ပြည်ထောင်စု တောင်သူလယ်သမား အင်အားစုပါတီ

၁။ ဥက္ကဋ္ဌ - ဦးမင်းသူ။

၂။ ပါတီဝင်အရေအတွက် - ၄,၀၀၀ ကျော်။

၃။ မဲဆန္ဒနယ်- ပဲခူးတိုင်းဒေသကြီးအတွင်း မြို့နယ် ငါးမြို့နယ်တွင်လွှတ်တော်ကိုယ်စားလှယ်လောင်း ငါးဦးဝင်ရောက်ယှဉ်ပြိုင်မည်။

၎။ ပါတီမူဝါဒ- မြန်မာနိုင်ငံ၏ ၇၀ ရာခိုင်နှုန်းရှိသော ကျေးလက်နေ တောင်သူလယ်သမားများ၏ လူနေမှုဘ၀ တိုးတက်မြင့်မားရေးအတွက် စက်မှုလယ်ယာစနစ်သို့ မြှင့်တင်ရန်၊ စက်မှုလုပ်ငန်းဖွံ့ဖြိုးတိုးတက်အောင် ပိုမိုဆောင်ရွက်မည်။ ထို့အပြင် အလုပ်သမားများ၏ အခွင့်အရေးကိုလည်း အလေးထားဆောင်ရွက်မည်။

၅။ ဆောင်ပုဒ်- လယ်သမား၊ အလုပ်သမားအခွင့်အရေးတွေ အောင်နိုင်ဖို့ ပြည်ထောင်စု တောင်သူလယ်သမား အင်အားစုပါတီကို မဲပေးစို့။

၆။ ကိုယ်စားလှယ်လောင်းရွေးချယ်မှုသတ်မှတ်ချက် - လယ်သမားအရေးကို လုပ်ဆောင်နိုင်သည့် အခြေခံလယ်သမားများကိုသာ ကိုယ်စားလှယ်လောင်းအဖြစ် ရွေး ချယ်ထားသည်။ ကိုယ်စားလှယ်လောင်းများ၏ ပညာအရည်အချင်းမှာ ကိုးတန်းမှ ဘွဲ့ရအထိပါဝင်သည်။

၇။ ပါတီရန်ပုံငွေ− ပါတီဗဟိုအလုပ်အမှုဆောင်အဖွဲ့များတိုင်ပင်ပြီး ပါတီရန်ပုံငွေကို ကိုယ်ထူကိုယ်ထစနစ်ဖြင့် သုံးစွဲကြသည်။

၈။ ပါတီနောက်ခံသမိုင်း- ယခင်က မြန်မာနိုင်ငံ တောင်သူလယ်သမားဖွံ့ဖြိုးတိုးတက်ရေးပါတီတွင် ပဲခူးတိုင်း စည်းရုံးရေးမှူးနှင့် မြို့နယ်ဥက္ကဋ္ဌအဖြစ် တာဝန်ယူဆောင် ရွက်ခဲ့သည်။ ၂၀၁၅ မတ်လတွင် ယင်းပါတီမှ နုတ်ထွက်ခဲ့ပြီးနောက် ၂၀၁၅ သြဂုတ်လတွင် ပြည်ထောင်စု တောင်သူလယ်သမားအင်အားစုပါတီကို စတင်ဖွဲ့စည်းခဲ့သည်။


ပါတီဥက္ကဋ္ဌနှင့်အမေးအဖြေ

လွှတ်တော်ထဲရောက်ရင် အခြေခံဥပဒေပြင်ဆင်ဖို့ ဘယ်လို မျိုးစွမ်းဆောင်နိုင်မလဲ။
၂၀၀၈ ဖွဲ့စည်းပုံအခြေခံဥပဒေဆိုတာကလည်း တိုင်းပြည် ပြောင်း လဲရေးမှာ အဓိကပါဝင်တဲ့အတွက် အခြေခံဥပဒေပြင်ဆင်ဖို့ ကြိုးစားသွား မယ်။ လွှတ်တော်ထဲရောက်သွားရင်လည်း ကျန်တဲ့ပါတီတွေနဲ့ပူးပေါင်းပြီး အခြေခံဥပဒေပြင်ဆင်ဖို့၊ အသစ်ရေးဆွဲဖို့ လာမယ့်လွှတ်တော်သက်တမ်း အသစ်မှာ တိုက်တွန်းလုပ်ဆောင်သွားမယ်။ နောက်ပြီး လယ်သမား အရေးအပြင်၊ တိုင်းပြည်ပြုပြင်ပြောင်းလဲရေးကိုလည်း ဖော်ဆောင်သွား မယ်။

လွှတ်တော်ထဲရောက်ရင် ပြည်တွင်းငြိမ်းချမ်းရေး ဖော်ဆောင်ရေး မှာ ဘယ်လောက်ထိ ကူညီပေးနိုင်မယ်လို့ ယုံကြည်သလဲ။
တိုင်းပြည်မှာ ပြည်တွင်းစစ်မဖြစ်ရင် အကောင်းဆုံးပါပဲ။ ကျွန် တော်တို့ပါတီက ပြည်ထောင်စုတောင်သူလယ်သမားအင်အားစုပါတီ ဖြစ်တဲ့အတွက် လယ်သမားနဲ့ တိုင်းရင်းသားတွေငြိမ်းချမ်းဖို့အတွက် စွမ်း စွမ်းတမံ လုပ်ဆောင်သွားမယ်။ အစိုးရနဲ့ တိုင်းရင်းသားလက်နက်ကိုင် အဖွဲ့တွေ ငြိမ်းချမ်းရေးရဖို့အတွက်လည်း ကြိုးစားသွားမယ်။ ပြည်တွင်း ပဋိပက္ခတွေချုပ်ငြိမ်းဖို့အတွက် အမျိုးသားရေးအမြော်အမြင်အပေါ် အ ခြေခံတဲ့ ငြိမ်းချမ်းစွာ တွေ့ဆုံဆွေးနွေး အဖြေရှာပြီး တောင်သူလယ်သမား တို့ရဲ့ အင်အားနဲ့ အမျိုးသားအကျိုးစီးပွားကို ကာကွယ်စောင့်ရှောက်သွား  မယ်။

ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထား သလား။
အဓိကက စားသောက်ကုန်ပစ္စည်းတွေ၊ ဈေးနှုန်းတည်ငြိမ်ဖို့ လို အပ်ပါတယ်။ ကုန်ဈေးနှုန်းတွေတည်ငြိမ်လာပြီဆိုရင် ပြည်သူတွေရဲ့ ၀င်ငွေ၊ ထွက်ငွေဟာမျှတလာမှာပါ။ အဲဒီလိုအခြေခံလူတန်းစားတွေ အသုံးပြုတဲ့ ကုန်ဈေးနှုန်းတွေတည်ငြိမ်ဖို့ ဥပဒေတွေ၊ နည်းဥပဒေတွ ရေးဆွဲပြဋ္ဌာန်းဖို့တိုက်တွန်းသွားမယ်။ လွှတ်တော်ထဲရောက်ရင် လယ် သမား၊ အလုပ်သမားနဲ့ ဆင်းရဲသားပြည်သူလူထုအတွက် သက်သာဈေး ဆိုင်တွေဖြစ်လာဖို့ တောင်းဆိုသွားမယ်။ ဒီမိုကရေစီစံနှုန်းပြည့်ဝလာရင် တော့ ခရိုနီတွေ အမြတ်ထုတ်လို့မရတော့ဘူး။

ပြည်သူတွေက ပြည်ထောင်စု တောင်သူလယ်သမားအင်အားစုပါတီကို ဘာကြောင့်မဲပေးသင့်သလဲ။
၇၀ ရာခိုင်နှုန်းရှိတဲ့ တောင်သူလယ်သမားတွေရဲ့ ဘ၀က ဆင်းရဲနေ တယ်။ လယ်သမားတွေရဲ့ ဘ၀ အောင်မြင်ရင် တိုင်းပြည်လည်း တည် ငြိမ်အေးချမ်းသွားမယ်။ ခေတ်အဆက်ဆက် ဗိုလ်ချုပ်တွေကို အလေးပြု တဲ့ဘ၀ကနေ လယ်သမားတွေကို အလေးပြုလာအောင်ကြိုးစားလုပ် ဆောင်သွားဖို့က ကျွန်တော်တို့ပါတီရဲ့ရည်မှန်းချက်ပါ။ လယ်သမားအပါ အ၀င် ပြည်သူလုထုအရေးကို အလေးထားဆောင်ရွက်မှာဖြစ်တဲ့အတွက် ကျွန်တော်တို့ပါတီကို မဲပေးလာကြမယ်လို့ ထင်ပါတယ်။

သမ္မတလောင်းရွေးချယ်ခွင့်ရှိရင် ဘယ်လိုပုဂ္ဂိုလ်မျိုးကို ရွေးချယ်မလဲ။
လယ်သမား၊ အလုပ်သမားဘ၀ကို မြှင့်တင်ပေးနိုင်တဲ့သူ၊ အခြေခံ လူတန်းစားအရေးကို ဂရုစိုက်နားထောင်ပေးပြီး လက်တွေ့အကောင် အထည်ဖော်ပေးနိုင်တဲ့သူကို သမ္မတအဖြစ်ရွေးချယ်သွားမယ်။

ဥက္ကဋ္ဌကိုယ်ရေးအကျဉ်း။

အသက်-(၃၈) နှစ်

ပညာအရည်အချင်း - ဥပဒေဘာသာရပ်(နောက်ဆုံးနှစ်)။

နိုင်ငံရေးဖြတ်သန်းမှု အတွေ့အကြုံ- ၁၉၈၈ တွင် နိုင်ငံရေးကို စတင် စိတ်ဝင်စားလာခဲ့ရာမှ ၂၀၀၇-၂၀၀၈ တွင် ပဲခူးမြို့နယ်ရှိ တိုင်းရင်းသား စည်းလုံညီညွတ်ရေးပါတီ၏ အလုပ်အမှုဆောင်အဖွဲ့တွင်ပါဝင်လှုပ်ရှား ခဲ့သည်။ ယင်းနောက်မြို့နယ်ဥပဒေအကြံပေးအဖွဲ့တွင်လည်း ပါဝင် ဆောင်ရွက်ခဲ့သည်။ ၂၀၁၃ မှ ၂၀၁၅ မတ်လအထိ မြန်မာနိုင်ငံတောင် သူလယ်သမား ဖွံ့ဖြိုးတိုးတက်ရေးပါတီတွင် ပါဝင်ဆောင်ရွက်ခဲ့ပြီး နောက် ၂၀၁၅ သြဂုတ်လတွင် ပြည်ထောင်စုတောင်သူလယ်သမား အင်အားစုပါတီကို တည်ထောင်ကာ ဥက္ကဋ္ဌအဖြစ်ဆောင်ရွက်ခဲ့သည်။

လက်ရှိအလုပ်အကိုင် - မှိုစိုက်ပျိုးရေးလုပ်ငန်း။

စံပြပုဂ္ဂိုလ်- ဗိုလ်ချုပ်အောင်ဆန်း၊ အမေရိကန်သမ္မတဟောင်းအေဗရာဟင်လင်ကွန်း

ဆက်သွယ်ရန် လိပ်စာ၊ ဖုန်းနံပါတ်- အမှတ် (၄၇၈)၊ နန်းတော်ကုန်း(၁) လမ်း၊ နန်းတော်ရာရပ်ကွက်၊ ပဲခူးမြို့၊ ပဲခူးတိုင်းဒေသကြီး၊ ဖုန်း၀၉-၄၅၈၀၂၁၂၃၃၊ ၀၉-၃၃၈၇၇၅၁၁

Top News