နှစ်ပေါင်း ၂၅ သန်း သက်တမ်းရှိ ငါးမန်းသွား ကျောက်ဖြစ်ရုပ်ကြွင်းများ ဩစတြေးလျတွင် ရှာတွေ့

အပျော်တမ်း ကျောက်ဖြစ်ရုပ်ကြွင်း ရှာဖွေသူ တစ်ဦးသည် လွန်ခဲ့သည့် နှစ်ပေါင်း ၂၅ သန်းခန့်က ရှင်သန်ခဲ့သည့် ဧရာမ ငါးမန်းကြီး တစ်ကောင်၏ သွားများကို ဩစတြေးလျ ကမ်းခြေတစ်ခုတွင် တွေ့ရှိခဲ့ကြောင်း သိရသည်။

ဖီးလ်မူလာလီက အဆိုပါ ရုပ်ကြွင်းများကို စတင် တွေ့ရှိချိန်က ၎င်းသည် ပါးစပ်အဟောင်းသား ဖြစ်သွားခဲ့ကြောင်း ဆိုသည်။ ဗစ်တိုးရီးယား ပြည်နယ်ရှိ ရေလွှာလျှောစီးသူများကြား ထင်ရှားရာ ဂျန်ဂျက် ကမ်းခြေသည် ကျောက်ဖြစ်ရုပ်ကြွင်းဟောင်းများ မကြာခဏ တွေ့ရတတ်သည့် နေရာတစ်ခု အနေဖြင့်လည်း လူသိများသည်။

၂၀၁၅ ခုနှစ်၏ နေ့တစ်နေ့တွင် မူလာလီသည် သဲသောင်ပြင်ပေါ် နစ်မြုပ်နေသည့် ငါးမန်းသွားပုံ ရုပ်ကြွင်းအချို့ကို စုဆောင်း သိမ်းယူလာခဲ့သည်။ နောက်ထပ် ၃ နှစ်အကြာ မျက်မှောက်ကာလတွင်မူ ပညာရှင်များက ယင်းသွားများသည် သိပ္ပံအမည် ကာချာရိုကလက်စ် အန်ဂူစတီဒန်စ်ဟု ခေါ်ဝေါ်သည့် ကမ္ဘာဦး ငါးမန်း တစ်ကောင်ထံမှဖြစ်ကြောင်း အတည်ပြုပေးလိုက်သည်။

အဆိုပါ ငါးမန်းကြီးများသည် အရှည် ပေ ၃၀ မျှထိ ကြီးထွားနိုင်ပြီး ယနေ့ခေတ် ငါးမန်းဖြူများ၏ နှစ်ဆမျှ အရွယ်အစားမျိုး ဖြစ်သည်။ မူလာလီကဲ့သိုပ ရှေးခေတ်ငါးမန်း တစ်ကောင်တည်း၏ သွားများကို အစုလိုက် ရှာတွေ့မှုမျိုး ယခင်က တစ်ကမ္ဘာလုံးတွင် သုံးကြိမ်သာ ရှိခဲ့ဖူးသည်။ 

ငါးမန်းများသည် ပျမ်းမျှ တစ်နေ့လျှင် သွားတစ်ချောင်းမျှ ကျွတ်ထွက်လေ့ရှိပြီး ၎င်းတို့၏ သွားများ ပြန်ပေါက်နိုင်သည့် သဘာဝ ရှိသည်။ ထို့ကြောင့် ရှေးခေတ် ငါးမန်းများ၏ သွားတစ်ချောင်းချင်းစီ ရှာတွေ့မှုမှာ အဆန်းတကြယ် မဟုတ်လှသော်လည်း ငါးမန်းကြီး တစ်ကောင်တည်း၏ သွားများ အစုလိုက် တွေ့ရှိမှုမှာမူ ဖြစ်တောင့်ဖြစ်ခဲ အခြေအနေ တစ်ရပ်ဟု သိရသည်။ 

Ref: CNN

More in World News Section