဲ့စည်း ခဲ့သည်ဆိုသည့် သမ္မတလုပ်လိုသူ ဟု ထုတ်ဖော်ပြောကြားခဲ့သော ဦးကျော်စွာစိုး ဦးဆောင်သည့် မြန်မာနိုင်ငံ တောင်သူလယ် သမားဖွံ့ဖြိုးတိုးတက်ရေးပါတီမှာ လည်း တစ်နေရာမျှပင် အနိုင်ရရှိ ခဲ့ခြင်းမရှိပေ။

More in News Section

Top News