ဖက်ဒရယ်ပြည်ထောင်စုပါတီ (FUP)

၁။ ဥက္ကဋ္ဌ - ဦးစောသန်းမြင့်အောင်။

၂။ ပါတီဝင်အရေအတွက် - ၁၂,၇၀၀ ကျော်။

၃။ မဲဆန္ဒနယ်- ရန်ကုန်တိုင်းတွင် ခုနစ်မြို့နယ်၊ မန္တလေးတွင် နှစ်မြို့နယ်၊ မကွေး၊ ပဲခူး၊ ဧရာဝတီနှင့် မွန်ပြည်နယ်တို့တွင် တစ်မြို့နယ်စီနှင့် ရှမ်းပြည်နယ်တွင် လေးမြို့ နယ် စုစုပေါင်း မဲဆန္ဒနယ် ၃၈ နေရာ၌ ၀င်ရောက်ယှဉ်ပြိုင်မည်။

၎။ ပါတီမူဝါဒ- လွတ်လပ်ခြင်း၊ တရားမျှတခြင်း၊ တန်းတူညီမျှခြင်းစသော လောကပါလ တရားသုံးပါးကို အခြေခံပြီး ဖက်ဒရယ်ပြည်ထောင်စုစနစ် ရောက်အောင် ချဉ်းကပ်သွားမည်။ နိုင်ငံသားမှန်သမျှ တိုင်းရင်းသားမှန်သမျှ တန်းတူညီမျှသော အခွင့်အရေးရရှိအောင်ကြိုးစားဆောင်ရွက်သွားမည်။

၅။ ဆောင်ပုဒ်- အခွင့်အရေးတူညီ FUP။

၆။ ကိုယ်စားလှယ်လောင်းရွေးချယ်မှုသတ်မှတ်ချက် - မိမိဒေသကို အမှန်တကယ်လုပ်ဆောင်ပေးနိုင်သူ၊ ပြည်သူ့အကျိုးကို စေတနာထားပြီး ချစ်မယ့်သူနှင့် ပြည်ထောင်စု အကျိုးကို ဆောင်ရွက်ပေးနိုင်မည့်သူကို ကိုယ်စားလှယ်လောင်းအဖြစ် ရွေးချယ်သွားမည်။ ပါတီအပေါ်နှင့် ပြည်သူများအပေါ် သစ္စာမဖောက်ရန် ကိုယ်စားလှယ်လောင်း များကို ပါတီစည်းကမ်းချက်များပါသည့် ပဋိညာဉ်စာချုပ်ဖြင့် ချုပ်ဆိုထားသည်။

၇။ ပါတီရန်ပုံငွေ− ရန်ပုံငွေများကို ပါတီစတင်တည်ထောင်စဉ်ကတည်းက မိခင်ပါတီဖြစ်သည့် NBF (ညီနောင်တိုင်းရင်းသားပါတီများ ဖက်ဒရေးရှင်း)က ထောက်ပံ့ပေး သည်။ ပါတီရုံးငှားရန်၊ ပါတီဆက်လက်ရှင်သန်ရေးတို့တွင်လည်း ကူညီပေးသည်။ မဲဆွယ်စည်းရုံးရေးကာလတွင် ကမ်ပိန်းပြုလုပ်ရန်အတွက် မိခင်ပါတီမှ သိန်း ၅၀၀ အလှူငွေတောင်းခံထားသည်။

၈။ ပါတီနောက်ခံသမိုင်း- တိုင်းရင်းသားပါတီချင်း ယှဉ်ပြိုင်ပါက ပြည်မရှိပါတီများကို ထိုးဖောက်ရန် အခက်အခဲရှိခဲ့သည်။ ယင်းကြောင့် တိုင်းဒေသကြီးတို့တွင် ၀င်ပြိုင် နိုင်ရန် တိုင်းရင်းသားများအား ကိုယ်စားပြုသော ဖက်ဒရယ်ပြည်ထောင်စုပါတီကို ၂၀၁၃ ဒီဇင်ဘာ ၂၄ ရက်တွင် တောင်ကြီးမြို့၌ စတင်ဖွဲ့စည်းခဲ့သည်။


ပါတီဥက္ကဋ္ဌနှင့်အမေးအဖြေ

လွှတ်တော်ထဲရောက်ရင် အခြေခံဥပဒေပြင်ဆင်ဖို့ ဘယ်လို မျိုးစွမ်းဆောင်နိုင်မလဲ။
အခြေခံဥပဒေပြင်ဆင်ဖို့ထက် ပြည်သူတွေရဲ့ အခွင့်အရေးတွေရရှိ ဖို့ အဓိကဆောင်ရွက်သွားမယ်။ အခြေခံဥပဒေပြင်ဆင်ဖို့က တပ်မတော် ဘက်ကတောက်လျှောက် ကန့်ကွက်နေလို့ အန်ကယ်တို့ဘာမှလုပ်လို့ မရဘူး။ ပြည်ထောင်စုအစိုးရနဲ့ တိုင်းနဲ့ပြည်နယ်အစိုးရကြားမှာ Power (အာဏာ)ကွာဟမှုမရှိအောင် Power Sharing (အာဏာခွဲဝေမှု) တွေ လုပ်ရမယ်။ အဲဒီအပေါ်မှာမှ အခြေခံဥပဒေကို ပြင်ဆင်သွားလို့ရမယ်။

လွှတ်တော်ထဲရောက်ရင် ပြည်တွင်းငြိမ်းချမ်းရေး ဖော်ဆောင်ရေးမှာ ဘယ်လောက်ထိ ကူညီပေးနိုင်မယ်လို့ ယုံကြည်သလဲ။
ပြည်တွင်းငြိမ်းချမ်းရေးက အခုလည်းလုပ်နေတာပဲ။ ပြည်တွင်းငြိမ်း ချမ်းရေးမရမချင်းတော့ အန်ကယ်တို့လိုချင်တဲ့ ဖက်ဒရယ်ပြည်ထောင်စု စနစ်ဆိုတာ ဖြစ်လာမှာလည်း မဟုတ်ဘူး။ ဒီမိုကရေစီဆိုတာလည်း အ လှမ်းဝေးနေမှာပဲ။ ပြည်တွင်းငြိမ်းချမ်းရေးရရှိဖို့အတွက် ဆက်လက်ပြီးလုပ် ဆောင်သွားမယ်။ တပ်မတော်၊ အစိုးရ၊ လွှတ်တော်၊ တိုင်းရင်းသားလက် နက်ကိုင်အဖွဲ့တွေနဲ့ ပြည်သူတွေ၊ အရပ်ဘက်အဖွဲ့တွေ၊ နိုင်ငံရေးပါတီ တွေပူးပေါင်းပါဝင်ပြီး နိုင်ငံရေးတွေ့ဆုံဆွေးနွေးပွဲတွေကျင်းပမှ ဖက်ဒ ရယ်စနစ်က ရရှိမှာပါ။

ပြည်သူတွေရဲ့ ၀င်ငွေ၊ ထွက်ငွေမျှအောင် ကူညီပေးဖို့ စဉ်းစားထား သလား။
အစိုးရဖြစ်ရင်တော့ အားလုံးလုပ်လို့ရပါတယ်။ တကယ်လို့ ကျွန် တော်တို့က အစိုးရဖြစ်ခဲ့မယ်ဆိုရင် ပြည်သူတွေရဲ့ ၀င်ငွေ၊ ထွက်ငွေမျှတ အောင် လုပ်ပေးမယ်။ ဒါတွေက သိပ်ခက်ခဲတဲ့အလုပ်မှမဟုတ်တာ။  လက်ရှိအစိုးရရဲ့ စီမံခန့်ခွဲမှု လွဲမှားတာကြောင့် ပြည်သူတွေ ဒုက္ခရောက် နေရတယ်။ ပြည်ထောင်စုအစိုးရက စနစ်တကျ စီမံခန့်ခွဲနိုင်မယ်ဆိုရင် ပြည်သူတွေ ဆင်းရဲမှာမဟုတ်ဘူး။

ပြည်သူတွေက ဖက်ဒရယ်ပြည်ထောင်စုပါတီ(FUD)ကို ဘာကြောင့်မဲ ပေးသင့်သလဲ။
အန်ကယ်တို့ရဲ့ တကယ့်ခံယူချက်က လွတ်လပ်ခြင်း၊ တရားမျှ တခြင်း၊ တန်းတူညီမျှခြင်း စတဲ့အချက်တွေကို အခြေခံပြီး ဆောင်ရွက်နေ တာ။ ဒီအချက်တွေကို မကြိုက်တဲ့သူ ဘယ်သူမှမရှိဘူး။ အန်ကယ်တို့ အစိုးရဖြစ်ရင် (ဒါမှမဟုတ်) လွှတ်တော်ထဲရောက်ရင် ဒီအချက်တွေရရှိ အောင် ကြိုးစားသွားမယ်။ ဒါကြောင့် အန်ကယ်တို့ပါတီကို နှစ်သက် လက်ခံကြမယ်ဆိုရင် ပြည်သူတွေက အန်ကယ်တို့ကို တာဝန်ပေးကြည့် ပါ။ အန်ကယ်တို့ ကျေပွန်စွာထမ်းဆောင်သွားမှာပါ။

သမ္မတလောင်းရွေးချယ်ခွင့်ရှိရင် ဘယ်လိုပုဂ္ဂိုလ်မျိုးကို ရွေးချယ်မလဲ။
သမ္မတဆိုတာ အိမ်တစ်အိမ်မှာဆိုရင် အဖ (ဒါမှမဟုတ်) အမိဖြစ်ပါ တယ်။ အိမ်ထောင်စုတစ်စုအနေနဲ့ ပြောရရင် ကိုယ့်သားသမီးအားလုံးရဲ့ စားဝတ်နေရေး၊ ပညာရေး၊ ဖွံ့ဖြိုးတိုးတက်ရေးတွေကို ကြည့်ရှုသလို အစိုးရကလည်း ပြည်သူတွေကို ကိုယ့်သားသမီးအရင်းလို စောင့်ရှောက် ရမယ်။ အဲဒီလိုစိတ်ဓာတ်ရှိတဲ့ ပုဂ္ဂိုလ်မျိုးကိုရွေးချယ်သွားမယ်။

ဥက္ကဋ္ဌကိုယ်ရေးအကျဉ်း။

အသက်-(၆၀) နှစ်

ပညာအရည်အချင်း - B.Sc(Physics)

နိုင်ငံရေးဖြတ်သန်းမှု အတွေ့အကြုံ- ၈၈ အရေးအခင်းတွင် ပူတာအိုမြို့ ကျောင်းသားသပိတ်တွင်ပါဝင်ခဲ့သည်။ အလယ်တန်းပြ ကျောင်းဆရာ အလုပ်မှထွက်ကာနိုင်ငံရေးလှုပ်ရှားမှုများလုပ်ဆောင်ခဲ့သည်။ ၂၀၁၃ တွင် ဖက်ဒရယ်ပြည်ထောင်စုပါတီ တည်ထောင်ကာ ပါတီဥက္ကဋ္ဌအဖြစ် ဆောင်ရွက်နေသည်။

လက်ရှိအလုပ်အကိုင် - နိုင်ငံရေး။

စံပြပုဂ္ဂိုလ်- မရှိ။

ဆက်သွယ်ရန် လိပ်စာ၊ ဖုန်းနံပါတ်- အမှတ် ဘီ-၀၉၀၅၊ ၉ လွှာ၊လမ်းမ တော်ပလာဇာ၊ လမ်းမတော်မြို့နယ်၊ ရန်ကုန်။ ၀၉-၈၆၃၂၉၁၈၊၀၉-၂၀၄၂၉၉၆

Top News