လေးလအတွင်း ကမ္ဘာလှည့် အပျော်စီးသင်္ဘော ၁၉ စီး လာရောက်ခဲ့

ကမ္ဘာလှည့်အပျော်စီးသင်္ဘောတစ်စီး မြန်မာနိုင်ငံရောက်ရှိစဉ်/ဓာတ်ပုံ − ဂျေမောင်မောင်(အမရပူရ)

ယခုနှစ်အတွင်း မြန်မာနိုင်ငံသို့ ကမ္ဘာလှည့်ခရီးသည်တင် အပျော် စီးသင်္ဘော ၂၆ စီးလာရောက်ရန်ရှိပြီး ဧပြီလကုန်အထိ ၁၉ စီးလာရောက်ပြီးဖြစ်ကြောင်း ဟိုတယ်နှင့် ခရီးသွားလာရေး လုပ်ငန်းဝန်ကြီးဌာနမှ သတင်းရရှိသည်။
 

၂၀၁၅ ဧပြီလကုန်အထိ မြန်မာနိုင်ငံသို့ ကမ္ဘာလှည့်ခရီးသည်တင်အပျော်စီးသင်္ဘော ၁၉ စီးဖြင့် ခရီးသည်စုစုပေါင်း ၂၀,၁၄၇ ဦးဝင်ရောက်ခဲ့ပြီးဖြစ်ကြောင်း ဟိုတယ်/ခရီးက သတင်းထုတ်ပြန်သည်။  အဆိုပါသင်္ဘောကြီးများဖြင့် လာရောက်လည်ပတ်ကြသော နိုင်ငံခြားသားဧည့်သည်များသည် နေ့အချိန်တွင် လည်ပတ်စရာနေ ရာများသို့ လည်ပတ်ပြီး ညပိုင်း၌ သင်္ဘောပေါ်တွင် အိပ်သော ကြောင့် ဟိုတယ်အခန်းငှားရမ်းရ ခြင်းမရှိ၍ သာမန်နိုင်ငံခြား ဧည့်သည်များကဲ့သို့ပင် ၀င်ငွေမရကြောင်း ခရီးသွားလုပ်ငန်း ကျွမ်းကျင်သူတစ်ဦးက သုံးသပ်သည်။

အပျော်စီးသင်္ဘောအများစု သည် ထိုင်းနိုင်ငံ ဖူးခက်မှလာ ရောက်လေ့ရှိပြီး များသောအား ဖြင့် သုံးရက်ခန့်သာ ကမ်းကပ် ရပ်နားလေ့ရှိကြောင်း မြန်မာ့ဆိပ် ကမ်းအာဏာပိုင်မှ တာဝန်ရှိသူ တစ်ဦးက ပြောသည်။

၂၀၁၄တွင် ပင်လယ်ကူး အပျော်စီးသင်္ဘော ၁၈ စီးနှင့် ခရီးသည် ၁၈,၆၁၁ဦးသာရှိခဲ့ကာ ယခုနှစ် လေးလတာကာလအတွင်း ၁၉စီးနှင့် ခရီးသည် ၂၀,၁၄၇ ဦးဝင်ရောက်ခဲ့ပြီးဖြစ်ကြောင်း၊ ယခင်နှစ်ဝင်ရောက်မှုနှုန်းကိုကျော်သွားပြီဖြစ်ကြောင်း ဟိုတယ်/ခရီး စာရင်းများအရ သိရသည်။  မြန်မာနိုင်ငံသို့ ခရီးသည် ၀င်ရောက်မှုနှုန်းမှာ ၂၀၁၄ တွင် ၃ဒသမ ၀၅သန်းအထိရှိနေခဲ့ပြီး ယခုနှစ်တွင် ခရီးသည် ၄ ဒသမ ၅သန်းမှ ၅ သန်းအထိဝင်ရောက် နိုင်မည်ဟု သက်ဆိုင်ရာဝန်ကြီး ဌာနက ခန့်မှန်းထားသည်။

 

Top News