EITI လုပ်ငန်းစဉ်အတွက် အစိုးရတင်ပြသောစာရင်းနှင့် Global Witness စာရင်း အဆ ၅၀ ခန့်ကွာဟ

ကမ္ဘာ့အရည်အသွေးအကောင်းဆုံး ကျောက်စိမ်းများထွက်ရှိရာ ဖားကန့်ဒေသတွင် ရေမဆေးကျောက်ရှာဖွေနေသူများကို အောက်တိုဘာလဆန်းက တွေ့ရစဉ် (ဓာတ်ပုံ − ရဲအောင်သူ/အေအက်ဖ်ပီ)

  သဘာဝသယံဇာတ လုပ်ငန်းများ ပွင့်လင်းမြင်သာမှု ရှိစေရေး ဆောင်ရွက်ကျင့်သုံးမှု နိုင်ငံတကာ သဘောတူညီချက် (EITI)လုပ်ငန်းစဉ်တွင် မြန်မာအစိုးရ အဆိုပြုထားသည့် ကျောက်စိမ်းကဏ္ဍမှ ရရှိငွေသည် Global Witness (GW) အဖွဲ့က တွက်ချက်ထုတ်ပြန်သော ကျောက်စိမ်းမှ ရရှိငွေနှင့် နှိုင်းယှဉ်လျှင် အဆ ၅၀  ခန့် ကွာဟနေကြောင်း EITIအရပ်ဘက်ကိုယ်စားလှယ် ဦးဝမ်အောင်က ပြောသည်။


၂၀၁၆ ဇန်န၀ါရီတွင် နိုင်ငံတကာ EITI အဖွဲ့၌ မြန်မာနိုင်ငံက တင်ပြရမည့် စာရင်းတွင် အစိုးရပေးထားသည့် သတ္တုတွင်းကဏ္ဍမှ ၀င်ငွေရရှိမှုသည် အမေရိကန်ဒေါ်လာသန်း ၇၀၀ ခန့်သာရှိသည်။ ယင်းပမာဏတွင် ကျောက်စိမ်းမှ ရရှိငွေသည် ၉၅ ရာခိုင်နှုန်းခန့်ရှိသည်ဟု တင်ပြထားသည်ဟု ဆိုသည်။

‘‘အစိုးရက EITI တင်ပြဖို့ ၀င်ငွေက ယူအက်စ်သန်း ၆၅၀ လောက်ပဲရှိတယ်။ အခု GW က တင်ပြထားတဲ့ ၃၁ ဘီလီယံနဲ့ နှိုင်းယှဉ်ရင် အဆပေါင်း ၅၀ လောက်ကွာနေတယ်’’ဟု ကုမ္ပဏီ၊ အစိုးရ၊ အရပ်ဘက်အဖွဲ့အစည်းတို့ ပူးပေါင်းဖွဲ့စည်းထားသည့် EITI သုံးပွင့်ဆိုင်အဖွဲ့အစည်းတွင် ပါဝင်သူ ဦးဝမ်အောင်က ပြောသည်။

GW အဖွဲ့က ၂၀၁၄ တွင် မြန်မာနိုင်ငံ၏ ကျောက်စိမ်းထုတ်လုပ်မှုသည် အမေရိကန်ဒေါ်လာ ၃၁ ဘီလီယံ ရှိခဲ့သည်ဟု ထုတ်ဖော်ပြောကြားထားသည်။

အချက်အလက်ကွာဟနေမှု နှင့် ပတ်သက်၍ ရွေးကောက်ပွဲ အပြီး နိုဝင်ဘာတွင် ကျင်းပမည့်အစိုးရ၊ ကုမ္ပဏီ၊ အရပ်ဘက်အဖွဲ့ အစည်းတို့ တွေ့ဆုံကြမည့် အ လုပ်ရုံဆွေးနွေးပွဲ၌ သတ္တုတွင်းဝန်ကြီးဌာနသို့ ထုတ်ဖော်ပြောကြား မည်ဟု ၎င်းကပြောကြားသည်။

ထိုသို့ စာရင်းကွာဟနေမှု သည် မြန်မာနိုင်ငံက လုပ်ဆောင် နေသည့် တွင်းထွက်သယံဇာတ တူးဖော်ထုတ်လုပ်မှု ပွင့်လင်းမြင် သာစွာချပြရေး EITI လုပ်ငန်းစဉ်၏ ပုံရိပ်ကို ထိခိုက်နိုင်သဖြင့် အစိုးရတင်ပြထားသည့် စာရင်းအချက်အလက်များကို ပြန်လည်တိုက်ဆိုင်စစ်ဆေးမည်ဟု ဦးဝမ်အောင်က ဆိုသည်။

နိုင်ငံတကာသို့ ရှင်းလင်း တင်ပြသော စာရင်းသည် ထိုသို့ ကွာဟနေပါက အစိုးရစာရင်းကို အတည်ယူ၍ ဖွံ့ဖြိုးရေးလုပ် ဆောင်မည့် ၂၀၁၆ တွင် တက်လာမည့် အစိုးရအနေဖြင့် အတိုင်းအတာတစ်ခုအထိ အခက်အခဲ အကျပ်အတည်းဖြစ်စေမည်ဟု ၎င်းက ဆိုသည်။

ယခု EITI အဖွဲ့သို့ အစိုးရ တင်ပြထားသော စာရင်းများတွင် GW က ထုတ်ဖော်ပြောဆိုထားသည့် ကုမ္ပဏီများမရှိသဖြင့် အဆိုပါ ကုမ္ပဏီ၏ စာရင်းဇယားများ ကျန်ရှိနေသေးကြောင်း ၎င်းကဆို သည်။

GW က ကျောက်စိမ်းကဏ္ဍ တွင် ရင်းနှီးမြှုပ်နှံကြသည့် စစ်ဗိုလ်ချုပ်ဟောင်းကြီးများနှင့် ဆက်စပ် သော ကုမ္ပဏီများ၏ အချက်အ လက်ကို ရရှိအောင် နည်းမျိုးစုံဖြင့် ကြိုးပမ်းခဲ့ရသဖြင့် အစိုးရသည် ကျောက်စိမ်းကဏ္ဍ၌ EITI  စံနှုန်းများအတိုင်း ဆက်လက်ထိန်းသိမ်းလုပ်ကိုင်နိုင်မည်လား ဆိုသည်ကို မေးခွန်းထုတ်ခဲ့သည်။

မြန်မာနိုင်ငံကို EITI အဖွဲ့ဝင်လောင်းနိုင်ငံအဖြစ် ၂၀၁၄ တွင် နိုင်ငံတကာ EITI ဘုတ်အဖွဲ့က သတ်မှတ်ခဲ့သည်။ အဖွဲ့ဝင်လောင်းမှ စံချိန်မီအဖွဲ့ဝင်လောင်းနိုင်ငံ ဖြစ်ရေးအတွက် ၂၀၁၆ ဇန်န၀ါရီ၌ EITI အစီရင်ခံစာကို နိုင်ငံတကာ EITI အဖွဲ့သို့ တင်ပြရမည် ဖြစ်သည်။